الى بنات مصر المشاركات فى موضوع فرحك خلاص قرب الرجاء الدخول

e_walaa:
اه نسيت اقولك استخدمى الكريم بالليل قبل النوم واغسلى الصبح ومتحطيش الصبح خالص خلى دايما الدهن باليل علشان قد ما نقدر ما تبقيش عرضة للالتهاب

ميرسي يا لولا علي الاهتمام وانا ان شاء الله حستعمله وانا مطمئنة لبين الفخذين وحجرب لتحت الابط بحذر لو حسيت بمشكلة حوقف فورا

serene-soul:
ميرسي يا لولا علي الاهتمام وانا ان شاء الله حستعمله وانا مطمئنة لبين الفخذين وحجرب لتحت الابط بحذر لو حسيت بمشكلة حوقف فورا

الهفو حبيبي واى اسأله انا فى الخدمة انتي فرحك امتى و جهزتى ايه وناقصلك ايه

العزيزة الغاليه ولاء الف شكر حبيبتي الغاليه علي كل رد جميل قلتيه
وعلي فكرة ماما بتدعيلك خالص علشان خلطة الليكوسيد

ربنا يتمملك بخير ونشوفك عروسه
بس عارفه لو معزمتيناش علي الفرح
مش عارفه هعمل فيكي ايه

qmr:
العزيزة الغاليه ولاء الف شكر حبيبتي الغاليه علي كل رد جميل قلتيه
وعلي فكرة ماما بتدعيلك خالص علشان خلطة الليكوسيد

ربنا يتمملك بخير ونشوفك عروسه
بس عارفه لو معزمتيناش علي الفرح
مش عارفه هعمل فيكي ايه

العفو يا قمر انا نفسي كلنا نستفيد والله انا مش بقول غير اللى انا مجرباه و بكل صدق وامانة المهم انا لو عزمتكوا ما جيتوش هاقتلكوا:shy:

e_walaa:
الهفو حبيبي واى اسأله انا فى الخدمة انتي فرحك امتى و جهزتى ايه وناقصلك ايه

ان شاء الله احتمال الفرح يكون آخر 3 او 4 وتقريبا الحمد لله جبت كل حاجة في المطبخ ناقص بس الحاجات الي بتبقي في النيش زي الكاسات واطقم الشربات والخشاف مخلياها للآخر وكمان أدوات النظافة زي البلاستيكات وسبت الغسيل وكدة لسة ماجبتهومش برضه اما بالنسبة للفرش فناقص لي مفرش السفرة والستاير وقماش التنجيد لسة ما جبتهومش بس جبت اللحاف والبطاطين ومفرش السرير والملايات والفوط والبرانس الحمد لله
وبالنسبة للملابس الداخلية ولبس البيت جبتهم خلاص الصيفي والشتوي بس لسة هدوم الخروج واللبس الاستقبال وطبعا جبت شوية اكسسوارات دلع يعني خلاخيل عشان البرمودا والبنتكور و حلقان وتوك و جبت برفانات كتيييييييير (عشان انا مجنونة برفانات) وبودي اسبراي حوالي 3 وبودي لوشن وكريمات معطرة للجسم وكريمات للإيد وشاور كريم بس لسة ما جبتش الميك أب

serene-soul:
ان شاء الله احتمال الفرح يكون آخر 3 او 4 وتقريبا الحمد لله جبت كل حاجة في المطبخ ناقص بس الحاجات الي بتبقي في النيش زي الكاسات واطقم الشربات والخشاف مخلياها للآخر وكمان أدوات النظافة زي البلاستيكات وسبت الغسيل وكدة لسة ماجبتهومش برضه اما بالنسبة للفرش فناقص لي مفرش السفرة والستاير وقماش التنجيد لسة ما جبتهومش بس جبت اللحاف والبطاطين ومفرش السرير والملايات والفوط والبرانس الحمد لله
وبالنسبة للملابس الداخلية ولبس البيت جبتهم خلاص الصيفي والشتوي بس لسة هدوم الخروج واللبس الاستقبال وطبعا جبت شوية اكسسوارات دلع يعني خلاخيل عشان البرمودا والبنتكور و حلقان وتوك و جبت برفانات كتيييييييير (عشان انا مجنونة برفانات) وبودي اسبراي حوالي 3 وبودي لوشن وكريمات معطرة للجسم وكريمات للإيد وشاور كريم بس لسة ما جبتش الميك أب

ايه ده كله طيب ما تفسري اكتر يعني قوليلنا مثلا اسماء المنتجات اللى جبتيها اللوشنز والكريمات والبرفانات

صحيح على فكرة يا بنات وخصوصا اللى في الهرم وفيصل وكدة
انا امبارح كنت في فيصل ودخلت محل اسمه سوق فيصل عنده ادوات منزليه واجهزة وكدة المهم سالت على الصيني
لقيت طقم 152 قطعه ب 1100 ماليزي
ايه رايكوا في السعر والبلد النوع الماليزي دة حد عنده فكرة حلو ولا ايه لان السعر بتاعه يعتبر رخيص جداااااااااااا انا مش عارفة دة رايي يمكن انا معرفش الاسعار

وكمان الطقم ال 112 قطعه كان ب 700
هما اشكلهم حلوة لكن الخامه مش عارفة بقى بس بلد الصنع ماليزيا

ياترى ايه هي احسن بلد للاطقم الصيني
يعني ايه هو النوع الحلو ؟ وسعرة بيبقى في حدود كام ؟
انا بصراحة مش بفهم في الموضوع دة ومش عايزة اتخم ومش عايزة اجيب نوع رديء

e_walaa:

ايه ده كله طيب ما تفسري اكتر يعني قوليلنا مثلا اسماء المنتجات اللى جبتيها اللوشنز والكريمات والبرفانات

بس كدة انت تأمر يا جميل
بصي يا ستي انا اغلب حاجتي جبتها من اوريفليم هي غالية شوية بس حاجتها مستوردة وجميلة يعني مثلا جبت من عندهم مجموعة برفان سيرين وبتشمل البودي كريم والرول اون والاسبراي و بودرة تلك وكمان جبت مجموعة الحرير لونها بمبي ببروتينات الحرير ودي جبت منها البودي لوشن و الشاور كريم و كريم الايد والبودي كريم
كمان جبت يا ستي من عندهم صابونة العسل واللبن (ميلك أند هوني) حلوة اوي بتفتح وتنظف وجبت كمان زيت الورد بتدهني بيه الجسم بعد الحمام وهو مبلول بيديه لمعة وريحة حلوة ويخليه ناعم
وبالنسبة لايفون جبت من عندهم البرفانات زي برسيف ورير جولد وريفواليه وكريم للجسم برسيف وريفواليه رول اون
دة غير مجموعة جونسون اند جونسون للأطفال (البودي لوشن و الزيت و البودرة ) بصراحة البودرة جميلة جدا بتحافظ علي الرطوبة في جلدك وتخليه جاف و منتعش وريحته حلوة وناعم زي الاطفال انا مجرباها
وجبت برفانات عادية زي جادور وهوتكوتيور وجوشي راش

HADEER80:

ازيكوا يا بنانيت عاملين ايه

ولاء كنتي بتسالي على فرع الملكة اللي ف فيصل هو في شارع العشرين بس مش ف اوله في نصه كده تقريبا ولو عايزة نمرة تليفونهم قوليلي وانا ابعتهالك ع الخاص

ندا ربنا يكرمك على الشرح المفصل اللي قولتيه وطبعا استفدت منه جدا وكملي بس سيبك من حاجة المطبخ دلوقتي عشان زي ما قلتلك احنا مش هنتجوز ف شقتنا عشان لسه بنوضبها

بالنسبة لفروع الجمعية ياريت تقوليلي على فروعها ف القاهرة وانا اشوف اقرب حاجة ليا وميرسي لمساعدتك (f)

اهلا يا جميل منوره معنا
ممكن تبعتلى رقم الملكه على الخاص بس حاولى تكملى 15 مشاركه علشان تعرفى تبعتى
على اخاص:shy:

ولاء اشكرك جداا والله يسلمك ياعمرى

وربنا يسعدك دايما ودايما

وتجيبى بنوته حلوه زى اللى فى الصوره تمااااااااااااااااام

حبيبه الف حمدلله ع السلامه يا اجمل عروسه:shy:

ازيكم يا عرايس يا جميلات

هوبا مبروك السويت انا كنت ناويه في الويك اند بس بصراحه خفت برضه و كمان مكنش عندي ثانيه فاضيه و نفسيتس زي الزفت فمش كنت ناقصه بصراحه
هو البنج الموضعي ده بياثر صحابي اللي جربوه بيقولو مش بيزيل الالم:sad:

كمان للي بيسالو عن الستاير في محل في مكرم عبيد اسمه الوكاله ده بيبع و يفصل بيعملو موديلات تحفه و اسعارهم زي الوكاله بالظبط

بنات كنت عايزه اقول انى اكتشفت ان مزيل العرق سبب مهم فى سواد النطقه تخيلوا

ولو ده فعلا انا استعملت كذا نوع بس عايزه اعرف ايه انضف نوع ممكن اجيبه

انا استعملت ريكسونا وفا وباك ونيفيا ورومبا

بسبس انا بضم صوتى لصوتك هو فعلا مش بيزيل الالم؟؟؟؟؟؟؟؟

شرباته:
بسبس انا بضم صوتى لصوتك هو فعلا مش بيزيل الالم؟؟؟؟؟؟؟؟

طيب اعمل ايه انا دلوقتي؟؟؟:sad:
انا جبانه موت و مش ناقصه توتر حاسه اني هيجرالي حاجه من كتر التوتر قبل ما الحق اتجوز

ناني فيبس:
ازيكوا يا بنات
صباح الخير
ايه الهمة والنشاط دو انتوا رغيييييييييين اووووووووي :gum:

ولاء برافو عليكي انتي مذاكرة كويس بقيتي استاذة تفتيح ههههههههه

اميرة انتي كنتي بتسالي على عناوين حراز بصي في 3 فروع
الرئيسي في باب الخلق عند مديريه امن القاهرة
وفرع في سوبر ماركت رويال هاوس في مصر الجديدة امام حديقة المريلاند
وفرع في سوبر ماركت المحمل في سيتي مول في الهرم امام مستشفي الهرم في المريوطيه
اي خدمه هههههههههه

انا عملت سويت امبارح في المنطقة ومطلعش حبوب الحمد
بالنسبة للبنات اللى بتتكلم عن موضوع ازاله الشعر من الضهر والبطن
انا عن نفسي هشيل حتى لو طلع كتير لان معنديش استعداد يبقى فيا شعرة واحدة خالص
وبعدين انا احترت ناس تقول الشعر بيتقل وناس تقول كتر العمايل يقلل الشعر انا مش عارفة اصدق مين

هي شرباته فيييييييييييييييييييييين؟
ربنا معاه يارب ويوفقها اكيد بدأت التحليل ادعولها يا بنات

نانى انا معاكى فى ان لازم نزيل كل الشعر حتى لو بسيط .
لكن مش تحتارى ولا حاجة . انا هفهمك
لو انتى مأزلتيش الشعر خاااااالص من منطقة معينة فى جسمك ولا مرة هتلاقى ان الشعر لونة اصفر او على الاقل مش اسود اوى ومش تقيل وطويل لاء بيبقى خفيف والشعراية مش سميكة ومش غزير .
بمجرد ماتعملية ولو مرة واحدة الشعر الجديد بيكون غزير ولونة اسود .
ودة الرأى اللى بيرجح انك متعمليش شعر الظهر .
اما اللى بيقولوا ان كتر العمايل بتقلل الشعر فدة برضة حقيقى لان لما بتعملية كتييييييييير مع الوقت جدر الشعر ة بيموت والشعر اللى بيطلع بيكون بسيط واللى اكدلى الكلام دة ماما دلوقتى من غير ماتعمل انا مش بلاقى فيها ولا شعرة وقاللتلى دة من كتر ماكنت بعمل لكن فى الاول وهى بنت زينا كان كتييييير .
يارب اكون قدرت اوضحلك .

أحسن حاجة في الصيني يا نانا هو الألماني وطبعا اسعاره غالية ممكن يوصل ل 7000, وفعلا الماليزي أسعاره كويسة وخامته مش وحشة
وبعدين انا مرة سمعت الشيف أسامة بيقول أن أهم حاجة في الصيني ذوقه والطريقة اللي تنسقي بيها سفرتك , يعني اذا كان ذوقه عاجبك هاتيه من غير تردد وده رأيي وربنا يوفقك ان شاء الله

يا بسبس المخدر مفعولة ممكن يكون بيختلف من واحدة للتانية يعنى احنا مثلا لما بنعمل سويت فى المنطقة الحساسة مش كلنا بنشعر بنفس درجة الالم اكيد فى واحدة اكتر من التانية .
وعلشان كدة فى بنات بتقول انة نفع معاها ومش حست بأى بالم خالص وفى بنات مجبش معاها اى نتيجة وكمان طريقة الاستعمال بتختلف .

بس انا رأيى انك تحاولى تتحملى الالم اضمن من اى حاجة تانية محدش عارف المخدر دة ممكن يعمل اية على المدى الطويل او على الاقل استخدمية مرات قليلة قدر الامكان .

nada_rtv:
يا بسبس المخدر مفعولة ممكن يكون بيختلف من واحدة للتانية يعنى احنا مثلا لما بنعمل سويت فى المنطقة الحساسة مش كلنا بنشعر بنفس درجة الالم اكيد فى واحدة اكتر من التانية .
وعلشان كدة فى بنات بتقول انة نفع معاها ومش حست بالم خالص وفى بنات عجبها جدا ومحستش باى الم معاة وكمان طريقة الاستعمال بتختلف .

بس انا رأيى انك تحاولى تتحملى الالم اضمن من اى حاجة تانية محدش عارف المخدر دة ممكن يعمل اية على المدى الطويل او على الاقل استخدمية مرات قليلة قدر الامكان .

طيب على الاقل استخدمه اول مره و بعد كده اكون اتعودت
هو ايه اضراره؟