محتارة أي روضة تدخلين طفلك،، حياكم

سلام

انا ابي وحدة على خط البديع

موضوع جدا جدا جدا مميز أختي رانيا البحرينيه


اتصدقين اني كنت أفكر أودي ولدي الروضه بس ابوه يقولي خليه لما يكمل الاربع سنين


يعني بس سنتين روضه قبل المدرسه واني محتاااااره وافكر اني اوديه الفصل الجاي


ولدي عمره 3 سنين وأربع شهور حاليا



وحوالي روضات بس مب عارفه اي روضه أفضل فياليت بنات البحرين وخصوصا منطقه المحرق

وبالخصوص عراد , سماهيج , الدير ......... يابنات خبروني أي روضه ممتازه بهالمناطق

مرحبا
انا عن عيالي دخلتهم مدرسة ليوا الخاصة بالعين بعد ما سألت ربيعاتي اللي مدرسين عيالهم نصحوني بهالمدرسة بس مشكلتها غالية وايد وواجبات وايد يعني يرجعون من المدرسة 2.30 الين يسبحون ويتغدون نذاكر الين المغرب وحليلهم ما جنهم يهال ....الله يعينهم ويوفقهم فديتهم كتاكيتي

الاخت بنت التميمي

انا بعد وديت ولدي روضة علاء الدين يوم كان عمره سنتين ونص والله انه يبكي من يركب الباص لين مايرد مادري ليش وما استفاد ابدا حتى كره حياته وانا ليومج هذا ماعرف سبب هالخوف والحمدلله السنة اللي فاتت غيرت له الروضة ومستانس وايد ويروح ويرد عادي واستفاد وايدددددددددددددد

شهباء،، إن شاء الله البنات القريبات من البديع يفيدونك..

أحلى شهد،، بالعكس السن مناسب الحين حتى لو تدخلينه الفصل الثاني،، عندك بعراد سدرة العصافير وايد زين وبالمحرق الوفاء..

أم بوسنيده،، مشكورة على المشاركة،، والله يكون بعون عيالك على الدوام، أحنا عندنا أخوي بمدرسة الشويفات ما يخلص غير الساعة اربع وبيني وبينك مفتكين من حنته في البيت...

غداري،،شكلها الروضه فيها شي او ماعندهم إهتمام بالطفل ولهذا السبب أنت وأختنا بنت التميمي طلعتوا عيالكم...

الحمد لله وافق ابوها اني ادخلها حضانة بس بشرط تكون قريبة جدا، يعني في شارع البديع والحين قاعدة ادور الحضانة المناسبة وبالسعر المناسب.

وطالبتكم ساعدوني قبل لا يغير رايه. والا انا اتملل بروحها كاسرة خاطري اشلون بتقوم من الصبح وبتقعد هناك ويا ناس جدد وما تعرفهم ، والله كل افكر في هالموضوع.

يالله فزعتكم.

أختى أكبر قلب ماعندي فكرة بالمرة عن شارع البديع،، انت وين ساكنة بالضبط وهل مكان عملك بالمنامة يكون تاخذينها روضة الفاتح مثل ماقلتي قبل،، وهل لو دخلتيها بالبديع في حد ياخذها الظهر لأن وقتها أنت بتكونين في الدوام،، فكري في كل هذه الأمور لأن مشكلة المواصلات صعبة وفكري بالصبح أنت مستعجلة على الدوام وبنفس الوقت مرتبطة بتبديل ملابسها وتوصيلها للروضة..

هدا اللي افكر فيه يا رانيا انا مكان عملي في المنامة ، اوكي بوصلها الصبح بس اشلون باخدها العصر؟

فمن جديه ابغها في شارع البديع لاني عندي احد في البيت يوصلها ويرجعها وبتكون قريبة.

البنات يقولون المهد زينة بس ما ادري من اي سن يقبلون بتصل فيهم وبشوف.

شكرا لج يا رانيا على التواصل

توكلي على الله، وشوفي لك روضة بالبديع،،، بخصوص المهد سامعة عنها أنها زينة بس مو عارفة من أي سن ياخذون.

مشكورة اختي على الموضوع الرائع
ولدي عمره 3سنوات و3شهور وتوني مدخلته الروضة (اكاديميه قطر) منهجهم بريطاني طبعاً دخلته بعد معاناة مع زوجي لانه رافض فكرة الروضة بس الحمدلله اللحين اقتنع ... بس بصراحة كل يوم يعورني قلبي عليه يموت من الصياح من اول مايقوم لين الساعة9
بس الصراحة اكاديمية قطر من احسن المدارس في الدوحة من حيث المنهج والاهتمام ويعلمون الطالب على الانضباط .....

قطرية مشكورة أختى على الإقادة،، بس ماخبرتينا كيف المبنى وتجهيزاته والأسعار..
الله يحفظ لك إبنك من كل شر....

وين بقية بنات الوطن العربي ننتظر مشاركاتهم....

اخواتي تعالو كلكم وسجلو اطفالكم بالروضة عندي انا معلمة هناك بسوريا وتكرمو رح دير بالي على اطفالكم كلهم وحطهم جوا عيوني الله يحميهم وتشوفهم بأعلى المراتب واشوف محمودي يالدمشقية بيدرس عنا بالشام

نحن في الامارات عدنا المدارس الخاصه واااايد غاليه بس تدريسهم ممتاز

في ابوظبي: مدرسة الشويفات ومدرسة الورود افضل مدرسه فالدوله تقريبا..صح سعرهم وااايد غالي بس على مستوى واللي يدرس فيهم فرق بينه وبين طالب الحكومه

في دبي:الاتحاد الخاصه ودبي الدوليه

في الشارقه:الشويفات والشارقه الخاصه

في عجمان: الحكمه

في ام القيوين:الشويفات وأم القرى

ملاحظه هذي المدارس اللي اعرفهم عن تجربه من اهلي وصديقاتي..يمكن فيه مدارس ثانيه زينه بس ماعندي فكره عنهم..واللي له تجربته لايبخل علينا

:cool2: مرحبا حبيبتي رانيا البحرينية ...
المبنى روووووعة:up: والصفوف كبيره ومقسمة مكان لقراءة القصص ومكان للتلوين ومكان للرقص والاغاني ومع كل صف حمام (المغسلة والمراحيض حجمهم صغير )عشان يتناسب مع عمرهم وكل صف فيه مدرسٌة انجليزية ومساعدة عربية ..
والساعة 9 الصباح يقدمون لهم اول وجبة (طبعاً الاكل من عندهم يعني مافي داعي تسوين له اكل للمدرسة ) وهي عبارة عن بيتزا او فطيرة مع عصير ونوع معين من الفاكهة..
ويكون عندهم يوم في الاسبوع حصة كمبيوتر يعلونهم شلون يمسكون الماوس وبعدين يجلسونهم على الارض ويحطون لهم شاشة كبيرة تعرض الالعاب التعليمية وكل طالب لازم يجاوب (وانا كنت في المدرسة بالصدفة وحضرت مع ولدي وما كان ودي اطلع)..
ومرتين بالاسبوع يلعبون رياضة ومن بينها السباحة يعني بصراحة المدرسة ممتازة :bigsmile: بس سعرها غالي , السنة 13000 ريال ..

فرح الشام،، خلاص ولا يهمك عيال بنات المنتدى كلهم عندك،، بس وين بنخليهم وأحنا راجعين البلاد؟؟نخليهم كلهم عندك في البيت (راح يذبحوك أهلك)

أم سعيد 2005 مشكورة على المرور عزيزتي، بخصوص الشويفات حتى أحنا عندنا بالبحرين ممتازة، وعن الإتحاد اللي بدبي عيال خالي في الإمارات يدرسون فيها ويمدحون فيها كثير من يوم هم في الإبتدائي والحين بعضهم وصلوا الثانوية وبعدهم هناك.

قطرية،، مشكورة كثير على الرد شوقتيني أدخل إبني روضة بهالمستوى،، فكرة الحمام عجيبة على الأقل تكون نظيفة مو أطفال 4 صفوف أو أكثر كلهم على حمام واحد (عندنا منهم كثير).
عن الأسعار يمكن شوي غالية بس تقريبا معظم المدارس أسعارهم صارت بهالحدود.

ممتاااااااذ الموضوع ... تعرفوا أنا كنت من أشد الأمهات معارضة لذهاب الطفل لحضانة قبل 4 سنين .. لأني اتعذبت في الحضانة .. كنا من ساعة ما ندخل لغاية ما نطلع وهم مقعدينا في كراسينا (يعني بيخلوا الطفال كراسي على كراسي) ولا تتكلمي وتربعي أيديك علشان تبقي حلوة ...


المراجيح كانت موجودة وكتير بس المدرسة والدادة كانوا بيرفضوا يخلونا نلعب علشان ما حد يسقط وينجرح وبعدين تبقى مسئولية ...


يوم ما تكون المدرسة راضية كانت تلعبنا شمس وقمر خخخخخخخخخخخخخ حتى دي بتتلعب وإحنا على الكراسي ...


لكن مع تغير الزمان والتطورات والعقول تغيرت والدول اصبحت تهتم بالتعليم والحضانات أكثر بكثيييييييييييييييير عن ذي قبل ... وكنت أروح الحضانة لأخي أو أختي الصغار حسيت إن أنا كنت في معتقل مش حضانة !! و بعد ما تزوجت وكنت أروح مع أي واحدة للحضانة نجيب طفلها أو تحكي لي عن حفلة اتعملت في الحضانة .. أصبحت عندي رغبة في أن أرسل طفلي للحضانة

لما كان معاذ وحده وأنا وحدي في غربة يعني ما عندي حد يجي لي مرة ياخد باله من ابني على ما أخلص شغل البيت ولأن الولد ما بيلاقي حد يلعب معاه ألحقته بالحضانة في عمر سنتين وثلاثة شهور على الرغم من أنهم لا يأخذون أقل من 3 سنين ... ولكن كان اختياري غير موفق في أول مرة .. من عدة نواح في الحضانة .. وبعدها بسنتين كنت قد أصبحت أكثر دراية وتفهم لرغبات ابني فنقلته لحضانة أخرى وشعرت بالفرق الكبير بين الاثنين ...


وأنا الآن أقول لكل أم ارسلي أطفالك من عمر سنتين للحضانة فهم يستفيدون فيها بشكل كبير حتى وإن كنت جالسة في البيت ارسليهم فبعض الوقت تصبحين حرة لنفسك ... فتوكلي على الله ...


في مصر جربت حضانتين ممتاذتين وعندي أهم شرط لتلحقي طفلك بحضانة ان تشعري أنت بالراحة عند دخولك فيها وتشعري بأن القائمات عليها أمهات للأطفال ولسن معلمات ...


في المقطم حضانة الطفل السعيد وهي حضانة ممتاذة ومصاريفها معقولة جدا ...

وفي حضانة باربي في منشية البكري

الاثنين عن تجربة

أما في الغردقة فحضانة الهلال الأحمر ممتااااااااااااذة بكل معنى الكلمة

موضوع قديم لكني حبيت اشاركم فيه ؟

ممكن روضه تكون حلوة ومصاريفها بعد حلوة في المنامة او الرفاع او مدينة عيسى ؟

موضوع قديم لكني حبيت اشاركم فيه ؟

ممكن روضه تكون حلوة ومصاريفها بعد حلوة في المنامة او الرفاع او مدينة عيسى ؟

انا بالنسبة لي عندي بنتين مدخلتهم في أكاديمية الأرقم للبنات ...
والحين حاطة اساميهم في مدرسة قطر انترناشونال واختبارهم بيكون في6-5 (إختبار القبول)

طبعا المدرستين مستواهم اوكي بس ان قطر انترناشونال عندهم المدرسات الاجنبيات اكثر واهتمامهم في الانجليزي اكثر ...
والارقم مهتمين في الدين والانجليزي...

صدق الموضوع قديم بس حلو الواحد ياخذ شوي من خبرات العضوات


عزيزتي رانيا البحرينيه ذكرتي بالموضوع سدره العصافير وزوجي رسى على هالروضه

تقريبا حسب اللي سمع عنها من أصحابه وأهله


بس أني للحين مو مقتنعه فيها لأني ما اعرف طريقه تدريسهم وسمعت انها بدون مواصلات


ومركزها أظن بعراد وهي قريبه منا


فياريت تخبرينا عنها أي شي أو اي عضوه بحرينيه درست عيالها بهالروضه تخبرما عنها