محتارة أي روضة تدخلين طفلك،، حياكم

أختى أحلى شهد...
بالنسبة لروضة سدرة العصافير، كبيرة ومبناها حديث بس ماعجبتني من ناحية عدد الأطفال بالصف،، العدد مبالغ فيه،، وولدي مارتاح من دخل وقعد يصيح وأنا بعد حسيت بضيق،، والعادة إذا تاخذين عيالك لأول مرة يسمحون لك تدخلين معاهم شوي وتنسحبين بهدوء،، هذول مانعيين الأم تدخل بالمرة،، مع أنها قريبة بالمرة من بيت أمي والمواصلات متوفرة بس ماعجبتني..

هل جربتي الوفاء،، او عندك الريان في المحرق (قريبة من مستشفى الولادة بآريف)..

بنات البحرين اللي عندها فكرة عن مدرسة المهد اللي فتحوا لها فرع بالمحرق (الفرع الأول بسار)، كيف هي وكيف مستوى التدريس وشلون عيالكم معاها؟؟
أنا ولدي بروضة الوفاء والحمدلله وايد مرتاحة منها وولدي قاعد يستفيد منهم وايد بس أفكر أدخله بعدين مدرسة خاصة ولازم عشان تتسهل عليه وينقبل يكون دارس ال KG بمدرسة خاصة بعد، عندي صديقتين ودخلوا بناتهم مدرسه المهد اللي بالمحرق ووايد يمدحون فيها، بس حبيت آخذ راي أكثر من وحده يكون أقرر بعدها.

انا الصراحه وديت عبودي الروضه وعمره سنتين في الاول عذبني في الاسبوع الاول واشوي من الثاني لانه مو متعود يبتعد عنا بس الحين وايد مستانس فيها وهي روضة النجاح في مدينة حمد الدوار الرابع وقريبه لنا واسعارها وايد مناسبه وبعد العنايه في الاولاد وتدريسهم وايد زين ويعلمونهم كل شي مع اني كنت بوديه مدرسة المهد بس ان شاء الله اليايه اوديه طبعا روضة النجاح الكل يمدح فيها ومن تجارب جميع الاهل الي ودو اولادهم فيها والسموحه على الاطاله
مشكوره حبيتي على الموضوع الحلو

اهلين ام عبدالله ..


وحلوة فكرة الموضوع ..


انا وديت ولدي حضانه اسمها حضانة براعم الحسين في اسكان عالي وكانت ممتازة الحمدلله .. رسومها الشهرية 30 دينار بس عيبهم ان ماعندهم مواصلات ،، وكانت تقبل الاطفال من عمر شهر الى 3سنوات :)

وان شاء الله بوديه الشهر الياي روضة في اسكان عالي بعد اسمها روضة الغدير ،، بودي ولدي بناء على مدح اخوات ريلي لها.. الروضة رسومها الشهرية 30 دينار بعد وبالمواصلات 36 دينار .. اخت زوجي كانت بنتها اللعام في هالروضة ووايد استفادت والسنة نقلتها الى مدرسة بوابة المعالي لكن تقول ان الروضة وايد احسن وان بنتها استفادت هناك اكثر ..




وعن مدرسة المهد :: انا عيال اخو زوجي في هالمدرسة فرع سار .. دخلوهم كي جي من البداية والحين هم مدرسة واكيد انها اوكى لانهم واصلوا فيها للحين ..
واذا حابة اي معلومات ممكن استفسر لج من عندهم (a)


والسنة الياية نفكر نوديه ولدي مدرسة كانو في سلماباد اعتقد ،، اخت زوجي مودية بنتها هناك وتمدحها بعد اضافة الى سمعة المدرسة نفسها .. لكن للحين ما عندي فكرة عن الرسوم وهالسوالف .. بس حسب علمي ان دوامهم طويل مقارنة بباقي الروضات والمدارس :cool:

بنات البحرين

انا ساكنة في منطقة قريبة من سترة وبغيت اودي ولدي السنة الجاية الروضة

الي يعرف روضات في سترة يخبرني بلييييييييييز

كنت ناوية اوديه البتول في سترة بس سالت عنها وطلع ان الروضة ما فيها كراسي وايد يودون رحلات

فغيرت رايي وفي وحدة نصحتني بروضة القمررررر

ولحين وانا محتاة وامشي واسال والله يخليكم دلوني على روضة زينة واقساطها معقولة في منطقة سترررة

الموضوع وايد حلو انا ولدي الحين سنه ثانيه في روضه البركه اللي في لمحرق .......اشوفه وايد مرتاح منها ويهتمون في الطفل واشوف ولدي وايد مستفيد من الروضه ........في احد اعيرف هالروضه .....روضه البركه وله فرع في مدينه حمد..............وانا قبل لاودي هاي الروضه اتصلت بروضه الوفاء بس المديره وطريقه كلامها ماعجبتني .....وايد اتفلفس ......من جذي ما وديت ولدي روضتهم .....

حبيبة جيمي اعرف روضة زينةو يمدحونها وايد بس في منطقة سند .. اسمها روضة علي بابا :)


وعندهم مواصلات حق جميع المناطق القريبة سترة وضواحيها هههههههههههههههه ورسومهم جدا بسيطة 20 دينار بدون مواصلات وبالمواصلا يمكن 25 ..

أسعدني تواجدكم أخواتي وإن شاء الله كلنا نستفيد من بعض....

بخصوص روضة البركة فعلا سمعت عنها ممتازة وطريقة تدريسها نفس روضة الوفاء،،، أنا في البداية ماكنت مرتاحة لروضة الوفاء لأنهم رفعوا أسعارهم كل قسط 160 دينار وانت لازم تدفعين 3 أقساط بس الدراسة وايد زينة...
بس تفكيري حق مدرسة المهد لأنهم بينتقلون من المحرق إلى الحد يعني مول عندي بالضبط ماراح أتعب في التوصيل وسمعت أن الدراسة وايد زينة وقوية.. وآنه حابة أعرف أكثر عنها وأنا بإنتظاركم يابنات....

ماما حسون انا سمعت عن هالروضة بس بتصير بعيد عنا

خبرج هني الجسرة والزحمة بنام صدوقي في الباص من التعب

انا ابي في منطقة ستررررة لانة سند بعيد شوي والزحمة ما يسوى سترة اقرب

لانة من بيتنا الى سترة 5 دقايق بسسس وبالزحمة تصير نص ساعة اشلون سند ما يسوى

محتارة وابي روضة صدوقي يروحها يوم واحد ويحبها ويصير هو الي يبي يروح مو انا الي اجبره

اذا احد يعرف روضة في سترة زينة يخبرني واذا احد جرب روضة القمر الي في سترة يخبرني

في الانتظار


رانيا ما عندي فكرة ان شاء الله البنات يفيدونج

حبيبة جيمي ، أنا بعد ماعندي فكرة عن منطقة سترة الصراحة، لأني من محافظة المحرق وأعرف بس بهالمناطق .. إن شاء الله بقية بنات البحرين يفيدونج....

عيال حماتي بمدرسه المهد وهم توهم بالكي جي

ماشاء الله عليهم واجد أحسهم مستفيدين و هم أعمارهم أكبر من علوي ولدي

بس للأسف ماكنت أعرف شي عن هالمدرسه كان سجلت ولدي وياهم

أفكر بس يخلص الفصل الثاني من هالعام وأسجله هنااااك



وعيال عمتى بمدرسه المهد اللي بسار وماشاء الله عليهم مستواهم ممتاز



إلا هالروضه موقعها بالمحرق لو البسيتين بالظبط !!!

المهم بكل الحالتين هي قريبه عندناااا


..........

بس عندي استفسار بسيط

سمعت انه المهد لازم سنتين كي جي والا مايقبلون الطفل !!!!!!!!

ليش في مدرسة المهد غير اللي في سار ما اظن بس وحدة اهي اللي بسار صح ؟؟
اسمع عنها وااااايد ممتازة ولد اخوي هناك بالحضانة عاد بس احسه مستفيد ..

أنا للحين ما ولدي ولدي الروضه
بس سمعت عن روضة النورين إلي في جدحفص وايد زينه
وروضه الغدير وروضة انوار الغدير بعد زينين

بس انا بودي ولدي روضة النورين لانها اقرب اليي
ودراسة اللغة الانكلينزية عندهم مكثف

و مشكورين على الموضوع الحلو

مشكورييين على الموضوع الحلو
بالنسبة لمدرسة المهد سمعت عنها زينة ولاد اختي هناك بس عيبهم يعتمدون واجد على الحفظ يعني يحاولون بقد الامكان يحفظوونة مايفهمونة .
بالنسبة لي عندي مدرسة لؤلؤة الخليج احسن احس ان مستوى اولاد اختي الي في مدرسة لؤلؤة الخليج افضل من اولاد اختي الي في المهد.فحتمال اودي بتي لؤلؤة الخليج بس الحين عمرها 3سنوات ما ياخدونها سنة الجاية بوديها . بس ادور الى بتي روضة عادية حق اوديها الكورس الجاي

بنات ساعدوني بروضة في سند او المدينة يكون مستواهه قوي
بليز
سمعت عن الشموس مع علي بابا في سند تمام لو شنو؟

راعية الاحساس روضة علي بابا وايد زينة والكل يمدحها

فعلا روضة علي بابا زينة ويمدحونها وايد :)
ورسومها ممتازة ،، 20 دينار فقط " بدون المواصلات " واعتقد بالمواصلات زيادة 5 دينار (y)


عن ولدي انا سجلته اليوم في روضة انوار الغدير وبكرا ان شاء الله بخليه يداوم :D



بالتوفيق ان شاء الله لكل الاطفال :cool:

المدارس الانترناشنوال ممتازة من ناحية اللغة

بس تعالو من ناحية الدين ما يهتمو في الدين

واحنا في دوله اسلامية من بلد الاسلام ولازم نهتم بالدين

لاني اعرف بنات متخرجين من مدارس عالمية و في الدين استهتار و لا مبالاة حتى في نظرهم انو المتديينن متعقديين تبغو اولادكم كده يطلعو اكيد لا

و خاصة انه الزمن اللي احنا فيه يخوف

الله يقوي الاسلام في قلوب اولادنا امين

انا عن نفسي حاحط ابني في مدرسة متعادلة بين اللغة والدين

و حاسجله في روضة النجوم الساطعة في جدة عند عزيز مول اللي تعرفها تفيدني الله يخليكم

عيالي أختي بروضه الشموس وما شاء الله واجد يهتمون بالدين وهذا اللي لاحظته


بس أعتقد أن الاهل ليه دوووور كبير بالطفل فلازم نحن بعد ننمي قدرات الطفل ومانعتمد فقط على روضاتهم

أنزين بنات ياللي يعرفي عن مدرسه المهد يخبرني عنها


ومشكورات مقدما