الجزء الحــ11ـــادي عشر من تجهيزات عرايس قطر 2006

السلام عليكم ابي اللسته مالت اللي يمكيجون ويسون الشعر

دوحانيه ابي رقم نجوى ولا عليج امر

عمري قطر
شسم المحل واللي يعافيج

عصفورة قطر

رحت أولدوو أكثر من مره ولا لقيت :(
يمكن خلصووهم

فراشتكم

عليج بالعافيه حبيبتي :)

الكحل
تسلمين حبوبه

الحلم الهادىء:


اللي سئلت عن البايوسفير

انا مجربتهم وشاريه المجموعة كاملة بحوالي 5 الالف والله ومخسره ...وبصراحه ماشفت نتيجه تستاهل هالمبلغ

عادي جدا مثلها مثل غيرها بالعس وايد غاليه وغيرها ارخص بنفس النتيجه

حرمت اشتري منهم صراحه كانت غلطة عمررررررررر وخسارة فلوس على الفاضي

على فكره انا كنت استخدمهم بذمه وضمير وخلصتهم بس ماشفت شىء عجيب بالنتايج...مثلهم مثل اي كريمات ثانيه

واجهووني أكثر من وحده قالوا ان نتايجها عاديه

واستخسروا السعر اللي صرفته عليهم :sad:

بس انا الحمدلله واااااجد مرتاحه عليهم


عادي اختي مرااات تلقين ناس تركب عليهم منتجات وناس لا

وشاكرتلج تفاعلج معاي

حبيبتي عنود ...يعطيج الف عافيه ...
وبخصوص النعل ((كرمج الله)) صح كلامج يمكن خلصوا لان اصلا هي يات فتره وخلصت...
جوفي لو عندج حد بيروح الرياض خل اييب لج لانها متروووووووووسه هالنعل انا توني راده من هناك

انتي قولي له شكل النعال وخل يدور لج ....

وانا بعد يمكن بكره اروح رويال بلازا وبدور لج واول مااحصل سييييييييييييده بقولج ....

أنا أذييت كل أخوواني عليها

في لندن نمشي وكل ماشووف سعوديه ولا كويتيه لابستها اقولهم أبي هالنعال

خخخخخخخ

سويت لهم مشااااكل عليها


..

اتسووين فيني خير مع اني ماظني تلقينها

لا هنتي حبوبه :)

عصفورة قطر
اصبغيه بعد شهر العسل عشان التغيير ..

و في البداية اصبغي خصل بس عند وحدة شاطرة .. و بالتدريج ..

وشوفي ريلج يمكن ما يتقبل شعرج فحرام تخربينه و تتعبينه ..

::

ماني قليلة شر ..
إن شاء الله ..

انا شريت هالنعال من الخبر بلازا


اعتقد اسم المحل نورة مكتوب على الكيس جذي


على 30 مادري35 ريال

شمووخ

خووش عرووس اللي سهرانه لييين هالحزه

لو انا مكااانج راااقده وعلى عيووني خيااار

خخخخخخ

ورااج عررس يا حلوه

وان شالله يتممه ربي بخير

ويطلع نفس ماتبين واحسن

،،

ومشكووره على التووصف :)

ان شالله ارووح أخذها باقرب فررصه

جود الغيد فديتج ما اتذكر اسم المحل هو في الراشد بالطابق الثاني

وبالنسبه للبايوسفير انا شريت من عندهم الكريمات اللي احتاجها بس كريمات العيون والهالات والانتفاخ وماسك الاتربه والنضاره وهالسوالف طلع حسابي 1500 شي هيك وانا اشوف السعر وايد زين لانها تجيني للبيت كل اسبوعين تسوي لي تنظيف ومساج وتحط لي ماسك وهالشي طبعا لمدة سنه

من عيوننا شموخه


لج احلى الدعاوي مننا

انتي بس الله الله في الابتسامه الحلوه والثقه وانجوي يور ويدنج دي لانه مره بالعمر

مرحبا..عراااااااااااايس..


اخباركم...ادري صارلي كمن يوم غاطه..!..بس رجعت وعندي 20 الف سؤال..

كويسشن نمبر ون!..

عندي قطع حرير شيفون حلوه..وابي افصلها تايرات..بس لاني..منذ مبطي مادخلت خياااااااااط!.. فوين تنصحوني اروح؟..

كويسشن نمبر تو!

انا اسمعكم اتكلمون عن محل عبر قطر!..وين مكانه؟؟.. لاني ابي اشتري الـملحف.. انا رحت الـGallary هو محل اثاث..رحت اشوف عنده غرفه نوم..واعجبتني وحده مع الكفر مالها.. بس تخيلو هو بس من 6 قطع..اربع مخدات..ومادري شيسمونه..!!..الشي اللي بس جي غطا ينحط على السرير..بـ12 الف... انا كنت حاطه في بالي...بـ10الاف..اوكي..باخذ..بس يكون..كامل...مع الشراشف وكل شي..اما هذا..بس جذي...للديكور..بس صج صج صج ..عجييييييييييييييييييب... وادري ماراح احصل نفسه!..بس قلبي يعورني..احسه وايد..لانه خطيبي قال هو اللي بيشتريه..عشان يكون طقم مع الغرفه.. فوين تنصحوني؟؟.. ابي كفرات كششششششششششششخه..

تعليقات خاصه!

اليــــازي..

عرسج معااااااااااااي..بشهر 2!!...


بنت الغالي..

فديت خشمج.... مشكووووووورة عالسته..واشوفج بالخطوبه ان شاء الله..خبرج.. طلعوا الشباب ربع!!..

حبيبتي مس انجر ....
بالنسبة للتفصيل....انا اروح حق خياطة تونسية في المنتزة اسمها(سلوى) اسم خياطها( الاء) وااااااايد حلو و مرتب خياطها, حتى مذيعات الجزيرة يفصلون عندها بدلاتهم و تاييراتهم و بناطلينهم و بدياتهم, حتى فساتين السهرات افصل عندها, ان شاء الله تعجبج

ونااسه

خلصت العشر صفحات اللي طافووني


بنووتة الغالي ياعل الله يجعل كل اللي تسوينه فميزان حسناتج انشالله


دوحانيه فديت العرايس الجداد انا



حلاليمووووو فديتها والله يالله حبيبتي الحين نبي اهتمام قوي مابقاا شي



ميسووو وحشتينااا



اووف عقب باجر عرس شموخ؟


ياربي يوووفقها انشالله



بخصوص الكوشه بنات


انصحكم لاتدفعون باقي العربون الا ليله العرس

كلفي وحده من هلج تنزل القاعه العصريه او المغرب تجيك على الكوشه وحركات الكوشه ووقت ماخلاص كلشي تمام والا اوكي سلموهم البااااقي

لانه فعرس ولد عمتي سوو فينا حركه خساس الكوشه ماكانت اوكي وايد ونبيهم يلبسون الكراسي الباقي بالخلق ومب راضييين


لانه خلاص سلمناهم فلوسهم كامله



والله يوووفق الكل بنااانييت




مجنووووووووووووونه بخصوص مكياج منيره
هي زينه بس شوي نفسيتها مب شييي وغلت اسعاااارهااااا

حطت حق امي مكياج دفوشي شووي فتحات وحركات حق اللي يحب هالستايل

بس بالنسبه حق الحريم كان عاجبهمم



وشنو شنوو بعد


اممممممممممممم

بالنسبه حق السبوت لايت مهم والله حق الدخله


بس الاضاءات الملونه لاتكثرون منهاا

فالتصوير تطلع مب شي وايد تغيير الوان الكووشه





وبالنسبه للزفه والله انا اشوف الوحده تقط كمن الف على زقه خاصه فيها باسمها وباسم زوجهااا
وبتم لهم طول العمر ويسمعونها طول الوقت ويتذكروون

وخلي اسم العوايل فزفتج عشان محد يبوقها ههههه

<< رزييله خخخخ



سي يو بنانيييت


بروح اشتغل ياني شغل شكلهم شافووني قاعده عالنت مندمجه وياكم الا يخربون علي


باي

هلا بنات شخباركم

واخبار تجهيزاتكم


بخصوص مكياج الحنا حنان احمد مكياجها حلو وناعم ومرتب

اللي طلبوا رقم ميرا ومنى للشعر طرشته لهم

وهج العين مشكوره حبيبتي عالارقام

ميس انجر انا فصلت لي الملحف عند انا وطفلي يجنننننن ب4000 واحلى بالف مره من اللي بالسلام والصالون الازرق وهاي لاند

في محل في سوق الأحمد الملاحف اللي عنده يقولون حلوه

مشكووووووووووووره بنت الغالي على اللسته


الله يعطيج العافيه