الجزء العاشــ10ــر من تجهيزات عرايس قطــ2006ــر

بنت..الغالــي..


لات خافين..بسوي باشلر بارتي..وبترقصين فيها!!..خخخخخخخ...(اختربت البنت!)..


والله العرس سنداره ...ابي اعرف انا من اللي اخترع سالفه تزيين الطاولات...والقاعه وهالسوالف!..يبيله طررررررراخ.. على راسه!!...


الله على ايام اول..يوم العرس في البيت..والطقاقات...والدزة..وهالسوالف!..(شدراج!..لاتكونين كنت عايشه ايام عرس امج وابوج!)...

امس رحت باريس غاليري..سويت تنظيف بشره.. هم معاملتهم حلوه صح.. بس التنظيف مومثل ما كنت متوقعه على المدح اللي سمعته عنهم...بس يله.. كانت تجربه حلووه..الواحد حلو يروح ويجرب بنفسه..


ووو..بس هاي مغامراتي لحد الحين...

[grade="FF1493 00BFFF 800080 DEB887"]السلام عليكم بنااااااااااااات


اختي حبيبه مها بخصووووص الديجي انا اتعامل مع وحده واايد اوكي الديجي مالها بطرش لج رقمها على الخاص وتسويه لج 1500

وبخصوووص المسكاات انا وحده من ربعي سوت مسكتها عند الوان الخليج اللي صوب اشارات السينما .. كاااااانت وايد حلوه وتقووول ان ما كلفتها وايد



والشبكه فيه محل فالمطار مال تغليف هداايا وااااايد حلو تغليفه ودي له الشبكه واهو بيسوي لج حركاااات عليها


بصرااااحه ناسيه اسمه اعذريني بس:sad: :sad: بسال عنه وبقوولج عنه :shy: [/grade]

لالا مابي ميس انجر ابي اشوووفج بفستان العرس وافرح فيج >> امج

شخبار تجهيزات الخطوبه خلصتي منها ؟؟؟؟؟؟؟

بالنسبه للاكياس مالت الملابس تنباع في الرونق وتنباع في محلات سينيه..

اي..خلاص..الحمدالله خلصت..


مليت وانا انطـــــر!...فستاني..معلق من متى!..تملللت ابي البسه!

السلام عليكم ورحمة الله وبركاته


بالنسبه لعطر كارتير موجود من زمان نا شاريته من هني

واكياس الملابس اخوي جاب لي من دوبي قال له ابي اكياس نفس اللي تحط الثياب قال له كم حبه قال ابي كميه كبيره


قال انا اتعامل مع مصنع ويبيع بالرول فيه 200 كيس ب 46 ريال


وجاب لي رول كامل :)

بنات محد رد علي ابي وحده تجيني القاعه تسوي لي مناكير يوم العرس

شموخ

في هنديات يجون البيت يسوون بس ماعرف اساميهم :)
اتذكر مرة اختي جبت وحده من زماااااااان

بس ترا تقدرين تكلمين الصالون اللي تتعاملين معاه وتخلين وحده منهم تجيج القاعه
اكيد السعر بيكون اغلى حبتين

جاك ديسانح حلو
ودايموند بعد حلو

السلام عليكم شخباركم بنات .. ؟

دلووعووو الحمدلله ع السلامه نورتي الدوحه حبيبتي

بنت الغالي عطر كارتير موجود ف الدوحه من فتره ..ترجعين بالسلامه يارب ..

شموخ عنادي نفس ماقالت لج نور كلمي الصالون الي تحبين شغلهم واكيد عادي تجيج وحده بالقاعه .. شوفي نيلز أو باريس نيلز .. الماجده شفت مره وحده تسوي فرنش حلو مرتب ويطرشونهم اذا تبينهم عادي .. دايموند جربته مره الي سوت لي جرحتني شوي واصيح بس الي سوت لبنت خالتي كانت زينه لكن ترا ادواتهم مو معقمه .. وهالشي مضر ومو زين .. حلاتها الادوات تنفتح من الكيس قدامج ..

دوحانيه ولكمووو وألف مبروووك الحمدلله انه كل امورج تمت ع خير والله مستانسه لج واايد ..

بانتظار كلاسيييك تطل علينا والعنود وباقي البنات الي تزوجو ..

حبيبة امها ولكمووو حياج والف مبروك لج وللبنات الي انظمو للموضوع .. احس ماله داعي تحطين ستيج بالبيت .. بيضيق المكان وتحسين مبالغه شوي ..

بنات اذا وصلكم رقم ناديه ارسلووه لي "حشره مع الناس عيد " :$ ..

شموخ...اذا عرسج في الشيراتون مثلا...عندج الصالون الي بالفندق..خل وحده تجيج...واذا تبين وحده فنانه...طلبي من باريس نيلز...وايد شاطرين في المنيكير...وادواتهم استخدام واحد بس وايد اوكي...حجزيلج وحده وبتجيج

مشكورين على الردود بخصوص اكياس الثياب :)

عندي سؤال ثاني.........شنطةالمكياج...ابي شنطة حلوه ..ماحصلت...ماحب الشناط الحديد :( شكلهم لوعه مابيهم...محد يعرف وين اقدر الاقي شنطة مكياج كيوت وحلوه؟؟

لقيت وحده في ميلانو...بس شكلها مالت يهالوه خخخخخخ بيضا وعليها رسومات ماعجبتني كلش...حسيتها صج مالت ياهل

اذا تعرفون قولي لي بليز ابي اشطب على مشترواتي واتفرغ لجسمي وشعري

تسلموووووووووون حبيباااااتي ما قصرتووووووو

والله يعطيكم العافيه

بنت الغاااااالي

تسلمين حبيبتي اقنعتيني اني ما اضيف ستيج الله يوفقج ان شاء الله

وان شاء الله ما احتار في المسكه بشوووووف الله يعينا ان شاء الله ..


الحلم الهادئ تسلمين الغاليه

اي عارفه حبيبتي ان ستاند الشبكه على اهل زوجي بس زوجي قالي اختاري الي تبينه

وقولي لي اسم المحل وهو الي بيروح يجيبه بس انا على الاختيار يا قلبي >>>> هههههههه يدلعني يبي كل شي على ذووووقي يخاف ذوقه ما يعجبني ههههههههه

جربيرا حلووووو خلاص بروح له بشوف والله حاطه في بالي رويال فلاورز بس بشوف من يعجبني اكثر احس هاي الي رويال فلاورز بياعه كلام عوووورت راسي الله يهديها الا تقنعني بلي عندها

سبحان الله انا شفت محل المني بس ما تشجعت اروح له من المحل شكله صغير بس والله ارووووح ليش لا وباتصل الدر المنثور تسلمين يااااااااا الغاليه

pinky-qtrتسلمين يا الغاليه والله

شفت الرساله بس ما قدرت ارد مشاركاتي شووووي :sad:

تسلمين يا الغاليه بس الوان الخليج تعقدت منه لان اقل كوشه عندهم للخطوبه ب 7000 ما يستاهلون الصراحه

تسلمووووووووون حبيباتي والله ما قصرتوا يا بنات بلادي الله يحفظكم ان شاء الله ومنكم نستفيد

والله يوفقكم يا رب ..

RoO7 QtR تسلمين يا الغااااااااليه

والله اقنعتوني اني ما اروح واضيف ستيج احس صج بيطلع مبالغ فيه وبيضيق المكان شكل راي اهلى بس حسيت انهم ما يبون يخسروني ولا انا عادي بادفه ههههههههه

تسلمون حبيباتي ..

الحلم الهادي انا عجبتني شنطة المكياج مالت ماك بس سعرها وايد مبالغ فيه 4الاف وشي

انا حطيت مكياجي ف شنطه جات مع طقم دلسي

انا ماخذت الطقم كامل خذت الصغيره الترولي وعاها شنطه تحطينها عليها من فوق وايد حلوه للمكياج


بتلقينها في السلام

السلام عليكم حبايبي شلونكم وحشتوني وااااايد .............

الحلم الهادي..


في ماركة بوت اللي في فيسيز,,, عندهم شناط بنوتيه حلوة..تحسين فيها دلع.. بس ترى مو حديد..

ان شاء الله يعجبج

مس انجر...عندي شنطة بوت...بس اللي اقصدها اكبر وللسفر يعني اجمع فيها كل مكياجي واوديه معاي

الحمدلله وحده نصحتني اروح الشاهين :) ولقيت وحده حلوه...مربعه..وجلد احمر والهندل بالاسود...شكلها وايد مرتبه...ومن داخل مخمل وفيها مرايه وعريضه تشل كل مكياجي

حلوه باليد للسفر :) وسعرها فضييييييييع 37 ريال خخخخخخخ ولحقت على اخر حبه منها

عندهم بعد انواع ثانيه بس مادشت بمزاجي

ثانكس بنات على الردود ماقصرتوا :) لاخلا ولاعدم وااااااااايداستفدت منكم

السلام عليكم ورحمة الله وبركاته

هلا بنات شلونكم؟؟
واااي واااااااااااايد اشتقت لكم ولهذرتكم الحلوة؟؟
بس شنسوي ظروف الوقت
عرسي قرب ..السبت الجاي ادعو لي يا حلوين

حبيبتي دوحانيه
هلا فيج حبيبتي والله استانست على هالطله الحلوة
ههههه اصدقين صورتج الرمزيه عبرت عنج اكثر من ردج
الله يهنيج حبيبتي ويسعدج دوم دنيا واخره

المهم بقولكم شسويت في الفترة اللي راحت

المسكة
رحت اول شي كازفلورا بس عقب ما ذموه البنات كنسلته
بعدين رحت ميغا مارت بس ما ارتحت لهم ما ادري ليش؟؟
وتضايقت حدي حتى قعدت اقول لأختي ما ابي مسكة خلاص<< البنت ينت
المهم بالصدفة شفت محل جيربيرا وتذكرت ان في بنت امدحته وجزاها الله خير
الصراحة اول مرة ادخله بس صج شغله حلو
والحمدلله لقيت المسكة اللي حاطتها في بالي بنفس الالوان اللي ابيها على طول حجزتها
والحمدلله افتكيت من المسكة << باركوللي

البطاقات
احترت في البدايه شلون نكتب عليها الاسامي بخط اليد عند خطاط ولا بالكمبيوتر
وقلت بسويها بالكمبيوتر بس ما كنت احب الليبل"الطابع " الابيض على البطاقات
رحت شريت ليبل شفاف بتلقونه في جرير
وبعدين رحت ابن القيم وعطيته الاسامي ..جدني كاتبتهم
واخترت خط عجيب.. وخليته يقص الليبل على قد المساحة الموجودة
والحمدلله طلعت البطاقات فله

الزفة
انا ابي زفةاسلاميه فرحت المنى وحجزت عندها الدي جي
بنات هي في البداية بتقولج ب 800 بس والله كاسرتها وعطتني الدي جي ب600
بس ما خذت من عندها الزفة
اليوم بكلم واحد في السعودية والله يستر
ما بقى وقت

التراشي او الشغابات
ابي ترشيه حلو ة حق العرس فيها كريستال
رحت ورد العرايس ما حصلت شي
بس اليوم بروح سيدة لندن اللي في السيتي خالتي امدحتها لي وبشوف
ان شاء الله احصل شي

وللشعر
للحين انا محتارة ما ادري اخذ تاج ولا اكسسوارات و لا ورد
بشوف اذا لقيت شي حلو بعلمكم

امممممممم بعد شبقى......
اي جاتني قصيده هدية من وحده من أهلنا في البحرين
وخاطري احد يلقيها في العرس
قلتلها تلقيها هي قالت تستحي
اتصلت في الطقاقات اشوف عندهم وحده تلقي شعر ..قالوا ما عندهم
دورت بين ربعي محد يبي يلقي الشعر
وين اروح..ما ادري..



المهم

"أحبكم في الله كلكم"

البنفسج :) جربيرا شغله حلو...الله يهنيج يارب وتتوفقين ياقلبي .......انشاء الله يطلع العرس احلى من ما تتمنين

السلام عليكم ورحمة الله وبركاته

الحلم الهادي
هلا حبيبتي
انا لللحين أقرا في الردود وشفت سؤالج عن شنطة المكياج
انا خذت لي من مايك اب فور ايفر جات هدية مع اغراضي حجمها متوسط وحلوة
وشفت بعد في باريس غاليري ما ادري هذا النوع يعجبج ولا لا

وعلى طاري الشناط يا بنات
خذيت شنطة للذهب والمجوهرات من بدون اسم وااايد حلوين
وبعد خذت من عندهم صندوق للساعات حلو
وعطاني شنطة صغيرة للذهب هدية خليتها للسفر

مكياج الحنه
الصراحة بنات ما تقعت مكياج الحنه العادي الناعم يطلع سعره جذي
اتصدقون ب 500 والالف شدعوه
كلمت اللي عطتني اياها "اماكن قطر" شيخة وقالت لي ب 180 بدون رموش و200 برموش
على طاري الرموش ..بنات هو حلال ولا حرام
انا سمعت انه يعتبر من الوصل صج ولا لا

مكياج الصباحية
حجزت مريم هي للمكياج والشعر بنفس الوقت

المانكيير والباديكير
بنات وين مكان باريس نيلز
وعلى كم اسعارهم

السلام عليكم ورحمة الله
سمحوني اني ما اكتب بس لو شفت حد كتب شي اقدر افيد دخلت

غاليتي البنفسج الله يهنيك ويسعدك
ما دامك تتحرين الحلال من الحرام الرموش من الوصل وما يجوز استخدامها
حتى بعض الكوافيرات تحشو التسريحه بشعر بعد من الوصل
ومن يتقي الله يجعل له مخرجا
فرحتيني بسؤالك جزاك الله خير

حبيبتي البنفسج شوفي ((تذكار للإنتاج الفني)) من فترة كانوا مسوين زفة حق وحده في سي دي اهما مسوين كل شي القاء وتأليف وبعد حطينهم في سي ديات وحاطينهم كتوزيعات والسي دي مغلفينه والسي دي نفسه على ديزاين نفس تصميم البطاقة