أم المهند:
هود هود صباح الخيرات لجميع الحوامل اليوم ما بكون وياكم الساعتين الجايات ..
بودي جهازي للمبرمج يسوي له فورمات ..
داشنه فيروس لا بارك الله في القرصنة وعامليله هاكد
فلا تقلقوا علي تمام
يالله نلتقي بعد سويعات إن شاء الله
صباااااااااح الخير
أختي أم المهند مو حالش ماه
مُوه حال مهند ومودي إن شالله بخير
اليوم محد عندنا بالرابطه الكل نااااايم
وحتى أني للحين فيني النومه :qaq:
يالله يا قلبي أحرصش على خير من بعد ما يتفرمت الجهاز :salam:
صباح الخير بنات
للحين راقدين نوم العوافي انشاء الله
اليوم هالرباطة ما فيها حركة الله يرجع ام المهند وتسوى الحركة فيها :clap:
صباح الخير
الله يسامحكم اغيب يوم واحد يوم واحد احصل لي واجب بو 16 صفحه
الله كريم
الحين بقعد احل الواجب
:)
انا اليوم مو رايحه الدوام لو ادري السالفه جذي جان من الصبح فاتحة النت وداشه على سوالفكم بس ميخالف
المهم انتوا بخير بصحة وعافيه شخباركم بنيات :)
دمتم سالمين
اختكم شريفة
ام النوح:
رميثية شخبارج وشخبار البيبي ان شاء الله تمام
ام عبد الرحمن مشكورة على الجدول الحلو والله يعطيج العافية يارب:clap:
هلا بام النوح,,,
انا الحمدلله بخير,,,
انتي شخبارج وشو الحمل معاج,,,
أم المهند:
هود هود صباح الخيرات لجميع الحوامل اليوم ما بكون وياكم الساعتين الجايات ..
بودي جهازي للمبرمج يسوي له فورمات ..
داشنه فيروس لا بارك الله في القرصنة وعامليله هاكد
فلا تقلقوا علي تمام
يالله نلتقي بعد سويعات إن شاء الله
هلا بام المهند,,,
صبااااااااااااااااح الورد,,,
شو اخبارج,,,
ام المهند
عليكم بالعافيه
السمج المالح اللي تسووونه مع العيش
بس ديري بالج انتي فيج ضغط
الحين لاتاكلين خليج مقاومه عفيه على الشاطره الحين بس شوفيه وشميه ولما تولدين بالسلامة اكليه
:)
احلى شهوده
تقولين علاوي توه اقتنع ان في منافس جديد ياي بالطريج
الله يكون بالعون
ان شاء الله
وعليج بالعافية وعلى علاوي والبيبي العنونو الملابس والاغراض الجديده
ويا شهوده التعب كله اجر كله اجر من رب العالمين
وحملته كرها ووضعته كرها
سبحان الله
ليش عيل الجنة تحت اقدام الامهات
الرحم سبحان الله حجمه فلنفترض انه 1سم يكبر ويتمدد الى ان يصل 1000سم
يشيل طفل بحجم الثلاثة كيلو وزيادة بالاضافه الى المشيمة التي هي بوزن الجنين بالاضافة الماء المحاط بالطفل والسوائل يا سبحان الله
تحملهم في بطنها والجهد على الظهر والارجل يا سبحان الله
مدة تسع شهور
وبعدها تشعر بآلام الولادة المبرحه والمؤلمة ومن بعدها يخرج الى الدنيا وترين عيون هذا الطفل اللذيذ الجميل والله العظيم كل اللي مريتي فيه تنسينه كله كله
وتبدأ الام وهي المرأة بمرحلة جديده وهي السهر والتعب والارهاق والرضاعه والعناية الفائقه لهذا الطفل الجميل الصغير صاحب العظم الطري
وتحافظين عليه الى ان يكبر سبحان الله
وتبدأ المرحلة الجديده مرحلة التدريس والرعاية الصحية والنفسية والاجتماعية لهذا الطفل الى ان يكبر ويدخل مرحلة جديده وهي المراهقة
ومشاكل ومعاناة هذه المرحلة
ومن ثم مرحلة الشباب وبعدها سوف تزوجين هذا الرجل الشاب الوسيم
وهو ابنك
سبحان الله حملتي فيه تسع شهور كان قطعة لحم صغيره
والان ماشاء الله تبارك الرحمن شاب طويل ترفعين رأسك لترينه عريض المنكبين صاحب وجه جميل ووسيم واخلاق عاليه بسبب تعبك ورعايتك له اصبح شاب خلوق
وتزوجينه وتلبسينه البشت يوم عرسه وعيونك تدمع من الفرح
وتزفينه الى عروسته
هل تنتهي المعاناة لا والله العظيم لاتنتهي
فتفكرين فيه هل هو سعيد هل هو مرتاح تنظرين الى عينيه
تحمل زوجته تفكرين فيها وفي التعب وتحاتين
الى ان تلد ويصل لك حفيد جديد وتراعينه وتخافين عليه وتحاتين كأنه ولدك وما اعز من الولد الا ولد والولد
هل انتهت معاناة المرأة لا تنتهي فلذلك الجنة تحت اقدامنا
فنحن نرى امهاتنا تدق كل يوم تسأل عنج وعن اطفالنا وعن ازواجنا واذا مارديتي وكنت مشغولة بدأت المحاتاة لا صار فيهم شي لا البيبي مريض لالا الزوج فيه شي ... الخ
اطلت عليكم
اللهم اجعنا من اهل الجنة وأجرنا في حملنا يالله
واطل في اعمارنا لنرى ابنائنا رجال وبناتنا نساء
واجعلهم من الصالحين يارب العالمين
اللهم امين اللهم امين اللهم امين
للي بيدشوا الثامن عما قريب بإذن الواحد الأحد إبدوا إكلوا لوز محمص في اليوم 3 حبات يوميا ليييين ما تولدين بالسلامة ، والفايدة يا حلوات من هالشي إنه راح يخلي البيبي مربرب وفيه خدود إممممممم ودك تاكلينها أكل هههههه .. بس ما يزيد وزن البيبي هو فقط يعطي الشكل كأنه مربرب بس وزنه عادي وشكله كأن وزنه 5 كيلو ما شاء الله .. فهمتوااا يعني ما فيه خوف من زيادة وزنه وحجمه هو بس يعطي الشكل النهائي للبيبي هههههههه الله يحفظهم يا رب
ام المهند شنو هالسالفة هذي
لالا يامعوده الناس ماتعطي خير
باجر يشوفون نور متختخه والعيون غاطسه داخل من التزعدد واااااااااااااي يختي
يقولون شفتوا بنت شريفة شمتنها مربربه لالا عن العيون والله ماتعطي خير
خليها مصعويه مثل اخوها وتربرب تالي ان شاء الله
هاهاهاهاي
ومشكوره على المعلومه الحلوه
ماشاء الله اول مادشيت بروحي الحين كل هالحلوين متواجدين بس الله يخليكم شوي شوي علي خل اكمل اللي علي لاتزيدون واجب واجب نطروووني :)
عدد المتواجدون في هذا الموضوع » 6 , عدد الأعضاء » 6 , عدد الزوار » 0
SHREEFA, * أم راشــــد *, مسلمه..وافتخر, الظبي قطر, رميثية, UMABDULRAHMAN
دمتم سالمين
اختكم شريفة
هلا بنات,,,
شخباركم وشو الحمل معاكم,,,
بقولكم شو صارلي البارحة,,, ولا حالة ولادة,,, الولادة يمكن اريح بعد,,,:sad: :sad:
حطيت راسي على المخدة على الساعة 12,30 بالليل,,, وشوي شوي بدت تجيني آلام في الظهر
وخاصرتي اليسار,,, وشوي شوي يزيد الالم ,,, والبيبي يرافس بطريقة مش طبيعية,,, أحس انه يتمدد
أحس بربجليه وراسه,,, وبعدين جاني وجع أسفل البطن,,, وبديت أحس بمغص,,, وشوي شوي جتني
لوعة فظيعة بس مو قادرة أرجع,,, وما قدرت أنام وانا أتقلب يمين ويسار,,, وظليت لين الساعة 5,30
وانا على هالحال,,, وبعدين خف الالم ونمت كمن ساعة,,, ولما صحيت حسيت اني خلاص برجع,,,
وركض على الحمام ,,, بس ما في شي ارجعه,,, وفطرت روب ,,, والحين أحس اني أحسن شوي,,,
بس بعدها اللوعة,,, بشوف للعصر اذا بعدني مثل ما انا بروح العيادة,,,
يالله شكلي طولت عليكم,,,
بس هذا اللي صارلي وما اعرف شو السبب؟؟؟؟
هاهاههاي والله ضحكتيني يا ام المهند على سالفة السر
انا في سعود ماطلع والحين احس انه غايره حيل داخل
كأنه حفره صايره حيل للداخل ليش مادري والله
....؟؟؟؟
ومنكن نستفيد :)
دمتم سالمين
اختكم شريفة
مشكورين يا احلى شهوده
ويا ام المهند على النصائح الرائعه
والله جزاكم الله خير
تفيدونا وتفيدون البنات الامهات الجدد
انا عن نفسي امي ضغطت علي ضغط
الحمدلله ماطحت باخطاء
بخصوص الرز ابدا ماتكله المرأة الوالده
الماء البارد او اي سوائل بارده تمتنعين عنه نهائيا ومثل ماقالت ام المهند يكون بجو حرارة الغرفه يعني مو حار ولا بارد
وكثروا من الشوربات وقطع اللحم والدجاج والسمك
تراه مفيد ويرم العظم بعد الولادة والتعب ويفيد الرحم ويثقله ويعيد حجمه الطبيعي
وكثروا من الخضار لان الجسم فاقد اشياء كثيره ولابد من تعويضه
والدوشق يابس مااقدر عليه احب انام على فراش من ريش النعام هاهاهاهاي
ماحب انام على الارض يا ام المهند وكنت شاريه فراش يابس بولادتي في سعود وطبي بس ماقدرت انام عليه كان الجرح يعورني
من كثر ماهو يابس فنمت على فراش ثاني اقل يبوسه وارتحت عليه
وابتعدوا كل الابتعاد عن الرقي (البطيخ)
وهالاشياء مو بس ماتخلي الرحم ينظف بعد ماتخلي المرأة تعود لطبيعتها الجنسية يعني ماترجع مثل قبل
فالادوية الخاصة بالنفاس تنظف الرحم وتعيده لحجمه الطبيعي والابتعاد عن الماء البارد والبطيخ والرز والبيبسي كلها تعيد المرأة الى طبيعيتها وكأنها عروس :)
التدفئة ضرورية جدا جدا جدا البسي سروال طويل ودلاغات ولا تمشين على السيراميك ابدا ابدا ابدا الا بخف خاص للمنزل لان البروده تدخل داخل الجسم وتؤثر على المرأة وعلى رحمها يكون داخله هواء وهالشي مو زين لج كزوجه .
واختي رميثيه اهتمي بنفسج حتى لو انتهيت ونظفتي وصليتي يعني تعرفين انج صرتي نظيفه لما يتوقف البني اللي ينزل عليج ويوقف وترين الطهارة القصعه البيضاء او السائل الشفاف وهذه الطهارة تغتسلين وتصلين وايضا استمري بالحفاظ على نفسج لحين انتهاء الاربعين يوم .
والاستمرار بالعناية بعد انصح كل بنت تهتم بنفسها حتى بالدوره الشهرية التي تنزل على طول بعد فتره النفاس واحنا نسميها بالكويت اخت النفاس
نفس الرعاية الخاصة بالنفاس
تاخذين الادويه وتدفين عمرج عن الهواء وهذه في كل دوره مفروض البنت تدفي نفسها عن الهواء لانه يدخل داخل الرحم ويسبب مشاكل صحيه وزوجيه
وتنقطعين السوائل البارده والبيبسي
اهم شي بنات اهم شي عدم الشعور بالجوع
لابد ان تكوني شبعانه وخوفا على الرشاقة اكلي السلطات والشوربات وكلها فيها خير لج
ام المهند
ذكرتيني في نقطه مهمه وهي الروائح والبخور خطره على الجرح والغرز مثل ماقلتي
والناس تدش عليج متعطره ومتبخره ترى تضر المرأة الوالده
فنصيحه نصيحة من اخت لكم
وشي مجرب واهلنا كلهم يعرفونه
المرة مادري شنو تسمونها احنا نسميها المره تصير مثل الحجر صغير لونه ابيض مصفر شويه
تنقعينها مثلا من الليل والصبح شربي منها شويه وشميها حطيها في قلاص او بطل ماي صغير وهي منقعه شميها فهي كالمضاد الحيوي سبحان الله تمتص الروائح وماتخلي الجرح يلتهب
وانا يوم ولدت قالت لي امي امسحي بقطنه الجرح وكنت اضع من المره على الكتوكس (الفوطة الصحية )
قليل من المره والبسها تطيب الجرح ولا تخليه يلتهب
سبحان الله
والله انصحكم فيها
وكل هالنصائح لفتره النفاس مثل ماقالت ام المهند المرأة مهدده بالامراض
تقول امي المرأة الوالده ريلها مدندله في القبر 40 يوم
يعني المرض والحرارة خطره عليها
بخصوص النفاس لاتحطون في بالكم سالفة الكآبة
وتعوذوا من الشيطان
ولاتنسون اذكار الصباح والمساء
تقولينها اول ماتقعدين وقبل لا يأذن المغرب بدقائق وانفثي في كفيك وامسحي على جسمك وعلى طفلك
والله خير حافظا
وسببها انا اتوقع لان البنت سبحان الله تكون في فتره نفاس ومبتعده عن الصلاة هذا الشي يخليها تشعر بالكآبة
الحمدلله ان الله خلقنا مسلمين
وخليج مع الناس مع اهلج وزوجج يعني سولفي معاهم وقعدي معاهم وتلهين ان شا ءالله وتمر السالفه على خير
وبالاسبوعين الاخيرين اهتمي بنفسج وطلعي روحي جهزي نفسج كأنج عروس جديده حق زوجج من ملابس وعطور ومكياج لانهم مساكين انحرمواااا عن نفسي اتكلم تسع شهور هذا ويع هذا ما احبه هذا متنسيه فيه هالعطر ووووووويع خايس هاهاهاهاهاهي فاستعدي له :)
قرقت وايد وايد وايد بس ترى لحد الحين ماخلصت بقى لي 8 صفحات :)
استحملوووووني
دمتم سالمين
اختكم شريفة
هلا وغلا بكربلاء
شلونج يالغاليه بخير ان شا ءالله وشلون الحمل معاج كلشي اوكي يارب
الشروق
كيف حالج بخير
تغيبون وتطول عليكم الواجبات انا يوم واحد حطوا على ظهري 17 صفحه
جم صفحة طافتج :) ؟؟؟
امونه
ام راشد
هذي انتي
:)
حياج الله حبيبتي بينا والله يوفقج يالغاليه
شنو تدرسين ماستر
الله يوفقج ومنها للاعلى يارب
حبيبتي احلى شهوده
الشبة ماتطرد العين الله سبحانه هو خير حافظ
عليج باذكار الصباح والمساء والله الحافظ
بس خليج عن هالسوالف حبيبتي ترى مانها فايده
ومثل ماقلتي بعد لازم البنات يعتنون مو بس بارحامهم بشعرهم وجسمهم وبشرتهم خصوصا ماترتب على هذه البشره طوال فتره الحمل
عليكم بالكريمات والسنفرات والدهونات والحمامات المغربيه الله راح تطل بلاوي :)
في خلطات خاصة بالتبيض وخلطات بالتفتيح وخلطات بالتنعيم والمنتدى ماشاء الله فيه بلاوي وشغلات روعه
من الحين بسجل وبخشهم حق النفاس واصلح ما افسده الدهر هاهاهاهاهاي
وبخصوص الدوره مثل ماسألتي يا رميثيه وجاوبتج احلى شهوده صح في بنات بعد الاربعين على طول ثاني يوم او بعد جم يوم تجي الدوره وتكون قويه بعد النفاس وفي ناس لا ماتشوفها الابعد شهر وناس بعد اشهر او سنه
وعلى حسب
بس ديروا بالكم لا تحلمون على
طول ريحوا نفسكم وجسمكم وارحامكم وديروا بالكم على اطفالكم الجدد
حيالله ام النوح
هلا والله شفتيهم حطوا لنا واجب ماشاءا الله عليهم
بس ترى خوش واجب وراه الفايده الله يعطيهم العافيه
سونيا
حبيبتي ماتشوفين شر
وعادي تمر عليج ساعات يومين الياهل مايتحرك يكون نايم خدران
لاتحاتين علشان صحتج
وكل اللي فيج شهوده تبي عمان مافيها الا العافيه بس تتحجج علشان تودينها عمان
اهم شي شلون الاهل وانشاءالله بخير
وتطمنتي عليهم
الحمدلله يارب
وماكو الا العافيه بس
الدكتور صج قليل ادب وحقير عيب عليه
على الاقل بس كلمني وقولي ماكو الا العافيه استريحي شوي وانا راجع لج عيب والله
الله يكون بالعون على هالاطباء ماكو الا انا اصير دكتوره بعد شسوي :)
الحمدلله يالغاليه تطمنتي على شهوده وطمنتينا عليها
ام المهند الا بسألج شنو الـــ
( سينتروم )
وشنو فايدته ومن شنو يتكون ...؟
رميثيه
ماتشوفين شر يالغاليه
انتي اي شهر بالضبط بس اتوقع هذا مو طلق
هذا حايشج هواااء يمكن كانت ملابس فيها نسبة رطوبه حايشج ماي او حايشج هوا التكيف
فالعوار يتنقل بالاضافه الى اللوعه
تدفي وماكو الا العافيه وشربي سوائل دافيه واذا طولتي على السالفه هذي راجعي الطبيب
وماتشوفين شر يالغاليه
دمتم سالمين
اختكم شريفة
اليوم الله يسلمكم المخده كانت لذيذه لذيذه جدا جدا
الصبح لما دقت الساعة 5 ونص قالت لي المخده لا والله ماتقومين ماكو دوام اليوم قعدي احسن لج
والله والمها لمه كبيره وانا معاها وقعد سعود قام يبجي مايبي فراشه شلته ولميته ونمنا نوم العوافي انا وياه وابو سعود توكل على الله وراح الدوام وطرشت لهم مسج انا اليوم باخذه عرضي
والحمدلله نمت وارتحت وقعدت اخذت لي شاور حلووو
والله ياحلو القعده بالبيت اهي اهي اهي الدوام والتعب والطريج والحر بدأ
يالله الله يأجرنا ومابقى الا القليل ان شاء الله
ونرتاح من الدوام
بنات يمكن شهوده بالاخص لنا دخلنا الثامن اقولج النومه صايره ثقيله بالليل اتقلب وايد وما اقدر انام احس بطني شاد علي واحس كل وضع انام فيه مو مريح مره يمين مره يسار مره على ظهر وساعات ودي انام على بطني من كثر ما اتقلب
بس والله ماكو فايده فامس بالليل مانمت عدل والله بس افتر بالفراش واقول في قلبي بالتاسع شلون مافي نوم موليه
لاني اذكر في سعود كنت احط مخدتين او ثلاث وانام شبه جالسه يعني مو نايمه نص نوومه والله يكون بالعون وبطني صغير يعني مو تقولين كبير وثقيل لا والله بس احس بثقل مو طبيعي وامي تقول هذه البنت تثقل على امها
والله كريم
اي ماقلت لكم امس كان موعدي
طلعت من الدوام على الساعة 10 ورحت العيادة انا كنت ما اروح الا الصبح وسبحان الله صح الكلام اللي يقول في الصباح البركة الله يبارك للانسان امس الساعة 10 ونص دخلت العيادة ماياني الدور الا الساعة وحده قريت جريده وقريت مجلات ومسكت القرآن وقعده اقرأ والله تعبت من القعده اقوم شويه امشي وارجع
والمهم دخلت على الطبيبه قلت لها حرام عليج بتسافرين قالت هذه اجازتي انا من سنتين ماسافرت ولا شفت اهلي قلت لها سامحتج :)
الله يكون في عونج قالت ادعي الله اني اولدج لاني راح اسافر في تاريخ 2-6-2007 وراح ارجع في 2-7-2007
وانتي تدخلين شهرج 28-5-2007 يعني في مجال هالجم يوم اذا تبين طلق صناعي قلت لها لالالالالالالالالالالالالالالالالالالا الشر بره وبعيد ابي كل شي من الله سبحانه مابي احد يتدخل في ولادتي
متى ماحان وقت الولاده لاني جربت الصناعي في سعود تعبت لان شي مو وقته وغصب يبون الياهل يطلع قلت لها لا سعود ظروفه غير كان الحبل السري على رقبته فاضطرينا للطلق الصناعي والحين ابي الشي من رب العالمين
قالت امشي من اليوم امشي كل يوم امشي مشي علشان ان شاءالله الله يسهل ولادتج وتكون في اول ايام الشهر التاسع والله المولد اذا انا كنت مسافره راح احول ملفج عند الدكتور المستشار قلت لها ان شا ءالله انتي تولديني يارب
المهم نتيجه الدم نزلت كانت 11 صارت 10 وشوي زادت حبوب الحديد ووووووووووويع انا اعاني من الحديد
يسوي لي امساك اكرمكم الله قالت بدل الحبه الواحده ثنتين مع الكالسيوم والفيتامينات
اي صح بنات سألتها عن الجمع بين الحبوب قالت مافيها اي مضره بالعكس حبوب الفيتامينات من ضمنها حديد لو فعلا تضر وماتحصلين منها فايده جان ماجمعوهم مع بعض قلت لها صح
معلومه جديده
انصحتني بالبرتقال الفرش الطبيعي والسلطات والله كريم
سوت لي سونار شفت عيون وحلج كتكووووتي الله يحفظها وتطلع بالسلامة يارب
وايدينها
والحمدلله والله المسهل عطتني موعد 23-5-2007 وعطتني موعد ثاني 2-6-2007 يوم سفرتها وادعولي بنات ان شاء الله اولد على ايدها يارب
لاني مابي رجل يولدني
والمستشفى يم بيت اهلي بينه وبين بتنا خمس دقايق وبينه وبين شقتي 5 دقايق :)
يعني قريب علشان جذي ابيهم ونفسه ولدت فيه لما يبت سعودي
ادعووولي
انا طولت عليكم وايد وايد وايد
ام المهند كمبيوترج الظاهر فيه فايرووووس قوي هاهاهاي لحد الحين مارجع لج ولا رديتي لنا
انشوفج ان شاء الله باجر على خير اعتقد دوامج ما بقى شي عليه ويخلص
ام عبدالرحمن اليوم ما شفناها
شهوده تعبانه مانامت
ومسلمة وافتخر موجوده بس لحد الحين ماشفت مشاركتج
ادش ان شاء الله العصر واشوف اخر اخباركم
واكثر عليكم الواجب :)
انا رقمي راح اطرشه على الخاص للي وافقوا على الفكره
واستقبلوااا بس لا تنشرونه بلوتوث هاهاهاهاهاهاي
دمتم سالمين
اختكم شريفة
ام المهند طحت عليج انتي موجوده
هاهاهاهاهاي
عدد المتواجدون في هذا الموضوع » 2 , عدد الأعضاء » 2 , عدد الزوار » 0
SHREEFA
لان انتي كله متخفيه
شارلوك هولمز
*
* أم راشــــد *
عروس مشاركة
30-04-2007 | 03:36 PM
ام النوح:
هلا والله بام راشد في هالجمعة
بس عندي فضول شلون انتي دورتش بعدي وموعد ولادتش قبلي شلون يصير:sad:
اني اخر دور 17/10 وموعد الولادة 24/7
هلا بحايبي الحلوييييييييييييييييين
ام النوح انا اول ماحملت وحسب الحسبه كان موعد ولادتي 25/7/07
بس على التلفزيون آخر مرة وحجم البنوته قالت لي 22/7/07
والله اعلم
*
* أم راشــــد *
عروس مشاركة
30-04-2007 | 03:50 PM
ياحلوين امهات الكروشات..... شخباركم جميعا وشخبار بيبياتكم (عساكم بخير يارب)
انا اليوم نفس شريفة طرشت مسج للشغل وقلت لهم مب ياييه، زوجي اجازة قعدت معاه ومع رشودي ابرك لي من الشغل
بس بنات شخبار الالم اسفل البطن (وتكرمون) تحت؟؟؟؟؟؟؟؟؟؟؟؟
الصراحه انا الالم ساعات يذبحني خصوصا لما اكون في الشغل ولين اقوم من الكرسي احس ان ظهري وبطني مشيرين علي ومقدر اوقف، سألت امي وام زوجي قالوا لي عادي لأن البنت كله تقعد تحت، بس كثرة الالم ساعات اتخليني احاتي
طمنوني ا لله يطمنكم:sad:
شرووووفة انا ادرس MBA ادعي لي :shy:
امنتكم الله يا حلوين
هلا بشريفة,,,
مشكورة الغالية,,,
صحيح كلامج,,, وان شا الله باجر اكون احسن,,,
ومشكورة على النصايح الحلوة,,,
تسلمي شريفة والله يحفظلك عيالك يارب.. الا اقول انا ابي اشوف توزيعاتج يمكن اقلد ام عبدالرحمن واسوي مثلها
* أم راشــــد *:
هلا بحايبي الحلوييييييييييييييييين
ام النوح انا اول ماحملت وحسب الحسبه كان موعد ولادتي 25/7/07
بس على التلفزيون آخر مرة وحجم البنوته قالت لي 22/7/07
والله اعلم
ام راشد شخبارج ان شاء الله البنوتة مريحتنج
اني عطوني الموعد الولادة 24 بس هالمرة سويت اشعة وقالوا لي 20 /7 والله ما ادري نصدق من ولا من:shy:
وبالنسبة للالم الي قلتي عنه ام راشد نفس الالم الي يجيني بالضبط وقالوا لي المستشفى لانج ما تشربين ماي واجد وصار عندي التهاب بعد :sad:
شخبارج اخت رميثية وشخبر البيبي معاج ان شاء الله تمام