حوامل شهر ابريل 2007

مرحبااا حوووامل

اشلووونكم اليووووم

حوامل عندي سؤال متى المفروض ابتدي اني احط كريم على الحلمه لتجهيزها للرضاعه بعد الولاده والله اني ضايعه اهني
مايوصفون شي وماني عارفه اي شي..
والي استخدم نوع معين لايبخل علي بالاسم عشان ادوره اهني لوو حصلته..
وبخصوص الكالسيوم الي توصفه لكم الدكتوره بعد ما تشوف تحليل الدم ولا الكل ياخذه..
وبخصوص نومت الظهر انا ليلحين انام على ظهري مضره المفرووض اغيرها انام على جنبي اليمين او الشمال..؟

اتمنى ماتبخلون على بالرد


..

السلام عليكم

كيفكم حوامل
ان شاء الله الكل بخير

MoonStones ابتديتي تعملي مثلي اقصد تنامين ساعتين باليوم و تحت مقعدك مخدة عشانالطفل يرجع يطلع لفوقاذا ابتديتي قوليلي ايش صار معك لأن انا ابتديت اعمل كذا و حاسة بشوية تعب و ألم في اسفل بطني و ظهري بس الم خفيف بس فعلا احس ان الطفل بيطلع لفوق خلال هالنومة و بعد ما اقوم ينزل بس بالتدريج يمكن بعد مرور اسبوعين يستقر لأن الدكتورة قالتلي تعالي بعد اسبوعين و لازم يكون طلع لفوق ...... طمنيني عنك

الخنساء
انا زوجي ما يفوت عند الدكتورة بس وقت السونار بيفوت حرام مسكين احب يشوف الطفل و يتشوق له

الفلاسية معك حق بس احنا بعد لازم نهتم بحالنا شوي يعني انا اكلي قليل

سيلينا
بالنسبة لكريم الحلمة ما اعرف اي شي عن هالموضوع بس انا استخدم كريم لبطني بحطه قبل اليوم و مش كل يوم بحطه يوم اي و يوم لا يعني كسل
اما الكالسيوم فحسب علمي كل الحوامل تاخذه في الشهر الرابع هو و الحديد الممزوج الفوليك اسد يعني ما دخله بتحليل الدم و اذا ما تاخذه الوحدة بانتظام ممكن لا سامح الله يصير عندها فقر دم

اما نومة الظهلا فانا الي يومين بطلتها بصراحة صرت احس بضغط على اسفل ظهري مع اني ما ارتاح الا لما انام على ظهري بس الدكتور قالتلي غلط ما يصير من هالشهر و طالع لا تنامين على ظهرك لأن النومة على الظهر تضغط على المشيمة و تقلل من وصول الدم و الغذاء للطفل و بكذا ينحف او يتعب لا سامح الله فحرصا على سلامة طفلك حاولي لا تنامين على ظهرك

يلا بنات سلام

روح الحب

غلاتي روووح الحــب

تسلمين لي والله ماني عارفه شسوي ماعطوني اهني لا الكالسيوم والفوليك انا اخذته قبل لا يوصفونه لي
وهو موجود مع فيتامينات كامله للحامل
ان شاء الله المره الجايه بالمراجعه اسأل عن الكالسيوم لام مشاء الله الكل ياخذه الا انا علما بان اكلي مو ذاك الزود وماهوو صحي ولو اني احاول على قد ما اقدر..
بخصوص نومة الظهر والله حاولت امس بس المشكله ارجع انام على ظهري مره ثانيه بس ان شاء الله مع الوقت تقل

ام عبدالله

هلا وغلا فيج حبووووبه معانا نور التجمع
الله يتمم علينا احنا معاك بالولاده السهله بأذن الله
بخصوص جفاف البشره بصراحه لاحظته عندي قبل فتره ولما سألت الدكتوره قالت لي علي باللوشن بشكل دائم لان كثره
جفاف البشره وتمددها يسبب السليوليت والله انا بعد اتملل بس كل يوووم مره استخدم بيبي اويل من جونسن حيل يرط البشره واحط زياده معاه زبده الككاو واي مرطب ثاني عندي عشان اخفف من ظهور السليوليت لانه يشووه الجسم
مالك شغل بلي يعيب عليك اهم ماعليك صحتك وصحت البيبي انا بعد في بدايه الحمل راجعت اخصائيه تغذيه

وبنشووفك كل يووم معانا لا تقطعين

وينك الخنساء:) ما عندنا الا انتي خبره والله حابه اسألك بخصوص الكريم الي يوضع لحلمة الصدر متى المفروض نبدي نحطه
عشان يجهز الحلمه للرضاعه الطبيعيه الي اعرفه ان خلال الحمل بس باي شهر والله ماعندي فكره
لان انا اهني :( انا المفروض اقول للدكتوره اهي ماتقولي شي من نفسها :( وانا ضايعه بالطوووشه

وينكم بااقي الحوااامل شخباركم .. منو بعده ماعرف جنس المولود مثلي :) انا ماراح اعرفه الا اول 12 يعني بعد اسبوعين


يالله اخليكم الحين ولي عوووده

حبي

SeLiNaA

مرحبااا كرووشات

يسلمووو الخنساء

انا بعد ما اكل الا فيتامينات بس فيهم نسبه اسيد الفوليك وفيهم بعد حديد وكالسيوم والحمدالله اشرب حليب بشكل يوومي
والدكتوره قالت لي استمر عليهم لان تحاليل الدم ولله الحمد زينه من اكلت الفيتامينات وقالت لي الاستمرار عليهن افضل لي

شوو اخبار الحمل معاكم ان شاء الله بخير

انا الحين مشكلتي نومت الظهر ولكن الحمدالله بديت اقلل منها وان شاء الله مع الوقت اقدر

اشلون الكرش طلع انا والله برز وطلع لي فووق الحين

..
.

السلالالالالالالالالام علييييييييييكم
كيف الحلوات الامهات الجديادت و القديمات
بتوحشنو كتير

امهات حسب علمي الكالسيوم مهم جددددددددددددددددا
و بعرف كتير نساء بياخذوه من الشهر الرابع و بيستمروا فيه حتى بعد الولادة خلال فترة الرضاعة و انا ناوية اكمل هيك بقى كيف ماعم تاخذوه و كيف دكاترتكن ما وصفولكن اياه لهلا أسألوهن عنو

سلام
روح الحب

[grade="FF1493 0000FF 800080 0000FF 800080"]مرحبا حوامل وينكم محد هل الفتره الكل مختفى

انا بصراحه ملااااانه انتظر الموعد الياي بفارغ الصبر

وبنفس الوقت حاسه نفسى ميته من الفرحه

البارحه كان البيبى يتحرك بس هل المره اول مره تكون حركته ظاهره

وحطيت يد ريلى على بطنى وحس فيه لما رفس الحمدلله

انا من قبل كنت احس الحركه بس كانت خفيفه وانا بس احس فيها

اما الحين صارت واضحه ولله الحمدلله

الله يثبت حملى وحمل كل وحده ويرزق كل محرومه يارب

Soul Love انا عطينى نوعين من الفيتامينات بس ما اعرف اذا كان واحد فيهن

كالسيوم والا لا بس بسال الدكتوره ان شاء الله فى الموعد الياي

احس بالم فضيع بصدرى وقالوا لى ادلكه كل يوم بزيت زيتون او اللوز

بس يكون دافئ وبدت الفتحات تنفتح عندى ويطلع سائل بس اشوى مب وايد

قالوا لى لازم استمر جيه لين ما اولد عشان ما يصير عندى تضخم او احتقان فى الحليب وما اقدر ارضع البيبي

وهاذى اخر اخبارى اشوفكم على خير [/grade]

اسمحولي على القطاعة .. بس صدقوني كانت عندي ظروف خارجه عن إرادتي ...

الحمدالله على كل حال ...

باختصار ... وحشتوني ...


انا الحمدالله السبت اللي طاف بديت اسبوعي 20 .. وجذيه اكون عديت نصف المسافة (الحمل 40 اسبوع ) .. ولله الحمد .. والله يعيني ويسهل علي ال20 اسبوع الجايين ..

أنا بعيد عنكم كلكم .. يحتمل اني اصبت بسكر الحمل :sad:

مدري اذا حد مكنكم سوا فحص السكر .. سويته في عيادة حكومية عشان ملفي الللي فتحته في مستشفى الوصل - دبي ...

أول مره .. قالولي تعالي الساعه 8 ونص وتكونين ماكله ريوقج قبلها بنص ساعه ..
وخذوا عني دم وشربوني جلكوز ( العصير البرتقالي اللي مثل الماريندا )

عقب ساعه رجعت وعطيتهم دم مره ثانيه ..

واتصلت فيني الدكتوره تقولي لازم اسوي فحص ادق من هذا .. لأنه سكري اللي في الدم مرتفع .. قالت يمكن كلتي شيء حلوو وخربط لج السكر ..

سرت مره ثانيه .. وسويت فحص ثاني .. هالمره قالولي تعالي وانتي صايمه من الساعه 9 فليل .. وخذوا عني دم .. وشربوني جلكوز ..وعقب ساعه خذوا عني دم .. وعقب ساعه بعد خذوا عني دم ..

دمي خلص من هالتحاليل اللي ما تخلص ..

وردت اتصلت فيني الدكتوره تقولي وانتي صايمه النتيجه كانت ايجابيه بس يوم شربتي الجلكوز ارتفع شوي .. تعالي سوي تحليل ثالث ادق من الثاني .. عشان نعرف

والله هلكت .. والكل مستغرب كيف انا يطلع لي سكر حمل .. انشالله ما في .. يوم السبت برووح اسوي هالتحليل الأخير .. وادعولي .. انه ما يطلع فيني ...


وعن الحبوب .. انا وقفت الفوليك أسد .. وقمت آخذ الماتيرنا (الفيتامينات ) فيه نسبة فولك أسد ..
وعطتني الدكتوره حبوب حديد .. وعطتني فوار كالسيوم ..
خذت كم من حبه من الاثنين ..


وعن الآلام .. يايتني آلام تروح وترد صوب جتفي من ورا ... وقالت لي عمتي .. هذا لأنه جسمج مب متعود على الوزن .. وانشالله خير ..

وعن الكريمات ...

خالة ريلي نصحتني بالزيت زيتون ..

وأنا اشتريت كريم اللوز من محل اسمه زين الاتات في مركز الفردان في الشارجه .. ومكتوب عليه يمنع تشققات الحمل ..

وتحملوا يا حوامل انكم تفركون منطقة البطن وانتوا تحطون الكريم .. لأنه هالجزء من الجسم يكون مشدود وتخيلوا تشدون على منطقة مشدودة .. حطوا الكريم بنعومه خفيفه ...


ومبروك عليج البنوته يالفلاسية ..
وانا قالولي احتمال ولد .. بس الكشف الثاني بتأكد .. وبيكون على آخر 12 ..
والحمدالله .. أهم شيء يكون الجنين معافى وسليم ..

يلا حوامل وانتوا تقرون الردود ..

اقروا هالدعاء على كروشكم الحلوه

اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين.

السلام عليكم
كيف الحلوين

بنت جميرا و الله قهرتيني على حالتج
شلون يسحبون منك كل هالدم و انتِ حامل!!
حبيبتي اهتمي جددددددددددددددا بالاكل الي فيه حديد
عشان تعوضين الي خذوه منك لان كذا مو كويس كل شوي ساحبين دم ما يصير
كلي خضار خضرة سلطات اشربي عصاير كثيييييييييير و اهم شي تكون طبيعية عشان السكر ما يرتفع و ديري بالك على حالك حبيبتي
و سلامتك الف سلامة
وجزاك الله كل الخير على الدعاء الحلو يا حلوة

اختك
روح الحب