تجهيزات عرايس البحرين ( الجزء الثاني )

[glow=FF0000]يالله وينكممممممممممم[/glow]

حلقات ايمان السيد!


عزيزتى وضحي!!؟

الشيخه ماتعرفين جم ميزانيتها صاله الموفنبيك؟

و اذا رحتيها شفتيها خبرينا عنها حلوه ولالا

الشيخة:
حلقات ايمان السيد!


عزيزتى وضحي!!؟

[glow=FF0000]على قناة قطر وبالتحديد يوم الأحد الساعة 6:30 مغرب يعرضون حلقات حق إيمان السيد خبيرة التجميل الكويتيةعرفتيها يبنات أي أحد عنده بالفيديو أو سيدي مسجلة يردلي على الخاص أوهني[/glow]:sad:

هلالالالا بناااااات شلونكم شخباركم؟

امس رحت معرض الخريف نفس كل سنه مع زيادة الاسعار الزحمة الفتاكه!
كلش ما يسوه ومافيه شي غير زحمه ورعصه!
انا بس عن خاطري شريت لي مجموعة "امير القلوب" من مركز الملكي للعطور هذي الكويتي الي ذكرته وحده من الخوات في الردود
والمجموعه تتكون من
بخاخ للعبي والشيلات
كريم جسم
عطر
دهن عود مخلط
وخذيت من البخاخ والكريم 2 وطلع علي كله ب20 تقريبا مو متذكره بس السعر كان زين

عجبني والريحه تثبت..وامي ماخلت بهارات وعسل ما شرته ههههههههههههههه

وغير جذي كلش مافي شي وماتسوه الروحه والتعب

أختي الغاليه مراوي

القاعات الراقيه في البحرين قاعة المؤتمرات بفندق الخليج

وقاعة طيران الخليج وقاعة السفراء بفندق الدبلومات

اما عن قاعة الدانـه مو حلوه ووايد وصغيـــره

وقاعة الريان زينه وكبيره بس مو راقيه وصايره في الحـد

وعندج قاعة مرمريز حلووه انا من فتره رايحه عرس فيها

وكانت وايد حلوه وفيها 4 قاعات

والله يوفقكم ويسهل لكم أموركم ان شاء الله

أختج الدانـــــــه

أختي الغاليه على عيني

ان شاء الله خواتي يقدرون يفيدونج

والله يوفقج ويسهل لج أمورج ان شاء الله

أختج الدانـــــــه

حبيبتي على عيني...ماعندي والله:sad:

للاسف والله توي اسمع عن ايمان منش
وان شاء الله تلاقين عند البنات الي يهتمون

برجع بعد شوي بخبركم شنو اشتريت من المعرض

[blink][glow=FF0000]مشكورة الدانة عزيزتي ماقصرتي وعيون والشيخة بعد ماقصرتوا[/glow][/blink]

بنات
مســــاء الـــورد

وأخيراً فضيت ورحت المــعـــــرض
وشــــريت












**عطورات**
المكــان
أمير القلوب
عطر زجاجته مخمل أسود، ما يايبين منه إلا 4 حبات

مثبت بخور اثنين
هردة ثلاث
بخور فزاع
بخور كمبودي
معمول إماراتي

مفرش مخمل
جلابية مشكوكة
قميص نوم
3 نعل Made in India

واتوقع لي زيارة ثانية.. لاني ما مشيت إلا قاعة وحدة .. وأتوقع نصها مشيتها


بـس أهم شي اني طالعت عدل وشريت لي اشيا تسوى وواثقة منها وعاجبتني اسعارها
لاني قاصصت وياهم لين بس هههههه



وسلامتكم

أنا المعرض رحته وأهم شي اني شريت لي دفعة جديدة مثل كل سنة من الجواريب القطنية الدافية.. اللي من داخل كأنها فرو
وأخذت عطرين من مجموعة الشيخة.. اللي علبتهم مخمل شكل النمر

واخذت ليي شدوهات مختلفة ألوانها والأهم مبارد الأظافر !!!

وأخذت لي طقم سرير أحمر.. والثاني بني على ذهبي
وأمي خذت لها جلابيات من كذا محل.. من عند المصريين والسوريين وحتى الباكستانيين
حبيت الباكستانيين أكثر.. عشانهم بس مطرزين جاهزين وعليج بس تخيطينهم.. وصاير تطريزهم تقليدي حلو.. وطريقة الورد كأنه مخروزة ومجسمين.. أنا اللعام كنت ابي آخذ منهم بس ما لقيت اللون اللي بخاطري.. وهالسنة لقيت بس عقب شنو؟ عقب ما شريت قطعة سادة ووديتها محل يطرزون عليها كلها وسويت الجلابية اللي بخاطري!! قهر!!!

اخذت لي شال مطرز حلو لونه بيج
ومحل الشالات الكشميرية اللي اخذت منه شالي راواني شالات خاصة.. خاشنهم ما تنعرض لأي أحد لأنها غالية وايد وشغل يد! يوم شافني اقلب وايد واحاول اختار الكشخة والزين.. قام ناداني داخل محله وفتح لي شنطة كان خاشنها
ومن تحت الأغراض الوايدة في الشنطة طلع لي شال أسود فاحم والتطريز اللي فيهم بألوان ذهبي على احمر على أخضر.. والتطريز دقيق بشكل فظيع! اللي يشوفه يقول رسم موب تطريز! انا انبهرت فيه والزباين يوم شافوه الكل سحبه ويبي يقلب فيه قام خذاه من عندهم وقال لهم هذا ما تشترونه وايد غالي.. الكل قام يسأل بكم آخر شي قال

90 دينار!!

الكل شهق وقال وايد واللي يقول ما يسوى
بس عن جد كان روعة!
وسر السعر الغالي هو الشغل الدقيق اللي عليه اللي يشوفه يقول رسم موب تطريز
وحسب كلامه قال ان بنت وحدة تشتغل على الشال الواحد 3 أشهر عشان تخلصه!

بصراحة انا اشوفه شغل دقيق جذي يسوى اكثر عن 90 دينار

بس موب حق اشتريه :shy: حق ابروزه وأخليه في البيت !!
حرام والله يصيده شي!!

[glow=FF0000]نارا عليج بالعافيه[/glow]

[glow=FF0000]بنات متى يخلص المعرض ودي اروح بس مزحومة بالأختبارات والمراجعة[/glow]
[glint][blink][glow=FF0000]:angry: :angry: :angry: :angry: :angry: :angry: :angry: :angry: :angry: :angry: :angry: :angry: [/glow][/blink][/glint]

مررررررحبااااااااااا بنات ديرتي ..

صراحة أول مرة أدخل هاي الموضوع لأن المنتدى فيه أشياء وايد ما شاء الله ما ألحّق أدخل في كل ركن .. :shy: كل مرة أدخل كم واحد على الوقت اللي عندي ..

بس شكله الموضوع هاي وايد كشخة ..

بس حبيت أنضم لكم في هاي الموضوع :shy:

وأختي اللي سألت عن متى يخلص المعرض .. يخلص تاريخ 13\1 وبعده بيفتحون المعرض السوري :qaq:

مخرخشة
حياش الله بينا
وكونش بنت ديرة عزيزة وغالية

يــــا هـــــــــــلا

بس ألف شكر انش نبهتيني على المعـــرض الســـوري
عشان ما أخلص كل فلوسي بهالمعـــرض

رايحة بعد شوي اكمل باقي الاغراض الي في بالي
وبرجع النعل طلع اثنين منهم اكبر من size رجلي

وبخبركم ان شاء الله



**********


نـــارا
الشال بـ 90 دينار
WoOoOoOoOoOw
عند من هذا!!
خيالي سعره لو يسويني أميرة كوني ما خذته
هههههه.. شعليش منهم في بلادهم حتى بنص دينار
بس احنا اهني يشوفون كل وحدة رايحة بذهبها لحلقها يفكرونـا مالكين مال هارون
بصراحه


تحيتي،،

الشيخه فزاع اللي شريتيه الاصلي مال الامارات؟ و على جم يبيعونه؟؟

وايد سمعت عنه بالمنتدى يسوى من يشتريه ولا عادي؟

هــلا بنـــات
صبـــاح اللــيــــــل

خبر يا بنات
المعــــرض راح يمددونة طول اليوم من 10 الصبح لـ 10 بالليل مفتوح
حرام 700 تندفع على مرتين
ههههه


كمــان رحت اليوم
بس متنرفزة حدي ما أدري ليش ما نلحق ندخل قالوا لنا ثلث ساعة وبيتسكر المعرض!!!
ما تلحق الوحدة تشوف شيئ بسرعة يمشي الوقت!!

اليوم شريت عطورات بعد أماراتية بس للاسف مو كاتب لي اسمائهم كنت حطيتهم لكم
وشريت هردات للجسم فضيعة .. بالذات الي على ريحة المشموم كنت مو مقتنعة فيها بس بنت يت رفعت مغطاة الزجاجة وشمتها قالت:" اللاااااااه على الريحة .. خنينة .. وقال لصاحبتها:" شمي.." هههههههه
كنت مفكرة انها ريحة عجايز بس بعدين اقتنعت فيها
وبخليها ان شاء الله لليلة الجلسة


وعن فزاع مراوي مش فاكرة سعره بس اهو رخيص مو غالي

كمان شفت محل عطورات كويتى .. عنده شغلات تحفة
محل كبير
وعطر قطايف عنده خباااال بـ 6 دينار ما شريته يمكن مره ثانية
خلصت البيزات هههههههه

وخطيبي شراه له عطر معالم من عند لكويتي على الثوب مع البخور
ريحته مررره جنااااان .. وكانت اخر حبه


وبس خلااااااااااااااااص



بس تبون الصراحه بنات
هههه
صاير خاطري بالممسحة إلي يروجون لها احسها وايد زينة
من شراها منكم يقولي..؟؟؟
وإلي شافتها .. تخبرني



وتحيتي،،

الشيخة ضحكتيني :D
مو عشان جذي قلت لج عشان أبروزه واعلقه في البيت.. بس عن جد روعة الشال في دقة النقش.. يعني اللي بيشوفه عليج ما بينتبه لغلاته او الدقة في التطريز بيقول شال حلو والوانه حلوة وبيحسب اللي عليه رسم مو تطريز!

المحل جدام في القاعة الأولى ما اذكر عند وين بالضبط بس محل يبيع شالات كشميرية متنوعة وصاير جدام

وعليج بالعافية باللي شريتيهم! طايحة في العطور أشوف

عطوم الحماد هو المحل الكويتي الكبير
انا دوم اشتري من عندهم معطرات عبايات وهالسوالف بس هالسنة ما خذيت عطور وايد محصلة هدايا عطور ومعطرات عبايات.. حرام اخذ بعد بيطيحون في جبدي!

رحت لهم أبي نخالة العود.. كل سنة ناخذ من عندهم.. هالسنة ما عندهم :( أقول له ليش؟ يقول هذا من زمان مخلص حتى بالكويت!

على عيني <<< تسلمين حبيبتي

نـــارا هلا عزيزتى
والله يعافيش

وهم انتي عليش بالعافية الي شريتينهم وتتهنين بهم ان شاء الله

شان تذكرين أولت العام كان في كويتى اسمراني متين أي المعرض
ويبيع عطورات تحفة.. ويييييييينة السسسسسسنة مو شايفتة!!!
ماخذه من عنده حاجة ألولت العام ورايحة له السنة عشانها مخصوص
بس ما لقيته!! بس يمكن من محل الحماد إلى تقولين عنه!!!

بروح بعد ساعة وبشوف
وبرجع اخبركم

*******

بنات بغيت اسألكم عن جلابيات اليشمك
مسوي شيئ جديد .. وشنو اخر اسعارة ؟؟
إلى عندها فكرة تخبرنى



تحيتى،،