الجزء الحــ11ـــادي عشر من تجهيزات عرايس قطر 2006

مرحبا ،،

وصبحكم الله بالخير ياللي قاعدين

اول شي احب أشكر بنت الغالي على هالمجهود الأكثر من جبار

صراااحه مب امقصره وبيض الله وجهج

وعسى ربي يعطيج على قد نيتج :)

ومبرووك لكل البنوتات اللي تزوجوا وانخطبوا واللي عليهم الدور شراتي الله يسهل امورهم

وعلى فكره انا متابعه مواضيعكم من قبل لا يتقفل المنتدى للتصليحات

وسافرت وتوني راده من السفر وقلت أكمل متابعه

بس هالمره قلت لازم أشارك حتى لو اني مب عرووس

لأني من سوالفكم أفدت واااجد من بنات عمي ورفيجاتي العرايس اللي مايدخلوون النت

،،،

مالكم بالطويله عاااازه

،،،

انا من شهر 6 وانا استخدم منتجات Biosphere للعناية بالبشره
من الأرض الطيبه اللي بشارع النصر

مدري سمعتوا عنها ولا لا
واللي جربتها شرايها فيها؟؟

لأن بنت عمي عروووس و ودها اتجربها ومتردده شوي ،، خاصة ان أسعارهم شوي غاليه وهي مستخسره
اتحط فلوسها بهالكريمات

وهذا موقع الشركه اذا ماعرفتوا عن وشو اتكلم

http://go.3roos.com/8zo8Sb537DJ


وسوووري عالاطالة

عاااد تدرين

انا خفت من هالشي اول الاياااام

بس مع الانتظام عليهم حسيت ان وجهي تحسن وااااجد

يعني صج انهم لبنانيات ويبيعوون كلام بس الكل املاحظ ان وجهي امنوور ومتغيره

يمكن لان نفسيتي كانت زفت والحين صرت أوكيه خبرج هذا كله يأثر عالبشره

بس نصيحه مني لكل ابنتوتااات عروس

سواء كنتي عرووس أو مب عرووس

لا تهملييين نفسج كلش ش ش

ماتدرين شيصير بالدنيا وبين يوم وليله يقولوون عقب شهرين عرسج

شيرقعها هاذي عاد

لأن من تجربه

بنت عمي مسكينه زوجها يبي العرس بشهرين

وهي توها امخلصه ثنويه ويبيلها سمكررره من فووق لين تحت

عالعمووم مشكوره على التواصل خيتوو

وصباحج سكر

عمري قطر

طرشتلج رقم هنا خاص

وسوري ماعندي الباقي :)


وأشكرج على تفاعلج معاي بموضوع البايوسفير :)

هلا أختي دلوعه

أنا معاج بهالشي

امي رافضه رفض قطعي انها اتعامل معاهم لأنها مدمنة كنيبو

وخالاتي اللي اهديتهم جلسات فيشل قالوا ان المستحضرات عاديه

يمكن لأنهم يستعملوون ماركات ثانيه وزادوا عليها البايوسفير

ورفيجتي اللي أهدتني الجلسه

هي وبنات خالها كلهم يستخدموون هالمنتجات ويمدحوونها

بس يبيلها وحده تلتزم بالجدول اللي يعطونها اياه ولها بااال

ولو تدرين شمسويه بتضحكين علي

أنا امصوره وجهي قبل :dd:

وكل اسبوعين اصور صوره جديده

>>> الا اتحلل اللي ادفعته :confused:

والحمدلله

ألاحظ تغيير وفرق باستمرار

وان شالله أوصل للنتيجه اللي أبيها :)