الى بنات مصر المشاركات فى موضوع فرحك خلاص قرب الرجاء الدخول

نورتي مسلمة
احنا في الخدمة يلا اامري يا قمر


مارو تقريبا مفيش بدي شوب في مصر اصلا

يا بنات ممكن أعرف ايه العرف في مصر
الطقم بتاع الحمام (علبة الصابون والسلة.......) على مين؟ (العريس ولا العروسة)
واحتياجات السكن زي الصابون والمناديل والحجات دي على مين ؟
أصل انا متغربة ومعرفش ايه العرف خالص؟
ملاحظة انا من اسكندرية

يعني معلش ياولاء
الصباحية قصدهم تاني يوم الصبح ولا امتى ؟

طيب ممكن اعرف حاطين ميزانية المفارش كم مثلا
وكم حدود نكلفة مفرش السرير + مفرش السفرة + مفارش الطرابيزات ؟
يعني الحاجة الحلوة الكويسة الشيك .

i muslmah:
يا بنات ممكن أعرف ايه العرف في مصر
الطقم بتاع الحمام (علبة الصابون والسلة.......) على مين؟ (العريس ولا العروسة)
واحتياجات السكن زي الصابون والمناديل والحجات دي على مين ؟
أصل انا متغربة ومعرفش ايه العرف خالص؟
ملاحظة انا من اسكندرية

الحاجات دي على العروسة يا قمر حتى خزين البيت اول الجواز بتملى البيت خزين سمن وزيت و صابون و رز و مكرونة وبصل و توم و مساحيق غسيل و جبن و توابل و عصاير كله كله يعني حاجات تكفيكوا طول الشهر فهمتى وحاجات الحمام دي عليكي انتي العروسة العريس عندنا مش بيجيب الرفايع دي احنا بنسميها رفايع كملى اساله لو عايزة

هو انتي منين اصلا يا مسلمة

وبعدين مفيش حاجة معينه
الناس في القاهرة كل واحد بمزاجة

والعادات بتاعت زمان دي تقريبا مبقتش موجودة دلوقت

يعني ممكن اصلا ميكنش في زيارة ممكن تليفون وخلاص للاطمئنان

يعني كل واحد حسب الظروف والعادات بتاعت العيلة نفسها

i muslmah:
ممكن يا جماعة اعرف ايه العرف في مصر بعد الفرح
امتى يعني الصباحية وبتلبسي ايه ؟ ومين بيجي فيها؟

اهلا بيكي نورتي المنتدي
بصي يا ستي عندنا في مصر الصباحية هي دي تاني يوم للفرح الصبح يعني بإذن الله تروحي تنامي وتصحي الصبح تبقي هي دي صباحيتك
وفي الغالب بيتبقي لابسة طقم الصباحية بيبقي عبارة عن قميص نوم ابيض بالروب بتاعه وطبعا يحبذ شبشب ابيض ستان ودانتيل وحركات يعني
وتقريبا محدش غريب بييجي الا اذا كانت مامتك او اختك او والدته كدة يعني بيبقوا اقرب المقربين وممكن ما يجوش الصبح وييجوا بليل وفي عرايس محدش بيزورهم الا في السبوع يعني بعد ما يتموا إسبوع وطبعا كل اسرة حسب عاداتها
هي دي يا ستي عاداتنا في مصر واي سؤال احنا في الخدمة

وممكن اعرف كمان
كم ميزانية الملابس كلها ؟
وكم حدود اسعار اللانجريهات = يعني الحاجة الحلوة الرخيصة ؟

i muslmah:
يعني معلش ياولاء
الصباحية قصدهم تاني يوم الصبح ولا امتى ؟

لا لا لا محدش بيرووح لحد الصبح يا ماما الافلام العربي دي خلصت من زمان دلوقتى العرسان بيروحوا وش الفجر هايلحقوا يناموا امتى علشان الناس تروح الصبح بيروحوا بالليل او يفوتوا اليوم ده ويوحوا اللى بعده لكن اعتقد مامتك مش هاتصبر هاتيجي تاني يوم بس قوليلها تاخر شوية

i muslmah:
طيب ممكن اعرف حاطين ميزانية المفارش كم مثلا
وكم حدود نكلفة مفرش السرير + مفرش السفرة + مفارش الطرابيزات ؟
يعني الحاجة الحلوة الكويسة الشيك .

ممكن 1000 جنيه معقول لمفرش واحد من كل حاجة
ولو عهايزة احسن ممكن 2000

بنات انا متزوجه

بس عايزة اعرف انتم بتجهزوا منين في مصر علشان اختي الصغيرة انخطبت

يعني الصيني والاكروبال والبيركس والاستنلس كله ده ينجاب منين
وكمان لبس العرايس اطقم النوم وكده نجيبه منين

؟؟؟؟؟؟؟؟؟؟؟؟؟؟

i muslmah:
وممكن اعرف كمان
كم ميزانية الملابس كلها ؟
وكم حدود اسعار اللانجريهات = يعني الحاجة الحلوة الرخيصة ؟

حسب الللى انتي محتاجه وذوقك
المتوسط للانجري الواحد من 30 - 50 جنيه

في حاجات اغلى وفي ارخص
بس دة السعر المعقول لحاجات خاماتها كويسة

الغوريه مليانه لانجري وحاجات بيت وكدة رخيصة جدا من 15 - 30 جنيه

يا بنات ارجوكم قولولي
3أسابيع تكفي اخلص فيها جهازي مع تكملة الشقة ؟
انا هاتجننن ، مش عارفة اعمل ايه ؟
انا عايشة برة مصر وفرحي الصيف الجاي ومش معقولة اجيب حجاتي كلها من برة عشان الوزن والميزانية ، وهيكون قدامي شهر من نزولي لغاية موعد الفرح ؟؟؟؟؟؟
والشقة بس جبنا الاساسيات ؟
فاضل السجاد والمشايات والمفارش والفوط وبعض حجات المطبخ ؟
ومجبتش أي حاجة من الجهاز ، وخايفة الفلوس متكفيش؟؟

اعمل اييييييييييييه؟؟

ازيكم يا بنات عاملين ايه ؟
انا مبسوطة جدا ان الموضوع و المشاركات رجعت ثانى علشان نقدر نساعد بعض

أولا مبروك لعروستنا امة الله وربنا يكرمها يارب وعقبال كل عرايس المنتدى
ثانى حاجة كنت عايزة اقول لهوبة ان منتجات اوريفليم اخلى كثير جدا من حاجات افون طبعا هى اغاى بس الحاجات جودتها اعلى و بتعيش الشادوهات عندهم حلوة قوى كمان حاجات جادور اللى لونها دهبى جميلة جدا خصوصا المسكرة و كريم الاساس ...وكمان مش لازم تشتركى جربى حد يكون عضو ويجيبلك عشان تقدرى تاخدى تخفيض

فى موضوع بقى محيرنى جدا انا عملت المنطقة الحساسة لاول مرة من اسبوعين بالسويت بس اقبل ما عمل استخدمت بنج رش لانى ماقدرتش استحمل الالم طبعا خفف الالم بس طبعا الشعر ابتدى يطلع ثانى بعد فترة قصيرة ده غير انى المنطقة ديه غامقة و محتاجة عناية انا بصراحه مش عارفة اعمل خصوصا ان فرحى قرب كمانا انا باشتغل بس لسه ماحددتش الميعاد لو حد عنده حل يقولى ضروووورى يا بنات

طيب انا هازهقكم بس استحملوني:
ايه الحجات اللي اجيبها من السعودية وهتكون ارخص واحسن من مصر
غير المكياج والعطور والمفارش ؟؟؟

i muslmah:
طيب ممكن اعرف حاطين ميزانية المفارش كم مثلا
وكم حدود نكلفة مفرش السرير + مفرش السفرة + مفارش الطرابيزات ؟
يعني الحاجة الحلوة الكويسة الشيك .

بصي يا ستي بالنسبة لمفرش السرير في اسعار كتير علي حسب الخامة والشغل والتطريز اللي فيه يعني بيبدأ من 150 لحد 500 او 600 جنيه المصري والصيني رخيص بس خامته وذوقه مش اد كدة اما المفارش السورية غالية لان خامتها احسن وشغلها يدوي وبتبقي محشية بطبقة فايبر وانا من رأيي ما تبالغيش في مفرش السرير يعني المتوسط حلو ممكن تجيبيه في حدود 300 جنيه دول ممكن يجيبوا مفرش سوري رقيق
اما بالنسبة لمفرش السفرة فهو بيتراوح بين 100 و500 برضه علي حسب الخامة والشغل وكذلك مفارش الترابيزات ولو حتنزلي تشتري من القاهرة يبقي تنزلي الازهر والغورية هناك تشكيلة كبيرة اوي وبتفاصلي جامد او لو مش عايزة تتعبي في محلات مارديني في القاهرة برضه عندها مفارش تحفة

يا بنات انا نفسي في حد من اسكندرية يكون بيلف جامد جدا في الاسواق وعارفة كل الاماكن والاسعار وتساعدني اتواصل معاها بالنت عشان اعرف راسي من رجلي ؟؟؟؟؟

يا بنات عشان اجيب قميص بتاع الليلة حاجة حلوة :
كم يكلف تقريبا ؟؟
اصل هنا في السعودية الحاجة الحلوة تكلف 1000ريال تقريبا

i muslmah:
يا بنات ارجوكم قولولي
3أسابيع تكفي اخلص فيها جهازي مع تكملة الشقة ؟
انا هاتجننن ، مش عارفة اعمل ايه ؟
انا عايشة برة مصر وفرحي الصيف الجاي ومش معقولة اجيب حجاتي كلها من برة عشان الوزن والميزانية ، وهيكون قدامي شهر من نزولي لغاية موعد الفرح ؟؟؟؟؟؟
والشقة بس جبنا الاساسيات ؟
فاضل السجاد والمشايات والمفارش والفوط وبعض حجات المطبخ ؟
ومجبتش أي حاجة من الجهاز ، وخايفة الفلوس متكفيش؟؟

اعمل اييييييييييييه؟؟

بصي اكتبي في وارقة كدة بنود
يعني رقمي الحاجات اللى نقصاقي
ورتبي من الاهم للاقل اهمية
يعني مثلا :
1 - سجاد
2- مفارش
3- ملابس

كدة يعني وقسمي مبالغ مبدائية لكل حاجة منهم وهنحاول نقولك على الاسعار الفعلية بالتقريب
لان ممكن اخيارك يكون مختلف لان الحاجات كتير والانواع مختلفة والخامات يعني مش هنقدر نحصرلك كل الاسعار
لان اللى احنا نعرف اسعارة هيكون الانواع والخامات ومواصفات همانا احنا منعرفش ايه هي مواصفاتك او ذوقك
انتي بس اعملي الترتيب دة واحنا هنحاول نقربلك الاسعار لكل حاجة ان شاء الله

واعتقد 3 اسابيع يكفي لو هتنزلي كل يوم تخلصي حاجة يعني لازم تتعبي شوية لانك هتكثفي
ربنا معاكي

qmr:
بنات انا متزوجه

بس عايزة اعرف انتم بتجهزوا منين في مصر علشان اختي الصغيرة انخطبت

يعني الصيني والاكروبال والبيركس والاستنلس كله ده ينجاب منين
وكمان لبس العرايس اطقم النوم وكده نجيبه منين

؟؟؟؟؟؟؟؟؟؟؟؟؟؟

بصي يا ستي احنا بنجهز غالبا من حمام التلات دة فيه من الابرة للصاروخ بالنسبة لحاجة المطبخ والادواات المنزلية ودايما بيبقي فيه أحدث حاجة بس لازم تفاصلي جامد جداااااااا
وكمان عندك محلات التوحيد والنور فيها كل حاجة واسعارها كمان حلوة اوي
بالنسبة للانجري عندك محلات كتير اوي بس احسنها جويا اللي في وسط البلد وفي دلع الهوانم في قصر النيل