*****الجزء 4 من تجهيزات عرايس الامارات *****

لحظة لحظة

دلوعة محمداي!!!
ليكون انتي اللي مفتتحه الجزء الاول؟؟

هي غلوية هي صاحبة الفكرة وبدت فيها من بنات الامارات

مبروك غناتي ووينج قطعتينا ؟؟؟

يالله بنوتات سلام

وادعولي احصل كاميرتي اللي ضاعت

مشكوره يا نووسه عالرد لأني كنت محتاره بين فتوغرافيا أو برافادا للتصوير بس عرفت واحده من ربيعاتي سوت عند برافادا وماكانو ملتزمين بمواصفات الألبوم إللي العروس اتفقت عليه
ورحت عند فتوغرافيا ولاحظت إن يذكرون فالعقد كل مواصفات الصور المطلوبه حتى الحجم أو كم واحده بتكون رمادي أو خلفيه اسبيشل تختاريهم بنفسك من كاتلوج سامبل مسوينه الشي الوحيد إنها أبدا ماطاعت أشوف لو ألبوم واحد لعروس وقالتلي هذه أمانه مانقدر نطلعها للزباين بس فعلا كان خاطري أشوف شغل جاهز لألبوم عرس صراحه أطمنت لهم

أحبه الغالي:
مشكوره يا نووسه عالرد لأني كنت محتاره بين فتوغرافيا أو برافادا للتصوير بس عرفت واحده من ربيعاتي سوت عند برافادا وماكانو ملتزمين بمواصفات الألبوم إللي العروس اتفقت عليه
ورحت عند فتوغرافيا ولاحظت إن يذكرون فالعقد كل مواصفات الصور المطلوبه حتى الحجم أو كم واحده بتكون رمادي أو خلفيه اسبيشل تختاريهم بنفسك من كاتلوج سامبل مسوينه الشي الوحيد إنها أبدا ماطاعت أشوف لو ألبوم واحد لعروس وقالتلي هذه أمانه مانقدر نطلعها للزباين بس فعلا كان خاطري أشوف شغل جاهز لألبوم عرس صراحه أطمنت لهم

مرحبا..بس بغيت أعرف شو أسعارهم فوتوغرافيا

[grade="FFA500 FF7F50 FF6347 FF4500 B22222"]مرحبا بالعرايس .....شحالكن ربكن بخير ؟؟؟؟؟؟؟؟؟؟؟؟؟؟؟

هاااااااااااااااااا شو التجهيزات أن شاء الله أوكي ؟؟؟؟؟؟؟؟؟؟؟؟؟؟؟


الله يوفقكن أن شاء الله ........

حبوبات ..بغيت أسألكن منو تعرف حرمه تبيع دراريع كويتيه فخمه وأسعارها معقوله ........

بس تكون الدراريع اللي عندها ..شغلهن نظيف وراقيات وبعد فخمات .........

يعني الحرمه تكون في بوظبي وأتيب الدراريع من الكويت ..ياريت اللي تعرف ترسلي ع الخاص ..


والتوفيق لجميع العرايس ..........[/grade]

اختي "احبه الغالي" سؤال من فضلج...

انا سمعت ان فوتوغرافيا راعيته حرمه وهي بنفسها ترتب الصور .. هالكلام صحيح والا؟؟

وشرايج في شغلهم ؟ وتصوير الفيديو ما حجزتيه عندهم..؟

سمحيلي على الازعاج وكثرة الأسئلة :o بس ماحجزت وعرسي بعد العيد على طول .:o

:sad: حظكم تعرفوون عن التصوير وأنا ماعرف ولا شي بس الله يعين لنه عليهم :sad:

شظايا الماضي:
السلام عليكم ورحمة الله وبركاته


بنات الامارات حبيباتي


اختكم من دولة قطر


وبعد شهور عرسها


وودها تجهز ذهبها من عندكم


ممكن تقولون لي متى معرض المجوهرات عندكم؟


وشنهي اسامي المحلات الحلوة للذهب والساعات عندكم؟

الله يعطيكم العافية

السلام عليكم
أنا ماعرف متي بيفتح المعرض بس الي أعرفه أنه بيفتح في الشارجه وأسامي المحلات الانوار و VHP و الحاج عنده سوع حلوه و الصينين عندهم اشيا وايد حلوه (f)

مرحبااااااااااااا بالعراااااااايس وهاي اول مشاركه لي وبديت معاكم من هالجزء والله يعطيكم العافيه الصراحه مشاركاتكم واااااااايد بتساعدني لاني بعرس شهر واحد وراقده ولا عندي خبر لاجهزت ولا شي ومن شفت مشاركاتكم بديت ازيغ ما جهزت للحين اي شي وما عندي فكره شو المفروض اشتري :sad: ومن قريت مشاركت الاخت عروس الموج قعدت اصييييح :confused: :confused:

عروس الموج:
عرسي بااااااااااااااااااجر انشالله...الله يستر وانشالله كلشي يكون اوكي ودعولي اني اكووون ملكه في عرسي انشالله.....ياااااااااارب الكل يمدح....

الله يتمم عالخير انشالله..ويسخر ويسهل امورنا فالليلة الزواج وبعده..

الله يسعدها في حياتها....... بس من قريت اللي كتبتيه اتخيلت هذاك اليوم وقعدت اصيح ويتني ضيقه بين فرحه زواجي وفراق اهلي ........ وتوني الصراحه حسيت شو معناه الوحده اتكوننننن عرووووووس وتتجهز بس الله يسهلها عليه لاني ذوقييييييي صعب وما في شي يعجبني الا بعد ما افتر وتنكسر ريلي وقتها ارد البيت وافكر شو اريد وارجع اليوم الثاني واشتريه هاي في الايام العاديه وششششششششششششششششششششششووووووووو بسوي بالزهبه الله يستر:sad:

:confused: ما ادري من وين ابدا

فاللي تروم تساعدني واتخبرني شو المفروض يكون في الزهبه اعرف الاشياء الاساسية ذهب ودراريع اطقم تنانير و بناطلين وعبي وعطور بس اريد اعرف كيف اقسم فلوس الزهبة على الاغراض والله يعطيكم العافية لاني اعرف محد بقصر معاي

والله ييسر على المعاريس ويرزق العزابية بالريال الصالح

كيفي عيناويه:
الف الف مبروووك يا عروووس الموج والله يتمم لج على خير وان شاء الله تطلعين قمر في ليلة عرسج

حبيت اقولكن اللي تبا اتفصل مخاوير فخمه واتججنننننن اتروح (( خياط الوفاء )) في العين تفصيله يخبل واللي تباا اتفصل جلابيات بالدانتيل مع اكسسوارات خفيفه في محل اسمه (( خياط الورد الجوري)) يفصل جلابيات جناااااااااان

حبيت افيدكن يا عرايس

خويتكن

العيناويه

مرحبااااا يالغاليه بس ممكن اتخبريني في وين في العين وكيف اسعارهم وما عليج امر يالغالية بس ممكن اتصورين بعض المخاوير واطرشينه لي على الخاص

سبايك:
السلام عليكم
رامي العلي روووعه واحسن شي معاملته صراحه محترم وشغله فنان انا بهدلته لين ماستقريت علي الموديل فستان عرسي وحليله متبرض وانشالله يطلع حلو ادعيلي

مرحبا يالغاليه ان شاء الله يطلع الفستان على ذوقج يارب
كنت بسالج هو من دبي صح؟ وكيف اسعاره وكم يحتاي من الوقت ليفصل الفستان

كيفي عيناويه:
بنت زايد الغلا استوديو الوسام موجود في العين عدال المركز الدولي واذا بتحجزين عندهم حجزي " زليخه " تصويرها وايد حلو فديتج طلبي رقمهم من البداله وتخبريهم حرمة اخويه قالت انهم منزلين كولكشن يديد وام امير هاي سودانيه ساكنه في العين المعمول مالها يجنننن وايد اشتهرت في العين اذا تبين رقمها بطرشلج على الخاص

هلااااااااا يالغالية كيف اسعار الوسم و اذا ممكن اطرشيلي رقم ام امير

اختكم ارتبشت ادعولي بثبات العقل لا اين وقضي شهر العسل في عياده النفسية :0

مرحبا الغاليات بالنسبه لأسعار فتوغرافيا انا حجزت أبام ماكانو مسويين خصم الصيف من حوالي شهر و الالبوم والفيديو ب8800 وصاحبه المحل واحده مواطنه انا شفتهم وايد حريصين وامينين عشان جذيه اطمنت لهم انا مجربتنهم قبل في التصوير العادي كان حلو بس ماشفت ألبوم عرس من شغلهم وبالنسبه للفيديو كانو حاطين سامبل لتصويرهم ما كان واضح وايد

بس اتوكلت على الله وحجرت إن شاء الله بيكون عرسي في ديسمبر

al3shganah:
مرحبا يالغاليه ان شاء الله يطلع الفستان على ذوقج يارب
كنت بسالج هو من دبي صح؟ وكيف اسعاره وكم يحتاي من الوقت ليفصل الفستان

السلام عليكم
حبيبتي الفستان يباله شهرين تقريبا سيريله من الحين عشان تختارين الموديل وهوه كل اسبوع بيصمملج موديل لين مايعجبج شي ...........صح في دبي

هلا يعرايسنا

العشقانه غناتي
ليش جيه مسويه بعمرج

جنه سايقينج للاعدام
هههههههه

بسم الله عليج

لا حياتي

تيك ات ايزي

انتي ملكة هاك اليوم
تعرفين شو يعني ملكه

لازم تكونين كووووول

وبالعكس الوقت جدامج

حطيلج جدول تبدين من عقب العيد على طول

وهاي الفتره ابدي ادخلي المنتدى واسألي
واسألي ربعج وخواتج الكبار واهلج
شو سووا وشو اشتروا
عشان تبدين وانتي على اساس قوي

والله يوفقج

ما شاءالله
تعبت وانا اتصفح ما رمت اكمل مشكورات

انا عروس وعرسي قريب لكن ما تجهزت مب عارفه كيف اتجهز وشو اخذ اذا في حد منكم عند جدول المشتريات لزهبه تخبرني لاني في الطوشه

الوحده اذا بغت تتزهب كم يكون عندها غير الذهب لانه الذهب عليهم لكن الزهب علي (( ملاحظه الوالد ما طاع ياخذ من المعرس شي )) يعني انا بزهب من بيزات الوالد
ردوا عليه بسرعه دخيلكم لاني محتاره

إن شاء الله نبدا معاكم قريب نجهز:shy: ادعووولنااا بس

أحبه الغالي:
مرحبا الغاليات بالنسبه لأسعار فتوغرافيا انا حجزت أبام ماكانو مسويين خصم الصيف من حوالي شهر و الالبوم والفيديو ب8800 وصاحبه المحل واحده مواطنه انا شفتهم وايد حريصين وامينين عشان جذيه اطمنت لهم انا مجربتنهم قبل في التصوير العادي كان حلو بس ماشفت ألبوم عرس من شغلهم وبالنسبه للفيديو كانو حاطين سامبل لتصويرهم ما كان واضح وايد

بس اتوكلت على الله وحجرت إن شاء الله بيكون عرسي في ديسمبر

تسلمين يالغلا على الرد طمنتيني ان شاء الله بتوكل وبحجز عندهم .. المهم الأمانه وان شاء الله يطلع التصوير حلو .

هلا والله بعروس طبيعيه
ما شاء الله على الوالد
بصراحه الله يعطيه الصحه والعافيه
وصدقيني ان شاء الله الله بيبارك لج في زواجج

انا الوالد سوى نفس الحركه تقريبا
رد نص المهر
وانا اجهز بنصه الحين والوالد يساعدني

صدقيني ياختي ما تتصورين شقى انا غاليه عن ريلي...لانه ساعناه بالبيزات اللي رديناهن فانه يبنيلنا ملحق ويرتبه
خاصه انه هو طالب دراسات عليا ...ويحتاج فلوسه في الغربه


المهم الغاليه انتي متى عرسج ؟

انا بعطيج المختصر الحينه

المرجله الاولى: ابدي خذي معلومات من اهنه من المنتدى ومن خواتج وربعج المعرسات ..اساليهم شو الاشياء الاساسيه اللي لازم اخذها وشو الاشياء اللي خذتوها وما استفدتوا منها؟؟
اسالي عن المحلات واماكنهم...واكيد بيخبرونج انه المكان الفاني احسن من الثاني

المرحله الثانيه: عقب ما تكون المعلومات تقريبا جاهزه عندج ابدي حطيلج جدول ...الاغراض بالتفصيل والاسعار التقديره والزمن اللي بتشترين فيه
ونصيحه الغاليه
لا تشترين كل اللي يخطر فبالج
لانه بتخلص بيزاتج وانتسي ما اتشريتي كل شي

اي شي تببينه من هالعين قبل هالعين
ههههههههه