.. مذكرات دبدوبة مربربة ..

عادي دبدوبه اول يوم نادي مررره بتتعبين و اول اسبوع عموما هو الاصعب

بس بعد كذا يصير الوضع طبيعي و بالعكس تنشطين اذا رحتي النادي

انا حاليا اروح النادي عشان كذا اعرف ههههه

بالتوفيق

برافووووووووووووووووووووووووووو


اتبعي نصايح ام القوقو

عسسل والله
والله يوووفقك يااارب

شكراً خواتي على تشجيعكم :shy:

أمس الأثنين 11/9/2006
و
اليوم الثلاثاء 12/9/2006

مثل يوم الاحد ، الروتييين قاتل
ما تغير شي ابد
بس الحمدلله للحين ما خربطت في الأكل

خواتي عندي سؤال : شرايكم لو اجرب اسبوع آكل بس فواكه
و اسبوع ثاني بس خضروات ؟
اكثر من مرة فكرت اسوي هالشي بس كنت مترددة

هلا حبيبتي .. أنا معاج .. عرسي سابع يوم عيد رمضان ..

وأنا وزني 75 وطولي 166

وبنقص6 أو 7 كيلو .. وبدخل نادي .. برمضان . .يعني لي بس 30 يوم ..

شرايج . .أقدر أقطهم برمضان ؟؟

وشنو إقرتاحاتج للريجيم ؟

وشكرا. . أنا معاج . من اليوم . .مافي عشان ..

والتسجيل . بهاليويمن إنشالله

وشكرا

نسيت أقولج

الله يوفقج .. والحمد الله إنج وعيتي على نفسج .. قبل ما تدشين الجامعه ..

وقت البدلات و الكشخه و الأناقه و الترزز .. والكشخه .. هههههههههه<<< تبي تخربها

وإنشالله على ما تننتهين من الثنويه العامه. . بيكون وزنج عجيب .. الله يوفقج

موفقة ان شاء الله يامنى


وعقبالنا

حبيبتي بنت ديرتي منى الله يوفقج ويعطيج الي في بالج..

انا بقولج سالفتي بإختصار عشان تستفيدين من أخطائي وما تكررينها.. انا كنت مثلج تقريبا وزني زايد وسويت رجيمات وايد بس اقطعهم لكن الي واصلت عليهم فتره لين ما خسرت وزني كانو 3 رجيمات.. المشكله ان لما تواصلين بالرجيم وتجوفين النتايج تستمرين عليه لين ما تخسرين واااايد كيلوات لكن الجزء الأصعب إيي عقب ما تخلصين الرجيم ويصير الجسم خلاص تعود على الاكل القليل ونوعيته فيصير صعب يخسر الوزن بسهوله وبعدين تبتدين شوي شوي تاكلين عادي وتكسرين روتين الرجيم الي استمريتي عليه شهوررر والنتيجه...... ترجعين كل الكيلوات الي خسرتيها وتمتنين! انا هذا الي صار معاي لاني اصعب جزء اهو انج تحافظين على الوزن..

عقب سنين مع هل معاناة رجعت سويت رجيم لكن هل مره غير.. :

اول شي كنت تحت إشراف طبيبه سوت لي تخطيط وطلع منه بلاوي! وكانو السبب في زيادة الوزن عندي .. اعطتني فيتامينات وهل سوالف عشان العلاج فقط!! وحطي تحت فقط خطين! لان الحبوب الي تقلل الشهيه او الي تسرع في عملية انقاص الوزن تزيد البلوه! لان عقب ما تخسرين الوزن ترجعينه وااااايد بسرعه وزياده عليه بعد!
الشي الثاني طلع في هذي التخطيط نوعيه الهرمونات ومدي شنو وعلى اساسه حددت لي شكر جسمي يحتاج سعرات حراريه في اليوم.. واتفقت معاها على اني راح اكل غده البيت ولكن بكميه قليله واكل السكر العادي ولا استبدله بسكر الرجيم يعني المقصود ان راح اكل كككككل شي عادي حته اني اكل مره إلى مرتين في الاسبوع اي شي ابي من وجبات سريعه وغيره .. والهدف هني حبيبتي اهو عشان نتعود علىنمط جديد في الأكل يبقى لمدى الحياه وليش روتين قاسي وممل وبعده نرجع نمتن ويترهل الجسم! وبعد كنت اكل العشه من قت (قبل الساعه 8) وبيبسي مره وحده في الاسبوع واكثر من الماي والخضروات والسلطه والرياضه

والنتيجه..................







خسرت 13 كيلو او اكثر بشوي في 7 شهوووووور! يعني ما يقارب 2 كيلو (اكثر او اقل بشوي) كل شهر! وهذي اهي الطريقه الصحيحه والطبيعيه لفقدان الوزن بدون روتين قاسي ولا حبوب وله شي! لانه بهل طريقه يخسر الجسم الوزن على المدى البعيد مع المحافظه عليه! وهذي بعد انا ما كنت وايد مداومه على الرياضه فمى بالج لو كنت مداومه عليها؟ اكيد نتايج احلىىىى


نصيحتي لج ابتديها صح هل مره عشان تفتكين من هل مشكله للأبد! لا تستعجلين تره يبيله صبر وطولة بااااااال وعزيمة قويه! ولما يكون بهل طريقه انتي ما بتتمللين او بتكرهينه لان بتكونين تاكلين كل شي عادي بس بكميات اقل وتكونين تحت إشراف طبي (انا اروح حق الدكتوره مره كل شهر ) وفي نفس الوقت بتحبين نفسج وهذي عامل وااااااايد مهم حق فقدان الوزن...

سامحيني طولت عليج بس حبيت افيدج وإذا بغيتي اي شي تره انا حااااظره لاني حاولت اختصر (هل طول ومختصره ؟ هههههههه) وانا معاج وإلى الأمااااااااااااااااااااااام وتره انا للحين مستمره وبرجع اسوي رياضه وبنشجع بعض !

والله يوفق الجمييييييييييع

aaaaaaaaaahhhhhhhhh men somna.ana touli 1.65m w wazni 70kg w ana halla machya 3la regime : b2allel kemeyat akli bechrab 7alib khali dassem w bakol la vache qui rit light w bkatter men akl khodar w fawakih.w bettab3 ba3mel reyada ana halla ba3mel 4 sa3at machy. inchallah b nen7af .allah ywaffa2na ya rab w y3inna 3ala ha regime.

::aaaaaaaaaahhhhhhhhh men somna.ana touli 1.65m w wazni 70kg w ana halla machya 3la regime : b2allel kemeyat akli bechrab 7alib khali dassem w bakol la vache qui rit light w bkatter men akl khodar w fawakih.w bettab3 ba3mel reyada ana halla ba3mel 4 sa3at machy. inchallah b nen7af .allah ywaffa2na ya rab w y3inna 3ala ha regime.:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap:

الله يفوقك مرررررررره ثانيه يارب

تابعي الله معاك 00 تابعي وحناا ورااكي:clap:
شوووفي يااطويلة العمر 00 اختك اللي تكلمك لما كانت في الثاانوي ماخلت ريجيم ماسوته
مع كذا دكتوره وكذا عياده ومراكز ريااضيه وغيره 00 وقتها كان وزني 77 كيلو
لخبطت الرجيم وتركته بعد اربع شهور 00 فجاة لقيت وزي 85 كيلوو 00 قلت ياابنت بس كذا مو زين
وامسك حالي واسوي رجيم بالبيت من نفس وتمارين وحوله 00وبعدين التهيت بالاختباراات
عقب الاختباراات ليت وزني 88 كيلوو تخيلي < مع اني والله مو اكيله وامي دايما تحرص على اننا ماناكل من برى واكل البيت خالي من الدهون بس برضوو دون سيطره 0
عقب رحت لدكتوره 00 اول شهر نقصت ووصل وزني 82 كيلوو بصرااحه انبسطت انوو كذا باول شهر وتهيء لي انو ان شاء الله الشهر الجاي كذا او اقل
بس الشهر اللي بعده كان وزني موقف 00 وكذلك اللي بعده واللي بعده سبع شهوور ماتحرك وزني ابدا << هالشي احبطني قووة وانقهرت واذكر اني كنت اصيح عند امي اقولها صديقاتي ياكلون الشوكولاتات يوميا وكلهم مانيكانات ليه اناا :sad:
وامي ياحياتي تقوول معليش هذي وراثة العائله
وعلى هالمنوال دخلت الكليه وعملت البصمه 00 ونفس الشي اول شهر نقصت سبعه عقبه وقف وزني00 ابي ابي ابدا وبعدها طلع الخبر انوو البصمه كلها نصبه 0
وقعدت ياطويلة العمر خمس سنين في الكليه اول ثلاث سنين مايمر الترم الا انا مسوويه حميه ومواصله 00 ومن تجي الاختبارات الا الدنيا عندي اكشنات 00 واحتااس
وهكذا 00 طبعا انتي يمكن يخطر ببالك انوو مع كل هالرجيمات مازال وزني حدود الثمانينات ؟؟
لا يااقلبي اخر سنه في الكليه رحت لدايت سنتر 00 دخلت وانا وزني102 كيلو
تخيلي:confused:
وشديت على حالي وعملت دايت واصريت على حالي يمكن ثلاث اربع شهوور
المهم صاار وزني93 كيلوو 0
بعدين صارت الميزانيه ماتستحمل الفين كل شهر على دايت سنتر فتركته 0
وتخرجت قبل الاختبااراات الاخيره حقت التخرج
ومدري شصاار
في اسبووع تنانير الكليه ضااااااااااااااااااااقت علي قووة
صارت تتسفط
واللي يشوفني يقوول هذي يومياا تتغدى ذبيحه وتتعشى برجر كنغ
وانا واللله يمكن وجبه وحده في اليووم 0
وعلى ماتخرجت جتني حاله من فقدان الارااده
ابي ابي 00 كل يوم ابي اسووي رجيم 00 بس والله ماقدر ابدا اول يووم حتى
لي سنه بالبيت من تخرجت 0 ووزني الحين 108 كيلو تخيلي
ومطلعه السير حق المشي والدراجة الثابته في الصاله 00 وبرضوو مابعد عزمت على الانتظاام
مدري ليه ماعادت ارادتي مثل قبل 0
---------
ملخصهاا 00 اختي اسمعيها مني
لو ماتنقصين الا كيلووين بس 00 سوي لهم تثبيت قبل تتراخين في الحميه ولاتراك بتتحسفين وبتتراكم الزوائد يوم وراء يوم -
وانا خاطري اسوي رجيم السوائل اللي هو بس عصاير ومااء بدون اكل
بتقولوون بيطيح شعرك بتقولون بتبهت بشرتك
بقووولكم تعبت ابي انحف شووي00 ابي عالاقل قبل العيد انقص قياسين بس0
وربي يووفقك ويووفقناا جميعا
سووري عالاطاله 00 لكنك اثرتي شجوني :sad:

الله يوفقكم جميعا

ليالي كسرتي خاطري

ليش ما تدخلين نادي رياضي؟؟؟

ليالي حبيبتي تشجعي احان معااااااااااااااااااااااااااااك
حبوووبه يالله احناااااااااااااااااااااااااااااااااااااااااااااااااااااااااااااااااااااااااااااااااااااااااااااا معك
سي يو ليتر

هلا خواتي ، سوري ما دخلت امس ،
تعرفون ثانوية عامة و مذاكرة و تحضير

.. نور الكويت كله ..
هلا حبيبتي ، مبروك مقدماً على العرس
اذا واصلتي في الرجيم و الرياضة اكيد بتقطين هالـ 6 كيلوات
بس اذا ما قدرتي تقاومين الحلويات خاصة في رمضان راح يكون صعب
بس ان شاء الله تنزلينهم و كلنا وياج نشجعج
بالتوفيق غاليتي

.. hatoom ..
مشكورة الغالية ، لا تحرمينا من وجودج

.. بطه ..
هلا بج عزيزتي ، و الله لو تعرفين شكثر فادتني مشاركتج
آبي اروح لدكتورة تغذية بس امي ترفض شي اسمه حبوب و دواء لتخفيض الوزن
و تقول ان النظام اللي بتعطيني اياه الدكتورة مشابه الى اللي اسويه
انا مشكلتي قلة الحركة ، ما احب اسوي رياضة
و ما آكل وايد بس الوجبات الثلاث لكن كلها فاست فود و بيبسي
الحين صرت اعدل وجباتي ، كلها أكل صحي و اروح النادي
و ان شاء الله انزل على الاقل من الحين للعيد 10 كيلو
و مشكورة عزيزتي ، دعمج وايد وايد مهم لي

.. marah ..
مشكورة حبيبتي ، و الله يوفقج في رجيمج

.. سحر 2005 ..
ثانكيووو سحووورة :shy:

.. ليالي ..
هل حبيبتي ليالي ، ذكرتيني بـ بنت خالي
اهي على طول تسوي رجيمات و نظام غذائي و تروح لدكتورة و لا نفع
لأنها كانت ما تقاوم الشوكولاته اذا شافته و تخرب كل شي
لما وصل وزنها لـ 112 و اهي كان عمرها 20
و من سنة تقريباً كانوا حريم يايينهم على اساس يشوفونها حتى يخطبونها
و رحبت فيهم اهي و امها و يوم راحت امها تييب لهم شي حتى تضيفهم
راحت اهي تساعد امها و يوم يت بتدخل على الحريم سمعت الحرمة و بنتها يقولون
لو كانت رشيقة كنا خطبناها ، وع ما نبي دبة !
و تعرفين شنو شعور بنت خالي ذيج اللحظة
و حمدت ربها ان محد سمع كلامهم غيرها
و من ذاك اليوم و اهي متغيرة و معزمة تنزل وزنها
و في 6 اشهر نزلت من 112 الى 70 و الى الحين مواصلة
حتى انها اكثر وحدة كانت تشجعني حتى انزل وزني بس كنت ما اهتم
لكن الحين خلاص لاعت جبدي من هالوضع و ابي اصير رشيقة
و انتي حبيبتي بعد لا تستسلمين ، اهم شي صحتج
و يا رب تصيري مثل الغزال :shy:

.. ام القوقو ..
شكراً الغلا ، لا تنسينا من الدعاء

.. يومياتي لأمس و اليوم ..

الأربعاء 14/9/2006
و
الخميس 15/9/2006

ما زال الروتين مستمر
و ما زالت محافظة على الاكل الصحي و الرياضة
دعواتكم

تصدقون خواتي ما ادري ليش احس اني خفيفة
و متحمسة ليوم الأحد حتى اوزن :shy:

منى الله يسهل عليك يارررب

و اصلي يا منى

انا يوم زاد وزني بعد الحمل كنت ثقيله فعلا و اذا طحت اتعووور من ثقلي

من جد بس الحمد لله الحين صرت اخف

اول كنت احاول انط مقدر و احاول اركض يالله يالله مووت

الحين فررق الحمد لله خفيت كثير و احس اني صغرت و تذكرت ايام الشباب

خخخخ (اللي يسمعني ما يقول عمرها 24) هههه

لا بس لما تشوفين الفرق باذن الله راح تستمرين و تحافظين

الله يوووووووووووووفقك ويعطيك الارادة وكل سمينة يا رب خخخخخخخخخ
قصدي دبدووووبة ومربربة

الله ينحفنا جميييييييييييع .. انا بعد محتاجة تشجيع

انا قليل اكلي والله ... واصوم صار لي فترة والحمدلله على التوفيق
بس محتاجة اني اتحرك عشان انقص وزني

انا اشتغل .. وارجع هلكانة وما فيني طاقة .. واقول بعد الفطور بمشي شوي ولكن بس كلام .. محتاجة لتشجيع واراردة .. والله يوووووووووووفق ان شاء الله من بكرة ابدا باذن من رب العالمين

دعوااااااااااااتكم لي بنات والله يوووووووووووفقج الغلا ... منى

بس ممكن ترسلي لي على الخاص اي نادي تروحينه؟؟

والف شكرررررررر

بصراحه كلنا ودنا ننحف بس كيف ماندري الاراده موجوده بس وين التشجيع يالله الغاليه

سيري ونحن وراج والله يوفقنا...

ياجماعه سؤال بس..

كيف الوحده تثبت وزنها لما تضعف شوي...؟