زيارة خطيبك في فترة "الملجه" ؟؟؟

تسلمين الحلم الهادئ ع هالموضوع عشان نستفيد من البنات

حركاتج خواطر حلوه ورهيبه ماشاءالله عليج ،

انا ع الاسبوع الجاي بيزورني وهذي اول زياره من بعد الملجه الله يستر :gum:

ريم :) شبتسوين له؟؟ شحاطه ببالج؟

يالله وينكم يابنات نبي الافكار وتجاربكم عشان نستفيد

والله يا الحلم الهادي ..
بصراحة أنا مب من النوع اللي يسوي له سوالف اقصد حركات في لبسي و إغراءات .. و مب النوع اللي أتكلف في الشي .. و على فكرة هو شافني في أسوأ حالاتي في عزا بجلابيتي و عبايتي و ملحة جلحة .. فكان عاادي جداً ..

بالنسبة للمرات اللي عقب ..

بالنسبة لي :
المكياج : مرات أخففه و مرات بس بودرة بدون شي أو ماسكرا و غلوس و مرات أغير فيه بشي بسيط ..
الشعر : مرة أرفع نصه و مرة كلله بس بطريقة حلوة مرة باحط وردة خخخخ ولا فراشة ..
الملابس : انا ما لبست له بناطلين فترة الملجة .. مثل ما قلت في بيتنا و شغلة و ثانياً ابي أغير استايلي بعد العرس .. و أخلي هالسوالف حق عقب ..
بس مثلاً البس بلايز و انوع فيها بديات بأنواعها سواء السبورتية أو الكشخة أو التور و التنانير موديلاتها تختلف .. مرة عادية سودا و مرة تركوازية و مرة جينز بقصات و موديلات مختلفة ..

بالنسبة للمكان و الضيافة و العشا :
العشاا : مرة بنسوي في البيت شي خفيف .. لأن عادة الريال ما يجي عشان ياكل يبي يشوفج بس : )
المكان : هو نفسه .. بس باغير مفارش الطاولات أو الطاولات باغير مكانها ..
الضيافة : تختلف في كل مرة .. و مثل ما ذكرت قبل ..

::

أحياناً تكون الزيارة كلها من إختياره .. يعني أسأله اشلون يحب هالزيارة تكون .. من ثيابي لشعري و مكياجي و العشااا يعني كله على إختياره و ذوقه .. بس كله بحدود أكيد ..

::

اممم شنو بعد ..
ساعات أفاجئه بوردة وحدة أعطيه إياه لما يجيني .. مع بطاقة صغيرة و كلام حلو : )
مرة إحتفلت معاه بيوم ميلاده و مرور سنة على ملجتنا .. و كان يوم مميز و مفاجأة حلوة و كبيرة بالنسبة له لو إني ما قدرت أسوي فيه أشيا واايد .. لكن الحمد لله طلع مختلف ..

طبعا الغاليه انا عارفه بس حبيت انبه البنات لهالشي لانهم صغيرات وطيوبات

دوحانية :) حلوه فكره البطاقة والوردة شىء بسيط وحلو ...وصح كلامج العروس احلى انها تخش التغير والحركات لبعد العرس عشان يشوف الفرق

وعجبني بعد انج مب دايما بمكياج فل..عشان يشوفج في كل حالاتج وما ينصدم بعدين خخخخخخ

تدرون ؟ عرف وحده كانت 24 ساعه بمكياج كامل جدام ريلها..وعقب العرس استغرب (استنكر) شكلها بدون مكياج او لما تكون تعبانه او بمكياج بسيط...يقعد يحن عليها ويتذمر

ام حمد القطرية :) ايه والله صج البنات طيبات ومايفكرون ان اي شىء ممكن يصير لاسمح الله...جزاج الله كل خير يالغالية

هلا حبيباتي
بفترة الملكه الأفضل يكون في تنويع مرة مكياج هادئ وتغيرين بالالوان سواء بالمكياج والملابس وتحاولين انك مو كل مرة تتكشخين لازم تخلين لك افكار واهتمام خاص لبعد الزواج لأن الزوج بالفترة هادي غالبا وبصراحه يكون بيتجنن عليك حتى لو كنتى بأبسط ميك أب وملابس :shy:

بيني وبينكم أحلى انوثه تحس فيها المرأة مع الزوج ( الله الله بالدلع والنعومه والغنج والصوت الحلوو ,,,, ) :shy:

نقطه حلوة بقولها لكم ،،،،،
^
^
^
فاجئيه بحفله بيوم يكون نفس تاريخ الخطوبه او الملكه اذا عدت سنه بصراحه انا عن نفسي
فاجئته بيوم خطوبتنا
جهزت الشموع والتورته والعصير والدفتر اللى يكتب لى فيه وكاميرا تصوير وانا عملت ميك أب ولبست نفس الملابس اللى شافنى فيها بيوم الخطوبه بصراحه تفاجئ وجداا عجبه هاليوم ....

شئ جميل انك تقدمين له هديه حتى لو تكون بسيطه

ممكن تكتبين له عبارة حلوة (الله لا يحرمنى منك ،،، مثلا ) وبكل خفه مثل الحراميه ههههههه تدخلينا بجيبه جداااا راح تعجبه ويتصل عليك على طوووووووووووول

ممكن مسج على الجوال بالتقويم تكون تذكرة بالجوال

الله يسعدكم ويهنيكم بأيامكم أختكم أنيين الصمت

انين الصمت :) حلوه فكرة تذكرة بالجوال ...عجبتني :)

ونصائحك فعلا في محلها ---< اوافقك الرأي

ننتظر باقي البنات يالله عاد كلكم مريتوا بهالفترة علمونا شكنتو تسوون لاستقبال الزوج :)

[CENTER]

الف مبروك الملكه حبيبتي..
وعقبال الزواج ان شاء الله والله يتمملك على خير..
وان شاء الله افكار البنات عجبتك..
سوي بحث بالركن فيه مواضيع كثيره انكتبت عن هالموضوع دوري بإسم خطيبك او ملكه وشوفي وش بيطلع لك.

هلا بنات عروس

شخباركم
بقولكم ايش سويت...

بعد الملجه بيومين رحنا نتعشى ... برا.. كان احسن لي لانه اذا في البيت بكون مرتبكه اكثر

بعدها باسبوع هو جاني..سويت له عشا انهبل عليه ...وكنت حاطه شموع في الميلس فكان الجو رهيب..وكنت حاطه مكياج خفيف .. اول الايام راح تكونين مستحية ومرتبكه ...وهو كله يقولي مر شهر على الملجه وانتي للحين تستحين

بعد مرور شهر عالملجه طرشت له اغنيه من قطر كول .. وايد استانس من هالحركه
صج وايد حلوه...

برجع لكم وبقول لكم ايش سويت (: في الايام الثانيه

ننتظر أفكارج وتجربتج يا وهج العين (:

أبي أسمع وأستفييد :shy:

في مره جاني عالسريع .. عشان يجيب لي ورقه عقد القرآن
دخل شرب عصير في صينيه العصير كنت حاطه ورده حمرا

قبل ما يطلع عند الباب عطته الورد ..وايد استانس عليها

دلوعه حبيبي :) تسلمين ...تراني سويت بحث قبل لا انزل الموضوع ماحصلت شىء محدد ففكرت انزل الموضوع عشان الكل يستفيد ونتبادل المعلومات في هذا الشان بالضبط

وهج العين :) هلا والله شكلج ام افكار وحركات....والله عمري ما ستخدمت خدمة الاهداء في قطر كول بس شكلي على يدج بستخدمها وفعلا فكره واااااااااااايد حلوه علميني شلون "عليمية" خخخخخخخ

يالله ننطر الافكار ونبي نعرف شسويتي :)

وهج العين :) هل من مزيد...يالله عطينا من حركاتج الحلوه

حررررررررركات حلوه يابنات

انشا الله اذا اه كتب النصيب راح

استفيد من افكاركم الحلووووووه

وعجبتني بالخصوص حركة انين الصمت


الورقه اللي تحطينه في جيبه مثل الحراميه

حركه حلووووووووووه ومبتكره تعطي جو

الله يعطيكم العافيه ويتمم لكم على خير .

مسااااااااكم الله بالخيررر بنوتاااات

بصرااااااااحه الموضووووع صدق في وووقته ومهم واااااااااااااايد

تسلم راعيته

لي رجعه انشالله لاني بطلع اللحين

واووووووووووو طلعو بناتنا رومنسيات انا بصراحة متملكة بس من عاداتنا صعب اشووووفه بس يوم الملكة ونعمة من ربي ان شفتيه تصدقووووون ما اذكر شكله الى الحين هههههه بلا الحيا كنت مرررره مستحية واناظر بالأرض وهو يطلب مني يشووفني لكن ما ادري ايش اقووول لأهلي عاد دائما اقووول تشوفني بعد الزواج هع هع هع ودي ارفع ضغطه يقوووول اكيد بعد الزواج اربع وعشرين ساعة بوجهك المهم فهم انه الموضوع مو بيدي يبي يشوفني يتحمل عواقب كل شي ههههههههههههه لا تخافون ترى امزح

الحلم الهادئ موضوعج وايد حلو ..

شوفي انا ريلي بالياله يمر .. يعني في الشهر مرة وساعات في الشهرين مرة ..وطبعا انسي سالفة الطلعة
ساعات يمر يجيب لي شغلة يعين يعطيني اياها وهو ماشي
ولي جاء دايما وابدا لازم يكون حد موجود خخخخخ اذا مب اخوي الصغير الوالدة واذا طلعت الوالدة يدش ابوي يسلم ويقعد يسولف معاه وانا احترم نفسي واطلع

مافي شي معين اسويه عشاء دايما انا اطبخه .. مرة جاب لي عشاء من برع بس بالاضافة للي انا مسويته .. مرة طلبت من مطعم لاني كنت تعبانة ..
لبسي كان مستر لاقصى درجه .. احس فشيلة اطلع له بقصيرولا عاري وهلي موجودين ^-^

والحركات دايما تخترب يعني يوم العيد كنت جايبة له هدية وخاشتها بين الكراسي ..على اساس ان لي طلعوا هلي باعطيه .. الا الوالدة مدري شلون شافت الكيس وعطته اخوي الصغير وعطاه !!
ههههههههه تفشل الريال
والدبلة مالبسها لي يوم الخطوبة وكنا متفقين انه هو بلبسني اياها ..
طبعا الوالدة دشت وجات تسولف الا تقوله يلاله لبسها الدبلة تراها مب راضية تلبسها .. واحراج لبسني اياها جدام امي ..ههههه
ايام حلوة ..
اخر مرة جاء قلت خل اتجرا شوي وهو يسولف مع الوالدة خليت اختي برع تطرش المسج بساعة معينه وانا قاعدة بريئة ما جني مسويه شي .. هو قرا المسج وصار ويهه احمر ويسمع امي ويطالعني من تحت لي تحت .. هاي يمكن اجرا شي سويته طول الخطوبة اللي بتكمل سنه عقب اسبوعين :)

بالنسبة للمكياج .. مرة اطلع بدون وغالبا خفيف ومرة حطيت ثقيل شوي
العطورات اكثر دايما ودايما وابدا اخلي يدي تصير ناعمة ومعطرة عشان لي سلمت يقول هاي يدها ناعمة خخخخخخخ

شكلي اشتطيت شوي .. بس هل الايام وناسة ووايد حلوة بالنسبة لي ..

:)

هلا حبيبتي الله يوفقج انشالله ويا ريلج انا عن الاكل مااعرف اطبخ مالت عليه كله قووم امي يجهزوولي الاكل طبعاا ريلي دووم على العشااء اييني وكان اييني في الاسبووع مره وكنت دووم اغيرله المكاان يعني مراات ايلسه في الصااله ومراات في الميلس اللي برع ومراات في غرفه الجلووس يعني مب كل مره نفس المكاان كنت انوعله وكنت بعد اغير تسريحه شعري مب كل مره نفس التسريحه لا انوعله عسب ما يتملل وحتى في اللبس انوعله مب كل مره نفس الالواان ونفس الموديل لا اغيرله عسب مايتملل..
واتمنى اني اكوون افتدج

نسيت اقوولج اتهني في هالاياام لانه صدق والله احلى اياام العمر هي اياام الخطووبه والملجه الله جاان زين الايام ترجع لوراا...........

بجعه :) مشكوره على مرورج

فديت العين :) فديت قلبج وتسلمين يالغاليه ...ننطر تعليقج يالله خلينا نتعلم منج

عروسة العروس :) الله يكون بعونج ويهنيج يارب مع رجلج

كلاسيك خخخخخخخخخ :) تهبلين والله ...احسج وااااايد تستحين خاطري اتفرج خخخخخخ ممكن؟؟

بس تدرين والله حلووووووووووووووه فكرة المسج وبسويها انشاء الله ...شفتي شلون طلعت مج بفكرة عجيبة

الله يهنيج حبيبتي وتتذكرين هالايام معاه وتضحكون :)

ميهوده :) شكلج اسم على مسمى خخخخخخخ ...الله يسعدج ...صح الكل يقولون ان هذي الايام هي احلى الايام