محتارة أي روضة تدخلين طفلك،، حياكم

بنات في احد عنده معلومات عن روضة علاء الدين

من حيث سعرهم وموقعهم واهم شي تدريسهم؟؟؟

هلا خواتي مشكورين على الموضوع الحلو واللي ناخذ منه خبرات من اخواتنا الامهات ...
ولدي عزوز دخلته روضة الفردوس في الرفاع وعمره 3 سنوات ... اشوف وااايد متحسن في يقول لي اسماء الله الحسني ويعد الارقام بالعربي والانجليزي ويكتبهم وكذلك بالنسبة للحروف العربي والانجليزي احسه يحب التعلم ما شاء الله عليه كل مره يقول لي علميني يحضر دفتره ويقول لي العبارة اعلمه واسوي له انشطه بيتيه عشان ما يطير الدرس من باله احببه للدروس وهو بروحه اول ما يدخل البيت يقول لي عطونا شي ... ويظهر دفترة من شنطته واقعد ادرسه وشوي شوي صار احسن وفي هالثلاثة الشهور اللي مرت احسه وااايد متقدم يعرف يكتب الى العدد 7 بالعربي واليوم الارقام الانجليزي وصلوا الى 6 والحروف الى خ والانجليزي الى G وهو يلعب بالعابه اسمعه يغني بالانجليزي وساعات يراكض بالبيت وهو يعدد اسماء الله الحسنى احسه وااايد متقدم وان شاء الله يكون دوووم مب يووووم هههههههههه
اما عن وناسته احسه كل مره نقول له ما في روضه بكرة يييح ويبي يروح احسه مستانس فيها ويقول لي يودونها العاب الروضة ويلعبون فيها يعني حديقه صغيرة فيها زحلاقة ما اعرف شنو اقولها باللغة الفصحى هههههه وبيت لعب ويفطرونهم على الساعه 9 الصباح ولما رحت لهم اشوفهم يجننون اليهال صغيرات حلووووين حاطينهم في المطبخ ومسوين دائرة حوالين السفرة وياكلون حلوووين والمدرسات وااايد زينات لان رحت اليوم المفتوح من كم يوم واحسهم زينين معلمتهم اللي دووم معاهم ما شاء الله وااايد طيبه بروحها تقول لي عزيز يترك ربعه ويحضر كرسيه ويقعد جنبها هههههههه ومعلمة الانجليزي هي هنديه ما شاء الله مخليه عزيز يستانس عليها
الحمدلله الحين انا تطمنت على ولدي ونشوف شنو تاليتها ...

أم عزوز

هلا ام عزوز

بكم الروضة الي فيها ولدك وفي وين في الرفاع ؟؟؟

والله خووووووش روضة ام عزوز ، غريبة ما سمعنا عنها من قبل

الله يحفظ لج ولدج و تشوفينه معرس

اممم عندي سؤال احد يعرف اي معلومة عن روضه الدعاء

موجودة في جبله حبشي


ابي اعرف معلومات عنها وعن المدرسات فيها وعن مستوى التعليم :) ؟؟؟؟؟؟؟؟؟؟؟؟


ومشكووووووورين :)

خواتي مثل ما انتو عارفين التسجيل في أغلب المدارس الخاصة يبتدي شهر الجاي فحبيت تفيدوني من خلال تجاربكم وتجارب أهلكم عن المدراس في المنطقة الشمالية:

المهد
التعليم العصري
AMA
الوسام

وأكون شاكرة لكم

اني بغيت اسال عن روضة الحنان اللي في البلااااد القديم

a7lajojo;7996704:
خواتي مثل ما انتو عارفين التسجيل في أغلب المدارس الخاصة يبتدي شهر الجاي فحبيت تفيدوني من خلال تجاربكم وتجارب أهلكم عن المدراس في المنطقة الشمالية:

المهد
التعليم العصري
AMA
الوسام

وأكون شاكرة لكم

مدرسة المهد سمعت من عدد من الناس ما يمدحونها و طلعوا عيالهم منها و الله أعلم
.
.
التعليم العصري هذا سايتهم
مدرسة التعليم العصري .. Modern Education school
واسعارهم بالنسبة للمدارس الخاصة معقولة
.
.
ama .. صديقتي بناتها الثلاث فيها وتقول المدرسة زينه و التعليم ممتاز
.
.

معذرة;7940600:
خواتي بغيت أسألكم أي أحسن أنوار الغدير أو لآلئ البحرين؟

أني أفضل روضة أنوار الغدير مجربينها لان أولاد أخواتي وأخواني كلهم متخرجين من هناك ومازلوا ممتازين بنت أختي نور السنة في ثالث اعدادي السنة ودرجاتها كلها ممتازة والفضل إلى روضة أنوار الغدير هم الاساس في تأسيس بنوتتنا الحلوة أما الباقي مازالوا في ابتدائي وايضا ممتازين تمنياتي إلى من ساهم في تطوير اطفالنا الاعزاء

أما ابن صديقتي تخرج العام الماضي وهي ايضا تمدح الروضة ومديرتها وتقول ولدها فاهم كل شئ ولم يتعبها في الدراسة وسجلت بنتها ايضا في الروضة

كسيرة الخاطر;7871581:
حبيت اسئل بعد انوار الغدير وين موقعها بالضبط وكم اسعارهم وملابسهم ............ تفاصيل عنها بالضبط

تكون الروضة بعد مستشفى الدولي
سألت صديقتي عن الرسوم التسجيل 10 دينار الشهر 30 رسوم الكتب 10 دينار المواصلات حسب المنطقة وملابسهم لونها لون علبة النيفيا أزرق تحصلينهم عند فلاح حسن للاقمشة وتقدرين تحصلين على تفاصيل اكثر تتصلين على هذا الرقم لجدحفص 17595060 وفي فرع في عالي جدعلي وتوبلي

مشكوة اختي شهووود1
وجزاك الله خير
وياليت اللي يعرف عن[grade="00008B FF6347 008000 4B0082"] لآلئ البحرين [/grade]يخبرنا بعد

أبي روضه في الجبيل يا بنات اللي بالشرقيه

وتكون قريبه من حي الفناتير (( بدارين))

:( عجزت اسأل

:

يا ريت يا أمهات تنصحوني أي أحسن المدرسه الخاصه او الحكوميه..؟؟ كبيئه و تعليم طبعا...؟؟

لاني محتاره مادري وين أسجل بنتي، الحين عمرها تقريبا 4 سنوات و نص..

و يا ريت اللي تعرف مدرسه خاصه في محرق و تكون زينه تخبرنا..

و الله يعطيكم العافيه جميعاً..

:)

:

السلام عليكم
ويش ليش في المدارس الخاصة يتخرج الطفل ضعيف في اللغة العربية أهم شئ اللغة العربية
الانجليزي يتعلمها الطفل بسرعة بالممارسة ويوجد معاهد ممتازة لتعليم اللعة الانجليزية وتمنياتي لها بالتوفيق في حياتها العلمية والعملية
والله ولي التوفيق

أنا ما أتفق معاج عزيزتي ان كل اللي يتخرجون من المدارس الخاصة لغتهم العربية ضعيفة ، انا بنتي درست في الروابي و في بوابة المعالي و عربيتها ممتازة جدا لأن هذي المدارس تهتم بالعربي و الانجليزي

Ba7reneyah;8043366:
أنا ما أتفق معاج عزيزتي ان كل اللي يتخرجون من المدارس الخاصة لغتهم العربية ضعيفة ، انا بنتي درست في الروابي و في بوابة المعالي و عربيتها ممتازة جدا لأن هذي المدارس تهتم بالعربي و الانجليزي

سلام شخبار اني على ما سمعت والله توني سامعة وحدة تقول ان ولدها ضعيف جدا درس سنتين في بوابة المعالي والآن يدرس في مدرسة الروابي وتسألني عن ناس يدرسون زين لانها تريد وحدة تدرس ابنها فترة مسائية اني قلت لها حرام توه جاهل مسكين يتعب ولكن هي حزينة وااااااااااااااااااااااااااايد :confused:

انا بنتي حالياً في روضة النوريين ممتازة واااااااااااااااااااااجد .. و السنة القادمة ان شاء الله ناوية أوديها مدرسة خاصة.. بس للحين ما درت أبي مدرسة قريبة و تكون رسومها معقولة..
اشوف فيه مدرسة جديدة اسمها ama بس للحين ما ادري ما رحت.. و فيه مدرسة الرجاء أسمع يمدحونها,, مدرسة الوسام قريبة منا.. بس للحين ما قررت!!

بنات ما انصحكم بروضة أنوار الغدير لأن كل مدرساتها طلعوا و راحوا روضة النورين,, ولد أخوي كان هناك و السنة طلعوه منها و دخلوه لآلئ البحرين.. و انا رحت مرة في عيد ميلاده.. كلش ما ارتحت ليها,,

شهووود1;8048627:
سلام شخبار اني على ما سمعت والله توني سامعة وحدة تقول ان ولدها ضعيف جدا درس سنتين في بوابة المعالي والآن يدرس في مدرسة الروابي وتسألني عن ناس يدرسون زين لانها تريد وحدة تدرس ابنها فترة مسائية اني قلت لها حرام توه جاهل مسكين يتعب ولكن هي حزينة وااااااااااااااااااااااااااايد :confused:

الصراحة اني عندي بنتين وحدة في السادس ووحدة في الثاني ,, اللي في السادس درست في الروابي الحضانه والروضة و المدرسة الى الصف الثالث و كانت الدراسة قوية في الانجليزي و العربي لكن بعدين طلعتها لأن غيروا المعلمات و بدل البحرينيات جابوا معلمات عرب و صار التدريس ما يعجبني ، وديت بناتي ثنتينهم مدرسة بوابة المعالي و الحق ينقال شفت الاهتمام و المعلمات يدرسون الطلبة بصدق من قلبهم و يعطونهم ملازم اسئلة قريب الامتحان متعوب عليهم و كتبهم زينه ، يدرسونهم العلوم و الرياضيات تبع الحكومة و بعد عندهم علوم ورياضيات بالانجليزي كتب ثانية بينما اذا تروحين مدراس خاصة ثانية ما يدرسونهم العلوم و الرياضيات إلا بالانجليزي ، والصراحة انا مرتاحة جدا من المعلمات وطريقتهم في التدريس.

أما ولدي اللي عمره خمس سنوات فهو في مدرسة الحكمة وبعد تدريسهم وايد زين.

عروسة03;8055880:
انا بنتي حالياً في روضة النوريين ممتازة واااااااااااااااااااااجد .. و السنة القادمة ان شاء الله ناوية أوديها مدرسة خاصة.. بس للحين ما درت أبي مدرسة قريبة و تكون رسومها معقولة..
اشوف فيه مدرسة جديدة اسمها ama بس للحين ما ادري ما رحت.. و فيه مدرسة الرجاء أسمع يمدحونها,, مدرسة الوسام قريبة منا.. بس للحين ما قررت!!

مدرسة بوابة المعالي أسعارها زينه واشوف تدريسهم زين لكن مشكلتهم الى صف السادس
وألحين لازم أدور مدرسة عشان بنتي الكبيرة ، وبنتي اللي أصغر منها تقول اذا تطلع اختها لازم تروح معاها !!

انا تعجبني الحكمة لكن ما أقدر على اسعارهم حق ثلاث عيال ، وايد غالية .. احتمال أودي البنات AMA وأخلي الولد في الحكمة لأنه عاجبتنه وما يبي يطلع منها

على فكرة صديقتي عيالها في AMA ومرتاحة

هذا عنوان المدرسة
AMA SCHOOL OF BASIC EDUCATION

Po Box 18041
Gate 2241, Rd 279, Block 502, Budaiya
Manama
Bahrain

- Telephone:
- Facsimile:


- +973 17593858
- +973 17590835