زيارة خطيبك في فترة "الملجه" ؟؟؟

وينكم يابنات عروس؟؟ افااااااااااااااا

توقعت مشاركتكم الحلوه؟؟؟؟؟؟؟؟؟؟؟؟؟

هلا سوما :) طيب لما يجي بيت اهلك يزورك شتسوين له؟؟

يعني شلون تجهزين نفسج والمكان لاستقباله؟؟؟ بليز قولوا ياعرايس نبي نستفيد من افكاركم

سوما :) مشكورة على مشاركتج الحلوه ماقصرتي...والله يسعج ويهنيج

يالله بنات وينكم؟؟ نبي افكاركم ...نبي نعرف شلون تستقبلون ازواجكم لما يزورونكم في فترة الملجه؟؟

بصراحه انا مالجه من تقريبا 3 شهور...

والعرس بعد شهر ان شاء الله..

وزوجي يزورني كل اسبوووع او 10 ايام.........

وطبعا يزورني بعد صلاة العشا.. يعني لازماطبخ له..

وبصراحه مرات اطبخ بيدي .. مرات الخدامه او الطباخ.. خخخخخخ

وطبعا اهيء الجوالمناسب.. واحط الشموووع .. ومرات موسيقى كلاسيك...

وكل مرة يجي.. اكون مجهزة القعده بلون معين.. ولبسي ومكياجي نفس لون القعده..

وبيني وبينج لاتعلمين احد "شريت دفتر صغير شكله رهيب.. ساتان بيج" وكل مرة يزورني وقبل لايروج .. يكتب لي كلمة حلوة"............. كثير يستانس..

على فكرة.. لما اعمل القعده مثلا باللون البنفسجي.. لبس ومكياجي.. وحتى الصحون والشموع كلها باللون البنسجي.. حتى العصير اخليه بنفسجي.. خخخخخخ

وابد ما أسأله شو تبيني البس لك.. عشان تكووون مفاجأة..

واي استفسار او مساعده انا حاضرة..

مووضوع حلوووو

نتريا المزيد

خواطررررررر :) انتي روعععععه الله يهنيه فيج افكارج عجيبة بصراحه مشاء الله عليج اكيد هو مستانس عليج مدلعته على الاخر

بس سالفة اللون وكل مره صحون وهالسوالف احس يبي لها روحه للسوق كل يومين خخخخخخخخخ الله يعينج

بس والله فكره وااايد حلوه :) واتخيلت الجو وايد رومانسي وسبشيل

بس احس احراج جدام اهلي اني اسوي كل هذا يوم زيارته !! تدرين شبيفكني من التعليقات وخاصة من اخواني الذكور خخخخخخخخ

سالله بنات نبي افكار بعد :)

نووووسه :) هلا والله

لاتروحين جذة علقي بشىء من تجربتج اذا انتي متزوجه او من تجارب ربعج اذا آنسه :)

انا بالنسبه لي...

توني مالكه..وزياراته كانت سريعه.. يعني ساعه بالكثير..ويروح..شاي وقهوه.. عصير وسويت..

تعرفون بالبدايه الوحده تكون منحرجة فماتلبس اي شي.. بس شوي شوي..تبدى تتجرا شوي..


بس ان شاء الله الزيارة الجايه.. ناويه اسوي له عشا..


خواطر ما شاء الله عليج والله يهنيج.... بس ماتنحرجين لما تسويين جذي؟..

انا لو اسوي جي..شيفكني من تعليقات الشباب عندي..خاصه اني بنت وحيده...

والله خوش موضوع
اقولكم انا شنو كنت اسويله في فترة ملجتنا

اكيد قهوه وشاي خخخخ بس معاه بعض الحركات ملا
تسوين سلطة فةاكه وتحطين فوقها كورة ايس كريم وعود بسكوت او شوكولاه...
ممم تسوين انتي بنفسج سويت حلو خفيف
مره تحطين كيك جاهز بس صغار لأنه مابياكلونها كلها يعني انه برستيييج خخخ او اصلن في رجاجيل ما يحبون الحلو وايد
مممم شنو بعد والله ما اتذكر عدل
خل اروح البس واجيكم عندي بعد شي رهيب باقولكم اياه

انا مخطوبة منذ سنتين وسيتم عقد القران بعد اسبوع فقط وهذا قبل الزواج بسنة (هى فترة طويلة جدا) ومحتاجة استفيد منكم بجد

مس انجر :) انزين شتلبسين يعني الحين؟ اخر مره جاجكم مثلا؟؟ بدله؟ تنورة وبلوزة عاديه؟ بنطلون؟ جلابيه؟؟؟

ام شيوخ...بذبحج يالله علمينا شكنتي تسوين؟؟ بالضبط :)

رانو :) هذا هدف الموضوع تبادل الخبرات والافكار

أنا بس مخطووبة لكن عندي شوية اشياء ناوية اسويها حق حبيبي في فترة الملجة

مثلا .. 1- أسوي سوت خفيف حقه وسلطة الفواكه لأم الشيوخ وعليها كورة الآيسكريم حلوة بعد بس تقدرين تضيفين عليها عود من أعواد الأسنان النظيفة طبعا وقلب صغيير تثبتينه مع العود .. راح يستانس لما يشوفه وبحس باحساس غير وهو ياكله ..يم يم يم


2- أحس إن الإهداءات في ها الفترة فكرة حلوة ..ليش ما نحضر هدية صغيرة بس معبرة حقه ونعطيه قبل لا يروح من البيت ..راح يستانس عليها وخاصة إذا كانت هدية رومانسية وبسيطة تذكره فيج


3- فيه فكرة حلوة كانت هنا أعتقد أو في منتدى آآخر والله ما أذكر بس لما تقدمين له كوب العصير ابتكري حركات في تقديمه
مثلا اطبعي بووسة حلوة من شفايفج على الكوب وزيني الكوب بحكات العصاير اللي نشوفها في الأسواق وقدمي الكوب له وشوفي النتيجة ... أحس راح يخجل ويستحي بس بتعجبه الحركة أكييد ...
هههه إلا إذا ريلج يقرف من ها الأشياء فهذا الله يعينج عليه...:gum:


4- في يوم من أليام سويله عشاء حلو ورومانسي مع شموع وغيره لكن بشرط كل الأكل يكون من صنع ايدك حتى لو ماكان مضبووط مية المية ..يعني هو ماراح يكون معاج علشان العشا أو غيره بس يبي يحس إنج مهتمة فيه وتبين رضاااه

وفيه أفكاار كثيرة في بالي بس مستحية أسويها أو اذكرها ..يمكن لا تعودت على ريلي ذيك الساعة راح اسويها :shy:

وطبعا الأهم من كل هذا البساطة في كل شي حتى في المكيااج ..خليه يشوفج بأحلى صورة ولكن بصورة طبيعية
أبهريه بجمالج

الله يوفقنا كلنا يااا رب

بييييييييييه من صجهم حركااات ^_^

والله شوفي بالنسبة لي أنا كان يجي في الشهر مرة يعني مب من النوع اللي مطيّح عندي .. و جذي أحسن ..

باقول لج عن أول مرة جا البيت فيها و كان بعد صلاة العشا :

اللبس : شريت بلوزة شيفون جديدة بس محتشمة + تنورة سودا
المكياج : كان شاري لي مكياج من لبنان و كان مناسب مع ملابسي فحطيت منه و خاصة كانت الألوان وردي و دخلت معاه أسود بس مرتب .. مكياجي ما كان اوفر و لا كان بسيييط كلش ..
شعري : استشورته في الصالون سشوار عاادي
إكسسواراتي : الدبلة لازم يشوفها + طقم سواروفسكي حلق و اسوارة كان جايبه لي و ساعة بعد هو جايبها كلهم لبستهم .. و العطورات هو مهديني إياها فتعطرت منه و ركزت على مناطق النبض خخخ ..

تدخنت و دخنت شعري و عطرته و كان شكلي مميز ..

الضيافة : شاي و قهوة و موالح خفيفة أو سويت خفيف و صغير .. // أو سلطة فواكه مثل ما قالوا البنات بس تتفنين فيها يعني ايس كريم و فستق و سوس حطي حيلج فيها .. // ممكن عصير مع فطاير ..

العشا بالنسبة لي على حسب مرة هو يجيب العشا ,,, و إذا علي أسوي أوردر قبل بوقت .. فطاير أو مشاوي ( إذا كانت الضيافة خفيفة ) او سندويتشات .. أنوّع ..

المكان : ما عندي غير الميلس .. أخلي الخدامة تخمه بالمكنسة مرة ثانية غير المرة الأولى أدخن المكان و كل شي يكون مرتب .. لكن سالفة أطقم ثيابي مع صحوني ما أفضلها لأن تدرين في بيت هلي و أنواع الإحراجات .. و مخلية هالحركات عقب ..

.
.

أي خدمة أو سؤال أنا حاضرة .. : )

عزيزتي I wish مشكووورة على افكارج بس بعد نبي المستخبي خخخخخخخخ لاتقولين تستحين وماعرف شو...لالا علمينا خلنا نستفيد من بعض يالله عاد عن الدلع :)

دوحانية خخخخخخخ شفتي عاد؟؟ اثاري البنات مب سهلين واحنا يادوب نتكشف ونتعشى ويالله بيتك بيتك خخخخخخخخ

حلو ترتيبج :) واحسه مناسب جدا ولافيه تكلف....خاصة انج في بيت اهلج يعني صج والله الوحده خاطرها تدلع زوجها بس المشكلة تستحين وتخافين من تعليقات الاهل خخخخخخخخخ

اكثر شىء عجبني في كلامج انج استخدمتي هداياه لج :) وهذا شىء مهم يحسسه بان عجبتج الاغراض وانج مبوسطة فيهم وتلبسينهم :)

وحلو انه يجيج مره بالشهر عشان تشتاقون لبعض :) الله يهنيكم ويتمم لكم على خير


ياله بعد نبي افكااااااااااااار يابنات

دوحانية :) جا ببالي سؤال !! .,.,,الحين هذي ترتيباتج حق اول زيارة...عقب شلون؟؟ يعني عشان ما يكون ملل ونفس الترتيب شكنتي اتسوين؟؟

والا نفس الشىء كل مره؟؟

طبعا مخطوبه وزؤجته على سنة الله ورسوله

رايي لو اندمجتوا بس مب لدرجة انه يصير الي في ليلة العرس
لا تفرطين ولو قال انا زوجك لان المفروض ما يتم شي الا بعد الاشهار بحفل الزواج لتضمني حقوقك كزوجه وهذا من المشاكل الي اسمعها

فلو كانت امك معاك لا تزعلين تقولين ليش امي لزقه هذيه حق مصلحتك مع انه مب حرام حلالك ولكنه اضمن لحقوقك انتي والا الريال ما يهمه لو طلق اليوم بكره يدور ثانيه

طبعا لا تبالغين في الضيافه خلك طبيعيه لانه عقب يبغي نفسي الشي والحياة طويله من تجربه
الله يوفقكم ويسعدكم

ام حمد :) كلامج عين الصواب واكيد اي بنت عاقله بتمشي عليه

بس انا سؤالي اقصد به شىء ثاني

اقصد يعني طريقة الاستقبال وترتيباتها عشان الزيارة تكون حلوه وتترك ذكرى حلوه بنفس الزوج :)