محتارة أي روضة تدخلين طفلك،، حياكم

خذوا الحكمة من الخبيرة نوارة المزيونة.. ماشاء الله عندها خبرة وطلع كلامنا صح أنسب سن من 3 سنوات.. يكون الطفل يتأقلم مع محيطه الجديد ويبتعد عن أمه...


نور دربي.. بنتك المفروض الحين تكون بالروضة.. وإن شاء الله بنات جدة مايقصرون معاج وتستفيدون...

أنا ما دخلتها الروضه لأني ولدت بنص السنه ورحت بيت أهلي
بتكون المواصلات مرة صعبة مسافة ساعة تقريبا
عشان كذا انا مترددة اللحين... لاحقة على الروضة ولا خلاص؟؟؟؟؟؟؟؟

بنات مااستفدت من الموضوع لانه مافيه وحده من الرياض قالت لنا عن اسماء الروضه بالرياض واسعارها

يمدحون سلسلة حضانات ليتل ستبس

سلام
انا من البحرين ....
ولدي سجلته في الحضانة من سنتين و نص .. ف روضة البراق ... كنت مرتاحة كلش فيها و هو بعد
ف الروضة خليته بنفس الروضة و نفس الشيء كان مرتاح ... بس مشكلة معلمتهم تغيرت 3 مرات عشان جذي حسيته ما استفاد وايد .. او يمكن لأنه كان صغير

نقلته لمدرسة المهد الخاصة في سار ... و كنت طول الوقت متحسفة ... في البداية هو بعد كل يوم يسأل ليش ما توديني البراق ، بعدين تعود ... بس حاليا افكر انقله احسه مو مرتاح لأنه معلمتهم الاساسية تضربهم و تصك عليهم الليت عقابا لهم ... اشتكيت 3 مرات بس ما فاد حاليا محتارة انقله او اخليه ... لخاص او عادي ؟

اختي امينة المدرسة مو من حقها انها تضرب اليهال او تعابهم وتخرعهم اشتكي عليها لو انشاء الله في الوزارة هاذي لازم تنطرد

بس شوفي في روضه اسمها الفاروق في مدينة عيسى وفي روضة البركة في مدينة حمد واااايد زينين اعرف جم شخص مودي عيالة هناك واذا تبين خاص عندج يمدحووون البيان بس غالية شوي في السنة 3000 دينارعندج مدرسة الفلاح والايمان زينين من الروضه لي ثانوي اظن

بس لاتسكتين عن هالمدرسة وطلعي ولدج من الروضة بأسرع وقت لان تخترب نفسيتة ومابيحب يروح الروضة

أختي أمينة,, وي شنو هالعقاب خوفتوني آنه مسجلة ولدي السنة الياية هناك... وليش الإدارة ماسوا لها شي؟؟؟


أيمي...أسعدني مرورك ومشاركتك...

سلام ...
مشكورة خيو ايمي ...
ساعات اقول يمكن ولدي دليع و حتى لو ضرب خفيف يعتبره يعوره ... بس تى لو فرضنا هذا .. هو يقول اذا صارخنا تصك علينا الليتات ... و يعني ما احسه يحب يروح الروضة نفس اول ...
حيو رانيا ... حماتي بنتها ف نفس المدرسة من سنتين بس ما قط جافت مشكلة مع مدرساتها ...

بس الي محيرني اواصل اخليه ف المهد او اغير له ... باجر اخر موعد اقدر اسجله ف المهد و هو اساسا سجلته ف روضة عادية ...

متحيرة هل بعدين بخليه يواصل مدرسة خاصة او اخليه ف حكومي ...
يعجبنب ف المدارس الخاصة التواصل مع الاهل اكثر ... و فيه انشطة يشاركون فيها اليهال، بس اخاف ما العربي ما يكون اوكي

وي مادري أختي أمينة.. عيل إذا على قولتج ولدج دليع آنه ولدي أدلع...صديقاتي عيالهم بفرع المحرق ماجوف قط أشتكوا ويقولون زينة.. بس آنه اللي الحين خايفة ويدي على قلبي، خايفة ولدي يتعقد..

وعن الخاصة،، صدقتي في تواصل أكثر مع الأهل ولو أي مشكلة ممكن المدرسة تكتب note وتخليه بالشنطة والإهتمام أكبر من الحكومة.. بس مثل ماقلتي يمكن الإهتمام باللغة العربية أقل... وآنه وايد مهم عندي يعرف القواعد الأساسية للغة العربية...

عطونا اسامي مدارس خاصه تتبع نظام عربي في تعليمها ..

رانيا البحرينية;6169877:
وي مادري أختي أمينة.. عيل إذا على قولتج ولدج دليع آنه ولدي أدلع...صديقاتي عيالهم بفرع المحرق ماجوف قط أشتكوا ويقولون زينة.. بس آنه اللي الحين خايفة ويدي على قلبي، خايفة ولدي يتعقد..

وعن الخاصة،، صدقتي في تواصل أكثر مع الأهل ولو أي مشكلة ممكن المدرسة تكتب note وتخليه بالشنطة والإهتمام أكبر من الحكومة.. بس مثل ماقلتي يمكن الإهتمام باللغة العربية أقل... وآنه وايد مهم عندي يعرف القواعد الأساسية للغة العربية...

صديقتي معلمة عربي و ولدها ف فرع المحرق، بس بعد تقول انه العربي عندهم مب لهناك ...
فيه مدرسة الشرق الاوسط صديقة لي سجلت بنتها و تقول لما راحت هناك جافت طلاب kg2 يعرفون يكتبون عربي و انجليزي بس عيبها مبناها قديم
صديقة ثانية بنتها ف ابتدائي بالشرق الاوسط و تمدح التدريس هناك

للحين و الله متحيرة ... شكلي بخليه ف المهد هالسنة kg2 و الي عقبها بوديه الشرق الاوسط او اذا قررت يمكن حكومي يعني يعتمد

Amina Moosa;6154447:
سلام
انا من البحرين ....
ولدي سجلته في الحضانة من سنتين و نص .. ف روضة البراق ... كنت مرتاحة كلش فيها و هو بعد
ف الروضة خليته بنفس الروضة و نفس الشيء كان مرتاح ... بس مشكلة معلمتهم تغيرت 3 مرات عشان جذي حسيته ما استفاد وايد .. او يمكن لأنه كان صغير

نقلته لمدرسة المهد الخاصة في سار ... و كنت طول الوقت متحسفة ... في البداية هو بعد كل يوم يسأل ليش ما توديني البراق ، بعدين تعود ... بس حاليا افكر انقله احسه مو مرتاح لأنه معلمتهم الاساسية تضربهم و تصك عليهم الليت عقابا لهم ... اشتكيت 3 مرات بس ما فاد حاليا محتارة انقله او اخليه ... لخاص او عادي ؟

مرحبا أمينه ....بالنسبة ليي سجلت بتي في مدرسه المهد لأنه الكل يمدحها بس خايفه من مسألة الضرب و أشوف في ناس تتشكى منهم ...و لو تصيدها ضربه منهم والله الا أشتكي عليهم و أسوي اليهم سالفه عريضه علشان ما يلمسون شعره من راسها...

سكتي يانجمة الرضا.. أنا بعد والله خايفة من سالفة الضرب.. الله يستر.. بس لاتحاتون عندي واسطة قوية لأي شكوى تراني مستعدة لنقلها لمالك المدرسة....

قلووووب اني بنتي مولودة مع بنتك في نفس السنة وهي البكر عندي


بس هي نهاية اربعة ومثلك بعد كنت متحيرة اوديها السنة وال االجاية



بس زوجي قالي خلااص نسجلها احسن منها انها تريحك في فترة الصبح ومنها تتعلم



وهو الافضل ثلاث ايقولون كلما كان الطفل اصغر كان اقدر على الفهم



ومثل ما قالوا لج ان تصير عندهم خلفية وبعدين يتدرجون للأصعب هذا رايي



ان شاء الله اقتنعتي مثلي ..لاني كنت مثلك بالضبط متحيرة ..

السلام عليكم ,,, بنات في اي احد عنده فكرة عن مدرسة السنابل الخاصة ,, مكانها بالجنبيه ,, بليز ردو علي بسرعه مفكره اسجل بنتي فيها عمرها 3 سنوات خلال هذا الاسبوع ,,, واذا اي وحده فيكم عندها فكره عن مدرسة خاصه بالرفاع او قريبه وسعرها معقوووووووول تقولي ,,, شاكره لكم تعاونكم
ترا حاولت اسجلها بيان , كانو ( اسمها عندهم على الويتيغ لست )

بيبي لوشن.. والله ماعندي فكرة عن مدرسة السنابل بس إن شاء الله بنات البحرين يدخلون بأفرب فرصة ويساعدونك....

و الله ما تقصرين يا أم عبدالله

و ان شاء الله زنوب بتي و عبودي ولدلش ما يتعرضون للضرب في المدرسه أخاف يتعقدون و يكرهون الدراسه كلها :)

و سامحيني رديت متأخره صايره حدي كسوله

و بالنسبة للي سالت عن المدراس الخاصه أعرف مدرسه الشيخه حصه في الرفاع و المدرسه دراستها جدا قوية لكن بيزاتها تعور القلب من غلاتها :o

يعطيكم العافية
(التخرج) تخرج ابني من الروضة(روضة النورين) ولكن للأسف كانت حفلة فوضى وارتباك من الاداره والمدرسات وسوء معاملة مع اولياء الامور واني وحده منهم المشرفة أخذت تصرخ في وجهي عندما سألتها عن صورة ابني واني توقعت الحفلة في صالة أو نادي وبوفيه (عملت في صالة مدرسة حكومية و وجبة بسيطة في طبق) ليش العشرين دينار
*الصالة مجان
*سعر الوجبة 200 فلس المرطبات 100 فلس
*CD ثلاثة دينار
*الصورة 100 فلس
كل هذه مصاريف الحفلة ما يكلف 5 دنانير . اين الباقي؟؟؟؟؟؟؟؟؟؟ كل هذا فائدة !!!!:ss: اليس حرام ؟؟ التخرج مع الغلا

هلا خواتي
انا ما قريت الموضوع الا جم صفحة لأنه ما شاء الله طويل
بس انا سجلت بنتي بيان بالروضة للسنه الجاية
بيخلونها مستوى ثاني
وقاعدة افكر اني اسجل جنان
سجلتهم بروضة البراق بالسنابس لأني شفت مستواهم ومعاملتهم
وما شاء الله عليها بنت اخوي بنفس الروضة اشوف زوجة اخوي واجد تمدح فيهم

humsat.77;6373089:
هلا خواتي
انا ما قريت الموضوع الا جم صفحة لأنه ما شاء الله طويل
بس انا سجلت بنتي بيان بالروضة للسنه الجاية
بيخلونها مستوى ثاني
وقاعدة افكر اني اسجل جنان
سجلتهم بروضة البراق بالسنابس لأني شفت مستواهم ومعاملتهم
وما شاء الله عليها بنت اخوي بنفس الروضة اشوف زوجة اخوي واجد تمدح فيهم

سلام خيوو ...
ولدي سجلته من عمره ستين و نص ف البراق ... اول شيء ف الحضانة و بعدين سنة ف الروضة
معاملة افضل من ممتازة ... نفسيا كنت مرتاحة لما اوديه الروضة ، و هو للحين يسألني ماما سجليني بعد ف البراق ...
بس الي صار انه لما كان ف مستوى اول غيروا معلمته 3 مرات ... عشان جذي حسيته ما استفاد وايد مع انه تعلم الحروف - الارقام .. ام صديق ولدي لما جفتها تقول انها خلت ولدها للحين ف البراق و الملعمة الي عندهم كلش ممتازة حتى سلوك ولدها تغير للأفضل

طلعته من البراق عشان كنت مقررة اسجله ف مدرسة خاصة ..