*****الجزء 4 من تجهيزات عرايس الامارات *****

ان من رايي فديتج ان الملجة ما اطول لانها كلما اطولت ابصراحة تمصخ !!!
املجو و عرسو و سافري و ياه و خي يكمل دراسته وين المشكلة ؟
وانتي شاوري نفسج و اهلج و شوفي شو الاحسن و توكلي ع رب العالمين
ربيب ييسر لج امورج و نشوفج عروس ب اجرب وقت

أختي حيكانه صراحتن أنا ماعرف شمس بس قيتا مالت أول والله يوفقج

نور _العين:
السلام عليكم

شحالكم؟
عندي سؤال و حابه استفسر
الحين انتو بحكم انكم معرسات اومالجات

شو تشوفونها احسن مده الوحده اتم مالجه
انا مخطوبه بس و عقب العيد بملج ان شا الله

بس اهل خطيبي يبغون الملجه اتم سنتين لانه ولدهم بعده يدرس برع و باقي له سنتين

بس يبا يملج احين

انا اشوفها وايد انتو شو رايكم

و السموحه

بقولج رايي ...

سنتين ملجه وااايد ...

خاصه انج مب مستفيده .. يعني اذا اهلج من النوع اللي بيخلونج تطلعين وياه ايام الملجه .. فأحس ماله معنى انج تملجين وهو مسافر .. مخطوبه ولا مالجه تراه نفس الشيء .. انتي يالسه في البيت وهو مسافر ..

وانتي تعرفين الملجه خطوه وااااااايد مهمه في حياة البنت ...

فأملجي وعرسي ولا اطولين عن سنه ..

وبالتوفيق ..

الغاليهانا ريلي نفس الشي ...يدرس برع

ملجنا شهر واحد اللي طاف
وعرسنا شهر 12

يعني كملنا سنه

بس بصراحه مثل ما قالوا خواتي

صدق اذا ما كنتي مضطره مثل حالتي لا تسوينها

بنات وين ممكن احصل وقايات البيت (الأرني) ابى من الشارجه وتحت

لاني ما اقدر اسير حاليا دبي


بس عاد ابى شي حلو وسعره مناسب

مرحبا صبايا كيفكن :shy:

بصراحة ما أبا أييب فرقة أو دي جي أغاني ،، اللي تعرف فرقة طيران فنانة أو دي جي أغاني بدون موسيقى بس بشرط: مجربينه قبل ويكون رابش يعني مال أعراس،، اللي تعرف تكلمني عالخاص وسلامتكم :)

وانا بعد سؤالي مثل اللا كله ومس نواعم :)

مس نواعم:

مرحبا صبايا كيفكن :shy:

بصراحة ما أبا أييب فرقة أو دي جي أغاني ،، اللي تعرف فرقة طيران فنانة أو دي جي أغاني بدون موسيقى بس بشرط: مجربينه قبل ويكون رابش يعني مال أعراس،، اللي تعرف تكلمني عالخاص وسلامتكم :)

حبيبتي ألي أعرفه حتي المغنيات ألي يغنن في الأعراس اذا تقوليلها ماتبين موسيقي تيب معاها فرقة طيران

وااااااااااااااااااااااي حمستوني على الزواج و حمستوني على التسوق والتجهيز


يا رب يارب يارب سهل اموري و ارزقني بالزوج الصالح والذريه الصالحه ...............اللهم آميــــــــــــــن


حابه اشارك معاكم بس ما عندي شي اكتبه :sad: :sad: :sad:
َ
ادعولي عشان انضم معاكم :confused: :confused:

صح ان تعب التجهيز بس والله احس انه شعور رائع وايام حلوة والأيام اتمر بسرعة

والله يوفقكم انشاء الله و يسهل اموركم

بغيت اسلم عليكم وابارك لكم

الاخت نور العين
رايي من راي خواتي اذا هو قادر مالية لا اتطولي املجي وعرسي اما اذا مب قادر اجلي سالفة الملجة لين قبل العرس بكمن شهر لانج اصلا مخطوبه له فصدقيني ما لا داعي، والغاليه محد يعرف سنتين شو بصير فيها وبعد نفسيا بتتعبون لمن فتره الملجه بتطووووول وخاصتا اذا انتي بتكلمينه (واعتقد هذا شي اكيد) .........عن تجربه انا بكمل سنه مالجه والصراحه حستها وايد طويله وماسخه وما وراها اللي المشاكل.. ريلج بتتعودين عليه بعد العرس وبتتفاهمون اكثر اذا كان اساس الملجه انج تتعودون على بعض ااو تتفاهمون ...والافضل انج تستخيري والله يوفقج الغاليه

العزيزه والامبراطوره
حياكم
والله يرزقكن الزوج الصالح

نور العين

لا و لا و لااااا تطولين فترة الملجة أنا طولتها وتلعوزت،، ها ها إذا مضطرة 6-7 شهور بس سنتين وايد بصراحة وبعدين بتملون يعني ماشي غير تيلفونات وزيارات والوضع جدا ممل إذا طولتوا،، الخطوبة تطول ممكن وإذا كان مقتدر عرسوا وسيري وياه،،

سبايك

تسلمين الغالية عالمعلومة :) بس أبا اللي مجربين يخبرونا لأن التجربة خير برهان وتفرق الزين من الشين،،

العزيزة

الله يوفقج ياربي ويوفق كل البنات ويسعدكن ربي دنيا وآخرة

الإمبراطورة

الله يبارك فيج ويسلمج :)

انا بعد من رايي انج ما اطولين الملجة

لان اسمع من كل اللي حوالي من البنات المعرسات ان الملجة اذا طولت تمصخ

تسلمون الغاليات عالردود ما قصرتو

و الله تصدقون انا بعد هذا رايي ، ما عرفت اشاور حد لاني اكبر وحده بين خواني

انا اللي اعرفه انه هو اللي مستعيل يبا يملج
و اهلي قالو يا انه ياخذني وياه
او عالاقل يتاجل موضوع العرس لين قبل العرس بشهور
بس عاد اهله يقولون ما له داعي التكاليف و من هالكلام

و مصرين عالملجه
المشكله اهلي فيهم وايد برود و الله كل شي ما يعرفون
و عادي عندهم

و صدقكن و الله 2 سنتين ما ينعرف شو راح يصير

بنات اللي ما تعرف شمــــــــس
هالانسانه و الله تعاملها راقي و فنانه مبدعه
تخلط الوان ما تتخيلينها
اناجربت عندها كذا مره و عليها طلب وايد ترا

انا اعرف بنت عمها تدرس وياي و الله كلهن فنانات و مبدعات ما شا الله عليهن

فاي وحده حابه تحجز لا تترد و ممكن تروح تشوف شقا تعدل


و ابا اسال اذا اي وحده تعرف وحده اسمها رحاب مصريه فالشارجه يقولون مكياجها حلو حق المناسبات الخفيفه يعني ؟؟؟


و السموحه

لولو بحر مكنون ... تسلمين الغاليه ما قصرتي

يزاج الله خير وألـف شكر (f) (f)

مـرحــبــــا


أشحالكم عرايسنا الحلوات

الفتره الماضيه كنت أحاوط في المراكـز و المصانع

و حبيت أقولكم شو شفت وشو عيبني يمكن يفيدكم

1. في خياط في الشارقه أسم " أوكسجين " مخوراته عيبوني وأسعاره وايد زينه بالنسبه لخياييط العين ، من فتره خورت خوار فيه خرز في العين بـ 280 و هالعيد خورت خوار فيه خرز أحلى بوايد من خوار العين بـ 200 و اللي تفكر تسير له لا تشوف المعروضات بس تخليه يطلع كل الخوارات اللي عنده ، اللي مب معروضات كانوا احلى ( الخياط في أول سكه على يمين مركز ساره )

2. و حبيت أخبر كم عن محل لقمصان النوم أسمه نورهان في الشارقه حرمه أخويه شرت من عندها قميص اول ليله بـ 800 وانا شفته و لقيت نفس القميص في نعومي تقريبا بـ 1600 وفي محل ثاني نفسه بـ 1300 و في محل لنورهان في المصانع في نفس المحلات اللي فيهم الدو بعد يومين بروح أشوفه وبقولكم عنه
3 . في محل في الميغا مول في الطابق الثاني أسمه H . Flo لقيت عندكم قمصان و بديهات حلوووووه وبنوتيه وايد عيبوني مب كل شي عندهم حلو بس فيه عندهم قمصان حلووو خذت من عندهم قميص بـ 155 وااااايد حلو فيه شيفون ودانتيل وشرايط شغله مضبوط بس طلع ضيق علي :(وببدله و بعد اللي تبيع هناك خذت رقمي و قالت اول ما تنزل مجموعه العيد بدقلي:) وبقولكم ان شاء الله

4 . في محل في الميغا بعد في الطابق الثاني اسمه " VINCCI " يبيع نعول سطاحيه وفيها شرايط تنربط ناعمه و اسعارهم حلوه خذت من عندهم نعال بـ 89

5. وفي محل كمان:) في الميغا مول في الطابق الارضي مقابل محل Gucci يبيع شنط جلديه حلوه عيبتني شنطه وخذتها بـ 240 اسمه LAND collection اسمه مشبك بس اظن جذي

و بعدلقيت في Next شباشب حلوه جواتي ومن داخل فروو واااايد حلو و مريح بـ 55 خذت منهم

و في مركز ساره لقيت في الطابق الثاني محلات يبيعون قطعه حلووه تنفع للمغريبات

هذا اللي عندي و إن شاء الله يفيدكم

و حبيت اسالكم إذا تعرفون محلات تبيع جواتي حلوه و مريحه سطاحيه غير ألدو و Next بصراحه ما عيبتني نعولهم اللي الحين نازله + و إذا تعرفون محلات تبيع شنط بأسعار حلوه يعني من 500 وتحت + خيياييط للمغربيات في الشارقه بأسعار معقوله

ما شاء الله مس الامارات
اشياء حلوه واسعار احلى

بس ممكن توصفيلي قميص حرمة اخوج اللي مث اللي عند نعومي؟؟!


بنات ما رديتوا عليي عن شيل البيييييييييييييت