الجزء الحــ11ـــادي عشر من تجهيزات عرايس قطر 2006

عنود الغيد

انا حصلت هالنعل وانتي بكرامه فالسعوديه فالخبر وشريت منهم ماحطيت بخااطري ورخااص :)

ليالي :) فديتج مشكورة على الصورة يجنن اللون والديزاين...نفس الستارة تقريبا في مجلسنا بالبيت وسويتها في محل في شارع الاصمخ بس مذكر اسمه فعلا شغلهم حلو

بمره عليهم وعلى اللي في شارع سلوى لانهم بعد عندهم حركات فخمه وحلوه

اللي سئلت عن البايوسفير

انا مجربتهم وشاريه المجموعة كاملة بحوالي 5 الالف والله ومخسره ...وبصراحه ماشفت نتيجه تستاهل هالمبلغ

عادي جدا مثلها مثل غيرها بالعس وايد غاليه وغيرها ارخص بنفس النتيجه

حرمت اشتري منهم صراحه كانت غلطة عمررررررررر وخسارة فلوس على الفاضي

على فكره انا كنت استخدمهم بذمه وضمير وخلصتهم بس ماشفت شىء عجيب بالنتايج...مثلهم مثل اي كريمات ثانيه

بنات...اللي تدور على ورد مجفف وبتلات ورد صناعي "عشان تزيين الخله او البيت" ترى لايف ستايل منزلين الحين منهم وطبعا بيخلص على طول لان اشكالهم حلوه

انا خميت لي اليوم مجموعه عشان اعدل فيهم سويتي :) وحلوين حق الحركات لايفوتكم

هلوو بنات ...
شلونكم؟؟؟

بنات انا خلصت تجهيز والحمدالله وباقي لي شغيلات صغيره ... بقالي اكسسوارات للشعر ..وين تنصخوني اروح آخذ ؟؟ لاحد يقول لي كليرز بذبحكم ...

والله تبين شغلات حلوة عندج المحل الغالي بس حلو ههههه .. اللي عندج برمود ..

روعة شغلاته إكسسوارات للشعر وعنده بعد شغلات حلوة لغير الشعر ..

صج غالي ماأقول لج لكن شغلاته غريبة وروعة ..

وعندج بعد مون سون .. إكسسرز .. بعد شغلاته تجنن ..

عصفورة...اذا تبين عضاضات الورود..سناء منزلين اشكال حلوه انا خذيت لي منهم وايد

وحق المشابيص الكشخه الصغيره حق الرفعات الخفيفه او الجذله ...عندج اكسسوريز وايفيتا بيرون...في الستي سنتر

صاجه الكحل :) اهو غالي بس روعه انا احب اغراضه واشتري منه على طول

أختي ماني قليلة شر

والله أول مرة أسمع إن ((ماينقضي الدين فيه لازم قبل شهر شعباااااان

الحذر من تاجيل الدين تكفون يابنات ماينقبل الدين فيه)) ..

والله وربي شاهد إن كل سنه أصوم على طول بعد رمضان من 2 و3 يوم العيد ..

بس هالسنه الله ماكتب ..

بنات ..اليوم رحت اتفق على المسكه...وطلع محتاج لولو وتور لان المحل ماعنده فلازم انا اجيبله

وين تنصحونياروح حق اللولو والتور ؟؟ ابي تور فيه لمعه اذا حد شافهم يقولي

انا مفكره اروح الرونق...فيه مكان ثاني حق هالسوالف؟؟؟

وبخصوص النعل الزبيرية هلي خذوها من السعودية من الدمام والخبر ..

اليوم استلمت طلبيتي من "ام حمد القطرية" والله طلع شغلها يهببببل

سويت توزيعات باسم امي.....وطلبت منها عطر الفراش الاثنين ..نوعين...وطقم السجاده والجلال والمصحف وخذيت منهم 3 حقي وحق امي وام زوجي

بس صج شغل تمام :) يبيض الوجه

ماقصرتي ام حمد :) وسملتني الاغراض قبل الموعد بعد يعني ريحتني من همهم الحمدلله

لحد يقولي صوريهم...عيزانه حدي

مالج إلا الرونق . الصراحة ..

في قطر ماعندنا ..

أنا بعد مريت من 3 _ 4 أيام على أم حمد القطرية .. خذت سكر الماركات من عندها ..

ماشاء الله عليها .. شغلها حلو ومرتب وراقي وشي بعد ..

وشفت عندها أشياء حصرية ماتقدر تنزلها في المنتدى ويحق لها عشان ماتنسرق أفكارها ..

الله يخليها إن شاء الله ..

ويوفقها ..

الكحل
الحلم الهادي
يعطيكم الف عافيه



بنات بسألكم عن وحده .. ي تشتغل في مدرسه نموذجيه وتبيع عطورات حق المفارش والعبي وشغلات من هالنوع .. بس مب عارفه اسمها .. اللي تعرفها تطرش لي رقمها عالخاص ... لو سمحتوا

والله ماأعرف ..

بس البنات اللي بينزلون دبي .. ماأوصيكم في دخون أم خلافي قسم بالله روعة ..

ومخلط أحبك وشو شي .. نفس ريحة ستلودر .. الله يذكرها بالخير .. يوم قلت لها خذت المخلط .. إلا تقول أشفيكم بنات الدوحة كلكم ماعجبكم إلا مخلط أحبك .. لا خلاص بكثر منه دام إن ذوقكم جذي عجيب .. والله ماراح تتحسفون في مخلطاتها ودخونها صج تجند الرأس بالريحة الحلوة ..

الكحل :) طرشيلي رقمها ...بمر دبي قريب باذن الله

عروس 2009
تمكيجي عند امينة الجاسم حلو مكياجها ..

::

سحابة حب ..
الله يبارك فيج حبيبتي ..
اي تزوجت من فترة قصيرة صار لي 3 أسابيع تقريباً << حاسبتهم ..
انتظري رسالتي على الخاص ..

::

سديم ..
جزاج الله خير ..

::

بنت الغالي ..
مكياجها نعوم .. و ما تغير بالملامح وايد .. و أهم شي مرتب ..
مكيجت خواتي يوم عرسي و كان حلو عليهم ..
و للكيك .. شوفي الأوبرا أو البتيل .. أو الي فرانس ..
و ابغي رقم منى الله يخليج

::

روز قطر ..
بخصوص الخطوبة .. هو يعتمد بعض الرياييل يعطون حريمهم مبلغ معين و يتكفلون بكل شي ..
و البعض يتكفل بحاجة و العروس بباقي الأشيا ..
و العادة الريال عليه القاعة و العشا و الباقي على العروس ..
بالنسبة لي ريلي تكفل بالقاعة و الكوشة و العشا .. و انا تكفلت بالورد و الشموع و مكياجي و فستاني و شعري و الدي جي .. و بس ..

::

الليازي ..
لبنى شغلها حلو .. دامج حاجزة عندها خلج عليها .. و إذا حابة تغيرين عندج نجوى أو مرسيدس يعني الثلاث اللي ذكرتيهم حلو شغلهم ..

::

شظايا الماضي ..
أختي ما تقدرين تاخذين راي الريال في كل شي بتاخذينه أقصد التجهيز .. اخذي على ذوقج و مع الأيام بتعرفين ذوقه و شنو اللي حبه و انتي ماخذته على ذوقج ..
و بعدين لازم يكون لج ستايلج جدامه و جدام هله ..

::

مجنونة قطر ..
امممم شوفي منيرة الهاجري مكياجها حلو بس خلها تسوي لج السموكي وايد حلو اما المكياج بو 100 لون و كحل مفتوح من ورا و جدام ما عجبني مع إنها فنانة في رسم العين .. لكن شفت السموكي على بنت عمي يوم خطوبتي و كان حلو و بودرتها تجنن بس بدون اليص اللي تحطه .. طبعا قولي لها قبل إنج ما تبين اساس فااااتح ..

::

العنود ..
هلا و غلا ..
فيج الخير حبيبتي .. و إن ما خاب ظني كأني شفتج في أحلام و ذكريات قبل عرسي .. و الله أعلم ^_^

::

روح قطر ..
فديت روحج و الله .. انا موجودة حتى لو ماسجلت دخول .. متابعتكم و افيدكم باللي اقدر عليه ..
لو إني من بعد العرس عيزانة .. و ما الحق اقرا الردود ما شاء الله الله يزيد و يبارك .. بس كاني موجودة معاااكم ..

::

الحلم الهادي ..
ما لج إلا الرونق حق هالسوالف ..

::

الكحل ..
هههههههههه يحليل ام خلافي .. خذت من عندها عود و جربت العود المعطر والله ريحته عجيييبة قلت لها عجبني وااايد تقول هل الدوحة يحبون المعطر أكثر ..
و صاجة ترى معاملتها حلوة مع العرب و عودها ما عليه كلام ..

::

::

بخصوص مكياج سما ..
حلو و مرتب .. شفت مكياج هدى على ما أعتقد .. مكياجها ناعم ما في خرابيط وايد ..
و حتى شغلهم للشعر بعد حلو .. فاللي حاجزة عندهم تتطمن ..

اللستات اللي حطتها الغالية بنت الغالي .. خزنوووها عندكم والله بتفيدكم .. و هالكلام عن تجربة ..

دوحانيه

تسلمين وايد استفيد من تجاربت :)

الحلم الهادئ

بكم خذتي السجاده والمصحف من ام احمد ..؟ لاني ناويه اخذ من عندها انشاءالله


بنااات عرسي قرب ادعوووولي :(

الحلم الهادئ
الله يبارك فييييج ،، يسلمو

سديم
الله يسعدج ويهنييج

بنت الغالي
وانتي وحشتيني اكثر يالغاليه
الله يهنيييييييهم انتي شخبارج ؟؟ من اللي قص شعركم؟؟
مشكووووره عاللسته والف مبروك لكل اللي عرسوا

دوحانيه
بانتظارج

الليازي

بيكون العرس اذا الله راد بآخر شهر 2/2007 أاووووف العد التنازلي بدى الله يستر ..


::::::::



بنت الغالي

يا بخت اخوج فيج... ان شاءالله تطلع خطوبته أحسن من ما تتوقعين...


:::::::::::


دوحانية

فديتج زواج مبارك يا رب والله يعينج ويعينا على المسؤليات الزوجية...

انا وياج ان صعب الوحدة تجهز عمرها على ذوق ريلهااا بس لي صار يزورها أيام الملجة جم مرة بالشهر ...ويصارحها بذوقه باللبس او بالمكياج او بالعطورات او حتى بالأكل بتسهل المهمة...


تصدقين

ذوقه عكس ذووقي بالأمور الشكلية بنسبة 80% ومضطره أسايره....

:::::::::

فراشتكم

شدي حيلج واهم شغلة لا تنسين الابتساااااااامة وتوكلي على الله..

موفقة ان شاءالله...


ترى ما بديت اجهز حاجة حق عرسي بس حجزت المكياج والشعر والحنة والتصوير وبس..


شهر 9 ببتدي اتشرى حق البيت ان شاءالله وبشوف لي زفة وبجهز حق الحنة..


وشهر 10 بروح دبي والسعودية عشاااااان اتجهز من هنااااااااااك....


وشهر 11 بدور على المصممين حق الفستاااااان وعلى محلات الكوش والطاولات....


وشهر 12 وشهر واحد بكون في غرفتي متوترة و أحااااااتي شهر 2 :(


بنااات


بالنسبة حق اضاء ة العرس أحجز شنووو بالضبط برايكم؟