محتارة أي روضة تدخلين طفلك،، حياكم

:sad: مادري وين اودي عيالي بحرينية مساعدة يا ام الخبرات ههههههههههههه شرايكم في مدرسة حوار

وحد عنده ولاد في المعارف كم اسعارهم مع المواصلات

أم حسون;8247593:
شكلي بغربلش
خيو اخر استفسار متى يبدي التسجيل عندهم وعادي اسجل ولدي الفصل الجاي ؟
وين اقدر احصل الزي مالههم؟
واي افضل المعالي والله الروابي والله لؤلؤة الخليج <<< مسامحة بس شكلش خبره
ومسامحة

التسجيل يبدأ بداية شهر ثلاثة و روحي من وقت لأن يكون عليهم ضغط و عشان تحصلين مقعد للطفل
الزي اللي لهم يخيطه شاموا اللي في الديه بس تقدرين تخيطينه عند أي خياط ثاني اذا عندج خياط متعودة عليه ، و لبس الرياضة تشترين الفانلية من المدرسة و تشترين بنطلون كحلي و اذا ما حصلتي أسود
أما الفصل الثاني فمستحيل تحصلين كرسي فارغ يعني ما بيوافقون يدشون أي طفل

ورسوم التسجيل عشرة دينار الى هذي السنة ، بعد ما ادري اذا بيزيدونها أو لا ، و طبعا هذي العشرة للطلبة الجدد ، يعني تندفع مرة وحدة بس

..........
الروابي لا تفكرين فيها بالمرة ، البارحة لقيت وحدة ولدها كان مع بنتي في الروابي قبل ما أطلعها من المدرسة و سألتها عن مستوى التدريس فقالت مستواهم من نزل ما ارتفع و كل سنة يصير أسوء ، وولدها ما يسوي واجباته و لا مدرسة تقول له شي ، كأن عادي ان الطفل يهمل ، وقال لأمه انه ما يبي يطلع من المدرسة لأنه ينجح من غير دراسة

............
المعالي أفضل من الروابي بوااااااااايد ، ما في وجه مقارنه ، في المعالي المدرسات يهتمون بالطلبة و شديدين في اكمال الواجبات و الأنشطة على الوقت ، ما في مجال للطالب يصير مهمل
وهذا تليفون بوابة المعالي 17644336
........
لؤلؤة الخليج بعد وايد زينه مع اني ما دخلت عيالي فيها بس رحت لهم و كل شي ممتاز
وناس وايد يمدحونها ، اتصلت فيهم و قالوا ان التسجيل بـ 70 دينار للطفل و قيمة الكتب تختلف من صف الى غيره ، يعني صف الثالث كتبهم بـ 100 دينار و صف السابع بـ 110 دينار
وصف الثالث السنة تدفعين 230 دينار ثلاث مرات قيمة السنة (طبعا غير التسجيل و الكتب)
وصف السابع السنة تدفعين 350 دينار ثلاث مرات قيمة السنة ( طبعا غير التسجيل و الكتب)

وهذا تليفونهم 17403666

ضحكة كذوووووووووبة;8249917:
:sad: مادري وين اودي عيالي بحرينية مساعدة يا ام الخبرات ههههههههههههه شرايكم في مدرسة حوار

وحد عنده ولاد في المعارف كم اسعارهم مع المواصلات

آخ بس آآخ على المدارس ، ما خليت مدرسة ما رحتها و لا اتصلت فيها عشان هالعيال ههههه

مدرسة حوار تأسست في 2001 يعني صار لها جم سنة في البحرين ، عندهم الطلاب العاديين و أصحاب الاحتياجات الخاصة ، يخلطونهم في نفس الصف عشان يبون يدمجونهم
ومديرتهم فاطمة عبدالجبار الكوهجي ، وسمعت انهم يفصلون بين الطلبة و الطالبات من الصف الاول الابتدائي و الله أعلم ، طبعا عندهم حضانة وروضة بعد
تليفونهم 17770040 و يبدأ تسجيلهم في ابريل
صف الاول يكلف الطفل 1700 دينار
صف السابع يكلف الطفل 2000 دينار

.
.
المعارف مدحوا ناس وايد تعليمهم الابتدائي بس :)

بنات اللي تبي تسجل عيالها في الوسام تقدر من ألحين تسجلهم

من عيالها أو أحد تعرفه في الوسام؟

أختي بحرينية فديتج والله نفس معاناتي وحيرتي ويه اليهال مع المدارس الخاصة ، الحين بغيت رايج اي أفضل مدرسة لؤلؤة الخليج لو ال AMA لو بوابة المعالي والله محتارة بين هالثلاث مع العلم اني بغيت مستوى توب في الإنجليزي والعربي مع بعض وحبيت استفسر بعد متى يبتدي تسجيل لؤلؤة الخليج؟ ياريت تنصحيني؟؟!!

خاتون111;8255653:
أختي بحرينية فديتج والله نفس معاناتي وحيرتي ويه اليهال مع المدارس الخاصة ، الحين بغيت رايج اي أفضل مدرسة لؤلؤة الخليج لو ال AMA لو بوابة المعالي والله محتارة بين هالثلاث مع العلم اني بغيت مستوى توب في الإنجليزي والعربي مع بعض وحبيت استفسر بعد متى يبتدي تسجيل لؤلؤة الخليج؟ ياريت تنصحيني؟؟!!

مدرسة لؤلؤة الخليج و بوابة المعالي يمدحونهم وايد
اعرف وايد ناس مرتاحين مع عيالهم في المدرستين

مدرسة AMA صديقتي بناتها الثلاث فيها و تقول مستواهم زين لكن مثل اي مدرسة خاصة طلباتهم وايد

انا ولدي الصغير KG2 في الحكمة و مرتاحة منهم لكن الصراحة ما اقدر اخلي عيالي ثلاثتهم فيها بيصير وايد غالي

انا محتارة ألحين بين الحكمة و الوسام و AMA لأن بنتي في صف السادس و بوابة المعالي للسادس بس

انتي في اي صف عيالج؟

بنات مدرسة الوسام التسجيل مع فورمة التسجيل 60 دينار

صف الاول الكتب 120 دينار + 850 دينار للسنة
صف الثالث الكتب 120 + 920 للسنة
صف السابع الكتب 150 + 1200 للسنة

وامتحان القبول ببلاش بينما في مدارس ثانية الامتحان بفلوس
مثلا كانو الامتحان صف الاول و الثاني والثالث 23 دينار و صف السابع 33 دينار
مدرسة الشيخة حصة الامتحان 20 دينار
مدرسة النسيم 30 دينار

ابي اعرف عن مدرسة بوابة المعالي عن المدرسة والحضانة الأسعار كل شة التسجيل والرسوم هل شهرية او سنوية ولون الزي العادي والرياضي والمواصلات الى مدينة حمد ونظامهم في الباص اشلون ومن يدير المدرسة مدير او مديرة ةالأسم ومعلمات شنو جنسيتهم وهل المبنى قديم صج وشلون يعني نفس الوزارة المنهج والأنجليزي اشلون يتكلمون في البيت عربي او في شوي انجليزي لان ابي يعرفون انجليزي والدوام يبتدي كم واسعار الكمتب وكل شي ومدرسة لولوة الخليج بعد ابي اسالكم عنها وهل تندفع الرسوم امكمانية شهرية وكم وفي وين هي ونفس الأسئلةو ابي اعرف مدارس ان تكمون الرسوم الشهرية واتزيد عن 60 دينار

azza1979;8257355:
ابي اعرف عن مدرسة بوابة المعالي عن المدرسة والحضانة الأسعار كل شة التسجيل والرسوم هل شهرية او سنوية ولون الزي العادي والرياضي والمواصلات الى مدينة حمد ونظامهم في الباص اشلون ومن يدير المدرسة مدير او مديرة ةالأسم ومعلمات شنو جنسيتهم وهل المبنى قديم صج وشلون يعني نفس الوزارة المنهج والأنجليزي اشلون يتكلمون في البيت عربي او في شوي انجليزي لان ابي يعرفون انجليزي والدوام يبتدي كم واسعار الكمتب وكل شي ومدرسة لولوة الخليج بعد ابي اسالكم عنها وهل تندفع الرسوم امكمانية شهرية وكم وفي وين هي ونفس الأسئلةو ابي اعرف مدارس ان تكمون الرسوم الشهرية واتزيد عن 60 دينار

بوابة المعالي مديرتها بحرااانية و معظم المدرسات بحارنه ما عدا مدرسات English + Math + Scince + art + Computer اجانب
دوامهم من 8 الصبح الى وحدة وثلث الظهر و في مواصلات الى جميع المناطق لما سألتهم
التسجيل عشرة دينار و الكتب 80 دينار للمدرسة لكن كتب الروضة قيمتهم أرخص مب ذاكرة جم
وبوابة المعالي تقدرين تدفعين شهريا بينما مدارس خاصة كثيرة لازم تدفعين على دفعتين أو ثلاث مرة وحدة
الرياضة يلبسون فانيلة بيضاء وعليها شعار المدرسة يبيعونهم في المدرسة + بنطلون كحلي أو اسود ، الزي للروضة ازرق فاتح و زي المدرسة ازرق غامق
المبنى مب جديد لكن دراستهم زينه ، تقدرين تشوفين المبنى اذا رحتين
و عندهم منهج الوزارة رياضيات و علوم و دين ومواطنه و عربي بينما المدارس الخاصة الثانية ما يعطونهم علوم و رياضيات بالعربي بس بالانجليزي

عيالي في البيت يتكلمون نص عربي و نص انجليزي ،واذا اتكلم معاهم يفهمون زين وش اقصد والمعنى من الحجي

حاليا صف الاول شهريا 45 دينار شهريا
صف الثاني 50 دينار شهريا
صف الثالث الى السادس 55 دينار شهريا

صار لهم سنوات ما غيروا اسعارهم عشان هاللون اتوقع السنة اليايه يرفعون كل مرحلة خمسة دينار .. وما في وجه مقارنه بين رسومهم و رسوم المدارس الثانية

.
.
مدرسة لؤلؤة الخليج تدفعين على ثلاث دفعات يعني ما يقبلون شهريا بالاضاقه الى 70 دينار للتسجيل ، هذا غير قيمة الكتب و قيمة الامتحان

بناااااااات من تجربتي مع عيالي عشان يصيرون اقوياء في الانجليزي لازم الممارسة و تشجيعهم على الحديث بالانجليزي في البيت ومع ربعهم

بحرينية انت من وين وكم اعمار اولادج بس بسالج اذا كانو المنهج مثل الوزارة يعني مثل الكتب المدارس الحكومة عيل ليش ادرسينهم فيها وديهم حكمومية ابي اعرف الميزة الي في المدرسة

بحرينية انا الحين عيالي روضة في بوابة المعالي والصراحة ما شفت عليها شي بس بسألج سؤال وجاوبني بصراحة هل ابنتك إالي بالصف الثالث تتكلم الإنجليزي بطلاقة؟ أنا هذا الا امبي اوصل له ان عيالي يتكلمون الانجليزي بطلاقة وفي نفس الوقت أقوياء بالعربي

أم حسون;8247593:
شكلي بغربلش
خيو اخر استفسار متى يبدي التسجيل عندهم وعادي اسجل ولدي الفصل الجاي ؟
وين اقدر احصل الزي مالههم؟
واي افضل المعالي والله الروابي والله لؤلؤة الخليج <<< مسامحة بس شكلش خبره
ومسامحة

أنصحش بمدرسة لؤلؤة الخليج منهجهم كلش قوي اتمنى لك التوفيق

azza1979;8258243:
بحرينية انت من وين وكم اعمار اولادج بس بسالج اذا كانو المنهج مثل الوزارة يعني مثل الكتب المدارس الحكومة عيل ليش ادرسينهم فيها وديهم حكمومية ابي اعرف الميزة الي في المدرسة

بنتي الكبيرة عمرها عشر سنوات في السادس - بوابة المعالي
بنتي الوسطية عمرها سبع سنوات في الثاني - بوابة المعالي
ولدي الصغير عمره خمس سنوات في KG2 - مدرسة الحكمة

وبوابة المعالي عندهم هالمواد بالانجليزي
English + Math + Scince + art + Computer

اللي يعجبني في المدرسة اهتمامهم بالتربية و التعليم ، اخلاص المعلمات في التدريس و اهتمامهم بالطلبة

خاتون111;8260322:
بحرينية انا الحين عيالي روضة في بوابة المعالي والصراحة ما شفت عليها شي بس بسألج سؤال وجاوبني بصراحة هل ابنتك إالي بالصف الثالث تتكلم الإنجليزي بطلاقة؟ أنا هذا الا امبي اوصل له ان عيالي يتكلمون الانجليزي بطلاقة وفي نفس الوقت أقوياء بالعربي

شوفي بنتي اللي في السادس تتكلم الانجليزي بطلاقة و ما تقدرين تتكلمين جدامها بالانجليزي اي شي إلا و تفهمه
أما بنتي اللي في الصف الثالث فهي تتكلم انجليزي لكن مب بطلاقة اختها لكني اتكلم معاها في البيت بالانجليزي و تفهم ما شاء الله كل اللي أقوله

ولازم نحاسب ان في فروقات بين الأطفال و نسبة الذكاء و الفهم تختلف حتى بين الاخوان

شوفي ولدي اللي في الحكمة ما يتكلم انجليزي وايد لكن مستحيل اتكلم جدامه و ما يفهم
أكلمه بالانجليزي و يرد علي بالعربي

وبوابة المعالي الزين فيها ان العربي والانجليزي 50 - 50
و اذا تحبين تشوفين منهجهم حياج بيتنا قريب من المدرسة ، لاصق عند الدوار اللي عليه الفخار و رافعين عليه لافتة سودا " يا حسين "

بنات انا اليوم ما رحت الشغل و رحت مدرسة الوسام و الصراحة عجبتني مع ان مبناها مب يديد لكن شفت المنهج و تكلمت مع الادارة ، عندهم المواد كلها بالانجليزي بالاضافة الى منهج عربي + دين + اجتماعيات تبع الوزارة ، المدرسة على شارع الجنبية
وهذي رسومهم:
Application fee 10 BD
Registration fee 50 BD

Nursery and Reception - Books 90 BD + annual fee 750 for Nursery & 850 for reception
Grade 1 to 6 - Books 120 BD
Grade 7 to 9 - Books 150 BD

annual fee
G1 850
G2 885
G3 920
G4 965
G5 1000
G6 1035
G7 1200
G8 1350
G9 1500

مدرسة الوسام يا بحرينية الرسوم بعد بدفعات او شهرية وبكم ومسامحة على التساؤلات الكثيرة ابي بعد مثل ماكتبتي عن مدرسو الوسام كتبي عن المعالي نفس الشي واذا تعرفين عن مدرسة النور والمجد وشكرا

azza1979;8270204:
مدرسة الوسام يا بحرينية الرسوم بعد بدفعات او شهرية وبكم ومسامحة على التساؤلات الكثيرة ابي بعد مثل ماكتبتي عن مدرسو الوسام كتبي عن المعالي نفس الشي واذا تعرفين عن مدرسة النور والمجد وشكرا

مدرسة الوسام تدفعين على ثلاث دفعات خلال السنة


ومدرسة النور أمس في الماتم وحده كانت تذم فيها لأن ولدها تعلم عادات غير عن اللي ربته عليها و حتى الماي يشربه بطريقة مو حلوة لأن معلمته تشرب بهذي الطريقه

أنا افضل المدارس اللي فيها بحارنه وايد و الادارة فيها بحرينيين و مدرسات اجانب بعيد عن اللكنه الهندية في الانجليزي

بدور لج بعدين اسعار المعالي لأن مب دارية وين خليت الورقة اللي اخذتها منهم

بحرينية بوابة المعالي صج مثل ماقلتي بس من خبرتي في التدريس هناك ما شاء الله الجهال اباليس يعني مو مثل المدارس الباقي تلاقينهم مؤدبين .... صراخ و هواش ... انا مستغربة انهم مع كل هالعناية والاهتمام يتصرفون جذي ..........ز بما اني هونت عن الروابي استنادا على ما سمعته عنها وحوار يقولون واجد غالية .......... باقي اتاكد من المعارف ...........بحرينية شرايج في المنار واذا احد عنده خبره لا يحرمنه منها ..............بحرينيه الله يعطيج الف عافية على بالج الطويل وردودج

:

ما شاء الله عليييج اختي بحرينيه، عندج خبره في مدارس البحرين :)


يا ريت اذا ما عليج أمر اذا تعرفين رسوم المعارف تخبرينا، واايد محتاره مادري وين أودي بنتي، ساعات أهون و اقول بوديها مدرسه حكوميه.. متردده واايد...!


: