تبـين تصيــرين احلــى وحـــده بالعيــــد؟؟ تعـــالي وراي ((الجــزء الرابـــع))

تسلمووووون عالردود الحلوه بس ويييييين التفاعل؟؟

ابي تفاعل حلو عشان انزل الجدول

ولاتنسون اني بدخل من وصفاتكم في الجدول

شيخة البنات

ملعقة كبيره روب وملعقة زيت زيتون وملعقة عسل وصفار بيضه (( يعتمد على حسب طوول شعرج )) ........اول شي تدهنين شعرج بزيت الخروع برووحه لمدة ساعتين على حسب وقتج وقبل السبوح بنص ساعه حطي هالخلطه ...... بتشوووفين اللمعه ............

مقادير خلطة الوجه ملعقتين روب وملعقة عسل تفردينها على وجهج انا اضيف نقاط زيت زيتون لان بشرتي جافه شوي وفعلا ينفعني

بنت الغالي

تسلمين ياقلبي .. بس بغيت اعرف المقادير اللي كتبتيها
للشعر الطويل والا ؟؟

دلوعه قطريه

قواااج الله على هالموضوع صراحه كله فايده

ومن أكثر المواضيع اللي شدتني بالمنتدى من ايام ماكنت بس متابعه :gum:

..

أول شي بالنسبه لـ الـبشرة

بشرتي Combination وماشيه على كورسات الـ Biosphere

الصبح: أغسل وجهي بجل وعقب امسحه بالتونك عقب احد كريم للعين و استخدم كريم النهار واذا بطلع احط سن بلوك

وبالليل: نفس الشي غسول (جل+ تونك+ميلك) + كريمات الليل عندي 5 اتناوب عليهم وكذا سيروم

واستخدم ماسك الطين + سيروم 3 ايام بالاسبوع

ويوم الجمعه اريح وجهي من كل ذولا

"خاطري اجرب ماسك طبيعي"

،:،:،:،

الجسم

يوم ورا يوم قبل السبوح أدهن جسمي بزيت زيتون واسويلي مساج :)

طبعا اتليف عدل بماي دافي واشطف بماااي بااارد

وبعد ما اتنشف استخدم لوشن المسك من جرجنز

ومره بالاسبوع: سكراب passion fruit من بودي شوب واستخدم الشور جل تبعه وزبدة الجسم

ومرتين بالشهر: أسوي سكراب السكر + زيت الزيتون+ليمونه وشوية ملح

وللعنايه بالقدمين وانتوا بكرامه استخدم Freeman Products

soak & scrub & lotion

،:،:،:،


الشعر

عاد شعري مسكين يكسر الخاطر وبنفس الوقت بااط جبدي

من النووع اللي نااااااااااعم حييييل ويمووت بالتشربك حتى عجفه مايتعجف :(

والمشكله اني ماحب احط زيت لأنه مايرووح بسرعه من شعري :(

بس صارلي 3 شهور أستخدم بديل الزيت حق بانتين وصاير اوكي شووي بس مب واجد


،:،:،:،

وحبيت انووه اني ماشرب أي شي فيه منبهاااات يعني كوفي ولا شاهي ولا نسكافه

ولعبتي الفااكهه كل يوم العصاري لازم عصير وفاكهه أي نووع مو مشكله

والمااااي اشرب بلياااا احساااب

لأنه عامل أساسي لتكوين الكولاجين بالبشره :)



وبس

هذا باختصار جدولي :)

والله خاطريه اشارك في الموضوع


بس انا زعلانه عليج يا دلوعه .............

دلوعة قطر اختي الغاليه كل سنه وانت طيبه
:sad: :sad: :sad:
انا بشرتي تعبانه وايد مدري واش اقلك ولا تنفع ولا هي بشرة بنت ابدا حرام
وعجزت ايش اسويلها مليانه جهون وحبوب وشاحبه مثل العجوز لا العجوز حلوى احلى مني
ومعرفت ايش اسوي في رمضان خلال الثلاثين يوم راح منهم اربع ايام وانا بشرتي عاجزه ايش اسويلها :confused: :confused: :confused:
معرف معرف تعبانه ونفسيتي مدمره بسببها واستحي اطلع برى البيت بسببها
يعني من الاخير بشرتي (n) (n)

هلا والله بدلووعة قطر

امممممممممممم انا عن نفسيه استخدم

لشعريه

زيت عافيه + حلبه مطحونه + ثووم وعقب ما اغسله بالشامبو استخدم حمام زيت الثوم اسمه اكتف اكس وااايد حلو هالكريم نعم شعري بشكل فظيييييييع ووقف التساقط استخدمه مرتين في الاسبوع

للجسم

اسوي حمام مغربي مره في الاسبوع وشبه يومي اسوي سكر + زيت زيتون وبديت الحين اسوي خلطة بنت الغالي اللي هيه سكراب مع سكر ويابت نتييجه واستخدم زيت اللوز لجسميه من جونسن آند جونسن وناوية ان شاء الله استخدم خلطة شهر العسل من بنت عذاري واغسل جسمي بعد بصابونة الكركم

الوجه

كنت اغسل ويهيه بصابونة السفيد أب لكني خفت يووم قريت انها مضره فاستخدمت صابونة الكركم صراحه وايد حلوه لكن يووم بدت الجامعه صرت اغسل ويهيه عقب الدوام امسح ويهيه عقب كل وضوء بماي الورد والجلسرين مخلوطين مع بعض واحطهم في الثلاجه وايد حلو ترطيييب اما المغرب استخدم لويهيه روب + عسل + خمير روووعه ومرات روب+ ليموون اما في الليل ادهن ويهيه بزيت اللوز الحلو وللهالات بعد واحيانا احط فازلين لانه وايد يبيض وكريم مرطب لليدين وللرجلين من جونسن آند جونسن بزبدة شيا اممممممممممم وبس

وفي النهايه حصلت على بشره روووعه وشعر ارووووووع شعريه وايد طول من بديت اهتم فيه

لكن للأسف هذا كله اخترب يووم بديت اداوم لانيه ارد من الجامعه وانا ميته من التعب فضاااع كل جهديه لكن ان شاء الله برد على الجدول اللي ماشيه عليه :sad: :sad:

وسلامي

يالله ياخبيرتنا الدلوعة

نبي الجدول ..

والله يعطيج الصحة والعافية

يالغالية

يعطيج العافيه

دلاليعووو وينج؟

ما شاء الله عليكم

عيني عليكم بارده

انا عن نفسي واااايد مهمله روحي

واتمنى اروم اسوي شراتكم

صراحة شجعتوني ان شاء الله من اليوم بسوي لي جدول محترم وبقلكم عنه

لي رجعه ان شاء الله

اول شي حبيت اشكرج على الجزء الجديد

اولا مشكورة اختي

انا ابغي حل سريع لأن ملجتي بعد العيد..

ولا وم اطلع بلوووك يديد

انا مهملة نفسي بسبب الجامعة احس ماعندي وقت بذات في رمضان دراسة بعد ====بس بنات وش رايكم بصابونة الغار للوجة

والله انا ودي ببرنامج ..نفسي أنظم بشرتي وشعري
انا في الصباح بأغسل وجهي بغسول نيتروجينا المقشر وفي الليل كمان لأن بشرتي دهنية وبها حبوب
وشعري أستخدم زيت أملا يوم بعد يوم والله شعري كثر والحمدلله وطول وناوية إن شاء الله أستخدم خلطة زيت عافية مع الفلفل ..
وجسمي باستخدم خلطات بنت عذاري رائعة والله ومضمونة

ماشاء الله عليكم

انا بالنسبه لــــ

*الوجه*

مناديل دوف الي تنتفخ بالمويه
وعقب احط كريم مرطب وبس ...

الجسم

خلطة شهر العسل لبنت عذاري ان شاء الله

الشعر

حنا +حمام زيت فاشكول بالثوم




مومتعبه روحي صح خخخخخخخخخخخخخخخخخخخخ

بس الحمد لله احسن من لاشئ

يسلمووووووووووووو:shy:

نور الدوحه:
اول شي حبيت اشكرج على الجزء الجديد

وانا في هالجزء ان شاء الله راح اتابع معاكم خلطات الجسم

لان وجهي ماقدر اسوي فيه شي
لاني حاليا اتابع مع خبيرة تجميل
وماستخدم الا الكريمات اللي هي تعطيني اياها

وجدولي اليومي حق وجهي عبارة عن

الصبح: تنظيف بغسول خفيف خال من الصابون ...تونك... سيروم وكريم للبشرة الدهنية
المسا: ماسك .. يوم ماسك الطين ويوم ماسك طبي خاص بالحبوب
الليل: تنظيف بصابونه البحر المييت .. تونك.. كريم لازالة البقع.. كريم العيون

-----

الجسم

انا مسوية خلطة شهر العسل بس للحين ماستخدمتها الا مرة وحدة وبس
وافكر اداوم عليها ان شاء الله

واذا لقيت شي حلو في الجدول معاكم باسويه اكيييييييييييد


نسيت اقول كل المنتجات اللي تعطيني اياها الخبيرة حق ويهي من ماركة dr Renaud
من شركة النزيه

هلا نور الدوحه
منوررره الموضوع وشي حلو اني اشوف البنات القدامى للحين معانا بالاجزاء اليديده

مشاركتج اسعدتني وايد

بالنسبه لويهج حلو انج متابعه مع خبيرة تجميل عشان تعطيج بالضبط الاشيا اللي تناسبج وتتابعج اول باول

وبالنسبه لخلطات الجسم ابشري بعزج هالجزء انشالله بيكون جديد في جديد

جدولج لويهج حلو والاهم انج تستمرين عليه

اما بالنسبه للجسم خلطة شهر العسل حلوه وايد

بس لازم ماتكتفين بشي واحد

تابعينا وانشالله تلقين اللي يعجبج ونستمر ونشجع بعض


[line]

روح البحرين:
هلا اختي دلوعه قطريه ..

تسلمين عل موضوع وانشاءالله كل البنات يستفيدن

انا الحين قاعده اسوي جدول خاص برمضان وانشاءالله يوم يخلص اكتبه.

اختج

روح البحرين

هلا فيج الغاليه

واحنا بانتظار جدولج ومايكمل الموضوع الا بمشاركاتج الحلوه والقيمه وعاد نبيج دوم معانا نستفيد منج وتستفيدين منا ونشجع بعض
[line]

وجدان الشوق:
فدييت هالطله


فديت بنت بلادي راعية الانتكه والجماااااال


سفيره قطر للاشراقه

<< اشعندهاا

والله امس طريت في موضوع الشات ماااونت اذنج؟؟

اقول حق البنات اني حاطه على ويهي خلطه وعلى شعري دهن

اقولهم لو دلوعوو هني جان علمتكم السنع شلون تعتنون بنفسكم

خخخ

المهم حبي

اانااا استخدم الصبح مقشر يومي من بودي شوي بفيتامين سي

واحط بعد من نفس الكلكشن كريم الصباح المغذي بفيتامني سي بعد


الظهر اغسل فيسي بصابونة طبيه كاتبها لي الدكتور


العصر احط لي خلطه من خلطاتج بالموضوع القبلي


قبل النوم كريم الليل من اولاي


وبين كل يوم وترك احط ماسك او مقشر من همالايا

وبس

فدييييتج والله وفديت لسانج اللي ينقط عسل ياربي مانحرم من طلتج الحلوه علينا

والله كلامكم وااااايد حلو ويشجعني ويحمسني اكثر واكثر

بالنسبه لويهج حلو

يعني عنايتج متكامله ومكملتها بالخلطات ما شاء الله عليج

بس عناية الجسم ويييييين؟؟

تابعينا وبتشوفين الخلطات الحلوووووووه


[line]

اوركيده الكويت:
انا عرسي بعد رمضان وما ادري شسوي في شغلات كثيرة يبيلها تعديل
الله يعين

طيب يا اوركيده شنو جدولج؟ وشنو اللي تبين تعدلينه

قولي واحنا بالخدمه


[line]

بغداد:
ممكن تعطوووووونا حلول سريعة ومفعولة

هلا فيج اختي بغداد طيب حلول سريعه ومفعوله لشنو بالضبط؟ ههههه مشالله عليج داخله عالسريييييع قوليلنا شاللي محتاجه حلول له واحنا بالخدمه وخبرينا عن عنايتج ببشرة جسمج وييهج

[line]

تايم آوت:
الله على بنت قطر الله عالفنتكه

يعطيج العافيه دلع لع عالموضوع الحلو

وانشالله نكون من متابعينج دووووووم

بالنسبه لي انا للوجه مااستقر على خلطه وحده يعني كل يومين ثلاث احط خلطه

للشعر استخدم كل اسبوع خلطة زيوت شريتها من وحده

للجسم استخدم التقشير واستخدم الحنه

وبس

يعطيج العافيه عالموضوع

تايم اوت والله اني الفنتكه فديتج

بعدين تعاااااااالي عندي استفهامات وايد على ردج
شنو الخلطات اللي جربتيها وعجبتج

وخلطة الزيوت عباره عن شنو ومن وين وهل تنصحينا فيها؟ والحنه قصدج الحنا البيضا؟ وشلون استخدمتيها وهل جابت نتيجه؟؟ هع هع يننتج بالاسئله ادري

[line]

بنت الغالي:
اللللللله فتحتي الجزء الرااابع


انا اول متابعه معاااج ومن اليوم ناويه ابدا اهتمامي .......


بعد شيو بدهن شعري بزيت الخروع بصرااحه ووواااااجد مشى على شعري صاااير فله........


يللا بنات شدوا حيلكم

هلا هلا غلااااوي حلو حلووو الحماس اللي فيج تعجبينييي

بسماقلتيلنااااااا شصار عليج والحين شتحطين بويهج وجسمج وكشتج

اقصد شعرج الحلوووو فديتج[line]

كريستالة قطر:
خبيرة البشرة دلوعه قطريه >> لاأحد يتشقق

هههههههههههههههههههههههههههههههه

تسلمين حبوبه عالموضوع اللي شوقتينا له

بالدعاية قبل رمضان

وحابه أشارك فيه معاكم



بخصوص العناية بالبشرة

تقريباً أستخدم للأستعمال اليومي

منظفات كلينك الطبية منها التونك ، مزيل مكياج العيون والماسكار ، اللوشن ،

وأستخدم بعد مرطب البشرة لما أحس إن بشرتي ناشفة وتعبانة ياإما مرطب كلينك ولا مرطب نيفيا اللي بالمشمش ..

وجربت كذا مره ماسك الروب ..



جسمي ..

مب دوم أغامر بجسمي لان أخاف من الاثار الجانبية

بس من تعرفت عليكم وشفت حماسكم وتجاربكم

بديت أهتم أشوي فيه

وأخر مره حطيت على جسمي خلطة الروب اللي بماي الورد والليمون ووووو ..

وخذت خلطة شهر العسل بس أنتظر أختي تطلع من النفاس عشان نستخدمها .. خخخخخخخ ..

ومن خمس أيام رحت مركز للمساج وسويت عندهم مساج بالزيوت اللي يستخدمونها ..



شعري ..

من خمس أيام سويت مساج لجسمي وطلبت منها تحط لي زيت بعد في شعري

لانه من قلب تعبان واتعيز اروح الصالون أسوي له حمام زيت ولا كورسات

لان شعري مب ناعم .. كيرلي .. :shy:


وبس انتهى الفاصل ..

كحووووول اقصد كريستاله للي مايعرفونج

هلا هلا بالكباريه والناس الابهه اللي نوروا الموضووووع

امممم عيل كلينك مب هينه منتجاتهم وااااااايد حلوه وامي من سنيييين ماتستعمل غير منتجات كلينك

ماركه طبيه ومضمونه

جربتي مرطبهم الاصفر الفاتح واايد حلو؟

اما بالنسبه للجسم هاااااا بعضج لازم تمشين عالخلطات معانااااااا ولاتتحججيم باختج اللي فالنفاس

اما شعرج اذا تبين حمام زيت حلو للشعر عندج صالون المول حلوووو حمام الزيت عندهم خلي الفلبينيه ام ويه صغير تسويلج

[line]

رغد قطر:
:salam: امممم انا استخدم صابونه نيتروجينا خاصه للبشره للي فيها حبوب في بشرتها واغسل وجهي مرتين باليوم بمااي الورد وببدى انشاءالله بالفازلين حق جسمي ببدى احطه كل يوم عشان النعومه اما شعري لحد الحين ماعرف شسوي فيه بس الحين استخدم زيت عافيه وفلفل حار 2 مرتين في الاسبوع ومشاءالله شعري صار ناعم ورجع احسن من قبل..


انشاءالله فديتج اي شي يصير بقوله بس انتي ماقلتي لنا شي عنج عشان نكون رباعه:salam:


بتوفيق ومبارك عليج الشهر اختي:shy:

رغد قطر
لالا مايصييير جذي نبي عنايه مكثفففففففففففففه للوجه والجسم انتي استمري معانا وبتلقين اللي يسرج

اما خلطة زيت عافيه غريبه

شنو نوع شعرج؟ واي نوع فلفل وشلون تسوين الخلطه بالضبط

وعلينا وعليييج اختي

اممم قصدج تبي تعرفين عن عنايتي؟ بنزل لكم الجدول افا عليج

واذا تبين تعرفين شي ثاني عادي فديتج اسئلي وبجاوبج واكيد احنا ربع انشالله

بناتوووو بكمل الردود بعد شوووي بس ابي تفاعل جامد جدااااااااا

واااااااااااااو كنت انتظر متى تفتحين الموضوع <<العاده متابعه بس

لكن ودى اهتم اكثر المهم اقولكم شنو جدولى

للشعر

استخدم خلطه زيوت مره بالاسبوع واحط حناء يمكن مره كل شهر يعطى لون ولمعه رهيبه

ومااكثر فى استخدام حمام الزيتى للشعر واستعيظ عنه بخلطه كتبتها من قبل فى قسم العنايه بالشعر اللى هى مقدار من المايونيز+صفار بيضه+خل تفاح روووووووعه من قلب وتفيد الشعر المصبوغ .



للوجــــــــه


اغسل بصابون طبى واحط كريم مرطب
الماسكات اللى مداومه عليها ماسك من نايتروجينا لتنقيه البشره
وماسك الروب والخميره وخل التفاح
وبودره الاطفال مع ماء الورد .
وانا حاطه بخاخ عندى فيه ماء ورد ومره ارش فيه وجهى ينعش البشره وينقيها من البثور.


للجــــسم

استخدم خلطه عذراى مبروك والحين حولت على خلطه شهر العسل.
اسوى تقشير بطريقه بنت الغالى حلوه وايد وتعطى نتايج حلوه بالاستمرار.
استعمل خلطه زيت اللوز والجلسرين وعصير الليمون واااايد فتحت الاماكن الغامجه بالجسم خصوصا
بين الفخذين .

وبس بين كل فتره وفتره اسوى حمام مغربى .

للرموش استخدم زيت خروع لان تهورت وقصيتهم على اساس انها بتطول لكن :confused: ماطولت ولاشى.

وللشفايف استخدم مرطب من جود لايف للتشققات والترطيب.

وووبس على هذا كله ساعات احس انى مااسوى شى خخخخخخ بس يبيلى اهتمام اكثر احس بداوم وهذا كله بيضيع:gum: