زيارة خطيبك في فترة "الملجه" ؟؟؟

مسااااااااااااااااااائكم حـــــب ..........

بصراحه انا ظروفي شوي صعبه في البيت يعني احسن وقت اشوف فيه ريلي((مالجه)) الصباح

لانه ابويه محد واخواني محد يعني انا وامايه بس في البيت <<<<<<الاخت تبا تسوي جريمه

وامايه كانت قبل اول ايام الملجه تيلس ويانا لاني انا استحي ايلس روحي ماعرف كيف اتصرف

شووي وبدخل في ثيااابي مادري كيف ذيج الساعه اتجسف على عمري واستوي مثلث

ههههههههههه بس اللحين لانه قرررب العرس وتعودنا على بعض وامايه ماصارت تيلس ويانا

اشووف الاخ رووووحه حركاااااااااااااات <<<<<جرررررررررررررريء ماشالله عليه

اما بالنسبه لي بصرراحه ماقد سويت له شي ابا ااكله الريوق واقطع له بس ما يرضى

مادري يوم يشوفيني يقول خلاص ماقدر آكل بس ابا أطالع فيج هاهااااي

وما احط وايد مكياااج لانه الصبااح لازم يكون خفيف ومرات البس جلابيه بس تكون دلع شوي

ومرات تنوره وقميص ....
((نصيحه لكل وحده مالجه خلي عمرج ع طبيعتج يعني ارتبشي وياه واندمجي وطالعي بعيونه يوم ايطالع بعيونج ابتسمي ابتسمي ابتسمي حركي ايدج برقه<<<<<<مستحيل ما يمسكها ويبوسها لج

جربوووووووووووووووووووووو

ويالله عطوووني افكار فددديتكم لانه بيي يوم الخميس وابا اسوي له شي!!!!!!

الحلم الهادئ ..
ههههههه صدتيني .. فعلا انا وايد استحي والمشكلة ان بين كل زيارة وزيارة بينها وقت طويل .. فاحس جني اول مرة اشوفه
خخخخخخخخخ زين عجبتج الفكرة
بس افكار البنات تينن يا ريتج حطيتي الموضوع قبل :)

صباح الخير

رجعت لكم

في مكان الجلوس تكون يدامك طاولة نثري عليه ورد احمر وابيض ... وفي صينيه تقديم العصير بعد نثري ورد احمر بس

بعد ما تتعودين عليه .. بتكونين اجرأ فحاولي تأكلينه راح يستانس عليج وايد وانتي تكونين مستحيه ...

ولما تكونينن جالسة يمه بين كل فتره ارفعي عينج طالعيه ..وهو بعد بسوي لج نفس الحركه وابتسمي وايد حلوه ..سويها كأنها عفويه ...

المره الجايه لما يجيني راح اطبق افكاركم

هاي فكرة ببلاش........... خخخخخ


في التواليت (يعني وين المغاسل.. المغسله.. وين يغسلون اليد)

اسكر الإضاءة كاملة.. واولع الشموووع.. وتكون بريحه حلوة..

مرات انثر وروود ومرات لأ..................


ومرات على طاولة الاكل باقة ورد.. او شموووع.. او مفارش فيها حركات ودنادش..

بخصوص الصحون ياعزيزتي.. انا مااشتري الطقم كامل.. اثنين من كل شي.. خخخخ

وبعدين اخوانج شو بيدخلهم الميلس......... انا ارتب اموري كلها المغرب.. محد يكون موجود في البيت.. وحتى لو موجودين.. مالهم دعوا.. يعني اسمع تعليقات مرات.. بس اطنش .. خخخ

وبالعكس.. خواتي دايما يسألوني شو سويتي اليوم نبي نسوي لأزواجنا.. اقوللهم كل وحده وابداعها.. "حركات رفع الضغط"

وبالنسبة للبس بصراحه مالبست قصير.. بس احاول مع اللبس احط اكسسوار راقي.. ويعطي لووك حلو.. ودايما اغير التسريحه.. مرات افتح شعري مرات المه .. مرات اسويه بالفير.. يعني الفه كامل من جذوره.. خخخ ومرات لف بس من تحت..

ايوواااااااااا.. لاتنسووون الشوز يا حلوين.. يعني الحذاء بوشرايط.. او اي حذاء بس يكون حلو وسمبل.. ترا الرياييل يلاحظوون كل شي حتى لو ماتكلمووو..

تحياتي

فديت العين :) ياحظج يخلونج تتنفسين معاه خخخخخخخخ انا مافيه امل الحصار الجوي مفروض علينا خخخخخخخ

وهج العين :) حلو كلامج وعجبني وايد ...عسا البنات يستفيدون...هل من مزيد؟؟

خواطر :) ياحظج مخلين براحتج تتفننين انا مايخلوني ويعلقون على كل شىء والله استحي اسوي شىء لان فعلا يستلموني بالتعليقات خخخخخخ

انا مثلح ارتب من العصر مب المغرب بس...لكن مايقدر يزورني الا بحضورهم...على الاقل واحد منهم لازم يكون بالبيت...فطبيعي بيشوف الميلس وبيشوف ترتيباتي..وبصراحه التعليقات ماترحم خخخخخخخ :)

اتصدقين؟ امس شريت صندلين واحد بشرايط فظييييييع والثاني بخلخال وااايد روعه وقلت بالبسه وبحط ريل على ريل عشان اتكشخ له خخخخخخخ بس يوم وصل ونادوني نسيت ورحت حافيه (مطفوقه) خخخخخخخخ

عاد عجبته اصابع ريولي خخخخخخ تم يعلق عليهم :)

بس المره الجايه بلبس الصندل خخخخخخخخ

تسلمون يابنات :) يالله اللي عندها افكار تتفضل تشاركنا

بيه بيه طلعتو مو هينيين عليكم حركاات تهبل ^_^

بس وين اللي يتجرا ويسويها:gum:

انا اول زياره اكيد مو مسويه هالحركات بس

بتكشخ وبتزين وبقعد عشان يناظرني خخخ

ريم :) اشتري لج دفتر دلع حلو وخليه حق الزياره وكل مره خليه يكتب لج شىء قبل لا يطلع وانتي علقي بعد بنفس الصفحه وعليها تاريخ ووقت الزيارة

جربيها ترى وايد حلوه وبتتم ذكرى :)

حلوه وايد فكرة الدفتر
تسلمون خواتي ع الافكار الحلوه
ماتقصرون

وبانتظار المزيد

ماشاء الله عليكم أفكاركم وااااااايد روووووووعه

برشلونية :) انتي احلى...عطينا من افكارج بعد

احبه الغالي :) هلا والله شاركينا اذا عندج تجربه مشابهه (مخطوبة او متزوجه؟)

هلا والله الحلم الهادي ..

موضوعج عجيـــــب .. بس للاسف ماعندي خبره وحتى الي اعرفهم استحي اسأل شيسوون ..

حبيت اشكرج ع الموضوع .. والبنات بعد الي حطو افكارهم تسلموون افكاركم حلووه ..

=)

بخصوص الصندل و الجوتي أو النعال الله يعزكم خخخخ

انا دايماً ألبس بس عسى ما يفضى المكان و أتم وياه بروحي افصخ النعال عشان آخذ راحتي << ما ينفع معاها برستيج ..

و طرت علي حركة صارت عفوية و بدون قصد بس حلوة ..

تعرفون الكور المعطة اللي تنباع في لايف ستايل ؟؟ أنا كنت حاطة منهم في قاع مزهرية و شكلهم طالع غريب .. عاد شد انتباهه و سألني وشو ذي ؟ شرحت له السالفة و يوم طلعت له وحدة يشم ريحتهم اعجبته الريحة .. خذ له وحدة و صار كل ما جاني قبل لا يطلع ياخذ له وحدة و عنده الحين كور بعدد الزيارات .. و يقول إنه كتب عليهم تاريخ الزيارة : )

ماشاءالله عليكم ..افكاركم واااااايد حلوه

كل يوم الصبح قوميه للدوام ..يكون اول شخص يسمعه هو انتي
راح يستانس واااااااااااااايد :)

او تقدرين تبعثين له مسج على الصبح او ايميل .. فيه بطاقه من عندج وكلام حلو

دوحانية ام الكور خخخخخخخخ يه يه مب سهله البنات وابو الشباب بعد طلع رومانسي ابو كور بعد :) حركااااااات

روعه والله :) ذكراها بتتم بينكم ..عسى الله يهنيكم بكوركم خخخخخخخ

وهج العين :) حلوه افكارج

أوه أوه على الموضوع الحركااات
طلعوا البنات مو هينات خخخخ وعندهم قدرات فائقة
تسلمين يالحلم على الموضوع خليتينا ناخذ فكرة عشان لو يوم انخطبنا مانتورط خخخخ

رين :) الله يسلمج..ماعندج فكره منيه والا مناك...دوري عدل

يلا عاد كملوا
انه لو مخطوبه جان قلت لكم
بس لين احين
تو الناس

تسلمين مره ثانية اختي الحلم الهادئ على الموضوع المميز

اليوم جربت فكرة كلاسيك :) خليت مرت اخوي تطرش من جوالي مسج له وانا قاعده معاه خخخخخخخ واااااااايد تفاجا وماستوعب تلخبط خخخخخخخخ وايد عجبته الحركه

كانت زيارة سريعه فما قدرت اسوي حركات بركات...بس انشاء الله المره الجايه ارتب شىء عدل :)

فكرت انه في كل زياة اكتب له كرت مع هدية بسيطة للذكرى..واسجل بالكرت تاريخ اليوم ورقم الزيارة ...هذي الفكرة اقتبستها من كور دوحانية :) الله يوفقها يارب ويسعدها

السلام عليكم

شخباركم ان شاءالله بخير

بقولكم هالمرة ايش سويت وايد استانس عليه .... كان الجو صج رهيب

اولا شي شريت 3 ورود لونها احمر وورده صفره

نثرت على الطاوله الزجاج اللي جدامنا وردتين لونها احمر وحطت الورده الحمره والصفره نهايه الطاوله متضادين

وحطت على نص الطاوله علبه زجاج صغيره فيها كريستان ورد صناعي بس الاوراق وحطت بداخلها شمعه على شكل قلب وفتحت العلبه ...وحطت بالعلبه ورقه فيها كلام رومانسي بقولكم بعدين ليش

طفت الاضاءه بس ولعت الشمعه والابجوره ... وشغلت موسيقى هادية

الجو كان رررررررررررهيب ... هو كان متوقع اسوي شي بس ما تخيل هالشي

وانا رايحه احط له العشا طرشت له مسج ..قلت له في العلبه اللي جدامه في رساله له

كنت كاتبه له اني راح اعشيك اليوم ..وكلام حلو ...
دخلت احط له العشا يطالعني كان وده ياكلني وايد انبسط على الحركه

وقبل ما يطلع خذت فكره اعتقد دوحانيه انه اكتب له رساله واكتب له التاريخ واحط الورقه في مخباه ... وفي النهايه عطته هديه (عطر وشموع ونثرت ورد وبطاقه في صندوق)

ماكان متوقع هالشي .....

بس صراحه استخف على هالحركاااااااااااااااات

اتمنى انها تعجبكم

وهج العين :) واااااااااو وايد كول...........بس مستحيل اقدر اسوي هالسوالف ببيت اهلي والله بيقطعوني تعليقات هذا اذا ما هاوشوني خخخخخخخخخخخخخخخ

بس حلوه افكارج حق ما بعد شهر العسل :) بالنسبة لي طبعا

واللي تقدر تدلع خطيبها تسويها بصراحه حركات حلوه :) الله يوفقج ويهنيه فيج وفي افكارج