افتتاح الجزء الثالث من تجهيزات عرايس الامارات..

bint_zayed:
مشاءالله عليج ريموووه .. ^_^

بس بغيت اخذ رايكم انا يسكن عند اهله والسؤال كاالتالي : افصل الجلابيات البيت ولا اخذ جاهو من السوق الجديم و دبي عندهم شغلات حلوه ... احسن لي من العباله والتفصيل و و و ..

شو رايكم ؟

بصراحه انا لو مكانج ع الأقل أفصل لي 5 عربيات ,, يعني فيهن طبعه بفصوص ,,, يعني حتى لو انتي قاعده بيت هله بس اكيد بيين حريم عندهم وبيين عيايز فجأه فلازم تكونين حاطه احتياطج

واذا انتي من العين ,, في عندنا خياط اسمه خياط الطوية ,, تعرفين هوه مكانه عند دوار بن عزيز في الطوية ,,, يسوي كنادير بيت روووعه ,,, يعني كسرات ودانتيل وشرايط حلوه حق البنات ,,, والوحده تخيلي بس ع 60 ,, انا دوم أفصل منه حق البيت بس يطلع رهيب ,,, يعني حلو تلبسينهن ع العصر وانتي قاعده مع امه او خواته حتى مع ابوه ما فيها شي لانها حق البيت ومريحات بعد


وفكرت بالفساتين ,,, بصراحه هب مقتنعه انج ما تفصليلج فساتين لانه سبحان الله يستوي ظرف او شي ,,, مب شرط عرس ممكن تكون حفله ,,, يعني يحتفلون بعرس اخوهم على طريقتهم او اي شي ثاني بعد انتي ما تدرين بالظروف ع الاقل تحطين لج احتياط واحد او ثنينه


وبعدين صباحيه عرسج شو بتلبسين ما بتفصلين فستان الصباحية ؟؟

شوقي حمايم:
بنات هالاسبوع انشالله ملجتي

بس مااعرف شواسوي
يعني كيف تكون الزفه

وكيف تكون مشيتي اتمنى تخبروني

لان ماعندي خلفية بحفلات الملجه

بصراحه انا من رايي يوم تدخل العروس بغنيه كلاسيك تكون أحلى وارتب ^_^ هذا من رايي


على فكرة انا بعد ما أعرف بامور الملجه لانه نحنا ما نسوين ملجه ,, ملجتنا مع العرس

اختى شوقى حمايم

انا بالنسبة لملجتى كان فيها ترتيب من البداية من خواتى وخوات المعرس فكل طرف فينا رتب شى والحمدلله كان كل شى مرتب ومنسق يعنى الزفة كانت اغنيه فيها اسمى ونفس الشى زفت المعرس دخلت ومشيت بين الناس وطبعا كانت المسكة بايى وبصراحه وايد نفعتنى لانى كنت مرتبكه وكنت حاطه كل همى فيها حاولى اتكون الزفة والترتيبات بسيطه وخلى كل الامور الفخمة للعرس والله يوفقج واى سؤال احنا حاضرين للاجابه


bint_zayed اشترى لج جلابيات جاهزه ولو اتروحين صوب سوق عكاض فى دبي عندهم جلابيات حلوه وبعدين انتى فاول شهر او شهرين صعب تلبسين جلابيه بالذات وانتى ساكنه عندهم بس ساعات يحتاى تلبسيهم وانتى فى غرفتج بس كثرى من العربيات والجلابيات الكشخه مثل الكشميرى وهل السوالف والله يوفقج الغالية

ماشالله الفستان روعة يا أم الريم..
شكله راقي والمسكة بعد وااااااايد حلوة..
الله يهنيج ويسعدج يا رب..


بغيت أسألج بالنسبة لخياط الطوية اللي ذكرتيه القطع من عنده

مس نواعم الغاليه

بالنسبة للحبوب...

اول ماتشلين بالحلاوة


حطي ملعقة نشا عليها ماي ورد.. وحطيها على ايدج لين ماتنشف.. يعني على الحبوب كلها

يبرد ويخفف الاحمراار وااااااااااااايد..

بس لاتنسين


تدعيلي..

تسلمين ياام الريم

واللي يربك هو زحمة الناس وعيونهم عليج

حيكانة:
بغيت أسألج بالنسبة لخياط الطوية اللي ذكرتيه القطع من عنده

هلا الغاليه


لا الغاليه القطع من عندج ,,, لانه خياط عادي مثل اي خياط ثاني

اميره حبيبتي....ترى اهم شي التخطيط....عشان تتشرون...ولا تشلين فلوس وايد فبوكج..لانج بتاخذين راحتج..
وبتصرفين ع كيفج...وفكروا زين قبل لا تتشرون....عشان ما تروح فلوسكم ع اشياء انتوا في غنى عنها....

ولا تنسون تكاسرون..واذا ما تعرفون شلو حد وياكم يعرف.....(((اما فاشله فالمكاسر)))
ولا تنسون تتصدقون عشان الله يباركلكم فبيزاتكن....
...........................................................
بالنسبه للحنا انا حاجزه عند وحده ساكنه فالسلامات فالعين تحني فبيتها...وحناها وااااااااااااااااااااااااااااايد حلو والبنت اصلا رسامه..
يعني تبدع لج من الخاطر...وقالت انها تسوي حركات فالنقش خصوصا للعروس عندها حركات سبيشل..
والحلو انها فاليوم اللي تحني العروس ما تاخذ حد وياها....يعني تتفرغ للعروس
انا شايفه حناها العادي.....وخبلبي صراحه...

اهي تحني العروس..ب800 درهم...بس انا حاولت وياها وايد...وقالت لي انا اذا نزلت انزل 50 بس...

وياها وياها لين ما وصلت لل700..
مع اني كنت اباها تنزلي لل500....قالت عادي بتسويه بس ما بتطوللي الريول....بس انا ما رضيت ...ومستحيل ارضى....

بالنسبه للشيل الشعربشل فصالون العروس((رشنه))...الايدين كااااااااااااااااملات والريول كلهن...وبحف عندهم....وبسوي مساج..
وايد اوكيه يشلون...حتى حفهم حلو....بس الفيشل مالهم مب شي...

بسوي المغربي بالاعشاب ان شاءالله فبياض الثلج...ب100 درهم وسمعتهم وايد زينه..احسن عن حمام الهنا
بس ادور تنضيف بشره بكريمات مب بالبخار......بس مش عارفه وين اسير......يمكن اخذ اللي يعطونه العروس فالصالون اللبناني..لاني بتمكيج عندهم ان شاء الله
........................................
اقـــــــــــــــــــــــــول

انا بسوي حمام مغربي مره وحدهالصبح يوم السبت ..12\8 شو رايكم؟؟؟؟
واليوم اللي بعده العصر 13\8 بشل بالحلاوه.....وبحف وبسوي الماساج.. وبسوي فيشل
واليوم اللي بعده 14\8 الصبح بتحنى...
والثلاث15\8 ان شاء الله بيكون العرس...حجزت فالصالون اللبناني ...وبسوي البروفه الاثنين الياي..وبسوي عندهم البادي كير و يمكن الفيشل لانه هديه...بس ما اعرف اذا زين ولا لا؟؟

قالت لي تعالي الساعه 2 يوم العرس(((لاني يايتنها من العين)))وياي 3 وبتخلصنا كلنا ع الساعه 5...


على فكره انا اريداصبغ...بس مب عارفه متى؟؟؟؟شو رايكم اصبغ الاسبوع الياي؟؟؟

الاميره ...

لا والله انا مب من العين ... وبعدين بقولج معلومه عموتي مشاءالله عليها بالثلاثين يعني بعدها صغيره ^_^

وبالنسبه للصباحيه باخذ لي فستان هذا اذا ما كنت بالطياره ..

ومشكوره ^_^ احسج وايد متفاعله وتنصحين العرايس مشاءالله عليج ..

:)

ريمووه اذا بتصبغين اصبغي الاسبوع الياي .. احسن لج ..

بس انا قررت ان شاء الله عالعرس اصبغ خصل بس عسب عقب العرس بشهور جي اصبغ شعري كله واغير من شكلي ... نيو لوك


بنات بغيت اسال عن قصة الفراوله شو رايكم فيها ... لان ويهي بيضاوي .. ابا اقصها عالملجه جي ...

وشواحسن صالون لقص الشعر بالشارجه ..

هي صح وينها الغلا كله مالها حس بالموضوع ...

:shy:

ليش تتحسسون .....انا اخر مره تحنيت ....فنفس الوقت شليت ...وعلى طول تحنيت.....ليش انتو جيه

وبعدين انا ما اريد اشل الشعر قبل العرس بوايد ...لان بسرعه يضهر عندي الشعر.....
بس هالمره بشله ..قبل بيوم بس لاني بسوي المغربي...بس اذا ع جيه ...بسوي المغربي يوم الجمعه او الخميس.....وعلى فكره ترى بياض الثلج بعد سمعته وايد زينه ومشهور....واللي بتسيرله تخلى مريم تسويلها...لانها بضمير تسوي شغلها ما شاء الله....

ام الريم يالغاليه طرشتلج اسم البنت.....
تعالي انتي شو سويتي عند بيت الجمال المغربي بالضبط....بسويه اذا اوكيه بس مش الحين...عقب فتره....



بنات انا وايد خايفه اني احمل....لان الحلوه توها اليوم مخلصه منها......







يعني ايام التبويض بتصادف اول ايام العرس......شو اسوي؟؟؟؟


وانا ضد الحبوب والموانع تماما.........





:sad: :sad: :sad: :sad: :sad: :sad: :sad:




.............

بنات اريد اسوي تبييض اسنان وين اسويه ومتى.؟؟؟؟؟؟؟

انا من العين مثل ما تعرفون........بس اريده اوكيه وسعره مش مبالغ فيه....

(((ريم حمودي))):
اميره حبيبتي....ترى اهم شي التخطيط....عشان تتشرون...ولا تشلين فلوس وايد فبوكج..لانج بتاخذين راحتج..
وبتصرفين ع كيفج...وفكروا زين قبل لا تتشرون....عشان ما تروح فلوسكم ع اشياء انتوا في غنى عنها....

ولا تنسون تكاسرون..واذا ما تعرفون شلو حد وياكم يعرف.....(((اما فاشله فالمكاسر)))
ولا تنسون تتصدقون عشان الله يباركلكم فبيزاتكن....
...........................................................
بالنسبه للحنا انا حاجزه عند وحده ساكنه فالسلامات فالعين تحني فبيتها...وحناها وااااااااااااااااااااااااااااايد حلو والبنت اصلا رسامه..
يعني تبدع لج من الخاطر...وقالت انها تسوي حركات فالنقش خصوصا للعروس عندها حركات سبيشل..
والحلو انها فاليوم اللي تحني العروس ما تاخذ حد وياها....يعني تتفرغ للعروس
انا شايفه حناها العادي.....وخبلبي صراحه...

اهي تحني العروس..ب800 درهم...بس انا حاولت وياها وايد...وقالت لي انا اذا نزلت انزل 50 بس...

وياها وياها لين ما وصلت لل700..
مع اني كنت اباها تنزلي لل500....قالت عادي بتسويه بس ما بتطوللي الريول....بس انا ما رضيت ...ومستحيل ارضى....

بالنسبه للشيل الشعربشل فصالون العروس((رشنه))...الايدين كااااااااااااااااملات والريول كلهن...وبحف عندهم....وبسوي مساج..
وايد اوكيه يشلون...حتى حفهم حلو....بس الفيشل مالهم مب شي...

بسوي المغربي بالاعشاب ان شاءالله فبياض الثلج...ب100 درهم وسمعتهم وايد زينه..احسن عن حمام الهنا
بس ادور تنضيف بشره بكريمات مب بالبخار......بس مش عارفه وين اسير......يمكن اخذ اللي يعطونه العروس فالصالون اللبناني..لاني بتمكيج عندهم ان شاء الله
........................................
اقـــــــــــــــــــــــــول

انا بسوي حمام مغربي مره وحدهالصبح يوم السبت ..12\8 شو رايكم؟؟؟؟
واليوم اللي بعده العصر 13\8 بشل بالحلاوه.....وبحف وبسوي الماساج.. وبسوي فيشل
واليوم اللي بعده 14\8 الصبح بتحنى...
والثلاث15\8 ان شاء الله بيكون العرس...حجزت فالصالون اللبناني ...وبسوي البروفه الاثنين الياي..وبسوي عندهم البادي كير و يمكن الفيشل لانه هديه...بس ما اعرف اذا زين ولا لا؟؟

قالت لي تعالي الساعه 2 يوم العرس(((لاني يايتنها من العين)))وياي 3 وبتخلصنا كلنا ع الساعه 5...


على فكره انا اريداصبغ...بس مب عارفه متى؟؟؟؟شو رايكم اصبغ الاسبوع الياي؟؟؟

يسلمووو على هالنصايح ,, وبالفعل انا لاحظت على عمري حتى في الايام العادية يوم اشل فلوس وايد اصرفهن وما احاتي لكن يوم اشل شي محدود لا اتقيد ويتم عندي باقي بعد ههههه مخالفين نحنا لووول


بالنسبة للحلاوة والحمام مغربي والحنا ,,, أنا أفضل يوم السبت تسوين حمام مغربي واللي عقبه تشلين حلاوة وللي عقبه تتحنين ,, عشان ما يطير الحنا بسرعه ,,, وعلى فكرة انا شراتج كذا مره جربت اشل حلاوه وأتحنى عقبه مباشرة ما صار فيني شي ,, وبعدين هذا يعتمد على كل وحده وكيف بشرتها


إذا بتصبغين شعرج ,, صبغيه يوم الخميس أو الجمعه قبل العرس عشان ما تروح صبغته ويطلع حلو ,,, وبعدين انا اعرف وحده تصبغ شعر واااايد حلو مرة صابغه حق اختي ,, تي لين البيت ,,, بس أعتقد تصبح الشعر كامل على 250 درهم إذا ما خاب ظني


إذا تبينيها بعطيج رقمها ,,, بس صدق صدق صبغتها رهيبة


وبالنسبة للصالون انصحج تطلعين الساعه 12 ,, ما تدرين بالظروف يمكن تكون زحمة بوظبي أو يستوي شي لا سمح الله ,,, أهم شي انج تسيرين قبل ولا انج تتأخرين ,, وأول ما توصلين سوي فيشل وبدكير ومنكيير وإذا تبيلج مساج أو مثلا حمام زيت يكون عندج وقت وما تحاتين انج بتتأخرين ,,, وعقب عاد خليهم يسولج المكياج ,, وبتخلصين ع الساعه 5 أو 5 ونص وعشان يواحيلج تردين العين

^_^

بس نصيحه احسن ظهري بوقت

bint_zayed:
الاميره ...

لا والله انا مب من العين ... وبعدين بقولج معلومه عموتي مشاءالله عليها بالثلاثين يعني بعدها صغيره ^_^

وبالنسبه للصباحيه باخذ لي فستان هذا اذا ما كنت بالطياره ..

ومشكوره ^_^ احسج وايد متفاعله وتنصحين العرايس مشاءالله عليج ..

:)

الله يخليها لج ان شاء الله ويطول في عمرها


^_^ بعدين لا شكر على واجب انتن مثل خواتي وادري لو كنت انا مكانكن بتساعدني *_^ وبتوقفن معاية


وبعدين انا اصلا عاجبني الموضووع وايد عشان جيه أحب أدخله وأشارك معاكم

(((ريم حمودي))):
بنات اريد اسوي تبييض اسنان وين اسويه ومتى.؟؟؟؟؟؟؟

انا من العين مثل ما تعرفون........بس اريده اوكيه وسعره مش مبالغ فيه....

والله ما عندي أي فكرة أنا بروحي أبا أعرف وين أحسن مكان


لاني ذاك اليوم سايرة أحوط في السوق وشفتي عند شارع عود التوبة صوب معهد أبن خلدون شفت نص اللي في الشارع عيادات أسنان بس ما أعرف شو أحسن واحد منهم بالضبط !!!

ترا احيانا الحنا يزيدون فيها الماده اللي تخلي الحنا تصبغ فعلشان جيه تحرق وتعلم على الايد

مثل اختي للحين الاثر مبين من شهر يناير

حتى وهي الهنديه تحنيها يحرقها والهنديه تقول حقها لا هاذا عادي