افتتاح الجزء الثالث من تجهيزات عرايس الامارات..

حيكانه فديتج في محلين في مركز مدينة زايد عندهم قمصان نوم وايد حلوه .. واسعارها حلوه .. انا شفت عندهم قميص نوم نفس اللي عند نعومي عنهم هم 700 درهم وعند نعومي 1400 اتخيلي يعني دبل .. حرام .. واذا تبين روحي بعد ايوب اللي في مدينة زايد وعندج دبي امارات مول اشياء حلوه بدل دلع في الطابق الارضي صوب زارا هوم .. وامممممممم افضل لو تطلبين لج كم واحد من عند فكتوريا سيكرت اشياء وايد حلوه عندهم .. انا عني طلبت 6 وبجامتين ..

هلا ظبية بوظبي...شو اسم المحلين مال سوق مدينة زايد..
الغالية كيف طلبتي من فكتوريا سكرت...لازم بطاقة فيزا...؟يوصلون على عنوان البريد عادي؟؟

الريـــ أم ـــم:

[grade="800080 0000FF 800080 00BFFF FF1493"]السلام عليكم على عرايسنا الحلوات شحالكم

والله لكم وحشه ها شو همتكن فى الزهاب اتمنى للكل اللتوفيق

اما عنى انا يالغاليات بخبركن شو اللى سويته حق عرسى

تمكيجت عند رنده ( الصالون اللبنانى ) وصراحه طلعونى قمر والكل تم يسالنى عن المكياج

وعلى فكره هن فى الطبيعه غير عن اللى اتشوفنه فى الكتالوج والتسريحه بعد كانت وايد حلوه تسريحه لبنانيه

انا ما امدح نفسى بس هذا من كلام الناس والله

اما الفستان فصلته فى السعودية وكان كله مطرز بس ما ضفت فيه الوان خليت الالوان فى الاكسسوار

والمسكة وكان ذيله طويل والطرحه على طول الفستان الكل تخبل وقال ان كنت خرافيه من

كثر ما عيبهم شغلى

اما المسكة سويتها عند سفير الزهور فى ابوظبي صممها لى واحد فرنسى عندهم اسمه ديفيد وبصراحه بدع لى والحلو فيه انه يخبرج شو اللى يناسبج ويسالج عن كل شى المكياج لونه والكوشه والصاله وفستانج تقريبي كيف شكله ويحبذ لو كان عندج صوره له وتعاملهم حلو واسعارهم بعد حلوه

الاكسسوار سويته فى بوظبي تفصيل اكسسوار للشعر واليد بس

ام الطقم كان عباره عن ذهب ابيض

الجوتى الله يسلمكم فصلته بالعين لان ما حصلت على مقاسى لان مقاسى وايد اصغير وكان كعب عالى وفيه سوارفسكى صغار بشكل خطوط مائله

وسويت قناع الفراشه ودخلت على اغنيه هادية واخوى كان ما سك ايدي لان الفستان وايد كان ثجيل وهو يحليله كان يساعدنى وعقب فوق الكوشه مسكت المسكة

اما يا حبيباتى عن تجربه ونصيحه كثرن من قمصان النوم والملابس الداخلية وملابس الدلع اللى تلبسيهن فى البيت وحاولى اتخليهن نعوميات ودلع وطفولية

والاكسسورات حق الشعر وحقج بعد كثرنى منهم وحاولن دايما تشترن على نفس الالوان

واذا عندكم اى استفسار حياكم انا حاضره لاى سؤال ...... تمنيانى للكل بالتوفيق



ملاحظة: الفستان للبيع[/grade] :qaq:

الف الف مبرووك
زيين حفزتيني لاني حاجزه عند الصالوون اللبناني

و ان شاء الله يكوون عرسي حلوو مثل باقي البناات

بس بغييت اسالج مسكتج على كم سويتيها عند السفير للزهوور


ممكن تخبريني لاني محتااره في المسكه

و كيف كان شكلها ممكن توصفيلنا اياها

حيكانه والله مادري شو اسمهم بس بتحصلينهم في الطابق الثاني واحد في لبنانيه وفلبيبنيه .. والثاني جيه في محل لونه وردي ماعرف اساميهم ..

وعن فكتوريا سكرت صراحه انا ماطلبت من النت طلبت من عند وحده اتييج البيت واتييب الاب توب مالها لين عندج وتراويج اللي تبينه وعقب تتطلبينه وعقب اسبوعين اتكون الطلبيه واصله .. ويكون ع فكره اقل عن الطلبيه لانه الطبيه تاخذ شحن وتاخذ اشياء وايده ..وتاخذ قياسج وكل شي .. واتقولج كم تلبسين ولو حتى يابته وماظهر قياسج اتبدل لج اياه ببلاش .. غير عن فكتوريا سكرت اذا وصل ومش قياسج مش مشكلتهم مايردلوج اياه .......... وحرام ايطيحن في جبدج

مشكوره الغاليه ام الريم واتمنى تفيدنا اكثر ولو تقدرين اتحطيلنا صورة الفستان بنكون شاكرين لج وانا بعد ان شاء الله باذن الله بسوي من عند السفير للزهور كلهم يمدحونه ..وومممكن اتخبرينا الاكسسوار من وين اشتريتيه ..

تعبتج وياي يا ظبية بوظبي...مشكورة على ردج..
ياريت تعطيني رقم الحرمة مالت فكتوريا سكرت..
وما تقصرين الغالية..

أم الريم ياريت تصورين لنا الفستان عشان نشوفه..
وصورة المسكة لو عندج...

ان شاء الله الغاليه جيكي ع الخاص بس الحرمه مسافره الحينه بس عندها حريم يشتغلن معاها اكيد وحده بتييج منهن

يا ظبية بوظبي...
ياريت تعطيني رقم الحرمة مالت فكتوريا سكرت..
وما تقصرين الغالية..

أم الريم ياريت تصورين لنا الفستان عشان نشوفه..
وصورة المسكة لو عندج...

الاميره النائمه ..

مشكوره عالمعلومات المفيده ان شاء الله بشوف بو هيل ^_^


وظبيه طرشيلي رقم الحرمه .. :)

ان شاء الله جيكن ع الخاص

هلا والله بكل العرايس...حبايبي بالنسبه لمشترياتي....بنزلكم اياها....
اول شي ببدا بالملابس....
((بيجامات البيت السبور والكشخه..تنانير جينز وتنانير قصار...بناطيل..توبات...نعلان بيت ونعلان سبور للبيت..فساتين قصار.....وبدل ربع كم...))
هذولا خذيتهم من دبي.....من سوق نايف...والله انه فيه بلاوي هالسوق...انا بصراحه اول مره ادشه بس لقيت اشياء ما تخطر على بال حد.....من مصانع عجمان.....
من كم محل عندنا هني فالعين...مثل السفير والمها بلازا...سناء....لاسينزا..الحض بلازا...
من معرض ايوب اللي فابوظبي..وطيف سناء
....ملابس النوم سبق...وذكرتهن فالجزء الثاني....
وجلابيات للبيت((لاني بسكن عند اهل ريلي.....فصلت جلابيات بدانتيل خفاف...وشريت كم قطعه فيهن الشغل وفصلتهن ساده....
(((القطع من عند الشارع اللي فيه محلات عابد وكم محل بعد للقطع...وطقمتلهن شيل مصلى بعد من نفس الاماكن..)))


...................................................................................................................................
الاكسسوارات من المعرض اللي دوم يفجونه عدنا فالعين....ومن المها بلازا...ومن برامود...وجم محل فالعين مول
......................................................................

الجلابيات فصلتهن فالبريمي..وشي فزاخر.....والمريجب.....جلابيات البيت والمخورات...حوالي 20 وحده (((البيت+المخورات الكشخه)))
.....................................................................

خذيت بدل وتنانير من المعرض...مركز مدينة زايد...ومن دبي ...وامي يابتلي من السعوديه اطقم حلوه وكشخه...
....................................................................
الفساتين خذيت 7((ترى نحن عندنا العروس لازم بفساتين....وخصوصا لان عرس حميتي عقب عرسي بجم يوم))
خذيت 4 جاهز...و3 تفصيل...والقطع مالت الثلاث...من المنال من دبي ومن باريس اللي عدنا فالعين...
....................................................................
فصلت جلابيتين كويتيات....كشخه وايد حلوات....وانا اللي نقيت القطع ومن تصميمي...وما كلفوني هنتينهن مع القطع 600 درهم....وحده كان فيها شغل....والثانيه لعب بالاقمشه....
....................................................................
النعلان من المعرض الاخير..فيه تشكيلات روعه....
وشي من محل ياسمين اللي عندنا فالعين...وشي من ناين ويست....
الشنط من معرض العروس...اللي كان شهر 5 فالعين...
....................................................................
العبايات فصلتهن في لوزان...ولوريتال..فصلت وحده خفيفه ملونه بس....وحده ساده....ماكثرت لان لان ريلي ما يعيبه...الالوان فالعبايات...وحرام اسوي بعد وحده ساده زياده....
واذا سويت مطرزه بالاسود احس انها دفشه ومو حلوه...ما يعيبني...
الشيل من كل مكان خذيت....حوالي 12 شيله...وكلهم بشغل....بس الملونات اكثر....لاني ما سويت عبايات ملونات وايد...
الغشاو خذيتها من لوريتال...
....................................................................
المكياج...من مكياجي...فور ايفر....ونيفيا....وسان لوران.....وبرستيج....ونوبا....وخذيت باليتات ايشدو..عجيييبه الوانها بس مش ماركه....لاكن شكلهم وااااو تهبل....وزينات ....
...................................................................
وبكمللكم الباقي عقب....

اتعرفون انا اغراضي كنت اشوفهم اشوي....بس يوم حطيتهن فالشنط...جفتهن وايد....؟؟؟!!!
شنطه عوده للجلابيات والفساتين((كل فستان داخل شنطته لا تخافون عليهم..))+الشيل والعبايات والغشاو...

................................................
شنطه عوده ثانيه...حق البدل والتنانير والبناطيل ....وكل شي كل شي...من توبات..وتناني قصار وشورتات..
...............................................
شنطه وسط حق ملابس النوم والملابس الداخليه......
..............................................
شنطه صغيره فالحجم فيها مكياجي ..ووحده نفسها فيها عطوراتي وبخوري...
وحده ثانيه اكبر منها فيها اللوازم كلها....وكريماتي وشوراتي وكل شي...
..............................................
وشنطه وسط فيها نعلاني ((عزكم الله)) وشنطي....
.............................................
وذهبي فصناديقه...

مشاءالله عليج ريموووه .. ^_^

بس بغيت اخذ رايكم انا يسكن عند اهله والسؤال كاالتالي : افصل الجلابيات البيت ولا اخذ جاهو من السوق الجديم و دبي عندهم شغلات حلوه ... احسن لي من العباله والتفصيل و و و ..

شو رايكم ؟

ظبيووه مشكوره حبوبه ^_^

اخذي جاهز

واذا تحبين تفصلين وعندج افكار ولج بارض فصلي

مررحبااا

بغيت اخبركن انه في محل في المارينا مول اسمه رنيم

اتحددين لهم البكج وهم يفصلون لج جلابيات كشششششخه

ويسون لج الخفيف والثجيل

و واايد رووعه

انصحكم اتسيرونه

ماشاء الله ابوظبي واايد فيها اشياء

بس مرة بحياتي رحتها وقعدت يومين

وحسيت انه المحلات اللي موجوده هناك متنوعه اكثر وبضاعتهم اكثر

بنات هالاسبوع انشالله ملجتي

بس مااعرف شواسوي
يعني كيف تكون الزفه

وكيف تكون مشيتي اتمنى تخبروني

لان ماعندي خلفية بحفلات الملجه

يسلمووووووو ع الموضوع

ريم حمودي


بصراحه ال 45 يابت شي الصراحه ما كنت أتوقع بتطلع كل هذيلا ,,, تستاهلين كل خير

بس ما خبرتينا وين بتحجزين التصوير والمكياج ؟؟


وبعدين تعالي انا عندي لج فكرة ,,, يوم بتسيرين سوين حنا وتشلين حلاوه حق العرس انصحج تسيرين صالون الفراشة ,, أعتقد تدلين وين مكانه ,, عند شارع عود التوبة تقدرين تاخذين رقمهم من البداله وهم بيدلونج وين مكانهم بالضبط


المهم حنااااهم رووعه ,,, سيري عند وحده اسمها رابعه هناك وايد حلوو ,, هن سودانيات وكم وحده هنديه بس حنا السودانيات خطير ,,, المهم سيري تحني بس لا تخبرينهم انج عروس لانه العروس ياخذون عليها 800 ,,, وشلي عندهم حلاوه بالمرة


بس انا سمعت انه بعد فيه صالون اسمها سونا واااااايد رخيص ,, حنا العروس يحنونه ب 220 بس !!!! تخيلي ,,, وحتى شل الحلاوه ايدين وريول بس ب 50 تخيلي ,,, الإيدين لين البيطان بس ب 25 ,, والريل لين الركبه ب 25

واللي جربته قالت شلهم زين ,, وعلى فكرة كل خدماتهم بها السعر ,, بس تقول السشوار مالهم هب زين ,, يعني ما يثبت ولا حتى الفير والرولات


المهم ما علينا ترومين توفرين فلوسج وتسوين عندهم بدال الخساير