افتتاح الجزء الثالث من تجهيزات عرايس الامارات..

شما العيناويه:
العفو يابنات

بنت زايد انا عروس يديده ماعندي خبرات وايد من اربع شهور معرسه


بس نصيحه نصيحه يابنات لاتلعب في السوق اول شي السوق مابيطير واشترن ملابس بس لاربع شهور لان السوق يتجدد والله نص ثيابي لين الحين مالبستهن ومالي خاطر عليهن في اشياء يديده نزلت واشتريتها


كثرن من العطور والمعمول والمجوهرات والاكسسوارات وقمصان النوم والمكياج لان هذي اشياء ماتخترب وبتحتاجنها اكثر شي


والله الموفق:shy:

هلا بالعروووووووووس

مشكوره عالنصيحه الذهب

بس الغاليه شو رايج في المخاوير كم نفصل ؟؟؟؟

:angry: :cry: :cry: :cry: :cry: :cry: :mad2:



ما حبكم


محد سأل عني

مت ولا حييت

:no: :no: :no: :no:

لا لا لا

لا تحاولون

بس خلاص زعلت














:gum:
أقص عليكم
انا ما استغنى عنكم اصلا


:shy:

(((ريم حمودي))):
حبيبتي بنت زايد...

انا اقول لاتكثرين اكسسوارات.....لانج بعدين انتي وريلج يوم بتتمشون بتاخذينلج..وبتلاقين....
اهتمي اكثر شي فملابس النوم.....وعقب ملابس البيت ....والمناسبات.... والذهب
وبالنسبه للتنانير والبدل....احس احسن شي المعارض.....لانهم اييبون اشياء ما تكون موجوده فالسوق فبتكون اشياء مش متكرره.....
وقسمي وقتج ونضمي التشراي....لانج اذا تميتي تتشرين عشوائي....بتخلص فلوسج....وبتقصرين ..يعني بتتشرين اشياء اكثر عن غيرها......


انا الحمدلله لاني نضمت .....
الحمدلله ان بقالي مبلغ وايد حلو مع انه مهري قليل ابصراحه.....وخلصت في فتره قليله.....حتى ان ابوي كان حاطلى 25 الف درهم والحمدلله اني رجعتهن له لاني خلصت تشراي ..واغراضي كامله..
وزاد من مهري 9000 درهم.......مع ان مهري 45 الف درهم بس....تتخيلون ...مايسوي شي....
.....
ذهبي خذيته ب14000 درهم....((راعي المحل ساعدنا وايد نزللنا 4000))وغير الهدايا اللي يتني من اهلي ومن ابوي... الله يحفضهم....ذهبي وايد ابصراحه الحمدلله........
وفساتيني وجلابياتي..وملابسي الباجيه...وعباياتي..كلهم تقريبا ب16000 درهم تقريبا
6000 درهم المكياج والكريمات والشورات واللوازم وشوية عطور
العطور يتني هدايا وايد ....وياني صندوق كله عطورات وكل عطر مع البدي جل ماله....
الدخون من امي..الله يحفظها....
..............


والله كل هذا لاني خططت للهالفلوس وين بتروح....ولا تنسون تتصدقون يا بنات عشان الله يبارك لكم فالفلوس.......


بنات ادعوا ان عرسي يطلع حلو....

....................................................................................................



افراح الروح حبيبتي بغيت اسالج....انتي مسويه ملجه ولا عرس....؟؟

ايدي بزنارك يا ريم

الله يخليج

اباج تحطيلنا بالتفصيل الممل المتململ كيف نظمتي

بلييييييييييييييييز:shy:



اترياج
بفارغ
الصبرررررررررررررررررر

ريم الحمودي

الأميره النائمه:
مرحبا ختيه ,, الله يبارك في حياتج وان شاء الله تستفيدين من الموضوع


بالنسبة للمكينه انا عن نفسي استخدم امجوي ,, وراضية منها لاني بس أستخدمها للمنطقة الحساسة أما الأماكن الثانية اشل حلاوه


وبالنسبة للجتف والله ما عندي اي فكرة يمكن البنات يقدرن يساعدنج


ويا حياج مره ثانيه ختيه في الموضوع

الاميره النائمه سؤال

كم رقم الاله اللي تستخدمينها واذا ممكن صورة :)

ظبية بوظبي:
حيكانه والله مادري شو اسمهم بس بتحصلينهم في الطابق الثاني واحد في لبنانيه وفلبيبنيه .. والثاني جيه في محل لونه وردي ماعرف اساميهم ..

وعن فكتوريا سكرت صراحه انا ماطلبت من النت طلبت من عند وحده اتييج البيت واتييب الاب توب مالها لين عندج وتراويج اللي تبينه وعقب تتطلبينه وعقب اسبوعين اتكون الطلبيه واصله .. ويكون ع فكره اقل عن الطلبيه لانه الطبيه تاخذ شحن وتاخذ اشياء وايده ..وتاخذ قياسج وكل شي .. واتقولج كم تلبسين ولو حتى يابته وماظهر قياسج اتبدل لج اياه ببلاش .. غير عن فكتوريا سكرت اذا وصل ومش قياسج مش مشكلتهم مايردلوج اياه .......... وحرام ايطيحن في جبدج

ظبيه الغاليه

ممكن اتطرشيلي رقم الحرمه عالخاص!!!

بنات
ناويه اسير نزيه جريب


ممممممممممممممممممممممممممممم


شو رايكم

شو ممكن آخذ من عنده؟؟؟؟؟


وبعدين بالنسبه للجواتي

مممممممممممم


انا كنت مفكره اول اخذ البدل وبعدين اطبق عليهن الجواتي والشنط شو رايكم؟؟؟

لانه معورني قلبي عالتنزيلات .المفروض نستفيد منها

الغلا ممكن تستغلين التنزيلات...في ألوان عامة ممكن تاخذبنها الأسود والبيج والبني..

غلويه حبيبتي...بالعكس فقدناج..الغاليه بنبهج ع شي...انا اسمي ريم حمودي...لا تقولين الحمودي ترى هاي هب قبيله.....هذا اسم ريلي ((محمد))وانا انا انسب اسمي له(((شفتي الحب كيف)))???


.........................
على فكره نزيه فيه اشياء وايد حلوه خذي الاستشوار وفرش المكياج...عندهم طقم فرش 20 حبه بميه..ما اذكر منو دلتني عليهم بس من هني من المنتدى....خذي الامشاط بعد اوكيه

الغـــ كله ـــلا:
الاميره النائمه سؤال

كم رقم الاله اللي تستخدمينها واذا ممكن صورة :)

هلا الغاليه

هذي انا اللي أستخدمها




وكنت ماخذتنها من السوبرماركت اللي في مول الإمارات ع 200 درهم ,, بس هذا الكلام من ثلاث ما أدري أربع شهور تقريبا

الغـــ كله ـــلا:
بنات
ناويه اسير نزيه جريب


ممممممممممممممممممممممممممممم


شو رايكم

شو ممكن آخذ من عنده؟؟؟؟؟


وبعدين بالنسبه للجواتي

مممممممممممم


انا كنت مفكره اول اخذ البدل وبعدين اطبق عليهن الجواتي والشنط شو رايكم؟؟؟

لانه معورني قلبي عالتنزيلات .المفروض نستفيد منها

بتلاقيين عنده وايد أشياء نزيه ممكن تاخذين السشوار والمشوط ,, والفرش بعد ممم وشو بعد حتى عنده ماسكات حق الويه بعد


وبالنسبة للنعول سوي مثل ما قالت لج حيكانه ,, خذي الأشياء الأساسية أبيض وأسود ,, وبعدين شو الألوان اللي انتي تحبينها وحاطه في بالج تاخذين بدل عليها ,, يعني مثلا زهري أو أزرق أخضر يعني الألوان اللي انتي تحبينيهن وأكيد لو شفتي بدلة بها اللون بتاخذينها


بس يفضل الحين تسيرين وتستغلين التنزيلات بعد عشان البدلات يعني ضربي عصفورين بحجر سيري تشري حق النعول البدل

بناات لا تشتروون وايد كعووووووووووووووب لانه شي حريم بسرعه يحملن

انا شريييت 5 كعووب بس و باقي مرتفعاات و صطاحياات


و النعل ترووح موضتهم و تملييهم

صح والله صدق رموش لازم ماناخذ كعب وايدات انا عني خذت اربع نعول كعب وقلت باخذ بعد واحد وبكتفي بالكعب وباخذ المصطحات واصلا ريلي مايحبني البس كعب ... (( بداوو )) مايخصهم في الموضه .. :)


وبالنسبه للمخورات بقولكم عن محل حلو في بوظبي اسمه بنت الدار في المشرف اتجنن المخورات اللي يسويهن حتى عنده مال الدانتيل وايجننن بعد وواااااااااايد تشكيلات عنده ..

هلا بنات شو الاخبار



عيبني موضوعكم وقلت ادش وياكم ^_^





انا عرسي شهر 12 بس يالسه اتزهب من الحينه لنه بعدين رمضان ووراه العيد يعني ما بيمديني الوقت




بس حبيت اسألكم شو اللي اقدر اشتريه من الحينه وشو اللي أخليه حق بعدين




ووين أحصل بدلات كشخة وجلابيات ناعمة يعني تنفع حق الزيارات الخفيفة ... اللي تعرف خياييط يسوون هالجلابيات تقولي ...

هلا بنات شو الاخبار



عيبني موضوعكم وقلت ادش وياكم ^_^





انا عرسي شهر 12 بس يالسه اتزهب من الحينه لنه بعدين رمضان ووراه العيد يعني ما بيمديني الوقت




بس حبيت اسألكم شو اللي اقدر اشتريه من الحينه وشو اللي أخليه حق بعدين




ووين أحصل بدلات كشخة وجلابيات ناعمة يعني تنفع حق الزيارات الخفيفة بس مب المخاوير... اللي تعرف خياييط يسوون هالجلابيات تقولي ...

مفجوعه هلا فيج الغلا منوره..

انا عرسي ان شاء الله شهر 11


والحين بديت اتزهب في الاشياء البسيطه جوفي خلصي الحينه الفساتين والقطع والخيايط .. وخلي المشاري حق عقب ..

عني انا فصلت مغربيتين فخمات وفصلت اربع رنه مغربي وفصلت عشر كنادير مخورات وخمس خفاف .. واتعرفين وين الخفاف انا اروح محل هندي وهالمحل في بوظبي عنده لبس مثل البنجابي تاخذينه انا اخذه واوديه عند الخياط ايسويلي اياه جلابيه ايدخلي فيها اشياء حلوه دانتيل وتور وتظهر حلوه ومسكته واتكون خفيفه وحلوه حق الطلعات .. انا فصلت اليه منهن خمس .. وديتله بعد شالات وسواهن لي جلابيات .. يعني انا افنتك واخطط وارسم الموديل واوديله وهو يستانس ويسوي .. وعن البدل خذيلج اربع بدل راقيات من درهي وفلاتينو وفي محل في المارينا اسمه الليلك عنده جلابيات وايد حلووووووووه وحتى تنانير قصار اترومين اطوليهن .. ويظهرن جنان . ..


وعن السيل انا اقولج روحي الحين وتلاحقي على ناين وست مسوي سيل روحي خذيلج النعول لانه عقب بيخلصن اتخيلي نا خذت 4 نعول وشنطه ب 700 درهم .. والله روعه .. لو في الايام العاديه عادي اخذهن 1700 .. نصيحه روحي ولاتفوتين ترى باجر اخر يوم ..


بس اذا انتي من بوظبي بقدر افيدج .. واذا عند العبي والشيل في محل دموع انا رحته عنده اشياء حلوه واسعارهم حلوه .. وبعد وحده اسمها مها في دبي ودار وعد انا قلت بفصل عندهم عباتيين ان شاء الله ..


واي استفسار انا حاااضره وفي الخدمه

بنات اذا بتسكنون بيت اهل ازواجكم فأهم شيء تكثرون من المخورات والجلابيات لانكم بتستهلكونها واايد

ولا تكثرون من كريم الاساس لانه حده سنه وبعدين يخترب ويخرب البشره بس اشتروا واحد للبيت وواحد للمناسبات

واذا بتسافرون شهر العسل اشتروا حكم نعل خفيفه بدون كعب يعني سبورتي والله اريح لكم في السفر

اما الكعب ممكن حق السهرات في الماطاعم بالليل

نزيه فيه اشايء حلووه مثل الماسكات

وبعد فيه كريم كاب للشعر كذا مره شفت البنات يمدحون

وبعد فيه حلاوه سايله مع جهازها اللي يذوبها حلووه بعد

اميره... الغاليه منو هاي اللي تصبغ..نجاح؟؟؟؟؟ولا وحده ثانيه؟؟
اذا هب هي عطيني رقمها فديتج.......

(((ريم حمودي))):
غلويه حبيبتي...بالعكس فقدناج..الغاليه بنبهج ع شي...انا اسمي ريم حمودي...لا تقولين الحمودي ترى هاي هب قبيله.....هذا اسم ريلي ((محمد))وانا انا انسب اسمي له(((شفتي الحب كيف)))???


.........................
على فكره نزيه فيه اشياء وايد حلوه خذي الاستشوار وفرش المكياج...عندهم طقم فرش 20 حبه بميه..ما اذكر منو دلتني عليهم بس من هني من المنتدى....خذي الامشاط بعد اوكيه

هلا والله بريم حمودي

والله اسمج رووعه
وفكرتج احلى


الله يزيد محبتكم لبعض يا رب

وتسلمين الغاليه

الأميره النائمه:
بتلاقيين عنده وايد أشياء نزيه ممكن تاخذين السشوار والمشوط ,, والفرش بعد ممم وشو بعد حتى عنده ماسكات حق الويه بعد


وبالنسبة للنعول سوي مثل ما قالت لج حيكانه ,, خذي الأشياء الأساسية أبيض وأسود ,, وبعدين شو الألوان اللي انتي تحبينها وحاطه في بالج تاخذين بدل عليها ,, يعني مثلا زهري أو أزرق أخضر يعني الألوان اللي انتي تحبينيهن وأكيد لو شفتي بدلة بها اللون بتاخذينها


بس يفضل الحين تسيرين وتستغلين التنزيلات بعد عشان البدلات يعني ضربي عصفورين بحجر سيري تشري حق النعول البدل

بناااااااااااااااااااااات
اليوم سرت ميلانو
وكان مسوي تنزيلات 50%
عنده اشياء حلوه والله
وسويت بنصيحتج الاميره النائمه وخذيت الالوان الاساسيه و3 شنط بسعر شنطه وحده :clap: