محتارة أي روضة تدخلين طفلك،، حياكم

السلام عليكم

خواتي حابة اسألكم عن الزي تبع روضة انوار الغدير مكتوب اللون الأزرق والقميص ابيض بس حبيت اعرف اي درجة يكون من الازرق ومع وين اقدر اتعامل الى قطعة القماش للبنطلون .. اتمنى اتفيدوني واتمنى القى اهني معاي امهات عندهم اعيال بنفس الروضة :)

أخت نور الورد :
هذي درجة اللون مال أنوار الغدير

نور الورد اسالي ماما حسون يمكن تفيدش لانة السنة الي راحت ولدهاا كان في روضة انوار الغدير

اني مسجلة ولدي في روضة القمر الي في سترة ومافي احد هني يعرف شي عن الروضة يشاركني السوالف

السلام عليكم

خواتي حابة اسألكم عنمكتوب اللون الأزرق والقميص ابيض بس حبيت اعرف اي درجة يكون من الازرق ومع وين اقدر اتعامل الى قطعة القماش للبنطلون .. اتمنى اتفيدوني واتمنى القى اهني معاي امهات عندهم اعيال بنفس الروضة

شخبار أختي العزيزة
عن زي روضة انوار الغدير اولاد اختي هناك اشتروا القطعة من الروضة نفسها و في عند فلاح حسن للاقمشة بس قولي اليه اريد قطعة قماش لروضة أنوار الغدير تمنياتي لك بالتوفيق ياأختي العزيزة

بريق الأمل و حبيبة جيمي مشكورين حبايبي :)

نوارة المزيونة;6508802:


شخبار أختي العزيزة
عن زي روضة انوار الغدير اولاد اختي هناك اشتروا القطعة من الروضة نفسها و في عند فلاح حسن للاقمشة بس قولي اليه اريد قطعة قماش لروضة أنوار الغدير تمنياتي لك بالتوفيق ياأختي العزيزة

مشكورة عزيزتي >> ان شاء الله بكرة راح اروح فلاح حسن واشتري :) بس ودي اعرف كم بنطلون بحتاج ؟!؟ وكم متر للبنطلون >>> اول مرة افصل .. على طول جينزات البسه حتى عمي يقول لي خففي عليه لبسيه خلق بس انا ما يعجبني البنطلون الخلق على ولدي احسه مو مرتب يطلع عليه .. من حذي افكر اسوي موديل البنطلون مثل موديل الجينز :)

أختي نور الورد.. عن تجربتي مع إبني السنة اللي فاتت، فصلت له شورتين وقميصين للصيف وبنطلونين وقميصين بكم طويل للشتاء، وشريت تيشرتين رياضة بكم قصير مع شورت واحد وتحسفت لأني أحتجت أكثر وبعدين لما رحت مذركير قالوا خلاص بعد ماتفتح المدارس مانخلي شي فخذيت درس هالمرة باخذ أكثر..

هالمرة شريت له جاهز من بيت الأزياء برمودتين (شورتات تحت الركبة) وبنطلونين....

وعن الروضات ترى معروف أكثر محلات القماش اللي يبيعون للمدارس عندهم ملف بأسماء الروضات والألوان، آنا شايفة هالشي في محلات الخاجة بالمحرق...

مشكورة عزيزتي >> ان شاء الله بكرة راح اروح فلاح حسن واشتري :) بس ودي اعرف كم بنطلون بحتاج ؟!؟ وكم متر للبنطلون >>> اول مرة افصل .. على طول جينزات البسه حتى عمي يقول لي خففي عليه لبسيه خلق بس انا ما يعجبني البنطلون الخلق على ولدي احسه مو مرتب يطلع عليه .. من حذي افكر :)[/QUOTE]

عزيزتي اوكي بنطلونين للفصل الاول لان الاطفال بسرعة يكبرون والفصل الثاني فصلي اليه مرة ثانية اذا حسيتنهم مايناسبون عليه يكفي متر ونصف للبنطلون الواحد سوي موديل البنطلون مثل موديل الجينز مافي اي اشكال اني اشوف مع ابني في الروضة وااااااجد اطفال مسوين اليهم موديل الجنيز والله ولي التوفيق

رانيا البحرينة ونوارة المزيونة الف شكر لكم وان شاء الله راح اسوي اللي قلتون عنه
:)

السلام عليكم ورحمة الله وبركاته عجبني وااااااااااااااااااااااااااايد موضوعكم وتسلمين يارانية فعلا هالموضوع معور راسي مادري وين اودي ولديي وبنتي السنة الجاية لحد الحين ماسجلتهم في اي مكان
المهم ما اشوفكم تكلمتوا عن مدارس الفلاح او الايمان ............. انا عن نفسي دخلت ولدي الفلاح من سن 3 سنوات في الkg 1استفاد لان المدرسة كانت ممتازة بس السنة اللي بعدها ما عجبني تصرف الادارة تعاملهم مو راقي بالمرة يوزعون الاطفال في الصفوف على حسب اسم العائلة الروضة اللي بالرفاع حالتها حالة لا ملعب عدل ولا ساحة عدلة او حتى صحية للاطفال و الرسوم 40 دينار غير الكتب والتسجيل مو غالية بس على المكان وشكل الروضة ونوع التدريس والمنهج وايد مرتفعة الصفوف محكورة ومو صحية االمنهج يسون بروحهم وعبالهم فلته ولدي ما شاء الله ما ستفاد اي شي ولو ماكان ماشاء الله عليه فطين وذكي و كنت اقعد له ادرسه ومهتمه فيه وايد لاني مدرسة ما فهم شي منهم ... بس من القسم الابتدئي ورايح يمدحون فيه وفي منهج لان طبعا مو نفس المنهج اللي حاطينه الروضة

بس حبيت اعرف احد عند خبرة او شي يفيدنا فيه عن مدرسة كانو و الشيخة خصة ............. وعلى فكرة روضة الفاروق والبركة لنفس العيلة ومنهجهم تقريبا واحد رسومهم ممتازة وتدريسهم اروع الطفل يطلع من عندهم مؤهل بشكل ممتاز للمدرسة يقرأ ويكتب يعني الام ترتاح ما تحاتي ولدها او بنتها اذا بيدخل المدرسة ..

وحبيت افيدكم بشي ما دري اذا يهمكم او لا
اول شي بما ان احنا عرب مهم عندنا ان نأسس الطفل في لغته الام والي هي العربية ...لا ن تأسيسه على لغة غير لغته واللي الحين سائد في البحرين وغيرها يخليه بدون هوية

صدقوني اذا تأسس من البداية في الغة العربية والدين صح بيتقن اي لغة بعدين يعني نصيحتي لكم دخلوا عيالكم اول روضة عادية ممتازة يطلع منها عارف اساسيات اللغة العربية والدين وبعدين دخلوهم مدارس اجنبية ... عيال هالزمن يتأثروون بسرعة تلفتوا حواليكم وشفوا الجيل الجديد الله يحفظهم ويحميهم كل شي عندهم عادي

ما ابي اطول عليكم
ثاني شي اذا دخلتوا الاطفال مدارس خاصة يعني في سن ال3 او 3و نص يعيني بيدخلون الاول في سن الخمس طبعا انتوا بتستانسون وخصوصا اذا كانوا عيالكم شطار بس نصيحة الطفل انسب سن له لدخول المدرسة هو 6 سنوات يكون ركد وتطور عقليا وجسديا للتعليم .... اغلب الاطفال اللي يدخلون من وقت يعانون في الصفوف العليا بسببب عدم تطور قدراتهم العقلية لتناسب المراحل العليا

دمتم بخير وسامحوني

السلام عليكم ورحمة الله وبركاااته
كيفكم ياعرايس المنتدى ... ومشكوره على الموضوع الحلو اختي
انا وديت بنتي الكبيره روضاات مختلفه ومن عمرها ثلاث سنوات يعني قبل المدرسه راحت ثلاث روضاات وكل سنه كنت اغير لها الروضه
بس مع بنتي الثانيه هذاااني مستمره مع روضة الجنان النموذجيه ماشااااء الله خووووووووش روضه
قبل الدراااسه ......... اخلاق المعلماات والمديره فوق فوق ماشاء الله
والدرااااسه عال العال والسعر ممتاااز وانا سجلت بنتي وياااهم هاذي السنه كمااان
ويعلمونهم القرآآن والكمبيوتر والعربي مكثف وبنتي ماشاء الله متفوقه
وحتى بنتي الاولى ماشاء الله متفوقه لأني وياها من الالف الى الياااء واواظب انها تتعلم القرآآآن لان مثل ماقالت احدى الاخوااات ان اللغه الام اهي المهمه في الاسااااس
واتمنى اني ما طولت عليكم بس حبيت اخبركم عن روضتنا الحلوه ومشكورين

[GRADE="00008B FF1493 008000 4B0082"]يعني ماشاءالله على بنات البحرين

وينكم يابنات قطر أن بنتي بتكمل 3سنوات ولا أدري وين أوديها ماأحد يعرف روضة ممتازة في الريان أومعيذر


مشكورين [/GRADE]

بنات البحرين وخصوصا بنات المحرق

بغيت حضانة غير أجيال المستقبل تكون نظيفة ويهتمون بالطفل؟؟؟؟

ضروووووووووووري

ابي اسأل احسن روضة في مدينة حمد من المنهج والرسوم والتعليم واذا قولتوا اي روضة بليز قولو المنهج والرسوم والزي شنو والسعر

السلام عليكم بنات...

انا ولدي الحين عمره 3 سنوات و4 شهور سجلته في روضه البيلسان.ELdE trEE KindErgartEn
وان شاء الله دوام راح يكون برمضان..

ومكانهم عند دوار روضه الحمام ورى حقوق الانسان...واسعارهم شوي غاليه خذو علينا 22000 ريال..

وينهم بنات قطر إن شاء الله يساعدونكم يارب.. فعلا هالروضات مشكلة...

محد رد علي عن روضات مدينة حمد واذا احد يعرف رسوم روضة الجنان النموذجية

اختي عزة انا بالنسبة لي روضة البركة اكثر من رائعة ومعروفة على مستوى البحرين لها 3 فروع على ما اعتقد واحد في المحرق والثاني في مدينة حمد الدوار الثاني او الثالث و اللي اعرفه قبل كانت الرسوم 25 دينار في الشهر والزي ابيض مبكر باخضر حلو ىبالنسبة للمنهج حلو وبسيط بالعربي والانجليزي واساسيات دينية بسيطة مثل ادعية الاستيقاظ والنوم ... الصباح .. الطعام والشرب ......... وبعض قصار السور يتم تحفيظها عن طريق اخذ الاطفال لغرفة تتواجد فيها مدرسة التحفيظ مثل زمان اول حلوة طريقتهم ... معلمااتهم مؤهلات و الاخلاق مابي امدح من كثر ما مدحت المدرسة خخخخخخخخخ كأنها ملكي هههههههههههه.... المنهج يراعي احتياجات الاطفال من kg1 حتى kg 3 مادري شنو قصدك بالمنهج ؟؟؟ اما المبنى فهو جميل حتى ان ساحة اللعب حلوة ويحبها الاطفال............ انا كنت طالبة جامعية ......... وحبيت اتدرب على التدريس قبل ما تخرج فرحت للروضة وما قصروا ................ اتمنى لك التوفيق انا شاء الله

خصوصا للأهالي مدينة حمد في احد يعرف روضة زينة الحياة ابي معلومات عنها ومتى مفتوحة وعن كل شي وشكرا واذا احد يعرف رسوم روضة الجنان

هلا شخباركم بما اني من البحرين راح اسجل ولدي هدي السنه في روضه لالئ البحرين فرع جدحفص الانها روضه بمعني الكلمه