الى بنات مصر المشاركات فى موضوع فرحك خلاص قرب الرجاء الدخول

i muslmah:
يا بنات انا نفسي في حد من اسكندرية يكون بيلف جامد جدا في الاسواق وعارفة كل الاماكن والاسعار وتساعدني اتواصل معاها بالنت عشان اعرف راسي من رجلي ؟؟؟؟؟

حبيبتي انا من القاهرة بس معرفش حاجة فى الاسكندرية بصي لو هاتنزلى القاهرة انا ممكن اقولك تروحي فين بالضبط تلمي كللللللللللللللللللللللللللل حاجاتك لان واضح انك مفيش وقت انا تحت امرك لانى عارفة والله الزنقة دي و ربنا معانا

انا اسفة جدا عالاسئلة المزعجة والكثيرة
معلش انا حاسة اني باغرق وعايزة مساعدة ؟
اشكر من اعماق قلبي كل اللي رد علي
واستحملوني
اصل انا وحيدة

i muslmah:
يا بنات عشان اجيب قميص بتاع الليلة حاجة حلوة :
كم يكلف تقريبا ؟؟
اصل هنا في السعودية الحاجة الحلوة تكلف 1000ريال تقريبا

لو عايزة قميص شيك وخامته كويسة وفخم عليكي بفاليزير ذوقها راقي ودي حتلاقيها في المحلات الكبيرة والمولات وسعر القميص بيبقي في حدود 100 او 200

i muslmah:
يا بنات عشان اجيب قميص بتاع الليلة حاجة حلوة :
كم يكلف تقريبا ؟؟
اصل هنا في السعودية الحاجة الحلوة تكلف 1000ريال تقريبا

الحاجات الحلوة هنا
بتتراوح بين 200_ 350 جنيه

انا لسة كنت بتفرج من كام يوم وبجد الحاجت اللى دي اسعارها تحفة وشيك جداااااااااااااااااااااااااااااااااااااااااااااا

طيب يا ولاء
فيها حاجة لو قلت للعريس يجيب الرفايع عشان الوقت وانا مش هاكون فاضية خالص لها ؟

ولا يهمك يا قمر اسالي زي ما انتي عايزة

i muslmah:
يا بنات عشان اجيب قميص بتاع الليلة حاجة حلوة :
كم يكلف تقريبا ؟؟
اصل هنا في السعودية الحاجة الحلوة تكلف 1000ريال تقريبا

هنا ممكن الحلو يكون ب 300 جنية

i muslmah:
طيب يا ولاء
فيها حاجة لو قلت للعريس يجيب الرفايع عشان الوقت وانا مش هاكون فاضية خالص لها ؟

الرجاله مش هتعرف تشتري الحاجات دي

qmr:
بنات انا متزوجه

بس عايزة اعرف انتم بتجهزوا منين في مصر علشان اختي الصغيرة انخطبت

يعني الصيني والاكروبال والبيركس والاستنلس كله ده ينجاب منين
وكمان لبس العرايس اطقم النوم وكده نجيبه منين

؟؟؟؟؟؟؟؟؟؟؟؟؟؟

حبيبتي انا بجهز من حمام التلات كل الادوات المنزليه هى هى الحاجات اللى فى المحلات الفخمة بس بسعر الجملة واللبس ممكن من الغورية عموما هى المنطفة واحدة والاسعار هناك توصل نص الاسعار فى المحلات

شكرا ليك ياناني
بصي يا ستي
1/ السجاد :
سجادة الصالون ، والانتريه ، والسفرة ، و2 قدام الباب مدورين ،
و2 مشايتن لممرين .
2/ المفارش :
-مفرش طرابيزة الصالون ، والانتريه ، والسفرة، والبوفيه والنيش ، والسرير .
3/ الفوط :
طقم فوط قطيفة ، طقم فوط بشكير ، فوط للمطبخ ، فوط للحمام .
وطقم بورنس ، و2بطانية ، و لحاف .
يعني بصراحة اهله مستواهم عالي جدا فانا باجيب الحاجة الشيك الحلوة بس سعرها متوسط
فاضل ايه كمان؟؟؟!!

يا بنات حكاية الصباحية دي خلاص بطلت من زمان قوي دلوقتي خلاص السؤال بالتليفون كفايه و خصوصا لان معظم العرايس دلوقتي مش بيدخلو في بيتهم و بيقضو ليلتين بعد الدخله في الفندق و بغد كده بيسافرو فالزيارات بتبقى بعد الرجوع

بس عموما لو مامتك و اختك مثلا هيجولك الصبح انا عن نفسي جبت جيب بيضه حلوه قوي قصيره و واسعه و جيبتلها بادي ابيض مطرز تطريز رقيق قوي على الصدر و بادي روز شبهه بالظبط بس لسه مش عارفه هلبس ايه فيهم ايه رايكو

يا ستي ومين قالك ان خطيبي بيعمل حاجة في الشقة كل حاجة مامته
يعني هو عيب ذوقا اني اقول كده لانه هيقول لمامته ومامته بتاعت اصول يعني
بس هما عارفين زنقتنا وحوستنا

i muslmah:
طيب يا ولاء
فيها حاجة لو قلت للعريس يجيب الرفايع عشان الوقت وانا مش هاكون فاضية خالص لها ؟

حبيبتي اولا مش منظر انك تطلبي من عريسك يجيبلك الحاجات دي ثانيا الراجل عموما مالهوش خلق يجيب الحاجات دي هاتلاقيه جايبلك حاجة ولا اتنين وناسي عشرة لكن انتى وانتي بتتفرجي بيلاقى حاجات انتى ناسياها او ماكنتش فى بالك

الله يخليكم حد يقولي :
كم ميزانية الملابس بجميع انواعها والجزم زالشباشب والشنط تقريبا يعني
لو حد خلص تجهيز ممكن يفيدنا ؟؟؟

i muslmah:
شكرا ليك ياناني
بصي يا ستي
1/ السجاد :
سجادة الصالون ، والانتريه ، والسفرة ، و2 قدام الباب مدورين ،
و2 مشايتن لممرين .
2/ المفارش :
-مفرش طرابيزة الصالون ، والانتريه ، والسفرة، والبوفيه والنيش ، والسرير .
3/ الفوط :
طقم فوط قطيفة ، طقم فوط بشكير ، فوط للمطبخ ، فوط للحمام .
وطقم بورنس ، و2بطانية ، و لحاف .
يعني بصراحة اهله مستواهم عالي جدا فانا باجيب الحاجة الشيك الحلوة بس سعرها متوسط
فاضل ايه كمان؟؟؟!!

طيب بصي يا قمر اسعار السجاد دة انا شفته في التوحيد والنور
السجاد الصوف الوحش ههههههههه الكبيرة ب 300 تقريبا
الحلو اللى بيبقى ناعم دة وعالي كدة وبارز الكبيرة ب 800 ولااكبر ب 1100 تقريبا
والمشايات هتبقى رخيصة ومعقولة عادي يعني خلينا في الحاجات الكبيرة الاساسية

المفارش زي ما قالوا متحاولي تجبيهم معاكي تقريبا عندك هيكون ارخص واحلى

i muslmah:
الله يخليكم حد يقولي :
كم ميزانية الملابس بجميع انواعها والجزم زالشباشب والشنط تقريبا يعني
لو حد خلص تجهيز ممكن يفيدنا ؟؟؟

بصى هو هموما على حسب كمية الحاجات والاسعار عموما متكتريش لان الجسم بيتغير بعد الزواج وممكن الحاجات تضيق انا بنت خالتى لسه متزوجة وكانت اشترت حاجاتها كلها ب 2500 جنية اعملى ميزانية نفس الرقم ده وانزلى اشتري

مفيهاش حاجه يا مسلمه لو انت عارفه انهم مش هيضايقو
بس انا عندي سؤال انت معندكيش مشكله ان جهازك و حاجاتك متبقاش على ذوقك؟؟
انا اصلي مبسيبش حد يجيبلي اي حاجه الا لما اشوفها الاول

ما شاء الله تبارك الله
2500 بس
ارجوك عملت ايه ؟؟ وجابت ايه ؟ ومن فين ؟ وهل حاجة حلوة يعني ؟

يا بنات محدش يعرف كريم كويس لتفتيح الجسم و المناطق الغامقه فيه؟؟
او حتى اي وصفه طبيعيه كويسه لتفتيح المناطق دي

كمان انتو بتجيبو الطمي المغربي منين؟

2500 شاملين ايه يا ولاء انا حاسة ان المبلغ قليل
يعني جابت لانجري
بيجامات قطن وساتان
قمصان نوم طويل وقصير
بديهات وجيبات وشورتات
ملابس داخلية كامله
وياترى الاعداد كام من كل نوع ؟؟؟؟؟؟؟؟؟؟؟؟؟؟؟؟؟؟؟؟؟؟؟