حوامل شهر ابريل 2007

مشالله

تبارك الله

تستاهلين كل خير يا نواعم ..


والله يتمم حملج على خير ..

ابتعدي عن الاكل الحار على الرحم ..

الجرفة والزنجبيل و الفلفل الاسود والاناناس والباذنجان والأناناس .. خاصة فس الشهور الاولى



-=-= الخنساء -=-

ممكن أسأل عن فصيلة دمج ..؟؟

يقولون .. والله أعلم .. أنه اللي فصيلة دمها 0 سالب .. يكون نصيبها الذكور في الإنجاب

فقلت أسألج عشان نتأكد من صحة ما يقوله الناس ..

إي والله يابنت جميرا دمي سالب

وفصيلتي O

هلا سلينا..... كيف حالج...؟؟؟
والله انا اموووت وابتدي اجهز لكن زوجي يباني انطر ...ادري لازم اصبر شوي بس صدقيني ما خليت محل اطفال ما دخلته لدرجه زوجي يقول الله يعين شكلك بتفلسيني.....

بس في شي احس بطني يابس من جهه وحده اظن الياهل مايل على جهه...؟؟؟

بدري يابنات على التشري ألحين

أنا نصيحتي تنطرين للسابع أو الثامن أفضل

ومنها تكوني تأكدتي عدل من جنس البيبي

عاد تصدقون قبل ماأكشف كنت أقول إذا طلعت بنت طيران عالسوق

أموووووووت في ملابس البنوتات ويوم طلع ولد أحس مالي خلق عالتجهيز

ماشاء الله مواهبي كلها طلعت في أخوانه الأربعه اللي قبله

اهلين بنات

عن نفسي ماجهزت و مب ناويه قبل السادس على الاقل
عن جنس المولود ..... هالاسبوع المفروض اعرف و قلت بغير دكتوره و بروح عند ناديه دار الشفا لان الكل يمدحها و قلت بجرب ...

بصراحه رحت و عصبت و طلعت ... تخيلوا بنات انا يايه 9:15 و كان رقمي ثمانيه !!!! قلت مش مشكله ... و قعدت انتظر اكتشفت انه كل الدكاتره يحضرون 9 !!! و حتى في الدكتوره النسائيه الثانيه حاضره الا الدكتوره ناديه !!!!!!!!!
هذا اولا و بعدين معامله الرسبشن صراحه ترفع الضغط!!!!! هذا غير عن نظافة المكان :(

قعدت لين 10:10 و الدكتوره مايت !!! تخيلوا يعني متى بدخل !!! شليت شنطتي و طلعت ...ماتسوا رفعت الضغط و بعدين هيه تعرف انه زحمه ليش التأخير و هالحركات حسيت انه مافي تقدير للمريض يعني حريم حوامل و تعبانات قاعدات ينتظرن من 8:30!!!!!!!!!

و الله كاميليا احسن عنها بمليون مره في هالشي على الاقل يوم تدخيلين العياده تنفتح نفسج .. و بعدين ماتي متأخره مثلها!!!

ان شاء الله ارجع لكاميليا باجر و اقولكم شبيضير !!

ادعوووووووووووووووولي

بنات انا اليوم كلمت 16 اسبوع ... ولين اليوم ما حسيت بحركه الجنين .. ياريت كل وحده كتب متى حست بحركه جنينها

السلام عليكم ورحمة الله

اول شى اختى بنت نواعم الف الف الف مبروك على الحمل والله يثبت حملج ان شاء الله


وحمل كل وحده حامل :shy:

والله يرزق كل محرومه يارب يارب يارب


انا كان عندى موعد هل الاسبوع بس ما استانست فيه كثر كل موعد ما اعرف ليش

يمكن لان يوم اروح عياده خاصة الدكتوره اتم اتسولف ويااي واتروينى البيبي عدل

هل المره سوى لى على جهاز الالترا ساوند بس ما خبرونى شو جنس البيبي

وكانت الممرضه بارده ما اعرف كيف ويالله الحمدلله على كل حال

المهم ان البيبي ابخير وطبيعى الحمدلله هذا اهم شى وموعدى الثانى بيكون 10/12 ان شاء الله

اما بالنسبه للحركه احس بشى خفيف نفس الريشه واكثر شى الصبح يوم انش من الرقاد
وانا عاطينى موعد للولاده ان شاء الله 8/4 والله يسهل علينا جميع يارب

ماحد ابد ... انا موعد ولادتي قريب منك في 28/4/2007م بس متلخبطة شوي في حساب الشهور انتي الحين في اي شهر ؟؟؟؟

اختي الحبيبه بنت نواعم
خبر حملك فرحني وووايد، صج فرحت لك من قلب
الحمدلله رب العالمين ربك ما قصر وعطاك على قد نيتك .. و ان شاءلله هالمره يكون حمل ثابت والله يتمم لك عليه و يفرحك ومثل ما يقولون (ان شاءلله الثالثه ثابته) ...

انتي اهم شئ اهتمي بنفسك و بصحتك وبأكلك ولا تتعبين نفسك ولا تتضايقين من اي شئ ... وبعد باقولك ... انتي ليش ما تروحين مستشفى خاص وتابعين مع دكتورة شطورة، وتشرحين لها حالتك بالتفصيل .... اتوقع في هذه الحاله راح يعرفون حالتك انها حاله خاصه ويقدرون يساعدوك بمشئه رب العالمين على تخطيها الين التاسع :shy:

Take Care of yourself

انسانه

هلا بالحوامل الحلوات ...

ثيابي بدأت تضيج علي .. ومليت من لبس الجلالليب ..

سرت AMRI جان تعرفونه في عيمان .. وحصلت عندهم قطع حلوه حق الحوامل ..

بينفعوني لين شهر جدام ..



وناويه اسير اشتريلي قطع خفاف ودانتيلات حق اللبس للشهور الأخيرة ...



وعن تجهيزات البيبي .. لسه .. ميوده عمري ....

السلام عليكم

اتمنى تقبلوني في موضوعكم

انا حامل في الشهر الخامس....وموعد ولادتي على حسب كلام الدكتورة 11/4/2007

ولين الحين ماشريت اغراض حق البيبي

ايه نسيت اقولكم انا عندي بنتين وهاي الحمله الثالثه لي واتمنى يجيني ولد

مرحباا حوامل
انا موعدي 12/4/2007 والحين بالاسبوع 17 واحساسي بحركة الجنين بالضبط مثل ما وصفتها الاخت الخنساء وفصيلة دمي سالب بس اطمني يا الخنساء عندي بنات يعني لا تفقدين الامل وقولي الحمد لله على النعمه
واحة الايمان موعدج مثلي تقريبا الله يعطيج الولد الصالح ان شاء الله وخبرينا عن حركة الجنين

ودمتم سالمين

واحة الايمان وراحله انا
حياكم الله معانا ما خبرتكم الدكتوره ولد ولا بنت.................؟

واحة الإيمان

راحلة أنا


نورتوا الموضوع حبيباتي وحياكم الله معانا في دردشتنا المتواضعه

مثل ماقالت ماحدأبد ماكشفتوا على جنس البيبي ولد والا بنت ؟؟

وكيف الحمل معاكم ان شاء الله كل شي تمام

..............


بنت النواعم

وينك حبيبتي ؟؟؟؟

بعد مابشرتينا ماشفناك

طمنينا عنك يالغاليه

مراحب
شخباركم حوامل
لا والله يا خوياتي ما خبروني نوع الجنين ولا انا اسأل ولا ابي اعرف
عندي ثلاث بنوتات واخاف انصدم بالرابعه خخخخخ اتغشمر معاكم بس جدما احب اعرف ولي يجي من الله حياه الله
طمنونا عنكم

الفلاسية
بنت الجميرا
سيلينا
ام الريم
شكرا على دعاويكم الحلوة لي والله يستجاب دعواكم يارب لي والى كل من يتمنى بالولد الصالح.
انسانة شكرا حبيبتي على دعواتج وانا قلت بروح الى دكتورة خاصة بس ماادري مين ماابي الدكتورة فكرية ابي اغيرها مين تنصحيني اشرايج في منى الشرقي ايقولون زينة بجربها وانشاء الله الله يثبت لي حملي يارب وحملكم.
الخنساء هل حبيبتي موجودة لكن شسوي قليل لما اجلس على النت علشان ظهري.
المهم بغيت اسالكم ينزل مني افرازات خضراء اللون لكن جدا قليلة هل كان ينزل عليكم جدي.
في ناس يقولون التهابات واذا هي فعلا التهابات في خطر على الجنين؟.
ياريت اتفيدوني.
تحياتي
بنت النواعم

صباح الخير يا بنوتات ياحلوات ... كيفكم والحمل ؟؟؟ احس بنفسي الحين صرت احسن وبديت استرجع حياتي قبل الثلاثة شهور الفاتت شوي شوي....
يابنت النواعم الافرازات الخضراء دليل على وجود التهاب خاصة لوكانت لها رائحة.... ضروري تروحين للدكتورة طالما هي قليلة الان معناها الالتهاب لازال في بدايته ويتلحق بعلاج بسيط .... بس ياختي لا تهملين في نفسك ... ترا انتي واللي في بطنك غاليين علينا

مثب ماقالت كراميل

الإفرازات الخضراء يعني التهابات

ولازم تروحين للدكتوره علشان تشوف ايش سببها وتعطيك العلاج المناسب


ترى سمعت ان الالتهابات ماهيب زينه وقت الحمل


الله يبعد عنا كل مكروه يارب