وأخيــــــــــــــــــــــــرا
الجـــــــــــــــدول المنتظــــــــــــــــــــر
اول شي الصبح
عندنا خطوة التنظيف والترطيب والوقايه
التنظيف
غسل الوجه بالصابونه المفضله وانا اخترت لكم
صابونة دوف الخضرا
صابونة فيتامين اي من بودي شوب
غسول التي تري من بودي شوب
الغسول من ماركة ايستي لودر
وللبشره اللي تعاني من الحبوب ودهنيه مافي احلى من صابونة بياري بالكركم سواء للوجه او الجسم
طبعا كل وحده تختار اللي يناسبها
وعندي لكم شي واااااااايد حلو وينظف الوجه عدل
(فرشاة الوجه)
تلقونها في بودي شوب أو دايسو
بللوا الوجه وحطوا الصابون او الغسول افركوا شوي باطراف الاصابع وبعدها افركوا بخفه بالفرشاة وشوفوا النتايج المذهله
وهالفرشاة عرفتها من موضوع للغاليه مرموم
وبعدها نستخدم التونر لاغلاق وقبض المسامات(انا افضل تونر نيفيا خفيف ومايسبب أي حساسيه)
الترطيب
نرطب الوجه بكريم النهار وانا اخترت لكم نوعين
(ولو عندكم مرطب مرتاحين له مب لازم تغيرونه استمروا عليه)
مرطب فيتامين اي من بودي شوب
مرطب روك (تلقون انواع مختلفه لجميع انواع البشره)
او ممكن تستخدمون مرطب اولاي وهو خفيف وحلو وااااايد ويصفي البشره بعد وقلت لكم عنه بأحد الاجزاء السابقه بس حبيت انوع في هالجزء
الوقايه
نستخدم الكريم الواقي من الشمس او السن بلوك
انا احلى نوع جربته واقي الشمس من لويس ويدمر خفيف ويرطب وتمتصه البشره بسهوله ومايشكل طبقه دهنيه عالوجه(نسيت اصوره)
[line]
الظهر بعد الدوام
التنظيف
اول شي ننظف الوجه باستخدام مزيل المكياج او مناديل تنظيف الوجه ومانكتفي فيها
لازم نستخدم الميلك وبعدها التونر عشان يسكر المسامات المفتوحه وماتتلوث او تدخل فيها الاوساخ والاتربه
بعدها ممكن نضيف خطوة التغذيه
باستخدام كبسولات مغذيه للبشره مثل
كبسولة فيتامين أ و هـ
او كبسولة فيتامين سي من بودي شوب
او اي نوع من الكبسولات الموجوده في الصيدليه
وطبعا تختلف الكبسولات في منها اللي تنبلع يعني تؤخذ عن طريق الفم وفي منها اللي نكسرها ونمسحها عالبشره
مثال للنوع الاول كبسولة فيتامين أوهـ اللي انا حاطتها بالصوره
ومثال للنوع الثاني كبسولة فيتامين سي من بودي شوب
وبعدها
ممكن نرش عالوجه رش فيتامين سي من بودي شوب(افضل احتفظ فيه بالثلاجه)
أو
نرش عالوجه ماء ورد بااااااااارد ومنعش
[line]
العصر
لو حبينا ممكن نحط من كريم الترطيب ولو عيزانه مب لازم اللي قبل يكفي خخخخخ :gum:
[line]
المغرب
عندنا خطوة العنايه المكثفه والخلطات ومعالجة مشاكل البشره:pain:
يعني لو عندج حبوب في ويهج وتبين تحطين ماسك للحبوب حطيه المغرب
لو تبين تحطين أي ماسك الوقت المخصص للماسكات والعنايه المكثفه هو المغرب
طبعا اول شي وعشان ماانعفس الدنيا نحط هاي الربطه على روسنا ولبستها دبدوبي الحلو عشان تعرفون شكلها
جذي تحطون الماسك براحتكم وماتعلوزون شعوركم
من قدام
ومن ورى
مثال على المقشرات
(وأفضل نستخدم التقشير وبعدها الماسك لضمان الاستفاده القصوى للبشره من الماسك)
مقشر نيفيا فيزاج للصبايا
مقشر هملايا بالجوز
مقشر المشمش
طريقة استخدام المقشر
نغسل الوجه بالصابون ثم نجفف الوجه جيدا ونضعه على بشره جااافه مو مبلله وندلكه باطراف الاصابع وبحركات دائريه وبعدها نغسل الوجه
(يستخدم مرتين او 3 مرات فالاسبوع لا اكثر)
هذا المقشر الاخير (الازرق اللي عالطرف) من دايسو وفائدته انه يزيل البقع في الوجه والاثار وبعد ينظف البشره
طريقة استخدامه يغسل الوجه وينظف وبعدها ندلكه عالبشره النظيفه بيصير مثل الخيوووط (هذي الاوساخ هههههههه)بعدها نغسل الوجه بالماي
(يستخدم مرتين فالاسبوع لا اكثر)
وبعده الماسك
مثال على الماسكات الجاهزه
ماسك الفواكه من هملايا
ماسك الطين (ماصورته)
ماسك الطين المغربي
(ننوع كل يوم او يومين)
في شي مثل الدوائر في علبه هاي الله يسلمكم ناخذ وحده منهم ونحطها بالدائره وعقب نحط عليها تونر وبتنتفخ بعدين نفتحها ونحطها عالويه وبتكون مثل المنديل الخفيف او الفاين
نخليه لين يجف وعقب نشيله وتلقونه في دايسو وفي مثله في كانيبو
وبعدها ممكن نحط خلطه ومن احلى الخلطات كلها طبيعيه وحلوه وافضل تحطون خلطه يوميا
خلطة الروب المطوره
عباره عن روب +ملعقة عصير برتقال+ملعقة زيت زيتون+عصرة ليمون+عسل
وهالخلطه من بنت عذاري وانا زدت عليها شوي
خلطة بودرة جونسن وماي الورد
بودرة جونسن للأطفال نخلطها مع ماي عادي بس انا افضل مع ماي الورد
وهالطريقه من بنت الغالي
وننهي عناية المغرب بشي بسييييييط
لان ادري انكم تعبتوا
ناخذ مكعب ماي ورد مثلج ونمره عالوجه لين يذوووب وشوفوا الخدود الورديه والانتعااش
[line]
بالليل
عنايه بسيطه قبل النوم ماسك النيدو
http://www.3roos.com/forums/showthread.php?t=198917
وبعدها نحط كريم الليل او الكريم المرطب او ندلك الوجه بزيت اللوز او زيت الزيتوون
ونووووووووووم العوافي
[line]
الحين بحط لكم بعض الاشيا اللي ممكن نستخدمها للعنايه بأجزاء معينه من الوجه
مجموعة العيوون
منظف مكياج العيون
ممكن تستخدمون اي ماركه بس انا احب نيفيا ولازم نتأكد كل ليله قبل النوم ان العيون نظيفه تماما وخاليه من أي اثار للمكياج
شرايح الخيار الجاهزه
تلقونها في دايسو او ماركس سبنسر وعرفتها من مارشملوز طبعا تغذي محيط العين وتزيل الهالات وميزتها عن العاديه انها ماتزلق كل شوي
زيت اللوز
تدلك به منطقة الهلات السودا كل ليله فهو يساعد على ازالتها
زيت الخروع
يطيل الرموش والحواجب ولكن انتبهوا لازم ماااااااااا يدخل في العين
جل العيون من اولاي
يرطب الجفون وتحت العين وتمتصه البشره اسرع من الكريم
كمادات الشاي
نحط الكماده في ماي بااااااااااارد او مثلج شوي وممكن نحطها بماي ورد بدل الماي العادي وبعدها نحطها عالعيون تزيل الهالات وتريح العيون
جل العيون المجهده
هالجل عرفته من مرموم وذكرته في أحد مواضيعها فعلا فعلا يريييييح العيون
وأخيرا
ماسك العيون المثلج
تلقونه بعدة اشكال في دايسو او بودي شوب
الطريقه
يوضع في الفريزر لمدة ساعه او ساعتين وبعدها نلبسه ويريح العيون واااايد خاصه اثانء القعده عالكمبيوتر
االأنف
لازالة النقط السودا نستخدم ماسك شجرة الشاي من بودي شوب
(نسيت اصوره)
الشفايف
للترطيب نستخدم أي نوع مرطب مثل
مرطب فيتامين اي من بودي شوب
المرطب بالنكهات المختلفه من بودي شوب
مرطب لابيلو (ما استغني عنه خاصه للطلعات النهاريه لان لونه خفيف وفي انواع بدون لون بس كان ضايع وماصورته)
او العسل كل ليله لانه يرطب ويورد الشفايف
وطبعا ماننسى التقشير
نضع طبقه ثقيله من الفازلين او ممكن الجلوس ونتركها مده وبعدها نمسح الشفايف بمنديل وبنشوف كل الجلد الميت والجاف راااح والشفايف لونها وردي وحلو
[COLOR="Purple"]الاسنان
هذي مجموعتي للعنايه بالاسنان
المعجون
كرست
المعجون المبيض
وايت دروبس
الخيط
اورال بي
الغسول
اورال بي
وفي خلطه تبيض الاسنان
نخلط المعجون مع عسل ونفرش به الاسنان
او نحرق قطعة خبز ونفرك الاسنان فيها (للحين ماجربتها للأمانه)
الحبوب
عندكم هالمجموعه اللي استخدمتها عشان تروح الحبوب وكلها كريمات طبيه باستشارة الدكتوره
واللي تبي تقشر بشرتها في البيت تقدر تروح الصيدليه وتطلب اي نوع من الرتن ايه وتستخدمه مرتين في الاسبوع مع ترطيب الوجه مرتين في اليوم بمرطب قوي
انا طبعا كنت استخدمه اكثر من مرتين بس لان انتوا بدون استشارة الطبيب ف مرتين كفايه وما تأذي البشره أبدا
وممكن تستخدمون اصبع ازالة الحبوب من بودي شوب
اللي لونه اخضر وموجود في الصوره
حطي منه على الحبه واتركيه يجف وكرري العمليه (خوش كلمه) كذا مره فاليوم ولاتلمسين الحبه أبداااااا عشان ماتترك اثر وكلها يومين او 3 وبتروح
وممكن بعد نحطه على اثار الحبوب وبيخففها شوي
الرقبه
هالجزء المهم جدا دايما ننساه
امسحي الرقبه بالاسكينول( نسيت اصوره بعد)لازالة السواد ولاتنسين أي ماسك او تقشير تستخدمينه لويهج الحلو حطي منه بعد على رقبتج
[line]
وووووبس
تم بحمد الله جدول العنايه ببشرة الوجه خخخخ جنه امتحان
وأي استفسار انا حاظره
والله الله بالردود الحلوه ترى تعبت وايد عالموضوووووووووع من [COLOR="indigo"]10 وربع وانا اكتب فيه لييين 4ونص ماتوقعت ياخذ كل هالوقت بس الاضافات والتنسيق تاخذ وقت اطول من وقت كتابة الموضوع[/COLOR]
ملاحظه خخخخ
1-
يوييييييلها اللي تبوقه بعضهااااااااااااااااااااااا
2-
باقي جزء بسيط وهو (من تجارب العضوات) بنزله باجر في رد منفصل
وكــــــــــــــــل الشكــــــــــــــــر لأختـــــي الغاليــــــــــــــه عنـــــــــــود الغيــــــــــــد:clap:
لولاها ما كمل الموضوع لانها ساعدتني وااااااااااايد وهي اللي صغرت لي الصور وحملتهم وكتبت اسمي بعد عشان محد يبوقهم لووول
واخر شي أي وحده تستفيد من الموضوووع ابي منها دعوه على زوئهااااا (ذوقها) لي خخخخخخ
وتدعي لعنوده يصير اللي فبالها ووووووبس مشكوريييييين
اختكـــــــــم
دلــــــــــــوعه قطريــــــه(f) [/COLOR]