الجزء العاشــ10ــر من تجهيزات عرايس قطــ2006ــر

سوي الفيشل الحين...عند المغربية "لبنى" بس اتصلي لهم احجزي لان عليها طلب وايد

ولاتخلينها تسوي لج الحديده ...قولي لها ابي تنظيف بس بدون استخدام الحديده...لان اخاف يتحسس ويهج والا شىء

وبالبركه انشاء الله :)

حق الفيشل

الصراحه عن تجربة

مافي احسن من سناء في صالو الريفيرا

تنظف الويه تنظيف عميق وبرقة وتطلعين من عندها ويهج حلو وبدون حبوب ولا مشاكل ثانية باذن الله

باريس نيلز مادري عنه الصراحه ^_^

وييييييي

تذكرت

اليوم مدام سناء بتسافر وبترجع بعد 15 يوم ^_^

بس في وحده ثانية هناك بعد تسوي تنظيف

شلونكم حبوبات ؟؟

بنات بسألكم ... العروس كم عبايه تفصل ؟؟؟

لان بسافر الرياض وشكلي بفصل هناك بس ماعرف كم وحده !!!

عصفورة

لازم تسوين نوعين من العبايات ... عبايات كششششششخه حق مناسبات .. وعبايات استعمال عادي حق الطلعات الخفيفية او الزيارات الخفيفة

العبايات الكشخه اتوقع 2 او 3 كفاية

والعبايات الثانية نوعي بعضها بسيط وبعضها كشخه متوسطه
يعني 4 جذي


انا في رايي العبايات اهم شي لانج لو بتزورين احد مايشوف غير عبايتج وشنطتج وصندلج وشغاباتج وخواتمج ^_^



....وننتظر ردود عرايسنا اللي عندهم خبرة ....

عصفورة...لاتكثرين لان كل شوي تنزل موديلات جديده ! فبتتمللين منهم عاد خاصه العبايات كل يوم هابين بموديل جديد ماتلحقين عليهم خخخخخ

خذيلج وحده كششششخه من قلب

وسوي لج 2 وسط...يعني شغل حلو على الكم والجوانب مثلا

وخذي لج 2 ناعمين حق الطلعات الرسمية اذا تدرسين او تشتغلين

اتوقع يكفي :)

صح كلام الحلم الهادىء ..

لاتكثرين بتلوع جبدج من العبي ..

وكثري من الشيل الملونه مكسيهم مع العباه الساده ..

والله يهنيكم ..

هااااااااااااااااااي بنات
اول شي الف مبروك حق العرايس كلللللللللللللللللللللللللللللللللللللللللووووووووووووووووووووووووي
وبغيت اسألكم عن مكياج ميرا اللي كانت في صالون دانيال بجاني
عرس رفيجتي بعد اسبوع ، انا ابي مكياج ناعم كلش مااحب الثقيل
اللي يخليكم طمنوني

السلام عليكم و رحمة الله و بركاته

مرحبا بناااات و عرايس .. مساكم الله بالخير..

اشلونكم ؟؟؟ و حشتووووني موووووت .. كان خاطري اسلم عليكم قبل العرس بس للأسف الجزء التاسع تسكر و العاشر ما انفتح .. بس الحمد لله اللي شفناكم ..

الله يبارك فيكم كلكم .. و الله إنكم دوم على بالي و توقعت إن نور الدوحه بتنقل لكم التفاصيل و جزاها الله خير ما قصرت ..

المهم انا مش موجودة في البلاد حالياً لكن لقيت نت في السويت قلت فرصة اسلم عليكم .. و أطمنكم و اعطيكم التقرير كااااامل ..


القاعة : الريفيرا ,,, و الحجز كان لـ100 شخص لكن اثراحة العدد اللي حضر أكثر بواايد فاضطروا الجماعة يطلعون كراسي زيادة ..

المكياج : نادية اليهري .. تبون الصراحة فنانة ما شاء الله عليها .. ما اقول لكم كنت متخوفة منها الا مطمنة وايد و الحمدلله كان مكياجها فوووووق المتوقع و روووعة بصراحة .. و مكياجها للعروس وسط لكن رسمة العين و البودرة شي عجيب .. و المكياج فن ..
انا بغيتها تحط لي من الوان الطاووس .. النيلي و الأخضر الزاهي لكنها ما انصحتني به و خليتها عقب على كيفها بس استبعدت الوردي لأني ما احبه ..
فحطت لي الألوان ماروني و لحمي و من هالدرجات لكن الوانها عجييييبة و الأعجب رسمة العين ..و تراها راقية في تعاملها و تريحج على الآخر .. بس كان حلو وايد غيرني .. حتى بنات خالتي يقولون لي طالعة تشبهين زينب العسكري :)

الشعر : نجوى و سوت لي تسريحة عجيبة غريبة و الطرحة حطتها غير اللي كنت متوقعتها .. و قالت لي اجيب لها مثل وردة نجوى كرم كبييرة من ذا ون .. وحطتها في شعري على جنب بطريقة روووعة ما بين حجمها ..

المسكة : ميغا مارت كانت اوف وايت روز و ليلي و ناعمة وايد ..

الفستان : كان راقي و محتشم و مميز ..

الدي جي : أميرة .. و الزفة من عندها بعد و كانت باسمي ..

الكوشة و الطاولات : اكسوتيكا .. و كانت وايد ناااعمة كلها تور و هي اوف وايت بعد.. و على فكرة ترى الكوشة اول مرة تتنفذ و الحمد لله مثل ما توقعتها مع اني كنت متخوفة شوي ..

التصوير : احلام و ذكريات للفوتو .. و الفيديو اون لاين بس لين الحين ما شفت الفيديو و الله يستر منه ..

باكمل لكم عقب إن شاء الله .. : )

الف مبروووووووووك دوحانيه الله يوفقج انشالله

بنات بغيت منكم رقم ناديه اليهيري لو تسمحون

Qatars Bride + الحلم الهادي..+ نور الدوحه


مشكورين حبابي على تجاوبكــــم.


وشو بعد حديده!!...وي وي وي!!... داشه حداد انا ولا صالون!..


اي..بنوتات.. انا خطوبتي.. بالمختصر اللي بالريتز.. يقولون ما تحتاجين للـ Cat walk!>> احس ما يصير..قاعه..من غير ستيج!!.. ما يصلح..ولا شرايكم؟؟؟..


انا ماشفت القاعه من قبل..بس تهقون ممكن استغنى عن الستيج؟؟؟... انا احسها بتطلع كانها غرفه نوم من غير سرير!!!...


ابي نصيحتكم!

رجعنا ^_^

الله يبارك فيكم ..

بخصوص الولادة خخخ آآآمين يا رب ..

أكمل لكم ..

في الصباحية صار لي موقف .. و الخطأ مني .. يوم حجزت مكياج عند ميرا لثاني يوم موعدي معاها الساعة 3 و جيتها 3 و نص في بيت هلي .. و اضطرت تروح عني المفروض كنت احجز وقت ثاني او انها تجيني البيت او اجيها بدري و توهقت بصراحة لين ما لقيت حنان و جاتني مكيجتني و كان روووعة بصراحة حتى اهل ريلي كان عاجبهم .. حطت لي مارون و اصفر و ذهبي .. و نجوى سوت لي شعري بعد و كانت تسريحتها خطيرة بصراحة و لأن ما عندي إكسسوارات حق شعري .. فخذت باقي القماش و كان دانتيل ماروني قصقصته و حطته مثل الربطة و دخلته بين شعري ..
يعني اللي بتاخذ نجوى تسوي لها شعرها ما راح تندم : )

نصييييحة ردود قطر الله يعطيها العافية خزنوووها و امشوا عليها خاصة بخصوص الأغراض اللي تاخذونها لأن تقريبا كل حاجة بتحتاجونها و بتستخدمونها .. حتى تذكرتها يوم قال لي ريلي ما شاء الله كل شي القاه عندج لووول ..



نشوفكم على خير

مساء الخير على كل الموجودين ........


حبيبتي الحلم الهادي الدر المنثور موجود في الغرافة صوب الدجاج الحار تمشين سيدة اخرالمحلات بتلاقينه قدامج وراعية المحل اعرفها زين واسمها منى واللله هي طيبة وحبوبة ورووووعة في المعاملة وعندهم تزيين الطاولات ب 280 ريال وشغلها كله تيبه من الامارات والصراحة شغلهم رووووووووووعة في كل شي واهم شي عندها رضى الزبون ..........الله يوفقج يالغالية ..........

..
دوحانية ...عودا حميدا يالغالية ..........

هلا دوحانية :) ياحليلج والله طليتي علينا ...الله يهنيج يارب.........شجعتينا وايد على نجوى مع اني حاجزة مرسيدس !

بنات حد عنده رقم نجوى؟؟ (( وحده ناويه تغير خخخخخخخخ))

لا صج اللي عندها تطرشه لي :) اذاقدرت بحجزها وبخلي مرسيدي لربعي واهلي

مس انجر........وايد تحنين :) يمه الحديده اللي يضغطون بها على الحبوب "اذا فيج حبوب" عشان يطلع اللي فيها !

فيه بعضهم يستخدمونها وتترك اثر ...وفيه بعضهم لا ........بس حتى دكاترة الجلد اللي يسوون تنظيف يستخدمونها بس مدري احس الافضل بدونها ! خاصة ان عندج مناسبة مهمة ومافيه مجال للمخاطره باي شىء جديد على بشرتج

انزين انتي دام عندج كوشه...لازم يكون عندج ستيج وكات ووك.....شلون جذيه قالوا لج؟؟؟ غريبه !! احس مب طالع حلو

حني عليهم وقولي لهم لازم كات ووك متصل بالستيج مال الكوشه


مملكة النحل :) مكشورة حبيبتي...دليته...وفعلا هي ذوق وحبوبه ومريحه بالتعامل واسعارها حلوه فعلا

دوحانيه

الف الف الف مبرووووووووووووووووووووووووووك حبيبتي وبالتوفيق انشاءالله وبتوحشينا

ميس انجر

بتسوين خطوبه فالريدز شخليتي للعرس انا اقول لو تسوين شي ناعم يعني اوكي بالريدز بس الكوشه تكون بسيطه مب دفشه والعرس تكون افخم وافخم ومع ستيج وجذي انا نفسج كانت خطوبتي فقاعه بس ماسويت ستيج خليته للعرس لوول

الحلم الهادي..

حراااااااام عليج والله ما احن انا... انا بس كنت اسأل.. وتابعي مشاركاتي.. مو من النوع اللي كل يوم ناقز يبي رقم ولا شي!!.. وللللللللللللللل مايسوى علي هالسؤال!!!...طلع من جبدي!.....بس وراااج وررااااج... انتي بالذات بحت على راسج صبح وليل..بسالفه ومن غير سالفه...



فراشتنا الحلوة..

شاسوي فديتج...مدلعه!.. وحيده امي وابوي!!... بس لا والله انا ما كنت ابي كل هالسوالف!.. بس بيتنا مافيه مساااحه..ما يكفي المعازيم ما شاء الله!!!!..

وشلون كان عرسج من غير الستيج؟؟... انا كلللللللش ماب داخله براسي هالفكره!!!!