الى بنات مصر المشاركات فى موضوع فرحك خلاص قرب الرجاء الدخول

bosbos28:
ايه رايكو يا بنات كلكو احاول اعمل دلوقتي مره قبل الفرح انا فرحي بعد شهر و تلات اسابيع تقريبا صحابي بيقولولي الشعر مش هيلحق يطلع كله قبل الفرح و هيغلبك و انتي بتعمليه الكلام ده صح ولا ايه؟

كمان حد جرب حمام التلات بيقولو احسن من السنترات الحديثه اللي بتعمل الحمام المغربي و التركي بس انا حاسه انه بعيد قوي عليا و ماما بتقوللي مش امان

ادة وهو انتي معملتيش ولا مرة قبل كدة خالص؟؟؟؟؟؟
لا ياقمر لازم تجربي قبل الفرح عشان تعرفي ايه اللى هيحصل بالظبط ومتتصدميش قبل الفرح ومتعرفيش تتصرفي
ولو عملتي دلوقت طبعا هيطلع تاني
دي الفترة دي ممكن تعملي فيها مرتين

ههههههههههه بالنسبة للحمام انا وواحدة صاحبتي كنا لسة بنتكلم في الموضوع دة
على فكرة مبقاش في حمام التلات دة اتقفل خلاص
دلوقت في حمام الاربع مكانه ف رمسيس بس فين بالظبط مش فاكرة
انا رحته مرة قبل كدة
وامان هي ماما خايفة من ايه يعني؟
انا جربته هو بيعمل نفس اللى في السنتر بس طبعا ارخص بكتير
كل الحكاية هي 20 جنيه بس
بس طبعا من غير سويت
وتخدي ماسكاتك وحاجتك معاكي وتعملي كل حاجة هناك

[SIZE="2"][SIZE="4"]السلام عليكم انا اختكم ولاء شريف انا كمان ان شاء الله فرحى فى العيد انا بصراحه مصدقت لقيتكم لانى حاسه انى تايهة ومش عارفه اعمل ايه اوابدا اعمل ايه او اهتم بايه ولا ايه كان نفسى يكون لليه اخت بنت تساعدنى فى تدبير امورى وتقولى اعمل ايه لكن ربنا بعتكم ليه ممكن تساعدونى علشان لربنا يفرحنا كلنا انا عايزه اهتم ببشرتى وشعرى وجسمى ومش عارفه ابدا اعمل ايه وعايزه حد يوجهنى انا خطيبى ههييجى ان شاء الله من السعوديه فى رمضان عايزاه يتبهر لما يشفنى احنا كتبين الكتاب من سنه ممكن تعتبرونى اختكم وتساعدونىىىىىىى:salam: (f) انا حاسه ان الوقت بيجرى منى وانا واقفه مكانى اعمل ايه :think: [/SIZE][/SIZE]

اهلا بيكي يا ولاء يا قمر
منورانا والله
واحنا هنا كلنا معامي واخواتك متخفيش ومتقلقيش
مش هنسيبك غير لما تبقى احلى عروسة
احنا مجوزين بنتين لحد دلوقت ههههههه وانتي التالته ان شاء الله
المهم دلوقت انتي مش قدامك وقت طويل على مجي خطيبك ( جوزك) هو جاي امتى ؟؟؟؟؟؟ انا خطيبي جاي ان شاء الله سادس يوم في رمضان من قطر ان شاء الله

المهم عشان الوقت قصير لازم تقوليلنا ايه هي المشاكل اللى بتعاني منها
في بشرتك وجسمك وشعرك عشان نقدر نقولك على الحلول المناسبة ان شاء الله

وكمان يسهل علينا بدل ما نفضل نتكلم في وادي وانتي في وادي تاني هههههههههههه

يلا مستنيا منك اول مشكله ههههههههه:gum:

لا يا ناني معملتش ولا مره :(
بصراحه كل ما اقول هجرب اخاف من الوجع و اخاف اتعقد كمان انا مش بعرف استخدم السويت طول عمري بستخدم السيلك ابيل

في سويت اسمها فاست اند ايزي دي سويت بس سائله جربتها و عرفت اتعامل معاها شويه بس ايه رايك فيها تنفع للمناطق الحساسه؟

انا محتاسه و كمان التحضير للجواز و شغلي مش مخليني اعرف اركز في اي حاجه

معقوله حمام التلات اتقفل خلاص :( ؟ طيب حمام الاربع ده فين بالظبط؟ لو اي حد يعرف يدلني
و لو اي حد جرب سنتر كويس يقولي فين و اسعاره ايه

اهلا يا ولاء

هو فعلا الوقت بيجري بسرعة الصاروخ انا فجاه لقيت نفسي فاضلي اقل من شهرين ولسه معملتش حاجه بس انشاءالله خطوه بخطوه مع بعض لحد ما تعدي الايام دي على خير

بسبوس انا حالي من حالك وفرحي فاضل شهرونص بلظبط مش عارفه اعمل ايه اعمل بلسويت ولا الماكينه بس انا عايزاه يطلع بسرعه شكلي كده هعمله بلسيويت عشات يطلع اسرع واتعود علي الالم كمان انا قبل الفرح هعمله بلسويت عشان بصراحه انضف مش هينفع اعمله با مجوي
بس انا هجهز العده بتاعتي وصفه ولاء الزبادي وليمون وهجيب ميه وادوب فيها قرصين اسبرين وكريم فسيدون ربنا يستر
ولاء شريف اهلا بيكي معانا نورتينا
ناني ممكن اعرف ايميلك

هاي يا هوبا

طيب جربي كده و قوليلي ايه الاخبار انا كمان هحاول اجرب و ربنا يستر

هتعملي حمام العروسه فين؟

صحيح يا بنات
سؤالك مهم يا بوسبوس

هو احنا هنعمل حمام العروسة فين ؟؟؟؟ ولا مش هنعمل اصلا؟؟؟؟؟؟ولا ممكن نعمل في البيت ؟؟؟؟؟؟؟

مين عنده خبرة في المكوضوع دة ومعلومااااااااااااات

والله يا ناني السؤال ده محيرني جداا

بصو انا اتنين صحابي لسه متجوزين قريب واحده راحت سنتر في مصر الجديده عملولها حمام مغربي و ماسكات و كل حاجه لجسمها بتقول جسمها بقى زي الحرير و فضلت حوالي 10 ايام بعد الفرح ريحتها تحفه و مهما تستحمى مش بتروح منها

و التانيه جابت واحده في البيت كيستها و عملتلها ماسكات طبيعيه لجسمها زبادي و ترمس و كده بتشكر فيها برضه بس انا حاساها عاديه شويه

معظم اللي متجوزين من قبل كده بقى قالو احسن حاجه حمام التلات او الحمام البلدي بس انت بتقولي قفل خلاص

انا كنت مره قريت في مجله عن سبا اسمه لاروز اتصلت بيهم اسال قالو باكدج العروسه ما بين 750 و 1000 بس حاساهم غالين شويه

لو اي حد عنده معلومات عن مكان كويس يقولنا يا عرايس

انا سعيدة جدا انى لقيت منكم اهتمام يانانى ويا بسبوس انابشرتى دهنيه بس كانت الفتره اللى فاتت كويسه جدا ومن غير مشاكل لكن بدات دلوقتى تطلع فيها حبوب وكمان كنت من فترة بسيطة رحت الجيم وكان ايام صيام حسيت بارهاق شديد وحسيت ان بشرتى اغمقت شويه كمان شعرى فيه تموجات كتير وكنت عايزة افردة وبنات قرايبى قالولى على فرد اسمه برمننت تقريبا وعايزه اعمله وخايفه منه وعلى فكره يا نانى انا جوزى ههييجى ان شاء الله 14رمضان :shy:

بسبوس وناناني انا بصراحه مش هعمل انا هعمل الحاجات دي في بيتي مقدرش اخرج واغير هدومي بره البيت بصراحه اخاف وقلت لماما اني اجيب واحده هنا برده مش رضيت وانا كمان اتكسف وحرام فا انا قلت اعمل الحمام المغربي والخلطه دي بتاعت اليمون والملح بس مش متاكده من مكونتها يا ريت تقولهالي

ولاء انا زيك كانت الاول بشرتي اقرب الي جافه بس دلوقتي بقيت مختلطه وفعلا انا مكنش عندي حبوب خالص بس جيت في مره واخدت وشي بلفتله وربنا يحفظكم وشي اتملي حبوب وتابعت عند دكتور هي مشيت بس في اثار انا دلوقتي الاثار بدات تمشي من عندي
بس انتي لازم تتابعي عند دكتور ومتحطيش وصفات لبشرتك وهي فيها حبوب

يا بنات طريقة الحمام المغربي سهلة اني اعملها في البيت مش محتاجة يعني اني اعمله بره وبعدين حرام ده غير مسألة الكسوف صعب قوي وبعدين حتى الصابون المغربي احنا ممكن نعمله في البيت

بلييز حد يعرف اتيليه كويس في منطقة الزمالك بيأجر فساتين زفاف حد يقولي بقه أعصابي تعبت خالص وأذا كان حد يعرف عادل أبو هميلة يقولي هو بيأجر ولا لأ

يا بنات محدش قالي اشترك في مين افون ولا اورفليم مين احسن واعمل ايه عشان اشترك؟؟؟؟؟

لسلام عليكم ورحمه الله وبركاته
ازيكم يا اجمل وارق عرايس وحشتوووووونى كلكم ومن غير اسماء ع لشان ما انساش حد فيكم يا قمرااااااااااااااااات

اولا بشكركم شكر خاااااص جدا لمساعدتكم لبعض ربنا يديم الود والمحبه بينا دايما ياااارب

تانيا برحب بكل البنااااااات الجدد واقولهم ربنا يسعدكم ويارب تستفيدوا من الموضوع

تالتا سامحونى لقله دخولى لانى فى ظروف صعبه جدااااااااا بس ماتنسونيش من دعائكم بلييز:sad:

هوبااااااااااااااااا وحشتينى اظاهر بعت ع الايميل الغلط ولا يهمك بس ياريت تقوليلى اخر اخبارك

مارو وكوكو انا فرحانه جدا وانتى اللى وحشتينى اكتر

نانى والبنات كلهم انا عندى ايميل ع الهوت هابعته بس صدقونى الفتره دى عندى حرجه جدااااااااااا وصعبه جدااااااااااااااااا فاعذرونى مع وعد ان شاء الرحمن بامعاد بيننا

كل عام وانتم بخير بمناسبه حلول شهر رمضان المبارك الذى اطلب فيه من المولى ان يعتقنا جميعا فيه من النيرااااااااااان



المخلصه

شرباااته

مصر

شرباته ازيك يا حبيبتي وحشتني والله مووووووووووووت وانا علي طول بدعيلك وانا شاء الله ربنا يفتحلك ابواب السعاده والخير يارب
انا حالي زي ما هو يا شربات ادعيلي
ايه يا بنات انتو فيييييين ندا انت مش بتشتركي ليه معانا
يارب يكون المانع خير

السلام عليكم يا بنات وحشتونى أوى
ممكن بس حد يرد على اسالتى و معلش هى بايخة شوية بس سامحونى : هو حمام العروسة ده لازم يتعمل قبل الفرح بأد ايه و كام سعره و هل هو موجود في اى محافظات تانية لان انا في مصر مش من القاهرة.
انا ابل كدا كنت بشيل الشعر بالموس لاكن دلوقتى بدأت اعمله بالواكس او السويت لاكن لسا في نقط سودة تحد الجلد و مخليا المنطقة الحساسة شكلها وحش فحد يعرف اعمل ايه.
و شكرا و أنا بحبكم في الله

:flower: السلام عليكم يا بنات وحشتونى أوى
ممكن بس حد يرد على اسالتى و معلش هى بايخة شوية بس سامحونى : هو حمام العروسة ده لازم يتعمل قبل الفرح بأد ايه و كام سعره و هل هو موجود في اى محافظات تانية لان انا في مصر مش من القاهرة.
انا ابل كدا كنت بشيل الشعر بالموس لاكن دلوقتى بدأت اعمله بالواكس او السويت لاكن لسا في نقط سودة تحد الجلد و مخليا المنطقة الحساسة شكلها وحش فحد يعرف اعمل ايه.
و شكرا و أنا بحبكم في الله:salam: :flower: :flower: :flower:

ما ردتوش ليه يا بنات :sad:

بوني انا والله مش من القاهره عشان اعرف الاماكن هناك
وعروسه مصر انا لاسف معرفش طريقه تشيل الاثار دي