الى بنات مصر المشاركات فى موضوع فرحك خلاص قرب الرجاء الدخول

انا مش عارفة اية اضرارة لكن كنت قريت هنا على المنتدى انة ممكن لو استعملتية كتير على المدى الطويل بيعمل لا قدر الله برود فى المنطقة دى. وبصراحة انا بخاف اوى استعمل اى حاجة مش مضمونة 100%فى المنطقة دى .
بس معتقدش ان مرة ولا حتى مرتين يضروا .
جربى مرة وشوفى هتشعرى بالم ولا لاء وانا ان شاء الله لما اروح لدكتورة جلدية هسألها واتأكد واقولكوا .

nada_rtv:
نانى انا معاكى فى ان لازم نزيل كل الشعر حتى لو بسيط .
لكن مش تحتارى ولا حاجة . انا هفهمك
لو انتى مأزلتيش الشعر خاااااالص من منطقة معينة فى جسمك ولا مرة هتلاقى ان الشعر لونة اصفر او على الاقل مش اسود اوى ومش تقيل وطويل لاء بيبقى خفيف والشعراية مش سميكة ومش غزير .
بمجرد ماتعملية ولو مرة واحدة الشعر الجديد بيكون غزير ولونة اسود .
ودة الرأى اللى بيرجح انك متعمليش شعر الظهر .
اما اللى بيقولوا ان كتر العمايل بتقلل الشعر فدة برضة حقيقى لان لما بتعملية كتييييييييير مع الوقت جدر الشعر ة بيموت والشعر اللى بيطلع بيكون بسيط واللى اكدلى الكلام دة ماما دلوقتى من غير ماتعمل انا مش بلاقى فيها ولا شعرة وقاللتلى دة من كتر ماكنت بعمل لكن فى الاول وهى بنت زينا كان كتييييير .
يارب اكون قدرت اوضحلك .

يا ندا ده كمان بيكون عشان عامل السن وتغيير الهرمونات والحمل والولاده

يعنى يا ندنووووود لازم نبقى 50 سنه عشان نبقى من غير شعرررررررررر:cry: :cry: :cry:

nada_rtv:

هدير يا قمر طبعا فى فروع كتيرة فى القاهرة وكل الدورات دى موجودة وفى كمان ازيد منها قوليلى بس انتى عايشة فين فى القاهرة وانا اقولك على الفرع القريب منك او لو تحبى ابعتلك عناوين فروع القاهرة كلها وانتى شوفى اي واحد فيهم اقربلك
على فكرة انا مبقتش اقدر استغنى عن الجمعية بقيت احس فيها انى بعمل حاجة مفيدة فى حياتى يعنى بدأت معاهم فى مشروع محو امية الكمبيوتر وكمان محو امية القراءة والكتابة تطوع منى وفرحانة اوى بكدة وربنا يقدرنا ونساعد الناس ولو شئ بسيط نلاقية فى ميزان حسناتنا يوم القيامة .


شرباتة وهوبا انتوا فين وحشتونى .

ندا ممكن تبعتيلى العناوين بتوع القاهره ينوبك ثواب فينا كلنا

وشكرا يا ندا:clap:

hoba555:
ندا وحشتيني اوي والله وكمان شرباته وحشتني اوي والله بتعمل جو حلو يارب يكرمها يارب
يا بنات محدش فيكم يعرف الاماكن الكويسه اللي اشتري منها الستاير يعني تكون شيك وحلوه وفي نفس الوقت اسعارها مناسبه لاني في محلات ضخمه وبيتباع بلغالي فيها وفي نفس الوقت ممكن تكون نفس الحاجه في مكان تاني بسعر اقل بكتير ياريت تيفيدوني
ندا اشتريتي اللانجيرهات ولا لسه ؟

على فكره يا هوبه قالوا برضه ان فيه شارع كامل فى الاسكندريه كله ستائر وذوقها رائع

وكمان فيه فى اول الموسكى محلات ستائر تحفه

ربنا يوفقك للخير وصلى بس انتى ركعتين صلاه الحاجه للتوفيق وهتشوفى ربنا هيوفقك ازاى فى احلى ستائر

ربنا معاكى ان شاء الله(f)

nada_rtv:
هبة
انا اشتريت شوية لانجريهات حلوين من جويا ولاسو وماركات تانية لكن اغلبهم بيبى دول وقصيرين واهم واحد اللى هو الابيض لسة مجاش ومجبتش غير قميص طويل بروبة واحد بس وفى تانين طوال بس من غير روب ..
وجبت كمان فساتين للبيت جميلة اوى .

ندا مش عارفه ليه انا بحب اووووووى القمصان الطويله وبحس انها اشيك كتير واكثر انثويه

هو انا كده مش طبيعيه يا بنات اصل بحس ان انا لوحدى وسطكم الى كده:gum:

cat2006:
السلام عليكم
ازيكم يا بنات واه اخباركم
مارو .......معلش انا اتاخرت عليكى بس الشغل مخلينى مش عارفه ادخل
المهمم الست بتاعت الحنه اسمها سيده
بترسم الحنه ب 10 جنيه واللى على البظن ب40 وعندها 7 اطقم للحنه تختارى منهم الواحد ل50
هم ( الاسكندرى - هاواى -البلدى - الخليجلى ..........) مش فاكره الباقى
وبتاخرى اللى انتى عايزه منهم
المهم برده البنت ب50 يعنى بتلبس زيك وتعمل شو حلو معاكى ومع البنات
والاغانى من عندهم
اه كمان

كات ممكن تدينى نمرتها على الخاص؟؟:shy:

serene-soul:
بس كدة انت تأمر يا جميل
بصي يا ستي انا اغلب حاجتي جبتها من اوريفليم هي غالية شوية بس حاجتها مستوردة وجميلة يعني مثلا جبت من عندهم مجموعة برفان سيرين وبتشمل البودي كريم والرول اون والاسبراي و بودرة تلك وكمان جبت مجموعة الحرير لونها بمبي ببروتينات الحرير ودي جبت منها البودي لوشن و الشاور كريم و كريم الايد والبودي كريم
كمان جبت يا ستي من عندهم صابونة العسل واللبن (ميلك أند هوني) حلوة اوي بتفتح وتنظف وجبت كمان زيت الورد بتدهني بيه الجسم بعد الحمام وهو مبلول بيديه لمعة وريحة حلوة ويخليه ناعم
وبالنسبة لايفون جبت من عندهم البرفانات زي برسيف ورير جولد وريفواليه وكريم للجسم برسيف وريفواليه رول اون
دة غير مجموعة جونسون اند جونسون للأطفال (البودي لوشن و الزيت و البودرة ) بصراحة البودرة جميلة جدا بتحافظ علي الرطوبة في جلدك وتخليه جاف و منتعش وريحته حلوة وناعم زي الاطفال انا مجرباها
وجبت برفانات عادية زي جادور وهوتكوتيور وجوشي راش

ربنا يبارك لك فيهم يا سيرين

على فكره انا زيك مجنوووووووووونه برفانات تقدرى تقولى ان اغلب فلوسى رايحه عليهم
عايزه اسالك بتجيبى العطور الماركات زى جادور وهوت كتور منين؟؟

cat2006:
السلام عليكم
ازيكم يا بنات واه اخباركم
مارو .......معلش انا اتاخرت عليكى بس الشغل مخلينى مش عارفه ادخل
المهمم الست بتاعت الحنه اسمها سيده
بترسم الحنه ب 10 جنيه واللى على البظن ب40 وعندها 7 اطقم للحنه تختارى منهم الواحد ل50
هم ( الاسكندرى - هاواى -البلدى - الخليجلى ..........) مش فاكره الباقى
وبتاخرى اللى انتى عايزه منهم
المهم برده البنت ب50 يعنى بتلبس زيك وتعمل شو حلو معاكى ومع البنات
والاغانى من عندهم
اه كمان

ممكن تبعتيلى رقمها على الخاص وميرسي ليكى

ممكن يا بنات اللي عندها خبرة في المكياج تفيدنا وتقولنا افضل ماركة ف كل حاجة

يعني احسن كريم اساس احسن بودرة بس عن تجربة عشان انا هبدأ اشتري الميك اب قريب

ولو بقى بالاسعار يبقى جزاها الله الف خير

هدير كل البنات قالولي علي ماركه اماندا وكمان اصحابي كانو يستخدموها وكانو بيشكروا فيها:ok:
برايد هي عمليه اذواق كل واحد علي حسب ما يحب انا بحب القصير لاني بحس نفسي لسه صغيره بحس اني لسه بنوته ومش بحب الطويل فيا لاني بحس نفسي رفيعه فيه مع ان في موديلات حلوه منه بس دا ميمنعش ان هجيب طويل لان التنوع مطلوب
بسبس انا كنت زيك خايفه جدا جدا ويمكن اكتر منك بس انا بصراحه مش بستريح غير لما اواجه الحاجه اللي خايفه منها والله دا انا قبل ما اعمل السويت كنت بهلوس بالموضوع ده وبحلم بيه من درجه الخوف بتاعتي
عشان كده لااااااااااااااازم تعملي سويت هي لازم هتكون في الاول صعبه شويه بس بعدين الجلد هياخدونصيحه مني بلاش اي مخدر موضعي انا مقدرش احط الحاجات دي ابدا اخاف جداوفعلا انا سمعت انها بتسبب برود وبعد كده انتي لازم تشوفي وتجربي ومش هينفع دايما تحطي مخدر عشان كده بقلك جربي قبل ما الفرح معاده يقرب وربنا معاكي يارب
ندا انتي اشتريتي كام لانجيري وياريت تقليلي الاسعار لاني مسافره بعد اسبوعين وياريت الاماكن؟

برايد وهدير عينية ليكوا هسأل فى الجمعية يوم الثلاثاء على عناوين الفروع التانية بالظبط وارد عليكوا لانى بكرة مسافرة ان شاء الله القاهرة ومش هروح الجمعية .

هدير ان شاء الله اكملك الحاجات اللى جبتها .

هوبا
زى ماانتى عارفة انا هسافر الصبح ان شاء الله وناوية اشترى لانجريهات طويلة وارواب وكدة ولما ارجع هقولك على اللى جيبتة بالتفصيل ان شاء الله .
كان نفسي اوى اكمل كلام معاكى بجد لكن معلش غصب عنى ياريت تبقى تحاولى تفتحى الميل بدرى شوية علشان نكمل كلامنا لانى بقيت مكسوفة منك .

على فكرة يا برايد انا كمان بحب القمصان الطويلة بس مش بيعجبنى اى واحد علشان كدة لسة مش جبت منهم كتير بس كمان عوضت بشوية عبايات تحفة متنفعش غير للبيت بس مش عارفة اقول عليها اية بالظبط عباية ولا فستان ولا لانجرى.

ازيكم ياقمرررررررررررات


انا مرمر ومتبعاكم من زمان على فكره انا مش مخطوبه ولا حاجه بس

انا استفدت منكم كتير وبدعيلكم ربنا معاكم ويوفقكم

لانى حاسه بالقلق والتوتر اللى انتم فيه


شوفتوا بقى احنا مظلومين :sad: على دماغنا كل حاجه والرجاله بيكونوا
مرتاحين على الاخر:angry:

[COLOR="deepskyblue"]يارب يارب يارب تكونوا كلكم قمرات فى ليله فرحكم وربنا يسعدكم

[/COLOR]ويرزقنى انا بقى بالزوج الصالح وكل اللى زيى (امين ):flower: :flower:

bride*to*be*:
ربنا يبارك لك فيهم يا سيرين

على فكره انا زيك مجنوووووووووونه برفانات تقدرى تقولى ان اغلب فلوسى رايحه عليهم
عايزه اسالك بتجيبى العطور الماركات زى جادور وهوت كتور منين؟؟

العطور الماركات دي حتلاقيها في المحلات الكبيرة اللي في المولات زي سيليكت select في الجراند مول و faces واي محلات ميك اب كبيرة بتتعامل مع الماركات العالمية حتلاقي فيها برضه

bride*to*be*:
ربنا يبارك لك فيهم يا سيرين

على فكره انا زيك مجنوووووووووونه برفانات تقدرى تقولى ان اغلب فلوسى رايحه عليهم
عايزه اسالك بتجيبى العطور الماركات زى جادور وهوت كتور منين؟؟

برايد حبيبتي ازيك بصي البرفانات دي موجودة عند هيفاء اللى فى كايرو مول الهرم الدور الارضي والدور الاول وانا سالت هناك على الجادور الاصليه اللى من ديور لاقيتها ب 395 جنية وان شاء الله هاجيبها بس قبل الجواز لو اتبقى فلوس :sad:

HADEER80:

ازيكوا يا بنانيت عاملين ايه

ولاء كنتي بتسالي على فرع الملكة اللي ف فيصل هو في شارع العشرين بس مش ف اوله في نصه كده تقريبا ولو عايزة نمرة تليفونهم قوليلي وانا ابعتهالك ع الخاص

ندا ربنا يكرمك على الشرح المفصل اللي قولتيه وطبعا استفدت منه جدا وكملي بس سيبك من حاجة المطبخ دلوقتي عشان زي ما قلتلك احنا مش هنتجوز ف شقتنا عشان لسه بنوضبها

بالنسبة لفروع الجمعية ياريت تقوليلي على فروعها ف القاهرة وانا اشوف اقرب حاجة ليا وميرسي لمساعدتك (f)

ايوة يا ريت تبعتي الرقم بس قوليلي هو فين بالضبط انا اساسا ساكنة فى العشرين عند سنتر عادل المصري بس المشكله انى مش بنزل كتير علشان كده مش عارفة المحلات قوي

شرباته:
ولاء اشكرك جداا والله يسلمك ياعمرى

وربنا يسعدك دايما ودايما

وتجيبى بنوته حلوه زى اللى فى الصوره تمااااااااااااااااام

حبيبه الف حمدلله ع السلامه يا اجمل عروسه:shy:

ربنا يبارك فيكي و يخليكى لزوجك يا شرباته يا قمر يارب بجد انا بموت فى البنوتة اللى فى الصورة دي وعلى فكرة خطيبي كمان نفسة نجيب بنت شبهها

شرباته:
بنات كنت عايزه اقول انى اكتشفت ان مزيل العرق سبب مهم فى سواد النطقه تخيلوا

ولو ده فعلا انا استعملت كذا نوع بس عايزه اعرف ايه انضف نوع ممكن اجيبه

انا استعملت ريكسونا وفا وباك ونيفيا ورومبا

حبيبتي شرباته كل مزيلات العرق بتسود المكان اساليني انا انا جربت كلللللللللللللللللللللللل الانواع الغالى والرخيص بصي استعملى بودرة ايفا بالصبار جميلة جدا ومش بتسود وكمان بتخلى المكان جاف على طول وفى كمان وصفة احبكم فى الله قالتها انا عن نفسي جربتها و جميلة جدااااااااااااااا اللى هى زيت الورد + الجلسرين + ماء ورد حطيهم فى ازازة رول اون فاضية واستخدميهم مرتين تلاته فى اليوم مش هاتسود خاااااااااااااالص لانها كلها منتجات طبيعية واللى بيسود المنطقة المنتجات الكيميائية اللى بنجيبها ويا رب اكون افدتكم:shy: :shy:

شرباته:
بنات كنت عايزه اقول انى اكتشفت ان مزيل العرق سبب مهم فى سواد النطقه تخيلوا

ولو ده فعلا انا استعملت كذا نوع بس عايزه اعرف ايه انضف نوع ممكن اجيبه

انا استعملت ريكسونا وفا وباك ونيفيا ورومبا

فعلا الرول اون بيسود المنطقة لكن الاسبراي اخف وآمن ومعظم الشركات الي انتي ذكرتيها منزلة اسبراي زي ريكسونا و نيفيا وفا وانا من رايي ان الاحسن تستخدمي خلطات طبيعية زي الشبة والمسك بصراحة مفعولها رهيب ومش بتسد المسام وحتلاقيها عند العطارين

السلام عليكم
اهلا يا بنات منورين
برايد ومارو واميره شيكوا على الخاص
انا بعت ليكم رقم الست بتاعت الحنه وانا باذان الله هعمل ان شاء الله عندها
وانا فى الخدمه