محتارة أي روضة تدخلين طفلك،، حياكم

صح كلامج اختي رووضة سدرة العصافير هاي رووضه ممتازة ..
وايد وايد زينة .. بنات خالاتي اهناك ومستفيدين منها ...
تحياتي لج ... نور الدنيا

ابي اسال مجرب عن الرسوم والمعاملة والمواد والزي وكل شي عن خصوصا الروضات اللي فيهم وبعد المدرسة بس الأفضلية الروضات مدرسة المهد ومدرسة الفلاح والايمان وعن روضات مدينة حمد زينة الحياة والبركة والبيادر وعن اذا احد مدخل عياله في روضة مدرسة الحكمة بسال عن السعر ادفع لهم اول ماادخلهم او على اقساط شهرية وابي الزي وكل شي انا اعرف حوالي 980في السنة بس اشلون مو فاهمة اللي يعرف عنهم شي لايبخل علي بشي باسرع وقت بنتي عمرها سنتين ونصف

اختي العزيزة azza1979 .. بالنسبة لمدرسة الحكمة تقدرين تدفعين في بداية السنة 350 دينار و بعدين تدفعين باقي المبلغ ، لما سألتهم قالوا يبون باقي المبلغ مع نهاية شهر ديسمبر .. وممكن تدفعين لهم الباقي على دفعتين أو ثلاث .. لكن المواصلات ادفع لهم شهريا .. اذا تروحين لهم في بنت حلوة في قسم المحاسبة (اللي ندفع عندها) وايد حلوة و متعاونة .. و الزي يكون من عندهم ، يعطونج بدلة رياضة و بدلة دراسية وحدة ، واذا تبين بدلة ثانية تدفعين 15 دينار .. وعندهم كافتيريا اذا تحبين ان بنتج تشتري من عندهم يبيعون قطع دجاج، شيبس، سلطة و ساندويش .. الطفل يحتاج دينار ونص تقريبا اذا بيشتري.
والزي أبيض و أزرق و يسألونج اذا تبين كم القميص طويل أو قصير وهم يأخذون القياس.
وعندهم الروضة افكار وايد ، اليوم مثلا عندهم يوم البيجاما ، كل الطلبة و الطالبات يروحون بالبيجامات ، يوم الاثنين الماضي كان يوم الشخصية اللي يحبونها فيلبسون الزي الخاص بالشخصية ، و احتفلوا نص شهر رمضان بالقرقاعون في الليل ، و كان عندهم بعد يوم اللبس الشعبي الثوب و البخنق و ثوب النشل ، ويقول ولدي ان امس خلوهم يروحون الحديقة و يقطعون أوراق من الأشجار عشان يتعرفون عليهم .. يدرسونهم عربي و انجليزي و فرنسي

نسيت أخبرج ان خالتي كان ولدها في المهد و طلعته منها لكن ما أدري شنو السبب بالضبط

قصدج هاي سعر الروضة او المدرسة

هذا سعر الروضة يا عيوني ^_^

بنــــــات البحرين / رجـــاء خاص
أبغي وحدة تفيدني عن مدارس خاصة لمرحلة الكي جي لأني عن جد متحيرة لاني سمعت عن مدرسة المعارف ولؤلؤة الخليج ومتحيرة ما بينهم لاني ابغي مدرسة تعلم انجليزي قوي للتحدث وولدي عمري 3 سنوات و3 أشهر وابغي اسجله من الحين وماني عارفة وين لاني ابغي مدرسة قريبة من منطقة السيف وأسعارها زينة ،فاللي تعرف لا تبخل علينا
ومشكوررررين

Little Gems School

http://go.3roos.com/dJtaBspQJIl


>>>>>>>>

Budaiya Pre-School

www.budaiyapreschool.com

.
.
أول روضة يمدحون فيها وااااااااااااااااايد

بنات ابغي روضة قريبة من بلاد القديم/الزنج /السلمانية/الخميس

شي قريب

سلام

الأخت Ba7reneyah بغيت اسالج عن الحكمة تدفعين بالسنة قصدج هذا المبلغ بعدين كل شهر تدفعين بس 20 حق المواصلات
ومشكورة

ايه عزيزتي .. تدفعين حوالي 980 دينار و بعدين كل شهر تدفعين 20 دينار للمواصلات
يعني الـ 980 مب شامله المواصلات .. لكن شاملة بدلة دراسية و رياضية وحدة بس مع الكتب
.
.
.
واذا تبين روضة وايد ممتازة ، هذي الروضة Little Gems School
http://www.little-gems-preschool.com/

ذكرى النور اذا تبين روضة ممتازة على شارع البديع ، عندج ليتل جيمز سكول ممتاااااااااازة http://www.little-gems-preschool.com/

وبعد روضة www.budaiyapreschool.com زينه ويمدحونها

وهذا رابط Modern Knwledge school
http://go.3roos.com/H7J3PttPTqD
لكن ما أعرف أحد تعلم فيها لكن الروضة التسجيل بـ 70 دينار و بعدين 1073 على ثلاث دفعات يقسمونها

مشكوره خيوو على الروابط

وان شاء الله راح افكر

لاني متحيره

ياأخوات دلوني على روضات في جدة

ياأخوات دلوني على روضات في جدة .. يالله همتكم

الله يوفقج وتحصلين روضات في جدة .. حبيت ادعي لج لأني من البحرين و اللي في هذي المشاركة كل اللي قريته عن روضات في البحرين ..

اهم شي تحصلين روضة قوية و تدريسهم حلو ويونس اليهال

مشكورة اختي علئ هل موضوع الحلو مع السلامة

مرحبااااا
أنا عضوه جديده و اتمنى تفيدوني
أنا توني ساكنه في عالي و حبيت أعرف إذا في روضات و حضانات في المنطقه عشان أفكر من الحين وين أدخل ولدي
أحس ان عضوات هالمنتدى متعاونين حييييل الله يخليكم لا تخيبوني
أتمنى اسم الروضه بالاسم و الرقم وما يمنع الاسعار>>>>> طراره و متشرطه
و اهم شي تكون زييييييييييييييييينه

لكم مودتي ............كرآآآميل

يا هلا و غلا .. أنا بعد ساكنه في عالي لكن صار لي سنتين ^_^

Ba7reneyah;7481228:
أنا ولدي تمهيدي KG2 في مدرسة الحكمه اللي في سند (اسم روضتهم افتح يا سمسم )
وايد مستانس عليهم و فرحان

في السنة ياخذون حوالي 980 دينار + ( مواصلات شهريا 20 دينار)

Ba7reneyah;7520423:
.. بالنسبة لمدرسة الحكمة تقدرين تدفعين في بداية السنة 350 دينار و بعدين تدفعين باقي المبلغ ، لما سألتهم قالوا يبون باقي المبلغ مع نهاية شهر ديسمبر .. وممكن تدفعين لهم الباقي على دفعتين أو ثلاث .. لكن المواصلات ادفع لهم شهريا .. اذا تروحين لهم في بنت حلوة في قسم المحاسبة (اللي ندفع عندها) وايد حلوة و متعاونة .. و الزي يكون من عندهم ، يعطونج بدلة رياضة و بدلة دراسية وحدة ، واذا تبين بدلة ثانية تدفعين 15 دينار .. وعندهم كافتيريا اذا تحبين ان بنتج تشتري من عندهم يبيعون قطع دجاج، شيبس، سلطة و ساندويش .. الطفل يحتاج دينار أو دينار ونص تقريبا اذا بيشتري.
والزي أبيض و أزرق و يسألونج اذا تبين كم القميص طويل أو قصير وهم يأخذون القياس.
وعندهم الروضة افكار وايد ، اليوم مثلا عندهم يوم البيجاما ، كل الطلبة و الطالبات يروحون بالبيجامات ، يوم الاثنين الماضي كان يوم الشخصية اللي يحبونها فيلبسون الزي الخاص بالشخصية ، و احتفلوا نص شهر رمضان بالقرقاعون في الليل ، و كان عندهم بعد يوم اللبس الشعبي الثوب و البخنق و ثوب النشل ، ويقول ولدي ان امس خلوهم يروحون الحديقة و يقطعون أوراق من الأشجار عشان يتعرفون عليهم .. يدرسونهم عربي و انجليزي و فرنسي

واذا عندج أي سؤال تفضلي