تبـين تصيــرين احلــى وحـــده بالعيــــد؟؟ تعـــالي وراي ((الجــزء الرابـــع))

د

دلوعه قطريه

مشرفة سابقة

24-09-2006 | 02:25 AM

هلا بنات

شخباركم؟؟ انشالله كلكم بخير؟؟

مبارك عليكم الشهر

مثل ما انتوا عارفين هذا هو الجزء الرابع من الموضوع

وقررت انزله بناء على رغبتكم((حلوه هذي))

وطبعا مشاركاتكم وتفاعلكم الدائم معاي هو الدافع اللي يخليني استمر

معاكم ونوصل للجزء الرابــــــــــــــع خلال سنه وهذي الثانيه

باختصار اغلبكم عارفين فكرة الموضوع

الموضوع عباره عن اقسام

القسم الاول

ابيكم خلال هالاسبوع او ال 10 ايام الجايه(حسب التفاعل)

كل وحده تدخل تقول لنا عن طريقتها في العنايه ببشرة وجهها

وجسمها

وشعرها

وياريت يكون الكلام مفصووول عن بعضه يعني مش كلو على بعضوو لان لما يكون الكلام مرتب يسهل علي وااااايد القسم الثالث

القسم الثاني بيكون عباره عن جدول انزله للعنايه ببشرة الوجه وجدول ثاني للعنايه ببشرة الجسم والشعر

والجدول كلللللله بيكون عباره عن تجاربي

ولو جربت شي ذكرتوه في ردودكم وكان اوكي

بدخله في الجدول

القسم الثالث بيكون عباره عن

من تجارب العضوات

بسوي كوبي وبيست لاجزاء من ردودكم كلكم عن الاشيا اللي جربتوها وكانت مفيده

وطبعا لو عندكم اي استفسارات اطرحوها وبجاوبكم باللي اقدر عليه انشالله

وايضا الاجوبه على الاستفسارات بتكون في القسم الثالث

ومن ضمنه حلول لمعضم مشاكل البشره الشائعه

واخر شي ابي كل وحده فيكم تدخل وتقول لنا شسوت يوميا نبي نعرف شسويتوا بخصوص العنايه

ببشرة الوجه

والجسم

والشعر

عشان نشجع بعض ونتحمس اكثر

انتظر ردودكم وتجاربكم وتفاعلكم

رجاء لاتكتفون بالشكر او المرور

ابي ردودكم لان الموضوع اولا واخيرا قائم على مشاركاتكم ((يا أم الدرر ))خخخخخخ

اختكم

دلــــــوعــه قطــــــــريــه

د

دلوعه قطريه

مشرفة سابقة

24-09-2006 | 03:17 AM

بنات

هذي لنكات مواضيعي السابقه

للافاده

الجزء الاول
http://www.3roos.com/forums/showthread.php?t=145767

الجزء الثاني
http://www.3roos.com/forums/showthread.php?p=2700706#post2700706

الجزء الثالث
http://www.3roos.com/forums/showthread.php?t=170756

ن

نور الدوحه

عروس برونزية

24-09-2006 | 03:20 AM

اول شي حبيت اشكرج على الجزء الجديد

وانا في هالجزء ان شاء الله راح اتابع معاكم خلطات الجسم

لان وجهي ماقدر اسوي فيه شي
لاني حاليا اتابع مع خبيرة تجميل
وماستخدم الا الكريمات اللي هي تعطيني اياها

وجدولي اليومي حق وجهي عبارة عن

الصبح: تنظيف بغسول خفيف خال من الصابون ...تونك... سيروم وكريم للبشرة الدهنية
المسا: ماسك .. يوم ماسك الطين ويوم ماسك طبي خاص بالحبوب
الليل: تنظيف بصابونه البحر المييت .. تونك.. كريم لازالة البقع.. كريم العيون

-----

الجسم

انا مسوية خلطة شهر العسل بس للحين ماستخدمتها الا مرة وحدة وبس
وافكر اداوم عليها ان شاء الله

واذا لقيت شي حلو في الجدول معاكم باسويه اكيييييييييييد

نسيت اقول كل المنتجات اللي تعطيني اياها الخبيرة حق ويهي من ماركة dr Renaud
من شركة النزيه

ر

روح البحرين

مشرفة سابقة

24-09-2006 | 08:54 AM

هلا اختي دلوعه قطريه ..

تسلمين عل موضوع وانشاءالله كل البنات يستفيدن

انا الحين قاعده اسوي جدول خاص برمضان وانشاءالله يوم يخلص اكتبه.

اختج

روح البحرين

و

وجدان الشوق

عروس رائعة

24-09-2006 | 11:18 AM

فدييت هالطله

فديت بنت بلادي راعية الانتكه والجماااااال

سفيره قطر للاشراقه

<< اشعندهاا

والله امس طريت في موضوع الشات ماااونت اذنج؟؟

اقول حق البنات اني حاطه على ويهي خلطه وعلى شعري دهن

اقولهم لو دلوعوو هني جان علمتكم السنع شلون تعتنون بنفسكم

خخخ

المهم حبي

اانااا استخدم الصبح مقشر يومي من بودي شوي بفيتامين سي

واحط بعد من نفس الكلكشن كريم الصباح المغذي بفيتامني سي بعد

الظهر اغسل فيسي بصابونة طبيه كاتبها لي الدكتور

العصر احط لي خلطه من خلطاتج بالموضوع القبلي

قبل النوم كريم الليل من اولاي

وبين كل يوم وترك احط ماسك او مقشر من همالايا

وبس

ا

اوركيده الكويت

عروس مشاركة

24-09-2006 | 01:37 PM

انا عرسي بعد رمضان وما ادري شسوي في شغلات كثيرة يبيلها تعديل
الله يعين

ا

اوركيده الكويت

عروس مشاركة

24-09-2006 | 01:38 PM

انا عرسي بعد رمضان وما ادري شسوي في شغلات كثيرة يبيلها تعديل
الله يعين
روح البحري عطينا جدولج

ب

بغداد

عروس مشاركة

24-09-2006 | 02:17 PM

ممكن تعطوووووونا حلول سريعة ومفعولة

ت

تايم آوت

عروس رائعة

24-09-2006 | 02:54 PM

الله على بنت قطر الله عالفنتكه

يعطيج العافيه دلع لع عالموضوع الحلو

وانشالله نكون من متابعينج دووووووم

بالنسبه لي انا للوجه مااستقر على خلطه وحده يعني كل يومين ثلاث احط خلطه

للشعر استخدم كل اسبوع خلطة زيوت شريتها من وحده

للجسم استخدم التقشير واستخدم الحنه

وبس

يعطيج العافيه عالموضوع

ب

بنت الغالي

مشرفة سابقة

24-09-2006 | 05:53 PM

اللللللله فتحتي الجزء الرااابع

انا اول متابعه معاااج ومن اليوم ناويه ابدا اهتمامي .......

بعد شيو بدهن شعري بزيت الخروع بصرااحه ووواااااجد مشى على شعري صاااير فله........

يللا بنات شدوا حيلكم

ك

كريستالة قطر

عروس فضية

24-09-2006 | 06:52 PM

خبيرة البشرة دلوعه قطريه >> لاأحد يتشقق

هههههههههههههههههههههههههههههههه

تسلمين حبوبه عالموضوع اللي شوقتينا له

بالدعاية قبل رمضان

وحابه أشارك فيه معاكم

بخصوص العناية بالبشرة

تقريباً أستخدم للأستعمال اليومي

منظفات كلينك الطبية منها التونك ، مزيل مكياج العيون والماسكار ، اللوشن ،

وأستخدم بعد مرطب البشرة لما أحس إن بشرتي ناشفة وتعبانة ياإما مرطب كلينك ولا مرطب نيفيا اللي بالمشمش ..

وجربت كذا مره ماسك الروب ..

جسمي ..

مب دوم أغامر بجسمي لان أخاف من الاثار الجانبية

بس من تعرفت عليكم وشفت حماسكم وتجاربكم

بديت أهتم أشوي فيه

وأخر مره حطيت على جسمي خلطة الروب اللي بماي الورد والليمون ووووو ..

وخذت خلطة شهر العسل بس أنتظر أختي تطلع من النفاس عشان نستخدمها .. خخخخخخخ ..

ومن خمس أيام رحت مركز للمساج وسويت عندهم مساج بالزيوت اللي يستخدمونها ..

شعري ..

من خمس أيام سويت مساج لجسمي وطلبت منها تحط لي زيت بعد في شعري

لانه من قلب تعبان واتعيز اروح الصالون أسوي له حمام زيت ولا كورسات

لان شعري مب ناعم .. كيرلي .. :shy:

وبس انتهى الفاصل ..

ر

رغد قطر

عروس مبدعة

24-09-2006 | 07:02 PM

:salam: امممم انا استخدم صابونه نيتروجينا خاصه للبشره للي فيها حبوب في بشرتها واغسل وجهي مرتين باليوم بمااي الورد وببدى انشاءالله بالفازلين حق جسمي ببدى احطه كل يوم عشان النعومه اما شعري لحد الحين ماعرف شسوي فيه بس الحين استخدم زيت عافيه وفلفل حار 2 مرتين في الاسبوع ومشاءالله شعري صار ناعم ورجع احسن من قبل..

انشاءالله فديتج اي شي يصير بقوله بس انتي ماقلتي لنا شي عنج عشان نكون رباعه:salam:

بتوفيق ومبارك عليج الشهر اختي:shy:

م

محتاجه لك

عروس فضية

24-09-2006 | 08:05 PM

دلوعة قطريه :clap:

انا معاااااااااكم

وكل عام وانتوا بخيير ياااااااااارب

بسوي لي جدول وراجعة باذن الله قررريب:shy:

د

دوحانية

مشرفة سابقة

24-09-2006 | 10:18 PM

ثانكس دلع على الموضوع الفنتك ^_^

:

انا قصرت وايد بعد العرس .. لكن بديت ارجع نشاطي مب كله شوي منه و القادم أفضل خخ

:

البشرة :
استخدم غسول دوف الأخضر يومياً و استخدم معاه فرشاة الفيشل من بودي شوب ..
بعدها .. استخدم كريم دوف المرطب أو ماي ورد أو اسكينول البابايا ..
منطقة العين .. أحط عليها كل ليلة .. مرطب اولاي .. هو مزيل ماكياج أساساً و مرطب في نفس الوقت ..
الشفايف : مرطب بالمشمش احط منه كل ليلة و كل ما شفته جدامي .. أو فازلين بس طبقة خفيفة ..

:
:

الجسم
سكراب من البودي شوب و استخدم القفازات
كريم من نفس النوع احطه بعد السكراب للترطيب ..
و استخدم سكراب خاص للأقدام بالمشمش ..
و كيري فري للمنطقة الحساسة بدل الصابون ..

:
:

الشعر :
اسوي له حمامات زيت كل اسبوعين .. وايد مقصرة فيه لكن شاسوي ما في وقت ..

:

:

و متابعين ..

ل

لا هم إلا هم الآخرة

عروس متألقة

24-09-2006 | 10:27 PM

السلام عليكم ورحمة الله وبركاته

موضوع رااااائع

ويستحق المتابعة

بالنسبة لعنايتي

أنا من ذوات البشرة الدهنية

ونظامي :

الصبح :: أغسل ويهي بجل شجرة الشاي ... وأمرر ثلجة لإغلاق المسام ..وأرش ماي ورد ..وسيروحم لويس ويدمر وكريم الحماية

بعد الدوام :: أغسل ويهي بنفس الجل وأحط زيت شجرة الشاي من الصيدلية على آثار الحبوب والحبوب البسيطة ببشرتي

المسا:: كريم لإزالة البقع ... وكريم محيط العين لويس ويدمر

بعد الفجر أحط جل من ليراك وأنا فيه ساعة

كل يومين أو ثلاث

أحط قناع (خميرة +روب +ليمون )

أو

قناع مقشر من ليراك

والحمدلله الكل يسألني عن تحسن بشرتي

حتى أليوم أول يوم دوام بعدرمضان

المعلمات يسألوني

ويهج منور

الحمدلله

وفيه شغلة زيادة

أنا أشرب عصاير باستمرار

عصير الشمندر

+

عصير موز بحليب

+عصير برتقال

بشكل شبه يومي

وسلامتكم

~

~*¤§شيخة البنات§¤*~

عروس نشيطة

24-09-2006 | 11:24 PM

مرحباااا الغلا

أول شي مبارك عليكم الشهر
أنا شفت مواضيعج من قبل بس قلت هالمره بكوون معاااكم بكل خطوة إن شاء الله
لأن عرس ولد عمي عقب العيد بأسبوعين ^_^

..:: بالنسبة لوجهي ::..
استخدم سكراب من همالايا بالمشمش 3 مرات بالأسبوع
واحط خلطة الروب والخميرة والخل

..:: للجسم ::..
قبل ماسبح افرك جسمي بزيت زيتون وعصير ليمونه وملح
وعقب احط خلطة الهردة
وقبل مارقد احط شوفان وعصير ليمون على الأماكن الغامقة

وبس وإن شاء الله بشووف خلطاتكم إذا في شي يناسبني ^_*
وتسلمين ياقلبي ع الموضوع الكشخة
وناطرين جدولج وجدول البقية

تحيااااتي لكم

ن

نور الدوحه

عروس برونزية

25-09-2006 | 02:47 PM

بانتظار الجدول

^_^

وينكم بناااااااااااات

نبي مشاركات اكثر
وتشجييييع اكثثثثثثثثثثثثثر

ماعندنا الا 27 يوووم بس !!

ب

بنت الغالي

مشرفة سابقة

25-09-2006 | 07:45 PM

انا الحين داهنه شعري بزيت الخروع وقبل السبوح بنص ساعه بحط خلطه لشعري : زيت زيتون وروب وصاربيضه وعسل تخلي الشعر طاااايح ....... ولوجهي بحط ماسك روب وعسل ..........وجسمي بسبح بخلطتي مقشر مشمش +سكر اللي حطيته رابطها قبل فتره ........

&

ღ الينبوعه ღ

مشرفة سابقة

25-09-2006 | 08:14 PM

تسلمين على المبادرة الحلوة والموضوع الاحلى بارك اللة بيج وان شاء اللة الكل يستفاد عزيزتي (f) (f) (f) (f) (f)

~

~*¤§شيخة البنات§¤*~

عروس نشيطة

25-09-2006 | 08:33 PM

بنت الغالي فديتج
حطي لي مكونات خلطة الشعر والوجه بالضبط

وزيت الخروع بروحه تحطينه والا معاه شي ؟؟
وتسلمين ياقلبي ^_^

تحياااتي لج