الى بنات مصر المشاركات فى موضوع فرحك خلاص قرب الرجاء الدخول

شكرا ندا علي ردك
وان شاء الله اسال علي مكانها هنا في القاهره
بصي بالنسبه لسؤالك عن الانجيري الابيض احلي حاجه هتلاقيها في جويا في موديل او 3 ابيض طويل بروب في الكاتلوج هيعجبوكي قوي وفي كمان ماركة لاسو حلوه قوي موديلاتها حلوه
وجويا موجود له فرع في عباس العقاد
وطبعا الماركه منتشره في كل محلا ت اللانجيري

السلام عليكم
ازيكم يا بنات وازيك ياولاء اخبارك ايه

ولاء بالنسبه لخلطة الليكوسيد انا عايزة اعرف
بعد ما الجلد يقشر نحطة تاني امتي ؟؟؟
معلش عايزة تفاصيل اكتر
ويا تري ينفع للوجه مع ذياده نسبة البيتاددرم عن الليكوسيد
ولا ايه رايك ؟؟؟

qmr:
السلام عليكم
ازيكم يا بنات وازيك ياولاء اخبارك ايه

ولاء بالنسبه لخلطة الليكوسيد انا عايزة اعرف
بعد ما الجلد يقشر نحطة تاني امتي ؟؟؟
معلش عايزة تفاصيل اكتر
ويا تري ينفع للوجه مع ذياده نسبة البيتاددرم عن الليكوسيد
ولا ايه رايك ؟؟؟

حبيبتي قمر اهلا بيكي ازيك عاملة ايه بصى اول ما الجلد يبدأ يقشر وقفى الليكوسيد خاااااااااااالص لان الجلد الجديد رقيق قوي هايلتهب لو حطيتي المرهم وبعدين سيبي الجلد الجديد حوالى 15 يوم علشان يجمد شوية ولو لسه فى اسمرار استخدمي تاني لحد ما يقشر بس حاولى انك تزودي ساعتها البيتاديرم اكتر لان الجلد ده زي ماقولتلك رقيق عن الجلد اللى كان اسود الاول
بالنسبة للسؤال التانى انا الصيدلي قالى ممكن للوش عادي خالص بس ابعدي عن منطقة العين والفم خالص واوعى اوعي تتعرضي للشمس ولا حتى تبقى واقفة فى ظل وجانبك شمس زي ماقولت المرهم بيسحب الاشعة يعني لو هاتستخدمية لوشك يكون اسبوعين مش هاتخرجى من البيت خالص وبرضة زودي البتاديرم لان بشرة الوش حساسة
الاهم بئة من كلللللللللللللللل ده انك قبل ماتستخدمي المرهم اساسا تعملي اختبار حساسية يعني حطية على حتة مخفية فى جسمك و شوفى تاني يوم لو مفيش التهاب خلاص يبقى استخدمية عادي و بالنسبة لوشك لو لاحظتى اي احمرار وقفى على طول وخلال فترة الاستخدام طبعاااااااااااااااااااااااااااااااااااااااا مفيش ماكياج مفيش ماسكات مفيش كريمات مفيش اي حاجة غير غسول خفيف للوش ولو عايزة اي حاجة اسألى

السلام عليكم ورحمة الله وبركاته
والله وحشتوني جدا يا بنات اخباركو ايه
بخير دايما يارب
انا عاوزاكو تقولو لي بقى افكار اعملها لزوجي لما ييجي من السفر
هو جاى ان شاء الله على يوم الاتنين او التلات
ياريت تفيدوني بافكاركو الحلوة

ya banat ezayekom
fenik ya sharbata
3awzen kman kol banota tedkhol te2olena afkar li el fara7..ya3ni maslan ra7et fara7 w 3agbetaha fekra te2olaha , w a el afkar el gededa
bonny ana basma3 3n spa la rose bs ma3rfsh 7ad garabo..lw hatgrabeh 2olelna 3mlty a

شكرا يا ولاء على ردك يا حبيبتى
شوفي انا كنت عاوزة اسالك سؤال كمان : هو ممكن تستخدمى خلطة الليكوسيد في المنطقة الحساسة ولا لا

هى شرباتة راحت فين؟

nada_rtv:

تفتكروا اجيب صوانى بيركس ولا صينى(بورسلين ) افضل ؟
انا جبت تيفال وستنلستيل

البيركس حلوين اوى يا ندا وشكلهم على السفره تحفه جداا فيه اطقم بتبقى 9 قطع او 12 حلوين وشيك وانتى خذى بالك عند استعمالهم هيعيشوا معاكى

انتى وحشتينى يا جميله جدا وكلامك والله على طول فى بالى ربنا يسعدك ويوفقك فى شرائك الجهاز امين(f) (f) (f)

Bonny:
ميرسي ليكي يا مارو كتير

حد جرب قبل كده LA ROSE SPA
اللي في المهندسين هو عاجبني بس عايزة أعرف من حد جربه قبل كده يعني شغلهم كويس وخصوصا لو عملوا make up &hair? مستنية ردكم

انا شوفت اعلانه بس يا بونى وشكله حلو اوى نفسى اجربه قريب حتى لنفسى كده قبل اى حاجه:shy:

عروس مصر:
يا بنات كنت عايزة استشيركم في حاجة:
انا و ماما كنا في المول انهردة و بالصدفة شفنا قميص نوم بابى دول لونه ابيض شيك جدا جدا جدا و معاه روب اطول منه شوية (يعنى واصل للركبة أو فوق الركبة بقليل جدا) و اشترتهم بس ماما قالتلى اخليهم لليلة الدخلة بس انا مش عارفة هل هم مفتوحين اوى لليلة دى و اجيب حاجة طويلة و اخلينى محتشمة ولا البسهم و امرى الى الله

بصراحه ده يعتمد على نوعيه علاقتك بجوزك يعنى لو كاتبين الكتاب بقالكم فتره ممكن تساليه عشان ما تجيش ليله الدخله مخيبه للامل اى حد فيكم
ولو مش واخذين على بعض افضل المحتشم:shy:

وبصراحه انا فى الحالتين افضل المحتشم الطويل لان العريان ليله الدخله فيه جرءه وانا مش بحب البنت الجريئه:angry:

مجرد راى:sad:

nada_rtv:
على فكرة انا قربت اخلص دورة التطريز وبقيت بعرف اعمل طرح واطرز تونيكات تجنن
عارفين يا بنات الطرحة اللى احنا بنشتريها ب40 او 45 جنية مش بتكلف غير حوالى 15 جنية بس
تخيلوا الفرق اد اية .
فى بنت بتجبلى القماش من وكالة البلح ونقطعة ونسرفلة وبعدين نطرزة وبتطلع الطرح روعة فى الأخر .
وان شاء الله هبتدى بعد رمضان فى دورة الشنط لانى بشوف البنات بتنتج شنط حلوة اوى .
وناوية اعمل مفارش لاسى ان شاء الله بس الاقى وقت .

:clap: :clap: :clap:
:clap: :clap:
:clap:

يا بختك يا ندووووووووووود يا شطووووووووور

ياريتنى كنت فى طنطااااااااااااااااا

:sad: :cry: :cry: :cry: :cry: :cry: :cry: :cry: :cry: :cry:

ما تقدريش تعلمينا يا ندود؟؟:sad:

برايد يا حبيبة قلبى ياريتنى كنت اقدر اعلمكوا انا بجد نفسى لكن شايفة انة هيكون صعب اوى لان التطريز محتاج انك تشوفى كل خطوة فية بعنيكى وبتركيز علشان تستوعبية اما الشرح النظرى اعتقد هيكون صعب اوى .


هدير يا قمر طبعا فى فروع كتيرة فى القاهرة وكل الدورات دى موجودة وفى كمان ازيد منها قوليلى بس انتى عايشة فين فى القاهرة وانا اقولك على الفرع القريب منك او لو تحبى ابعتلك عناوين فروع القاهرة كلها وانتى شوفى اي واحد فيهم اقربلك
على فكرة انا مبقتش اقدر استغنى عن الجمعية بقيت احس فيها انى بعمل حاجة مفيدة فى حياتى يعنى بدأت معاهم فى مشروع محو امية الكمبيوتر وكمان محو امية القراءة والكتابة تطوع منى وفرحانة اوى بكدة وربنا يقدرنا ونساعد الناس ولو شئ بسيط نلاقية فى ميزان حسناتنا يوم القيامة .


شرباتة وهوبا انتوا فين وحشتونى .

ندا وحشتيني اوي والله وكمان شرباته وحشتني اوي والله بتعمل جو حلو يارب يكرمها يارب
يا بنات محدش فيكم يعرف الاماكن الكويسه اللي اشتري منها الستاير يعني تكون شيك وحلوه وفي نفس الوقت اسعارها مناسبه لاني في محلات ضخمه وبيتباع بلغالي فيها وفي نفس الوقت ممكن تكون نفس الحاجه في مكان تاني بسعر اقل بكتير ياريت تيفيدوني
ندا اشتريتي اللانجيرهات ولا لسه ؟

هوبا وندا..متشكرة اوي على ردكم علية لكن بصراحة مش عارفة ازاي اقدر اسيبه يعني هو مش خفيف لدرجة انه مش يتشال حاجة تحير فعلا

ازيك يا حبيبة ..حمدا الله على السلامة
وبالنسبة لسؤال حبيبة يا بنات فيه موضوع للأخت مملكة القلوب في قسم الافكار والخبرات في المواضيع المميزة وهو فعلا مميز جدا وان شاء الله تستفيدوا منه

هدير انا هحاول اقولك بسرعة الحاجات اللى انا جبتها وفكراها
اولا لازم تعرفى ان الاسعار كل يوم بتزيد وفى حاجات جودتها مع الوقت بتقل علشان كدة الاحسن تبداى بيها وتشتريها بدرى طيب زى اية؟؟
اقولك زى مثلا الاجهزة الكهربائية( لو كانت عليكى ) الغسالة والتلاجة والتليفزيون والسخان وعندك كمان البوتوجاز والكتشن ماشين والمكواة .وطبعا الحاجات دى كلها بتاخد مبلغ وقدرة فالافضل تخلصى منها الاول
.
اما فرش السرير فانا جبت 11 طقم سرير مابين غالى ورخيص يعنى من 280:75 وفى منهم 3 مطبوع.
وجبت بطانيتين و2كفرتاية واحدة غالية وواحدة متوسطة .
ولسة باقى لى مفرشين ومش عارفة هجيب لحاف ولا لاء لان فى التنجيد بيكون فى 2 واحد فايبر وواحد قطن .
وناوية ان شاء اللع اعمل مفرش لاسى بنفسى .
ومتنسيش مفارش الكومودينو والتسريحة .

السفرة بتجيبى مفرشين كفاية واحد غالى وقيم اوى وواحد متوسط .

اللبس
انا زودتها شوية فى البرمودات لكن كفاية 8 مثلا .مع شوية باديهات دلع كدة .وشورتات وبنتكورات
وبيجامات صيفى 3ساتان و3 عاديين .
وشتوى 3قطيفة و3 عاديين.
وعبايات صيفى جبت 6 بكم و4 بنص كوم و4كومبليزون
وعبايات شتوى 3قطيفة و3 عاديين .
انا مش بحب العبايات خالص لكن مضطرة اجيبهم لان انا هعيش مع اخوات خطيبى الشباب فى عمارة واحدة .
وجبت 5 عبايات استقبال او للمشاوير القريبة زى السوق مثلا .

لبس الخروج لسة مش اشتريتة لكن عملاله ميزانية 4الاف للصيفى وللشتوى وهنوع بين غالى للخروجات الاولى ومتوسط للخروجات اللى بعد كدة .

بكرة ان شاء الله اكملك باقى اللبس وادوات المطبخ بس انتى فى الاول عرفينى بتستفيدى ولا لاء علشان محسش انى بكلم نفسي .
وانا تحت امرك فى اى سؤال وعلى فكرة لو راجعتى مواضيع تجهيزات عرايس مصر الاجزاء القديمة هتستفيدى كتير .

برادايس بصراحة انا لو مكانك مش هخللى جوزى يشوف فيا اى حاجة تضايقة لو بايدى انى اخفيها حتى لو كانت حاجة بسيطة دة رايى هو يمكن بيناقض الكلام اللى قولتة قبل كدة لما قولتلك بلاش تزيلى شعر الظهر لو خفيف لكن انا بشخصيتى مش هقدر اظهر قدامة ولو بشعراية واحدة فى اى مكان فى جسمى ..
وميرسى علشان بتدلينا على المواضيع الحلوة .


هبة
انا اشتريت شوية لانجريهات حلوين من جويا ولاسو وماركات تانية لكن اغلبهم بيبى دول وقصيرين واهم واحد اللى هو الابيض لسة مجاش ومجبتش غير قميص طويل بروبة واحد بس وفى تانين طوال بس من غير روب ..
وجبت كمان فساتين للبيت جميلة اوى .

حبيبة ازيك عاملة اية .
دة الرابط بتاع الموضوع اللى قالت عليه paradise

http://www.3roos.com/forums/showthread.php?t=120775

واعتقد هتلاقى فية افكار هتعجبك ..

الستاير يا هوبا أحسن منطقة تجيبي منها وأسعارها حلوة هي وكالة البلح دي فيها كل أنواع الستاير الغالي قوي و المعقول , في ستاير عجبتني جدا في اركاديا و طيبة مول ولاقيتها هي بالضبط وتقريبا بنصف التمن