حوامل شهر يوليو 2007

أذكر في نفاسي كنت أشرب الماي بااارد لا ومثلج بعد لأني ولدت نفس الشي بالصيف ، والكل كان يحذرني وما سمعت النصيحة .. وفعلا هو سبب لي مضاعفات كالتالي :

1- يسوي كرشة حتى لو مارستي مليون تمرين

2- ينشف السائل النفاسي وما يخليه يطلع بسهولة .. يعني ممكن تكملين الأربعين وزيادة والدم لسه موجود

3- غير صحي أبدا للنفساء أي حاجة باردة .. وضروري تغطي نفسها وتتدفأ قدر الإمكان حتى لو كان حر فما بالكم بشرب الماي البارد جدا ..

وكان المفروض أشرب ماي معتدل بدرجة حرارة الغرفة هذا إذا ما حار نوعا ما ..

هلا والله بالغاليــــــــــــــــــــــــات

ترى انا ماحس اني يديدة عليكم لأني معاكم من البداية بس ماعندي وقت ارد بس استمتع معاكم (r)

رميثية
الشروق
مسلمة وافتخر
احلى شهد
ام عبدالرحمن
ام المهند

مشكورين والله والله يحيكم وترى البيت بيتي :bigsmile:

الله يسلمكم زوجي يبي اسامي مال اول : عائشة، خديجة ، سارة..........
وانا خاطري في اسامي يديدة : شهد، فجر ، مروة، مرام، في ، مي ، شوق ، فوز ، رناد (المفضل عندي بدايته راء نفس راشد)
بس الحين قالي بنجوف يا فوز او رناد او يمكن غير (الصراحه مينني)

على فكرة امس رحت شريت كم قطعه للبيبي بس الصراحه تكسر ظهري وتعبت ، هالحملة احسها اثقل من قبل ، بس يله على قولة امي" اللي يبي الدح مايقول اح " :shy:

انا في الشغل ومافيني صبر انطر للبيت قلت خل الشغل يولي وارد على ربعي احسن

ترى انا ام راشد بس كان عندي 2 نك نايمس لأني نسيت كلمة السر لأم راشد وفتحت أمونه وتالي تذكرت كلمة السر لأم راشد بس تم هني امونه وانا مالاحظت الا الحين

سامحموني بنات :shy:

الحين باعدل هالغلطة

- لا تقربوا الحوامض أبدااااااااا .. بالذات الليمون وهاي معلومة بعد قريتها من أكثر من موقع ، لنفس الأسباب لأنه ينشف الدم ..


- نصيحة إنكم تشربون ماي وااايد بس مثل ما قلت دافئ ويا حبذا لو تاكلين معاه حبة فيتامين ( سينتروم ) مرة وحدة في اليوم ، هاي فايدتها حلوة ، يعني من ناحية البشرة والشعر والأظافر والصحة بوجه عام لأن بعد الولادة الحرمة تستنزف وااايد طاقة وكل شي يذبل فيها فضروري تحيي هالأشياء بفيتامينات مكملة لنظامها الغذائي ..

- إمتنعي بقدر الإمكان عن أكل الرز لأنه يسوي كرشة ، ويزيد الوزن وإنتي ما صدقتي تبي تفتكين من الوزن المكتسب ، وإذا عاد كان نفسك فيه فإكتفي بما مقداره كوب واحد رز فقططططططط .. وإستبدليه بالشوربات وأنواع السوب والحساء أفضل لك من جميع النواحي وأنصح لفترة الغدا تاكلين شربة الشعير فيها شوي ذرة وبصل والحاجات الي تحبي تضيفينها ..

- في فترة النفاس داااايما تسدحي قد ما تتذكرين ونامي أو إستلقي على الجهة اليسرى لأن الرحم بهالطريقة أسرع في عودته لمكانه الطبيعي .. ولا تصعدي وتنزلي سلالم أبدا طوال 4 أسابيع عشان تحافظي على رحمك طبعا ..

- يفضل النوم على ( الدوشج) أو الفراش اللي في الأرضية للي ما يفهمون شو هو الدوشج ، لأنه أشد على الظهر وعلى قولتهم يصلب عودك من جديد بعد ما إهتلك من شدة الزفر حزة الولادة ..

- لما تدشين تتسبحين ما تمكثين تحت الرشاش أكثر من 10 دقائق ، وهذا كاااافي يا حريم وبعض الحريم يتروشون يوم ورا يوم وسبحان الله تأكدوا أن لكل شي حكمته في المنع ..

يالله هذا اللي عندي خلوني أتذكر أكثر وأرجع أفيدكم .. تراه الي فوق من واقع تجربة وخبرة وقراءات كثيرة في مواقع مفيدة ..

Mission accomplished :cool2:

إييييييييييه وهذي إنتي طلعتي يا أم رشودي .. إنتي أمونة وأنا أقول هالبنية كل يوم ويانا بس ما تشارك ؟؟

المهم هلا فيك بأي وحدة فيهم ومنورة من جديد يا قلبي .. شخبارك وكيفه رشودي

خبرينا وين تشتغلين وشو الوظيفة ؟؟

* أم راشــــد *:
Mission accomplished :cool2:

فديت الإنجليزي .. ( المهمة تمت )

وتمت بنجاح بعد :cool2: :cool2:

أم رشودي

( فوز ) كأنه إسم ولد ولا شو رايك

ريناد حلو وتقريبا جديد ومعناه حلو ( دهن العود )

يالله قرري وبلغينا

عدد المتواجدون في هذا الموضوع » 5 , عدد الأعضاء » 4 , عدد الزوار » 1
‏أم المهند*, ‏* أم راشــــد *, ‏أحلى شهد, ‏رميثية


أم رشودي كنتي إنتي تزورينا فيه وحدة جديدة بعد ؟؟؟ يالله نقدم لها الدعوة للمشاركة

رميثية يا حي الله ومسهلة متأخرة بس منورة

شهودة لسه موجودة ما رحتي تنامي ؟؟

رحت وجيييييييييييييت :sad: لكني ما غفوت حتى


تقلبت يمين يساااار لا فائده (n)


الموهيم :---


قرأت نصايحك يا أم المهند عن الأخطاء في النفاس وهذا كان أخطائي اللي ركزت عليهم



بس الحوامض أمي ما خلتني أكله ولا أشربه عشان بيقطع نزول الاوساخ اللي لازم اتخلص منها


وفعلا الماي البارد كان شرابي والعصائر البارده بعد وهو إللي سبب لي الكرش :sad:

أم رشووودي طلعتي أنتي أمونه ؟؟؟ :qaq:


ويا مرحبا بك ويا مسهلا بك ويانا وحياج الله بأي وقت :salam:


####################



شفتي يا أم المهند كيف :sad: قله النوم وفوق هذا سهر


والله حاولت أنام وتعبت وأني أتقلب وماكو فايده :sad:

أم المهند نصائحك ترسخت بهالراس :qaq:


وإن شاء الله تطبق في فتره النفااااس :salam:

من موضوع الاخت مرموم الله يجزاها ألف خير :clap:


شوفوا جنيني شحلاته :shy:

بكمل النصائح ..

يا حريم وبالذات البكريات .. مرحلة النفاس مرحلة كئيييييبة حدها ، وما بتلاقين نفسك إلا متضيقة كل حين وكل ساعة .. فنصيحة نصيحة نصيحة لوجه الله ولا أريد منكم جزاءً ولا شكورا ..

لا تنسي ربك في هالفترة ، إمسكي لك كتب الأدعية والأذكار وكل يوم شغلي القرآن وإسترخي عليه يهدأ بالك وقلبك وفيه شي أحلى من كذا ؟؟، لأن هرمونات النفاس تزيد شدتها في هالمرحلة وراح تفشين خلقك في اللي رايح واللي جاي .. بس مع ذكر الله تغيب كل هالأشياء عنك ..

ولا تنسي وقفة زوجك وهم فديتهم ما يقصرون ويانا أبد .. بس حزة النفاس الحرمة تريد أقرب شخص لها زوجها ، فإطلبي تواجده معاك بقدر الإمكان يخفف عليك ويآنسك شوي ..

شحلااات جنينك يا شهودة يهببببل .. ويييييييييين فرق بيني وبينك 3 أسابيع بصراحة واااايد

يالله نسأل الله السلامة

شكلي بخفف الواجب على اللي بيدشوا عقبنا خخخخخخخخخخخخخ والله ثرثرت وااايد يالله ما عليه بخف عليكم الحين طبعا هذا إذا قدرت ما أسولف أو أرد عليكم

أم المهند:
يسعد صباح أحلى كروشات مربربات بالتأكيد ..

شخباركم وشخبار البيبيهات فديتهم ..

ما شاء الله من تركتكم لين الحين والرابطة مشعللة بسوالفكم ربي يديمها من سوالف حلوة ومفيدة

وهذا سلام وأنا يالسةأشرب الشاهي .. تفضلوا يا أحباب قلبي

صباح الورد بام المهند,,,

انا الحمدلله بخير انتي شخبارج وشخبار مودي,,,

ومشكورة على العزيمه,,, مطرح ما يسري يمري

ام المهند
انا طلعت معنى اسم رناد من الانترنت طلع " الشجرة القضيرة ذات الرائحة الطيبة"

احلى شهوده
اي طلعت امونه :shy:

انا اشتغل في وزارة التربية ادارة المالية بس كرف من ندش الشغل لين نطلع (المعين الله)
للا يفوتج .... توني بادية هالكورس ادرس ماستر بس آخذ مادة وحده لأنه مافيني شده اكثر ونسيت الدراسة، من جذي مشلخه روحي بالانجليزي الحين يازعم اسوي رفرشمنت :cry:

ادعوا لي ربي يسهل دراستي وولادتي

ام المهند
مشكورة على هالمعلومات حفظتها عشان اقراها في البيت عدل واطبقها انشاءالله لين ولدت

ام المهند
مشكورة على هالمعلومات حفظتها عشان اقراها في البيت عدل واطبقها انشاءالله لين ولدت