*****الجزء 4 من تجهيزات عرايس الامارات *****

دلوعة محمداني ....(f) صراااااحه رووعه من وصفج :ok: ماشالله عليج الله يهنيج ويفرحج

ceres
الله يبارك فيج حبوبة و يسهل لج امورج يااااااااااااارب
شمس من بوظبي بس تيج اي مكان تبينه
و استايلها للامانة فظييييييييع و فعلا يغير من الوحدة
لاني شراتج وااااااايد احب الميكب و فكل مناسبة ترستلج هالويه !!
ف كنت خيفانة اني ما اتغير ف يوم عرسي
بس يوم شفت تعديل شمس حسيتبه روعة ما شا الله
و لا تحاتين ترى الفستان الابيض هو الي فعلا يغير من الوحدة 180 درجة !!!!


العروس العمانية
حيا الله اهل عمان
و يا مرحبابج ف موضوعنا
تسلمين فديتج و عقبااااااااااااااااااااااااااالج يا ربي
و بالنسبة لاستفساراتج فديتج
عرسي الله يسلمج كان ف صالة افراح عدنا ف الامارة
و فستاني مثل ماذكرت من عند ازرا اللي ف جميرا
اجرته على 12,000
و الكوشة الله يطولي بعمرج على صالة الافراح
بس انتي الي تختارين
و عن النافورة ذكرت انها على 3000 و تيج مع صحون الفراولة و الفواكة و البسكويت
و في منها احجام
و الحجم اللي اخترته هو اللي يناسب الاعراس
لان الباقين حسيتبهم صغاااااار
و حركة ال21 اللي كانت بالبالون سويتها من عند بارتي سنتر الي ف دبي


akak
هلا فديتج
بالنسبة لاسعار العدسة الذهبية
إذا تبين 100 صورة على 4000



الغلا كله و سبايك
تسلمون فديتكم و عقبال ما نفرح فيكم يااااااااااااااااارب

و ارد اقول اي شي تبون انا حاااااااااااضرة
و نحن ما تواجدنا ف هالمنتدى إلا عشان نفيد و نستفيد
ربــــــــــــي يحفظكـــــــــــــــم

مشكورين يا عرايس على الردود الحلوه ..

والحمدالله يوم الزفة عيبتكم ...

الهوتي:
بنات شو أحلا محل قمصان نوم في دبي

بالنسبة لي محل ومن سيكرت الموجود في برجمان وفي سيتي سنتر ..

-=- سبايك -=-=

المصانع يبالها اللي يعرفها زين .. مب اي شي ترومين تشترينه من هناك


-=- ceres -=-

في عرسي تمكيجت عند ندى اللبنانيه اللي كانت تشتغل في مورا ..
حطت لي الوان صيفيه حلوه .. اورنج على جرين ... ووووايد طلع ناعم علي ..

والحمدالله عيبني وااايد ... حتى مالت التصوير يوم سرت استلم البومي قالت انه المكياج برز جمالج ..

وانا عندي رقمها جان تبينه

وبالتوفيق

-=- دلوعه محمداني -=-

مشالله عرسج مبين عليه حلوووو .. مبرووك عليج .. وانشالله ايامج تكون احلى واحلى

تدرين انا فستاني فصلته عند ازرا .. كلمه روووعه شويه عليه .. المصمم اللي عندهم عن جد فنان ..

واللي استوى بعد .. انه ممري كان زجاج .. ويوم امشي عليه الليتات كانت تضرب على الفستان من تحت .. طلعت الحركه تخبل .. تخيلي الليت يضرب على الكرستالات وعلى القصات ..

كل ربيعاتي اللي يو يسلمون علي عالكوشه ... مدحوا الفستان وحركة الليتات اللي استوت ..


والحمدالله على كل شيء ..

والله يوفق الجميع

هلا ببنت جميرا

مبروك الغلا

الحمدلله على السلامة والحمدلله اللي رجعتيلنا عقب العرس

انا بعد غناتي سويت حركة الليتات في الممر الزجاجي

ترا اظني نفس المحل اللي سويتي فيه وهو الحلم

هلا ب بنت جميرا تسلمين عنوني
و مثل ما قلتي ازرا فظيييييييييييييييييييييييييييييييييييييييييع !!!

المهم اشحالج و شو العرس معاج و متى عرستي و وين سافرتي و سويتي نونو و لا بعدج ؟؟؟؟؟؟؟؟!!!!!!!خخخخخخخخ

هلاااااااا خواتييييي الله يجزيكم الخير

مشكوره اختي سبايك ان شاء الله ببدا بعد رمضان

ويجزيج كل الخير كلا الغلا الصراحه ما اعرف شو ياني هذاك انصدمت من شفت البنات اللي يتزهبن عارفين شو يبون وانا خبر خير ولا فكرت شو بسوي لان يالغالية من كثر ما اتاجلت الملجه شليت سالفة العرس من راسي رغم انهم ماكدين الشهر انه بكون في شهر واحد باذن الله بس ماريد ابدا اجهز وارد وانصدم فادعولي الله يسر ويبارك في زواجي...

واختي كيفي عيناويه مشكووووووره يالغالية وعرفت وين مكان الخياط ان شاء الله بسير عنده بفصل للعيد ومنه بشوف كيف تفصيله..

الصراحه خذيت اجازه من الدوام وقعدت في البيت لان يتني ضيقه اعوذ بالله ....... بس الحين الحمدلله بارتاح في رمضان بيلس اخطط شو بشتري و من وين وبرتبها على حسب ميزانية الزهبة وان شاء الله بعد رمضان بتبدا المشاوير للسوق والله يسهل.........

الحمدلله الحين رديت للدوام ونفسية تمام ونتريه رمضاااااان الخير ومبروووووووووووووك عليكم الشهر يالغاليات

وكثرن من الاستغفار واتوكلوا على الله يالمعاريس وباذن الله يتم العرس على والله يجزيهم كل الخير بنات المنتدى...

اسمحولي طولت عليكم

هلاااااااا خواتييييي الله يجزيكم الخير

مشكوره اختي سبايك ان شاء الله ببدا بعد رمضان

ويجزيج كل الخير كلا الغلا الصراحه ما اعرف شو ياني هذاك انصدمت من شفت البنات اللي يتزهبن عارفين شو يبون وانا خبر خير ولا فكرت شو بسوي لان يالغالية من كثر ما اتاجلت الملجه شليت سالفة العرس من راسي رغم انهم ماكدين الشهر انه بكون في شهر واحد باذن الله بس ماريد ابدا اجهز وارد وانصدم فادعولي الله يسر ويبارك في زواجي...

واختي كيفي عيناويه مشكووووووره يالغالية وعرفت وين مكان الخياط ان شاء الله بسير عنده بفصل للعيد ومنه بشوف كيف تفصيله..

الصراحه خذيت اجازه من الدوام وقعدت في البيت لان يتني ضيقه اعوذ بالله ....... بس الحين الحمدلله بارتاح في رمضان بيلس اخطط شو بشتري و من وين وبرتبها على حسب ميزانية الزهبة وان شاء الله بعد رمضان بتبدا المشاوير للسوق والله يسهل.........

الحمدلله الحين رديت للدوام ونفسية تمام ونتريه رمضاااااان الخير ومبروووووووووووووك عليكم الشهر يالغاليات :salam:

وكثرن من الاستغفار واتوكلوا على الله يالمعاريس وباذن الله يتم العرس على والله يجزيهم كل الخير بنات المنتدى:clap: ...

اسمحولي طولت عليكم

العفوووو الغلاااا

بناات في وحده اسمها سهام اتبيع قمصان نووم وايد حلوه و بأسعار حلوه وفي بعد باكستانيه اسمها امينه اتفصل جلابيات بالقطع الباكستانيه اتجننننننن وبأسعار حلوه بعد

دلوعة محمداني

هلا اختي
مشكووووووووووووووووره الغاليه على ردج وان شاء الله بشوفها وبتفاهم معاها
لاني عن جد احااااااااااااااااتي هاليوم

ومشكوره مره ثانيه وبالتوفيق في حياتج الجديده ^_^


بنت جميرا 6

هلا اختي

ياليت اختي لو ترسلين لي رقمها والله قاعده اجمع في هالارقام لاني خاااااايفه عن جد
لانها اهم ليله واخاف شكلي يطلع اي شي

بنت جميرا 6................. والله لو تعرفين كيف منقهره شاريه قمصان من عند مورقن نفسهن والله علي 70 في المصانع قهر وقمصان النوم شاريه 5 من المرينا مول علي 1500 بعد الخصم ولني شاريه وايد خلتهن علي 1500 وهناك علي 800 وشي :sad: :sad: :sad: والله الي خاطرها تشتري أطقم تسير هناك ..............................................................

بنات أنا سرت دبي اليوم وسويت بروفا عند هستي رووعه عيبني هادي وفخم في نفس الوقت

مباركن عليكم الشهر عرايسنا

عاد انا مخطوبه بس لكن حبيت استفيد

كيفي عيناوية يالغالية ممكن الارقام اللي تبيع ملابس النوم والباكستانية

العيناويه انتي خلصتي زهابج.....لاني حابة اسالج بشو ابدا اول شي

والله يعطيج العافية

فراشة بوظبي ...

هلابج يا عرووس 17-7

تدرين وانا مسافره .. في يوم عرسج .. ييتي في بالي ودعيتلج ..

وعن الكوشه .. هيه فديتج .. سويتها عند الحلم ..

تدرين أنا ما كنت أعرف سالفة الممر الزجاجي .. وأنا كنت طالبه منه ممر عادي يكون واااااااااااااااااااااااااااااااااااااااااااايد طويل .. وقتله سولي اطول ممر سويته في حياتك .. وكان هدفي من طووول الممر ... اني اطلع عالمرر من بداية الزفة .. بحكم إني مب عملاقه:gum: فالناس اللي يوقفولج عالمرر وقت الزفة يخربون على العروس .. فحبيت اطلع عالمرر من بداية الزفة عشان كل حد يقدر يشوفني ..

وحزت الزفة .. دخلت وانصدمت .. وانا امشي .. لين ما وصلت على المرر بدت الليتات تشتغل وحسيت الناس كانت واااايد مستانسه ..

والحمدالله الناس مدحولي الحركه واايد .. ويوم شفتها عالفيديو ... طلعت واااايد تجنن ..


والشيء الثاني اللي انصدمت منه .. انه أنا قايله حق الريال اي نوع من الورود راح تحط لي في الكوشه .. قالي اطمني .. احنا اقل نوع نستخدمه هو الروووز .. وعالكوشه ... شفت أشياء ثانيه ويا الروووز ..

الحمدالله على كل حال



-=- دلوعه محمداني -=-

هلا فيج غناتي

عرسي كان بتاريخ 7-7

الحمدالله العرس مر على خير ..

بو الشباب وداني في جولة في أوروبا ما بنساها طوول حياتي .. الله يخليه لي يا رب


-=-= ceres -=-=
جيكي الخاص


-=- سبايك -=-
بالتوفيق ويا هستي


-=- al3shganah -=-
الله يتمم عرسج على خير

مرحبا الغاليات..
بس بغيت أسأل وين محل الحلم مال الكوش..
وبعد عندي سؤال منو اتمكيج أحلى جيتا ولا شمس..حد عنده فكره؟؟

مشكوره اخت كيفي عيناويه على الارقام والله يرزقج بالريل الصالح فديتج.....

هلاااا الغاليه جميرا6 مشكوووره والله يباركلج في حياتج ويرزقكم بالذرية الصالحه فديتج نفس طلب الاخت حيكانه ممكن رقم الحلم للكوش ووين محلهم وكيف اسعارهم


سؤاال للجميع تعرفون وحده تنسق حفلااااات وبسعر معقول

محل الحلم للكوش في الشارجه ..

أنا سويت كوشتي بــ16 ... على أساس اني شايفة الرسمه وطالبه الكوشه تتسوى لي أول مره ..

والرقم جيكوا الخاص

وبالتوفيق

هلا حيكانة
و الله فديتج ما جد جربت جيتا
بس شوفي اتخبري عنها و ان شا الله البنات يفيدونج
بس شمس فنانةة ما شا الله عليها
و مكياجها كله ماركات ابصراحة

بس بعد الناس اذواق ف انصحج اتشوفين استايل كل وحدة
عشان تطمنين اكثر

موفقات حبايبي
و سامحوني اذا بطيت عليكم

ربــــــــــــي يحفظكـــــــــم

السلام عليكم

لولو بحر مكنون اختيه محل " التنهات" معقولة شغله بهالفخامه الي في الصور وأسعاره تبدأ من 20 الف ..؟ تعرفين حد مجربنهم؟ يمكن الصور للدعايه بس وشغلهم غير..؟

الغاليه عرسي عقب العيد على طول ولين الحين ما حجزنا شي .. ياليت لو تفيديني .. الصور روعه بس ابا اتأكد..

السموحه

السلام عليكم

شحالكم؟
عندي سؤال و حابه استفسر
الحين انتو بحكم انكم معرسات اومالجات

شو تشوفونها احسن مده الوحده اتم مالجه
انا مخطوبه بس و عقب العيد بملج ان شا الله

بس اهل خطيبي يبغون الملجه اتم سنتين لانه ولدهم بعده يدرس برع و باقي له سنتين

بس يبا يملج احين

انا اشوفها وايد انتو شو رايكم

و السموحه