حوامل شهر ابريل 2007

.

السلام عليكم ...

هلا حوامل اشلونكم؟

بخصوص الوزن للحين ما حان موعدي وعاطيني على 30/11 نهاية هالاسبوع بس اني ما قدرت اصبر ورحت للخاص وسويت ثلاثي الابعاد عشان اطمن على البيبي واشوف الجنس وقالت لي فيش بنوته لانها صاكه ريولها وبناتي فرحوا لانها بنت مثلهم
الله يقومكم بالسلامه واذا رحت الوزن راح اخبركم ويش راح ايصير معاي
سلام

روح الحب

أنا بعد مثلك صايره حساسة وأعصب بسرعه من اتفه الأسباب

وبالنسبة لجنينك إن شاء الله تشوفيه مرتفع وتطمني عليه يارب

بس انتي اتبعي اللي قالت لك عليه الدكتوره ولاتجهدي حالك

أنا الآن أحس حركة البيبي كلها تحت ومستغربه لأنها ماحصلت معي في حملي السابق

وبصراحه إني خفت لايكون هذا إنذار لولاده مبكره

يالله ان شاء الله عندي موعد مع الدكتوره الأسبوع الجاي وبإذن الله راح تطمني عليه

بنات البارحه سرت موعدي ويا دكتورتي .,,,, وماشاء الله زدت ف هالشهر كيلوين ...صار وزني 51 وشوي ... و بالنسبه لجنس الجنين الدكوره قالت لي احتمال كبير انها بنت لانه الحبل السري مغطي شوي .. و اليوم عندي موعد اسوي 3D و ان شاء الله تكون بنت ,,,,, وطيران ع السوق اشتري اغراضها ...ادعوا لي بنات تطلع بنت ...

هلا بحوامل 2007

الله يتمم حمالكم على خير ...

كريم كراميل .. الضرر في لبس الضيق .. يضايق البيبي .. ويرص عليج .. فالواسع أريح لج ..


الفلاسية 2006

أنا بعد زدت 4 لين 3 كيلو تقريبا .. والله يستر لين آخر الحمل

-=- yaaraa-=-=
انشالله تردين بالسلامه وتشرين أغراض البيبي .. بس لو حصلتي شيء حلو من هناك خذي ..


-=- selinaa-=-

الله هالقماطات وااايد تجنن .. تعرفين وين نقدر نحصل نفسهم ..
ومشكووره على الصور ..


-=-= nadnoor -=-
الله يخليها ويخلي خواتها ... مبرووك


-=- Soul Love-=-

الله يرفع لج اياه .. وتكون ولادتج طبيعيه .. وسهله .. بإذن الله


-=- الخنساء -=-
طمنينا عليج

=-=- selinaa -=-
أنا خذت فتره لين ما استوعبت انه هاي حركه البيبي من الغازات اللي في بطني ..


-=- اماراتيه-=-
الله يعطيج مرادج ..


كروشات ... اللي تعرف قصتي ويا فحص السكر .. أخيرا اليوم كلمت الدكتوره وقالت لي ما فيج .. بس انتبهي على أكلج ... ولا تآكلين خرابيط ...
وعن التجهيزات في موضوع واايد حلوو للعضوة روز قطر .. ألقوا نظره عليه

http://www.3roos.com/forums/showthread.php?t=177754

يعطيج العافيه .. يالسه آخذ لفه في الموقع .. =)

كروشات .. حد عنده أي فكرة عن أي موقع يبيع ألبومات حق البيبي .. ( الألبومات اللي فيها تفاصيل حياة المولود من أول ما ينولد ... )

وتسلمون

هلا اختي بنت جميرا اذا قصدج كتاب

فانا اشتريت كتاب لاروس موسوعة الاباء والامهات فيه كل شي عن الحمل وشرلج كل شهر كيف يتكون البيبي وعن تجهيزاتج للولاده واغراض البيبي
وبعد الولاده ولين البيبي يوصل سن المراهقه :)

هلا كرووووووووووووشات

وش أخباركم ان شاء الله بخير

الحمدلله على سلامتك بنت جميرا والله فرحت لك ياعمري بس انتبهي على أكلك مثل ماقالت لك الدكتوره


أنا عندي موعد بالمستشفى العسكري الثلاثاء الجاي

والله اني خايفه لأني أخذت بنج أسنان وسويت أشعة X_R لضرسي

بس الدكتوره تقول لي مافيه مضره من البنج في الشهر الخامس

الله يستر

أدعو لي بنات ان شاء الله الموعد الجاي بتأكد من جنس البيبي وان شاء الله تطلع بنوووووووته يارب

حبيباتي ... كيفكم وكيف الحمل وياكم ؟؟؟؟

الايام دي احس بحركة البيبي بزيادة ... اتحرك مرتين في يوم واحد وبعدين كم يوم لا حس ولا خبر .... بصراحة قلقت .... لكن من امبارح رجع يتحرك تاني ... والحمدلله

بالنسبة لي مقررة من ادخل السادس إن شاء الله راح ابتدي تجهيزات البيبي ... شوية شوية ... مااضمن اللي بيحصل في الشهور الكبيرة ... احسن اجهز من بدري تحسباً لاي طارئ لا قدر الله ... خاصة اني بكرية واول مرة اجرب الولادة

سؤال ... حملكم بان وخبرتو كل الناس ؟؟؟ انا للحين ماتغير فيني شي ... صحيح بطني كبرت شوي بس اللبس الواسع يداريها ... وبالتالي ماحد في الدوام شم خبر ... حتى اهلي ماكلهم يدرون ... امي وخواتي واهل زوجي بس ....شكلي عادي و مافيش حد سألني حتى ...وانا ماتطوعت احكي ... بصراحة استحي مادري ليش ؟؟؟

رجعت لكم - كريشات - بعد تعب يهلك مع الامتحانات

صرت اتعب وايد مع الحمل والدراسة احس جسمي ما يقدر يستحمل
لدرجة اني بعد ما اخلص شغل البيت والدراسة اجي ابي انام احس جسمي كله متكسر
غير اني صرت انام من احط راسي عالسرير من كثر التعب :sad:
دعواتكن لي خواتي

والله يعينني شهر 4 شبسوي ما بيعطوني الا اسبوع واحد اجازة

روح الحب

إن شاء الله يبشروك بالولد يارب والحمدلله على سلامتك حبيبتي

........................


كريم كراميل

أنا بصراحه مالي خلق أجهز حق البيبي ألحين يمكن في السابع أبدأ أجهز

وبالنسبة لكروشتك طبيعي ماتبان إذا كنتي بكرية

أنا في حملي الأول مابانت إلا في الشهر السادس مع إني نحيفة مرررررررره

.......................

أم عبدالله

الله يعينك عالتعب خصوصاً في الأشهر الأخيره مع الثقل

بس إذا كنتي بكرية ماراح تحسين بآلام مابعد الولاده وراح ترجعين مثل أول خلال أسبوع بس

أما إذا كنتي مخلفة ثلاثة أو أربعه قبل كذا يالطييييييييف عالمغص وتفكك العظام اللي بتحسيه

بس ان شاء الله ربي بيرحمنا ومانعاني واجد بعد الولادة



معليش طولت عليكم بس وين البنات أقصد الكروووووشات مالهم حس ؟؟؟؟؟؟؟

هلا خوااااتي

بالنسبه لي الكرشه شويه بدت تبين .. وما متنت وايد بس احس باني مستويه عريضه شوي اقصد منطقة البطن ... :)
واما التجهيزات ان شا الله عالشهر السادس :)

اللي ما عندها شي تسير تتجهز شوي شوي لانه ما تدري كيف بتكون فالاشهر الاخيره مثل ما قالت اختنا :)


احس انه ظهري بدا يعورني بزياده هل انتو تحسون بالاحساس وترومون تفرقون من بين حركة الطفل والغازات واذا هي كيف تميزون ؟

سلام شخباركم بنات
طولت صح بس شسوي ماكان عندنا نت صار الينا اسبوع
وحشتوني
المهم جايبة وياي اخبار حلوة انشاء الله تفرحون لي
رحت سويت تلفزيون والحمد الله البيبي بخير وفية نبض صدق ماشفتة لكن الدكتورة قالت لي
الحمد الله لكن الوحام وايد متعبني وايد ابي اعرف متى انتو راحت اعراض الوحام عنكم ؟
وطمنوني عن اخباركم
بنت النواعم

ألف مبروك بنت النواعم

والحمدلله على سلامة وصحة النونو والله يخليه لك يارب

وتشوفيه بين يدينك وتفرحي فيه ياااااااااارب

وبالنسبة لأعراض الوحم تنتهي على بداية الرابع


والله ييسر لك يارب