تجهيزات عرايس البحرين ( الجزء الثاني )

ميس دوحه... مافي احلى وأرقى من أفكار سويت حلويات (ليلو كافيه)..
هذا يسوي لك سويت اشيا راقيه، وبأشكال جديده...ودايماً غريبة..
كثير اهلنا بقطر حبوه، واحنا بنجيب لعرس ولد اخوي في قطر منه، لان افكاره حلوة..:gum:
ليلو المخبز موجود في العدلية، خلف مبنى الفراري للسيارات، اما الكوفي شوب يصير بعد لفة فندق الخليج...

بالنسبة للحريم اللي يسون، عندك آمنة في الرفاع..هذي شغلها تماموووووووووو:ok:

يمنع منعاً باتاً الدعاية او اعلان عن منتج او عن خبيرات

تم التعديل بواسطة الدانـــــه

أختي العزيزه miss do7a

ماشاء الله خواتي ماقصروا كفوا ووفوا

الله يوفقج ويسهل لج أمورج ان شاء الله

أختج الدانــــه

أختي العزيزه نعناعة البحرين

كل الشكر لج عالأفاده :shy:

والله يعطيج العافيه وعساج عالقوه يارب

أختج الدانــــه

بنات بغيت اسألكم في منكم احد راح عرس او يعرف وين ممكن ألاقي جهاز اللي كأنه شمعه باروود مثل اللي يستعملونه في حفلات انتخاب ملكات الجمال و ستار اكاديمي

ابيه حق دخله اختي ماتدرون وين احصله حتى لو كان بالشرقيه بنروح نجيبه بس على الله نحصله بمكان بس


يمنع منعاً باتاً الدعاية او اعلان عن منتج او عن خبيرات

تم التعديل بواسطة الدانـــــه


يالله عاد وحده تلقفني و تدلني عالجهاز <<< ياربي تطلع وحده تعرف وينه

سؤالي نفسش يا مراوي

ان شاء الله أحد يرد علينا

...........


بنااااااااات شخباااااااااااااركم ويا المعرض
معرض الخريف
يقولون اسعارة رخيصة!!
بس الدخلة سوها بـ 700 فلس
هههههههه

في انتظار اخباركم

بييييييييييييييييييييييييييه انتو من متى هني!! ومحد يقوووووولي ماحبكم اهئ اهئ اهئ

المهم شلونكم شخباركم؟ توني ادري ان فيه تجهيزات حقنا
وانا ملقوفه ماعندي شي أقوله وماقدرت اقره كل الموضوع لان وايد صفحات هههههههههههه
وانا توني على الزواج وماعندي عرس اروح له وله شي بس ابي احشرها معاكم قصدي اشارك معاكم هع

بالنسبه للمكياج جنه محد فيكم ذكرت معصومه مالت ماك؟ الصراحه تووووووب هذي روعه لان الي ذكرتوهم الباقي جفت صور حق شغلهم مدري حسيته وايد مكياج صااارخ بس معصومه وبلندا بعد الي في ماك شغلهم رووووووووعه

والشعر والتسريحات والحركات انا دااايمن اتعامل مع داني في الدبلومات فضيع اخلاقا وتعاملا وشغلا!!

وبالنسبه حق الحلويات اكييييييييد ليلووووووووز وبس!

اما معرض الخريف بروح عقب جم يوم وبقولكم ههههههههههه

مراوي حبيبتي مااعرف والله

بس اعرف اللي الخفيف اللي كأنه شرراخيات...
العود اللي يولع وتطلع منه شرارات، في مرة شريته من ابو ريالين في المحرق اللي جنب رامز...
هذا من زمان، ماادري اللحين...


بالنسبة للمعرض والله حلو..
رحته اليوم..
نفس الشغلات اللي تنعرض كل مرة...
بس صج حلو...واسعاره معقوله....

والدخول بـ700 فلس




عيووووون:shy:

صادني احباط :(

يعني مافي امل نحصله

عيون اللي مثل الشموع شريته من الكويت ب50 فلس و شاريه منه وايد بس مشكله مانقدر نستعمله لانه يحترق بسرعه

بطة
يا هلا ومرحبا بش
وبطلتش علينا
ميت مرحبا
فعلا معصومة الي بماك مشهوورة
بس ولا قط مرة جربت اروح عندها .. وكأنى سمعت توها متزوجة هالفترة
ههههه لقافة .. الله يبارك لها

*******

تدرين عاد مراوي
الليلة بعيد ميلادي وكانوا حاطين بالكعكة نفس الي تقولين عنا
وما فاتنى اسأل لش .. شان تقول لي اخت خطيبي انها كانت شاريتهم من قبرص
ان شاء الله تلاقين من اهنى ولما تلاقين خبرينا



نبي نعرف اخبار
معرض الخريف
يمكن بكرة اروح

الشيخه تقصدين الشموع اللي كانهم بارود؟ حصلتهم في الكويت بسوق مباركيه
انا قصدي الكبير اللي ينحط عند المدخل و يطول لين ينطفي يعني يمدي العروس تدخل

معرض الخريف سألت عنه صديقتي تقول اسعاره مناسبه و عندهم شغلات حلوه بس عاد اهي كانت رايحه تشتري شغلات مالت ولاده

السلام عليكم
بنات من منكم عندها رقم صفاء الي تمكيج ابغيه ضروري

مرواي يارب تلقينه...


الشيخة المعرض حلو وايد...واسعارة زينه..



ام سيد علي..ارسلت لك على الخاص...

تحياتي لكن ياحلوين:shy:



عيوووون

<<<< العرس عرس اختها و صايره كانها اهي العروس

الحين اختي تبي تسوي زواجها بفندق بس خطيبها مو راضي لان امه ماتدخل فنادق

ابغي صالات يكونون راقيين و كانهم فندق مثل الجميرا بنفس المستوى

اهو مقترح عليها الدانه بس لا انا ولا اهي شفناها شرايكم بالدانه؟؟

و قريت بين الردود عن صاله بفندق موفنبيك بالمحرق .. ماقط سمعت عن فندق موفنبيك اخاف تقصدون نوفوتيل

اذا فعلا في هالصاله شرايكم فيها حلوه؟؟

صاله الريان بعد اول مره اسمع عنها وين صايره و راقيه ولا عاديه؟؟

و اذا في بالكم صالات رحتوها حلوه و عجيبه مثل اللي قلت لكم علموني بأسمائهم و ميزانيتهم تقريبا شقد

رحت عرس من يومين بقاعة طيران الخليج وطلع العرس روووووووووووووووعة لان اللي عدلها وزينها بوجندل وكانها فندق اللي يبون قاعة ولمعازيم وايد انصحهم بطيران الخليج وايد حلوة بس اسعارة يقولون رفع السعرمثل الفنادق

مســـــــاء الخيـــــــر
ولا صبـــــاح الليــــــــــل
كله واحد




بنتي حبيبتي
اثني على كلامش 100%
ونصيحتي لش يا مراوي ولاختش الله يبارك لها بزواجها ان شاء الله
بقاعة طيران الخليج .. انا سويت خطوبتي فيها لانه معازيمنا كانوا 800
وما كان في قاعة فندق تشيل هالعدد ..!!.
غير اننا صرفنا عليها من صرفنا الخاص حق التعديلات ومشيتنا المعاريس وزاوية الكعكة
سوينها شيئ خبااااال والله
وصدقيني طيران الخليج تاخذينة وتصرفين عليها من عندش تطلعينها ولا فندق الخليج
وخصوصاً ان أم المعرس مب رواحه فنادق .. واتوقع هالقاعة بترضى الكل

*****

بس هم أنا بسألكم عن قاعة فندق موفنبيك ..
رحت لها من قبل يومين الساعة 10 بالليل وقالوا لنا انها حالياً فيها حفلة وما يصير نشوفها
بس شنو الفندق يا بنااااات كشخة
ومقدمته الدخول له راقية.. بس ما ادري وين تصير باركات المعازيم!
بس الي راحتها او شافتها تخبرنا
وانا ان شاء الله إذا رجعت لها مرة ثانية بخبركم عن تفاصيلها

*********

عيون حبيبتى
يسلموووا .. وان شاء الله بكرة تصير عندي فرصة واروح له
اسمع ان المعرض له في العطورا والاكسسوارات
فبشوف بكرة ان شاء الله وبخبركم


تحيتى،،

مراوي مطلبش عرفته .. بس للاسف ما عندي فكرة عنه
ليش ما تستغنون عن هالفكرة بفكرة ثانية احلى

بالنسبة للصالات لحد الحين مافي أحلى من طيران الخليج.. ومع التعديل تصير روعة

صالة الدانة حلوة بس مزعجة من ناحية صغر الحجم ومن ناحية ركب الدرج!
وطريقة دخلة العروس ما تعجبني لأن فيها حنية.. يعني لازم العروس تمشي شوي وبعدين تلف عشان تروح الكوشة

معرض الخريف امس رحته
نفس كل سنة
وفي محلات اسعارهم حلوة ومحلات اسعارهم مبالغ فيها
يعني بالنسبة للاكسسوارات انا كل سنة اخذ لي خواتيم الواحد بدينار ونص!
هالسنة على 3 دينار!! حشى! الضعف!!
وفي محلات لا .. وايد حلوة اسعارهم ورخيصة

مرواي..انا مع البنات
طيران الخليج حلوة..وواسعه..ومستواها راقي..
بالنسبة للريان بصراحه مو ذاك الزود:no:
صالة الدانة عمري ماشفتها..
فندق موفنبيك يالغاليه هو الفندق اللي جنب المطار..اللي على شكل هرم، جنب بيتنا:gum: وجنب البحيرة المطله على المطار....
انا مادخلته..بس شكله حلو، لانه ترى فندق 5 نجوم...

حبوبات المعرض فيه محلات عكور كويتيه هالسنه وايد حلوة...عجبني عطر المكان في واحد منهم، ناسية شو اسم المحل، بس هو في القاعه الثانيه الصغيره، عند الباب:shy:



عيووونه:gum:

[glint][blink][glow=FF0000]يسلمووووووووووو عيونه خبرونا المزيددددددددددد[/glow][/blink][/glint]

[glow=FF0000]بنات ديرتي من عندها حلقات إيمان السيد أبي من ديرتي مب من بررررررررررره ضررررروري
وبكون لكم ممنونه[/glow]