تجهيزات عرايس البحرين ( الجزء الثاني )

معرض الخريف يبدأ في 4 يناير يوم الخميس

<<رايحه ابحرين رايحه
بس قولو لي شنو فيه معرض الخريف واين يقع

العفوووو اختي ام مهدي5 وحاضرين لج:shy:

أختي العزيزه شريعة حامورابي

المعرض يسونه في مركز المعارض قريب من مجمع البحرين

وفيه كل شـــــــــي ملابس ، اكسسوارات ، مفارش الأسره ، اكسسوارات للمنزل

وتشارك فيه بلدان متنوعه سوريا ومصر والكويت وغيرهم

والله يوفقج ويسهل لج أمورج يارب

أختج الدانــــه

اختي الدانة.. بما ان عندش خبرة

أنا حجزت عند سارة المريخي على تاريخ معين بس صارت ظروف وتأجلت الحفلة كم يوم..
انا دفعت عربون عندها.. تهقين لو اتصلت وخبرتها ان ابي أأجل التاريخ بترضى؟؟
تقريباً باقي 6 أيام على التاريخ اللي حاجزة فيه
وأنا بأجل الموعد إلى أسبوعين

شو قولج؟؟

هلا عرايس المنتدى
متأسفة على التأخير
هذا المحل يصير يم مجمع الرفاع تقريبا .. وين صالون الجوزاء .. بعد الأشارة يسار .. ثاني لفة او ثالث لفة
المحل مب ذاك الزود بس اللي فيه شاطرة وعندها ذوق.. ورخيصة سويت عندها فستان ملجتي وخطوبتي و عرس حماتي
فستان العروس خياطها ب 70 مع الجيبون والخلق من عندك .. والفساتين العادية ب 35
بس تسوين وانتي متطمنة
وجربوا ستيديو cheers اللي بالقفول روعة صورة حركاته فضيعة يحط لكم على الصور العادية والجماعية نفس الختم لصورة العروس والمعرس حركااات عجيبة.

أختي العزيزه نـارا

ايه اختي عادي ما اعتقد تمااانع لان انتي بس بتغييرين تاريخ الحجز

وأنتي واهي ماراح تخسرون شي

والله يوفقج ويسهل لج أمورج يارب


أختي العزيزه بطة حلوة

تسلمين يالغاليه عالإفاده

وانا بعد سمعت عن ستديو الأسطورة بجدحفص اسمع صديقتي تمدحه

بس ما شفت صورهااا اذا رحت شفتهم بقول لكم عنه

والله يوفكم ويسر لكم اموركم ان شاء الله


ولا تنسووووني من دعواتكم الطيبه في هالأيام المبااااركه


أختكم الدانــــه

مشكورة اختي ما قصرتي

تسلمين والله

أمس تعبت وأنا اتصل ومحد يرد على الصالون

لأني حجزت عن طريق الصالون مالها ما حجزت عن طريقها هي!

واعتقد شكلها برة البحرين لأن كان التلفون يتحول ويرن خارجي وبعدين ينقطع! أعتقد يتحول على موبايلها

بنات ديرتي ادور ضروري
على مكان او صالون يعتني بالعروس قبل الحفلة
يعني من تنظيف بشرة و جسم وشعر وغيره

ولا حد يقولي غصون تكفون
جربته غالي على قلة فايدة والله


في انتظاركم

[glow=FF0000]هلا الشيخة جربي ركن السيدات في البحير قريب من بو كوارة [glow=33FF00]أنا يوم عرسي رحت (((عروس قديمة))[/glow] وخطيبة أخوي بعد بوديها هناكأو جربي لطيفةبسالصراحة ما شفت شغلهمممم للأمانه[/glow]
[glow=FF0000]أختي الدانة بس ملاحظة صغنونة[/glow] [glow=3366FF]>>>في شارع بوكوارة عندج محلات (كي دي دي )<<<< الحين غيروا أسمة إلى الكنزا وصاير في فله <<<<<قريب من أسواق المنتزة وعلى ما أعتقد مقابلة[/glow]

اعتقد ان صالون عروس البحرين يهتمون بالعروس قبل عرسها

والاسعار مناسبة بعد

على عينى وام شجاع

سلمتم .. وبجرب ركن السيدات اروحه
اما لطيفة فاتوقع بعد اوكو

وباللنسبة حق عروس البحرين يضايقنى المحل ما احب اروحة

بنات ساعدوني... انا خطوبتي جريب وعلى اساس احجز عند عايشة البلوشي..يقولون حلو

مكياجها بس انا ماعرف قلت باروح وباتوكل على الله ..طلعت الاخت بتسافر الحج الله يتقبل منها ان شالله وانا الحين متوهقة
يلا همتكم معاي يابنات ديــــــــــــــــرتــــــــــــــــــــــــــــــــــــــــــــــــــــي

تحياتي
بنوتة البحرين84

بنوتة البحرين
من قبل كم ليلة شفت عروس رايحة آنسة البحرين كانت رووووعة

بس اختي لاتاخدين على كلام الناس لانه الناس اذواق روحي فري الصالونات او شوفي شغلهم

بنوتة البحرين.. جربي مكياج صفاء أو سارة المريخي

بنوتة البحرين
انا اثني على كلام ام غدير
لاني بنفسي رحت شفت الصالونات والمكياج شلون يكون
كنت ابي اساعدش بس ما ابيش تجضرين لاني انا في النهاية ما صفيت إلا على عايشة البلوشي
الله يسلمها ويتقبل منها


والله ما بضيعش لازم بتشوفين لش وحدة تسوي لش إلي تبينه
بس اتوكلي على الله وجدي وروحي شوفي عده بنات
صفاء
لمياء بوجيري
صفية شويطر
فاطمة شويطر
ترى كلهم يجددون مكياجهم ويسوون لش شيئ حلو


تحيتي،،

أختي العزيزه الشيخه

بالنسبه للصالونات اللي تعتني بالعروس

انصحج بالأطراف الناعمه بالرفاع

وصالون اصيله بالرفاع الغربي

انا ما اتعامل الا معاهم

والله يوفقج ويسهل لج أمورج يارب

أختج الدانــــه

أختي العزيزه على عيني

تسلمين عالإفاده

والله يوفقج ويسهل لج أمورج يارب

أختي العزيزه بنوتة البحرين84

مثل ما قالت لج الشيخه عندج صفا وفاطمة شويطر ، نورة الكعبي

سارة المريخي

والله يوفقج ويسهل لج امورج

أختج الدانــــه

حبيبتي الدانه الله يعزك
ويطول بعمرك

هذولة الصالونات لما اروح لهم قبل العرس بشهرين
شنو ممكن يسوون لي

ولا قصدك على الحفاف والحلاوة!!


لانه مطلبي صالون يعتني بالعروس في بشرتها وجسمها وإذا كانت محتاجة لشيئ معين
وخصوصا تنظيف البشرة

تحيتي،،

[glow=FF0000][mark=FFFF00]تسلمين الدانة وهذا واجب[/mark][/glow]

أختي العزيزه الشيخه

ممكن يسون لج حمام مغربي ، تقشير ، تنظيف بشره ، خلطات لجسمج

هذول الصالونين على مستوى روحيهم ما بتخسرين شي


والله يوفقج ويسهل لج أمورج يارب

&&&&&&&&&&&&&

أختي العزيزه على عيني

من طيبج يالغاليه

الله يسعدج وينولج اللي تتمنيه يارب

أختكم الدانــــه