الجزء العاشــ10ــر من تجهيزات عرايس قطــ2006ــر

لا بريلو مب الي فبالي هههه تاكدت لما قرريت ان اختج معرسه :)

برايد ويه !! ههههههه اقول راسليني عالخاص

عصفورة

حبيبتي لاتحاتين
انتي رتبي امورج
وسوي لستة بالاشياء اللي خلصتيها
ولستة حق الاشياء الناقصة

اذا رتبتي شغلج من الحين صدقيني ماراح توهقين عقب

ولا تحاتين ترا لين شهر 11 في وقت كافي وتقدرين تسوين اشياءج كلها

انتي قولي لنا في شنو محتارة وبنساعدج

انا نفسج بس شهر 12

شوفي موضوع دوجانية اللي هو طريقة توزيع المهر وطريقة الاظرف ترا وايد تخلي امورج مرتبة وتسهل عليج كل المهمات

انا الحين باقي لي الفستان :(
وبسافر دبي الاسبوع الجاي باخذ لي ملابس وقمصان نوم ومخلطات وبخور وهالامور بحاول اكملها هناك عشان ارتاح
ويمكن افصل لي عبايات هناك بعد وكمن شيلة

ترا والله امور العرس اشوفها سهلة ومافيها صعوبة الا في اختيار موديل الفستان يمكن هاي اصعب شي واجهته :(

امور تجهيز القاعه ترا في يوم واحد بتخلصينها
حتى التصوير

انتي اهم شي اعتني بنفسج وببشرتج وجسمج ونفسيتج
والامور الثانية سهالات ان شاء الله

الله يوفقج

عصفورة قطر انشالله كل شي بيكون كااامل لاتخافين بس انتي رتبي امورج حبه حبه وحاولي تسجلين كل شي لاتنسين ...

تصدقون بنات...


ترى انا قبل كنت احاااااااتي..|وحالتي حاله...

بس تدرون مع اني بنت وبروحي وماعندي خوات... بس احس اني فديتني!<<< لحد يمدح روحه!..

ماشيه تمام.. وتبون الصج انا حطيت في بالي اني استمتع في كل شي.. اسويه.. واخذ الامور ببساطه...

اليوم رحت هديارد.. وطلبت حلو للتزويعات...

والموالح... خذت لي من الاليززيه..كروسان ..وسندويشات صغيره...


وووو..رحت لكرستال مرة ثانيه..وطلبت ميمي...الفلبينيه لاني شفتكم تمدحونها وايد... والله كريم!..

بس المشكله البوماتهم ما اعجبتني وايد... حسيتها عاديه..لان انا مو طالبه الالبومات الكبيره..بو 8 افلام!!... بس 4 افلام.. فالصغار مو ذاك الزود..قلت بصبر خلني اشوف..يمكن تجيهم طلبيه جديده..


وووصح!.. بالمره مريت على محل صبغ!..<<<اجهز من الحين حق بيتي!!..خخخ حار بحااار!

[QUOTE=دوحانية]هلا بنات .. اشلونكم ..

::

شموخ عنادي ..

قولي والله !!!!! و اشرايها فيني ؟؟ خخخخ لا بجد شقالت لج ..

::

هلا والله


تقول العرس حلو وهادي

مثل عرس ولد خالتي


تدرين انكم جيراننا وامي رفيجة امج؟؟؟؟؟؟؟


بتكونين موجوده تاريخ 24\8 عشان تحظرين عرسي؟؟؟؟؟؟


ومسكتج راواني اياها اللي في الميغا مارت رحت ثاني يوم اشوف راواني وحده اوف وايت قال امس مسويها :)

ثانكس بنات والله ارتحت ...
اليوم اتصل لي مال الزفه لوع جبدي يبيني اروح له اليوم لانه بكره بيسافر .. قلت له مابي ... سمعني بالتلفون يتشرط الاخ
المهم .. بنات .. انا عرسي شهر 11 ابي اسأل !!!
الميك اب اشتريه الحين ولا شهر 10 لان انا بسافر الحين بس يقولون ان الميك اب اخر شي ولا انتوا شرايكم؟؟

مرحبـــــــــا بنــــــات ...

شلونكم؟ ان شاء الله طيبين ..

مس انجر،، حياتي، عيوني دمعت يوم شفت كلامك .. تعرفين صديقتك حساسة :'(
الله لايحرمنا من بعض :)

بنت الغالي،، حبيبتي انا اعرفك ... لكني شفتك بس مرة ف حياتي .. مادري تذكريني والا لأ :)

عمري قطر:
مسكتي سويتها عند المناسبات غريبه وراقيه ومميزه

:sad: محد رد على سؤالي غير عمري قطر ،، انزين أسعارهم شلون ؟


انزين شرايكمـ في (ريفيرا) ؟!

عمري قطر:
مسكتي سويتها عند المناسبات غريبه وراقيه ومميزه

عمري قطر ممكن اتحطين صوره مسكتج
اواتطرشين لي الصوره عالخاص

الليازي انا رحت الريفيرا ومسكاتهم حلوه بس مو ذوقيواسعارهم اظن اي مسكه كبيره والا صغيره ب 500
اللي عند المناسبات اعجبتني اكثر شي صج مميزه وخليته يركب لي عليها ورود نفس اللي بالفستان ونازل منها زجاج ملفوف بخيوط صج شكلها مميز وغريب واسعارهم من 1000 وطالع

اشجاني فديتج لو المسكه عندي جان صورتها بس انا عطيتها للي شرت فستاني
روحي المناسبات بتلقينها عندهم بالكاتلوج وهي فعلاااا مميزه وما شفتها من قبل

عمري قطر:
الليازي انا رحت الريفيرا ومسكاتهم حلوه بس مو ذوقيواسعارهم اظن اي مسكه كبيره والا صغيره ب 500
اللي عند المناسبات اعجبتني اكثر شي صج مميزه وخليته يركب لي عليها ورود نفس اللي بالفستان ونازل منها زجاج ملفوف بخيوط صج شكلها مميز وغريب واسعارهم من 1000 وطالع

هلا فديتج عمري قطــر .. تسلمين يالغاليهـ عالرد :shy: ..

وبخصوص ريفيرا أنا اليوم اتصلتـ فيهمـ وبالفعلـ قالت لي أسعارهمـ تبتدي من 500 وطالع

وانا في خاااااطري تكون بالمسكهـ كرستالات يوم قلت لها تسوون قالت لي لا إنتي تجيبين

كرستال وحنا نحط لج :sad: قلت بقلبي صج عباااااله وبعدين تبين الصــراحه أنا ماجفتـ

التشكيلات الموجوده في ريفيرا و المناسبات من جذي أسأل اللي جايفين ..


اللهـ يعين إن شــاء اللهـ ..

وتسلمين مرهـ ثانيه فديتج ..

بنالت شرايكم بمكياج


مريم فلامرزي ؟؟



حلوو وشلون رسمة العين عندهاا ؟



ومكياج اشواق اعتقد الحامدي شي جذي


شرايكم في مكياجهم ؟

هلا بنات

في محل اسمه سوان في شارع النصر يسوي مسكات حلوه

وبخصوص التاج محل داليا في طريق سلوى و ورد العرائس عنده تيجان حلوه

مرحبا ..

يحليل سوالفكم ..

عصفورة ..
حبيبتي ترى التجهيز ما فيه شي كللللللللللللللللللش كل شي تقدرين تاخذينه و تخلصين .. انتي بس رتبي نفسج و كل بند تخلصين منه اشطبي عليه و الله يعينج : )

..

نور الدوحه

بتاخذين جاهز ؟ اقصد الفستان ..
إذا بتجين دبي في محلات وايد اشوف عندهم فساتين سهرات و عرايس لكن مادري عن النظام عندهم اشلون ..

..

شموخ عناااادي ..
هاااااااااااااااا قولي والله !!!
زين قولي لي من أنتي على الخاص ..
يا محاسن الصدف.. و خسارة ما جيتي مع الوالدة .. : )

,
,

بطرش لج ايميلي ضيفيني:)

عيوني ذباحه:
بنالت شرايكم بمكياج


مريم فلامرزي ؟؟



حلوو وشلون رسمة العين عندهاا ؟



ومكياج اشواق اعتقد الحامدي شي جذي


شرايكم في مكياجهم ؟

مريم فلامرزي اخبر انها دكتوره هههههههه شوداها للمكياج

واشواق ان كنتي تحبين ستايل دينا وعبير هاي هو ستايلها ووووو وموفقه انشالله


دوحانيه شخبارج حبيبتي .... يالله باعطيج شهرين و لا ثلالثه بالكثير ووو عقب بانطرج في القسم ...^_^

هلاااااااااااا عراااايس شلوووونكم ؟؟؟ ان شاء الله طيبين

بنات حبيت اذكركم حاولوا تخلصون تجهيزكم مابقى شي على رمضان والعيد والاسياد بعدين بتصير الدوحه زحمه اكثر وبتلوع جبودكم من الطلعه