الجزء العاشــ10ــر من تجهيزات عرايس قطــ2006ــر

حبايبي بتروحون بيوت جديده عندكم فايض قطع وايد مجالها الصدقه
زوروا هالرابط
http://www.3roos.com/forums/showthread.php?t=189988

بنفسج قطر...ولكل العرايس,,

معليه هو موضوع تكلمنا فيه من قبل.. بس ما ادري..ليش اشوف البنات طايحين في الشغابات الكرستال..!!!!....

انا ترى اعرفهم.. اللي يجون كبار.وكرستالات على الوان..بس والله حق عروس ما يصلح كلش..يعني لو انا بشوف عروس كاشخه.. بغظ النظر..مو وقت العرس..خلنا نقول بحفله ثانيه..او حتى بنت!.. ولابسه هالشغابات ..صدقوووووني..باتخرب!!.. وهالشغابات غاليه..مو رخيصه ..حرام اتغلون فيها..فلوس.. لانها تبين " اكسسسسسسسوااااااااااااااااااااار"...

يعني مو حلوه ...لابسه ساعه الماس..وخواتم الماس..وتجين على الشغاب..تلبسين اكسسوار!!...
انا قلت لكم راي..وانتوا كيفكم..


اي وتعالوا...اسمعكم تقولون شريتوا شنطة للذهب حق السفر!...ههههه.. من صجكم!!.. انا من اشوف وحده بالمطار ماسكه ريلها بيد..وشنطة ذهبها بيد اقعد اضحك!..وادري انها رايحه شهر العسل !! يمه انتوا بتروحون تستانسون.. يعني مو لازم تودين اطقمج كلها... اربع خواتم.. وساعه..وشغابين نعومين.. عشان تكشخين فيهم للبوا الشباب..ماله داعي تودين.. ذهبج كله!!!!!!!!!!!!...منو بيشوف اصلاا!!... وهالشيا تقدرين تحطينها بعلبه صغيره في شنطة يدج!... Take it easy!!!

وووشنو...شنوووو...


اي اذكر مرة طلبت منكم سبيس ام حمد القطريه... محط عطاني ويه! >>> محد مستغني عن ويهه!!..

ووو...رشحوا لي لمعه حلوه للجسم!.. ابيها على اللون الذهبي...لا تقولون لي ريفلون.. ما دخلت مزاجي وايد.. ما تبين.. عندي كريم ديور شيري..لمعه حلوه..بس لازم عشان اتبين واحد من الاثنين ..يا تتسبحين فيه...او توزعين على الناس..عدسات مكبره عشان اتشوفها..هاا.. عرايس..قولولي شرايكم؟؟...

انطر ردودكم

مســـــاء وصبــــــاح الخير بنوتات وعرايس:shy:

بصراحه انا مع miss enqerبخصوص الكريستالات المفروض

العرووس ماتفكر تلبسهم اصلا:gum:

وحبيت اسالكم اذا تعرفون حد يعطي دورات مكياج وشعر وبسعر معقول

يعني غير منيره الانصاري ومكياجها حلو وتعاملها راقي مع الناس

وياليت تجي البيت بعد<<<<< زودتها يبغيلي تصطر خخخخخخخخ

وبنت الغالي حبيبتي وين الفستان ماطرشتيلي صورته انا طلبته منج من قبل:sad:

في حفظ الرحـمن

الاميرة...


فكرتي تاخذين دورات عند ماك؟؟.... انا افكر اخذ عندهم خاصه انه مجربينهم من قبل.. يعني هي تجي وتعلمج على عين..وانتي تسويين العين الثانيه...

بس ترى ما اعتقد يجون.. انتي تروحين لهم.. ويعلمونج شي واحد بـ 90 ريال... يعني رسمه وحده للعين بهالسعر..

الا اذا تبين دانييل الحراميه..اتصلت ابي اشوف بس شلون اسعارها..جان تقولي الساعه بـ1000..قلت لها يعطيج العافيه البي!...وطرااااخ..سكرت التلفون...<<< مب صاحيه الف!.. ما دري شنو باتعلم!

مسـ أنجر هدي بالج حبيبتي ههههههههههههه


بنااات بخصوص شغابات الكريستال ترى مسـ أنجر معاها حق كلللش مب حلوهـ

عروس كاشخه ولابسه ومتعدله وبالأخير تلبس شغاب كريستال .. معله تلبس مانقول لاتلبس بس

لو تكون في مناسبات بسيطه معله ... وبعدين انا جايفه هالشغابات على بنات مو عرايس

يعني يفضل لو العروس تكشخ بـ ألماساتها وذهبها





وبخصوص الذهب اللي تودونه وياكم السفر ... ليش في بنات يودون بعد !!


أنا توني أدري أن لاازم نودي ويانا خخخخخخخخخ





بنااااااااااااااات باركووووولي أختي وامي اول امس وصلوا من الامارات سكتوو يابنات

يابولي خوووووش أغراض وبالأخص الشيل كل شيله احلى من الثانيه

أستخفيت عليهم وغير قمصان النوووم تهببببببببل


وإن شاء الله هالـ جم من يوم بروح أخيط لي فيهم عبايات .. بنات شرايكم بخياط [ حبايب ]

بالمنتزه؟! ... وخياييط بسوق أل أحمد ؟!!

الياااااااااااااااااااااااازي!..

اخبارج حلوه..وين غاطة انتي؟...


لا تخافين علي..مهديه اعصابي..بس والله احس احنا هني بالدوحه مقصه.. مافي عندنا شي اسمحه حمايه المستهلك!...


مبروووك حياتي على الاغراض الحلوه اللي وصلتج..تتهنين فيهم.. وتقطعينهم بالعافيه......

بالنسبه للخيياطه اللي قلتي عنهم..والله مالي خبره فيهم!... بس ترى سوق الاحمد احسه اوك.. يعني ساعات اشوف على بنات عبايات حلوه..لما اسألهم اتفاجأ ان من سوق الاحمد...


وبالنسبه للذهب..والله حتى انا توني ادري نفسج!...>>>> شكلنا انا وانتي نفس الطقه!..خخخخخخ

هههههههههههههههههههههههههههههههههه يغربل إبليسج



لا تخافين علي..مهديه اعصابي..بس والله احس احنا هني بالدوحه مقصه.. مافي عندنا شي اسمحه حمايه المستهلك!...




" عجبتني هالجملهـ هههههههه " فديتج واللهـ



اي والله تصدقين مسـ أنجر وااايد مستاانسه عالاغراض اللي يابوها لي كل دقيقه

أفتحهم أجيك عليهم وأدخلهم ههههههههههههه ...



وبخصوص سوق أل أحمد أنا مثلج والله أتفاجأ يوم اجوف عبي على بنات يوم أسألهم

يقولون لي من أل احمد ..


وبالنسبه للذهب..والله حتى انا توني ادري نفسج!...>>>> شكلنا انا وانتي نفس الطقه!..خخخخخخ


ههههههههههه والله إنج عسسسسل ..

حكت لي احدى صديقاتي تجربتها
انها سافرت الى القاهره وهي عروس وودت معاها ذهب عرسها عروس وتبغي تكشخ
وجاء ابن الحلال وسرق الذهب بعد ان شق الشنطه المغلقه بسكين واخذ الذهب واختفى
تقول من يومها اذا سافرت ما تاخذ الا ساعتها الي في يدها

ثرا برا قطر مب امان كيمرات تنسرق وكل شي

miss enger

حبيبتي انا ولا مره شفت مكياجهم بس سمعت عنه انه ناعم


وانــا اصلا احب المكياج الناعم وغير هذا اصلا احلى عليي المكياج الدفش

ما يصلح لي كلش:gum:

بس شلون يعني اروح لهم مره بس وتعلمني على عيوني غريبه مااعتقد بعرف


لان يبغيله ممارسه شوي :think: وبعدين شدعوه الف على رسمه عين وحده

بعد جان زين ثنتي <<<<<<<خخخخخخخخخ مب صاحيه دانييل


الليازي تقطعينهم بالعافيه حبيبتي

الغاليات خواتي صح ما فيه مراقبه على الاسعار ولكن حماية المستهلك يشكون ان هل قطر لو شروا شي خربان محد يشتكي والمحلات مستانسين
ثرا لهم رقم مباشر في وزارة الاقتصاد والتجارة وفيه قسم حريم
اي شي خربان اشتكوا وخذوا حقكم

حبيبتي ^^ مس انجر ^^ بخصووص لمعه الجسم عندج فالسلام منزلين ماركه جديده شريت منها بس والله ما اذكر اسمها >>>>>>> عيزااانه ادور حايس مع الاغرااض

وبعد عندج ايف را لوران لمعه سينما مالت الجسم وااااااااايد حلوه

وان شاء الله قدرت افيدج

ومن صجكم لازم اودي شنطه للذهب .... يبين علي مصرقعه مع شنطه الذهب في يدي

اشرااااااااايكم ؟؟؟؟؟؟؟؟

miss_engr:
بنات في محل..بالحسا في مجمع البستان...

للعبايات اسمه خط الازياء... مادري جان تذكرون من قبل عيد الاضحى جات مصممه سعوديه للعبي وعرضت عبيها في الشيراتون...

انا رحت وكل عبيها كانت بحدود الـ3000 وطالع... تصدقون بهالمحل لقيت نفس العبي..لا والكوالتي ما اكذب عليكم اذا قلت احسن ..لان كرستالاتها اللي كانت حاطتهم ما كانو ذاك الزود..بلاستيك من غير مبالغه... واسويت عنده اغلى عبايه ..وكانت بـ1500.. وترى بنات قطر كلهم طايحين عنده..


وعنده ترى تشكيلات حلوه..والخلق بعد حلو مب اي كلام..وهو فرعه الاصلي بس بالرياض...بس فاتح بالحسا بس حق اهل قطر..يدري كله مطيحين هناك,,,


انصحكم فيه... هو صح مجمع البستان فيه اكثر من محل..بس هذا ارقى شي...وترى هو يسوي..ويطرش لكم .. مافي مانع...

عصفورة اذا رحتي الرياض... كاسريهم عدل..لانهم يدرون انج من قطر فيرفعون السعر دبلات ترى.. وهذي نصيحه من مجرب...
بالتوفيق..واتمنى اكون ساعدتج عصفوره...

كلامج صح ميه بالمييييييييه انا سويت عندهم3 عبايات وااااااااايد ارخص بنات حتى شيالهم حلوه تقدرين تلبسونها مع عباه ساده للتغير وايد روعه

اللمعه عندج اللي في كارين ميلن اللي في اللاند في ذهبي وفضي


انا اول شي ما اقتنعت بس اللي تبيع حطته تحت رقبتها وانا طالعه من المحل الا اشوف رقبتها تلمممممممممممممممع رجعت وخذت اللونين :)


وبعد من ماركة بنفت اللي مثل بفر وفيه اللمعه داخل بس تطبطبين على جسمج وتطلع اللمعه

مساء الخير عرايس


بنت الغالي الحمدلله على السلامة..وتراني من فتره ارسلت لج رساله خاصه عن الفستان ومارديتي علي قلت اكيد البنت في باريس وبززززي ع الاخر لكن الحين انتي جيتي ومالج عذر

هاااي بنات شخبااااااركم؟
ماشاءالله اغيب عنكم كم يوم واجوفكم شكثر كاتبيين مالحقت اقرا تعبت <<< اكيد وحشتكم لوولل

المهم شموخ ماقلتي لي عن اللمعه :( من قبل زين هالمحل اول مره اسمع انه فالاند ..!!

يمكن لان صارلي وايد مارحت الاند صارلي شهر تخييلوا مب من الله لاني كنت مسافره

بناات ابي مكان رااقي اسوي مسكككه ابي شي غررررررريب وراقي اتعرفون وين ؟

بناااااااااات

طلب ساعدوووني ..

ابي بنااات يرقصون يعني يسوون حركات ويكونون متدربيين واذا كانوا يهال افضل اتعرفون وين احصلهم حتى لو بفلووس معليه بس من وييييييييييييييييييييييييييييين هيييييييييلب بلييييييييييز:sad:

مس انجر

وانا بعد نفسكم لووول
اول مرة ادري ان لازم ناخذ الذهب :)

وبخصوص اللمعه
عندج البودي لوشن من بودي شوب اللي بالتوت العنابي .. اللوشن مو الكريم
لمعته رهيييييييييييييييييييييييييبة للجسم
ووايد قوية

وفوقه حطي اللوس باودر اللامع من ماك

يطلع شي خيااالي

انا فخطوبتي سويت جذي

الليازي

تتهنين بالاغراض الحلوة يالحلوة

ممكن تسالين اهلج عن المحلات الحلوة حق قمصان النوم؟

لاني بكرة رايحه دبي وابي اعرف لو سمحتي :shy:

والشيل بعد :gum:

هلا بنوتات


حبيت أشكر العسولات اللي طرشوا لي رقم ناديه اليهري ما قصرتوا

شسالفة شنطة الذهب!!!
انا ترى مستغربه ...!! صج في حد ياخذ معاه ذهب شهر العسل ..!!
أحس ان مجازفه لأن بالعاده بلدان السياحه واااايد فيها لصوص <<<< أقصد حراميه بس اندمجت
والله اذا شافوج تبرقين من بعيد ما يهدونج
حتى الفندق فيه حراميه بعد
وبعدين محد معاج هناك الا زوجج...اكشخي له باكسسوارات ..
سألت كذا وحده من صديقاتي المتزوجات وقالوا لي تحمــّــلي تودين معاج شي..

دورات المكياج : شرايكم يا بنات قبل لا تاخذون هالدورات الغاليه حوسوا بالإنترنت بتلقون خطوات وضع المكياج وصور مكياج حاولوا تطبقونها وشوي شوي على نفسكم لين تتعلمون..
واذا بغيتوا خبره زياده ذيك الساعه روحوا دورات ...
يمكن نحتاج دورات اكثر شي بـــ كيفية وضع البودره والإضاءه وهالسوالف ..

انا تميت أحط حق نفسي وخواتي لين ماشاء الله تعلمت ... [blink]شوفوا الصور المرفقه [/blink]هذا انا اختكم مدار ممكيجه خواتي ..:shy:

مشكوره اختي