الجزء التاســـ9ـــع من تجهيزات عرايس قطــ2006ــر

مرحبا خواتي العزيزات

هاي موضوع مس دانه (بــنات قـــطر استفساراتكم .. دليلكم .. تجمعاتكم )

حبيت اضيفه لكم للإفاده اكثر

http://www.3roos.com/forums/showthread.php?t=185569

والله يوفقكم ويتمم لكم على خير ان شاء الله

أختكم الدانـــه

هلا وغلاببرنسيسة قطر شلونج وشخبارج مع الحياة الجديدة طمنينا عنج يالغلا

يسلموا حبيبتي على الموضوع

miss_engr:
اليازي..

والله انج ..كوووووووول.. تصدقين كنت ابي اسوي نفسج عشان اعرف شنو سالفتها!...

الحين وضحت الصورة اكثر...

يسلمو حبيبة البي!

مســ انجر :shy:

فديت قلبج واللهـ إنتي اللي كووولـ :shy:

اي والله تصدقين من الفراغه قلت خلني استغل الفرصه وادق عليها وأجوف شسالفتها ذي

،عاد جفتي الفراغه وماتسوي خخخخخخخخخ

يالله الحمد الله انه الصورهـ وضحت لج ..

واللهـ يوفقج إن شاء اللهـ فديتج :shy:






مملكة النحــل ..

هههههه فديتج واللهـ .. :shy:

تصدقين مملكة انا يوم كلمت أمي عن سميره وشنو اللي تسويه تدرين شقالت لي : قالت لاتسوين

طبعا بالبدايه حز في خاطري :sad: ليش ماسوي وانا عروس ومدري شنو بس يوم قالت لي السبب

:shy: اقتنعت لانه صج ترى هالشغلات والكريمات يمكن في بنات ماتطيح عليهم هالشغلات وانا

وحده منهم ، قالت لي انتي الظاهر ماتحبين عمرج ، قلت لها ليش يمه قالت تبين تشوهين عمرج

قبل العرس لانه انا جسمي حساااااااس حتى الشغلات الطبيعيه ( بعض الاشيا ) تسبب لي حساسيه

:sad: من جذي اقتنعت وقلت خلاص مب ماخذه عندها ... وانا مثل أختي مس لوجي والله قاعده

أحاتي شلون بحط حنه حق عرسي :sad:


يالله الله كريم إن شاء اللهـ



ادري قلت قصة حياتي :shy:





دوحانيه ..

هلا فديتج دوحانيه وبالفعلـ هي قالت لي انها تستخدم شغلات طبيعيه وللأمانه بس مثل ماقلت

لج انا وحده حتى الشغلات الطبيعيه ماتطيح علي :sad:

الله يشافيكم و يعافيكم قبل أعراسكم .. حزنتوني و الله : (

بس يالله مب مشكلة .. عساها خيرة لكم ..

مع إن الصج ما سمعت حد تحسس من أشياءها .. بس سبحان الله وحدة عن وحدة تفرق ..

الله يتمم لكم على خيرو تطلعون أحلى عرايس بسميرة و لا بدون سميرة : )

السلام عليكم ورحمة الله وبركاته

هلا يا بنات احلى ديرة؟؟

انبطت جبدي كنت كاتبه رد لكل وحدة
في الثلاث صفحات اللي راحوا
وفجأة انمسح كل شي

برد اكتب لكم وبرجع

بس سؤال لين ما أخلص
شتسوي الوحدة اللي ما شافت خطيبها الا مره وحدة ولا تكلمه في يوم العرس

السلام عليكم ورحمة الله وبركاته

هلا يا حلوين ..شلونكم؟؟

نعووومة قطر

نعووومة قطر:

البنفسج

مكياج امينة الجاسم حلو سوت حق رفيجتي يوم عرسها وكان رووووووووووووووووعة
وهي تضبط مكياج السمر واااااااااااااااااااايد

هلا حبيبتي
انزين انا حنطيه او تقدرين تقولين بيضه
بتضبط المكياج علي
وهل هو حلو وناعم يعني اطلعني بنوتيه حلوة


نور الدوحة

نور الدوحه:

بنات منو ترشحون لي حق العرس

لبنى او نجوى؟؟؟؟

اي وحده فيهم احسن؟

ترا ثنتينهم فنانات ماشاء الله
شوفي اللي تناسبج واحجزيها

عذبة انا

عـَــذّبـَـة ٌ أَنـَــا:

.:: البنفسج* ::.

هلا حبوبه وحشتيني ..

بالنسبة لأمينة الجاسم مكيااجها حلو بس ماقد شفته على عروس .. ماقدر أفيدج .. بسألج وحده وبشوف رايها فيه وبرد عليج باجر إن شاء الله ..

هلا حبيبتي انا ولهانه عليج اكثر
فديتج ردي علي بسرعة

هبة

hba:
مساكم الله بالخير
حبيت اسالكم عن نجوى اللي تعمل تسريحات للخطوبة والعرس كيف مستواها
هل شغلها حلو ومرتب ؟؟
بالنسبة للماكياج ابي وحده تعمله بطريقة ناعمة وهادية بحيث انها تستعمل كحل
رمادي وماتحط محدد يعني روج مات وتبتعد عن الزحمة يوم تمكيج الوحدة
____________

بالنسبة لهدايا المعازيم وين تنصحوني اسويها ؟؟؟؟؟؟؟؟؟؟؟؟؟
وشنو رايكم في مسكة العروس ( ورد طبيعي او كريستال من سوارفسكي أو
مسكة تجي مثل الحقيبة وبها ورد ؟؟؟؟؟؟؟؟؟؟؟؟؟؟؟

_________________________________
سؤال جوهري
هل تضعين زفة اسلاميةولا اغاني ؟؟؟؟؟؟؟؟؟
وجزاكم الله خير

حبيبتي بالنسبة لنجوى ترا شغلها حلو
والمسكة حلاتها ورد طبيعي مع كريستالات
والزفة الاسلامية احسها احسن من الاغاني

كلاسيك

classic2004:
البنفسج

شكله فستانج وايد حلو :) ماشاء الله
بالنسبة للطرحة انا كان في بالي هل الموديل

بس يوم سوت لي الطرحة غيرتها للعادي اللي تكون طايحة على الراس

بس سؤال هاي شلون تتثبت يعني اجيب دبابيس ولا اللي بتسوي شعري بتجيب الاشياء اللي تثبتها

عيونج الحلوه حبيبتي
والطرحة لا تشيلين همها مالت الشعر بتكفل بها وبتسوي اللي يناسبج ان شاء الله

قطر

حبيبتي الله يقومج بالسلامة
وان شاء الله الله يرزقج الذرية الصالحة

مس دانه

مس دانه:
جيت لكم بسؤال
للبنات اللي توهم يجهزون حق اعراسهم
تفضلين انج تجهزين كل شئ بنفسج وتخلينه مفأجاه والا تحبين حد يشاركج التجهيزات
واذا تحبين حد يشاركج من يكون هالشخص ؟
ليش هالانسان بالذات ؟
او ما عندج مانع اي حد يجهز معاج لو هو فاضي

اذا بالنسبة لتجهيز أغراضي من لبس وغيره انا بتكفل بنفسي وباخذ براي امي واختي
اما باستعدادات العرس
من القاعة والمعازيم والبطاقات ولخلة والاشراف على العرس
اعتقد اني بحتاج حق حد
لأن امي فديتها ما تقدر تسوي كل شي بروحها
يعني في هالموضوع احتاج حد من العائلة
مثل خالاتي وبناتهم

بنت الغالي

بنت الغالي:

البنفسج

لاوالله حبيبتي انا ازعل على الي يزع عليج بس الظاهر اني مانتبهت لسالفة الطرحه برجع اقرا الردود بعد شوي بس قوليلي في اي صفحه :)

فديتج والله حسبت انج زعلانه
الحمدلله
بالنسبة لسالفة الطرحة المهم بدا من صفحة 19

كيفكم بنات شنو اخر تجهيزاتكم انا الحمدلله كملت القطع بس انطر البحرين اروح افصلهم تعرفون خياط مياسين وااااااااااااااااااايد اوكي شغله وارخص بوايد من عندنا سوت اختي ام شيوخ والعيله الكريمه سنين تسوي عنده وانصحكم بنات اللي تبي تخيط جلابيات تروح له لانه تطريزه وشغله للجلابيات روعه

البنفسج

والله مب شي الوحده ماتشوف خطيبها ولا تكلمه لانه يوم العرس بتحس بخوف منه ولا يمكن مايتفقون باشياء مفروض كانوا يتناقشون فيها قبل عشان مايطيحون بمشاكل

عيون المها

وين هالخياط ؟
في اي منطقة؟؟

[grade="4B0082 FF1493 008080 C0C0C0"]بالتوفيق انشالله[/grade]

[grade="00BFFF 4169E1 0000FF"]صبااااح الشهـــــــــد..لكل عرايسنا..[/grade]


اخباركم حبابي؟..

انا بالنسبه لتجهزيات الخطوبه... والله اهل خطيبي الله يخليهم ...مريحيني.. وياخذون راي بكل شي. وانا بعد مو من النوع المتطلب.. يعني المهم شي مرتب وحلو..

بس انا الفاجه ..التصوير، لحين مارحت شفت احلام وذكريات.. !!..ان شاء الله بكرة اذا الله احيانا امر عليهم....


البنفسج..

بالنسبه لسؤالج.. تبين الصج لازم الوحده الحين بفتره الملجه اتعرف على خطيبها عدل... انا ما اتخيل اني ما اكلمه ولا اشوفه الا يوم العرس!.. الوحده منا تلاقينها اتشوفه من فتره لفتره.. والاتصال بينهم شبه يومي.. والحيا مقطعنا ومب قادرين نتاقلم عدل..شلون عيل هذي المسكينه اللي بيوم العرس بتقعد معاه!!!!!!!!....
ومادري انا احس ان بوقتنا الحين..شوي الناس فجت.. يعني صار عادي الخطيب يزور خطيبته..وفي بعظهم ممكن يطلعون مع بعض طبعا بتواجد شخص من العائله معاهم..


ووووووبس!..

جني تفلسفت اليوم وايد!

صباااااااااااااااااااااااح الورد ياحلوين ...




اي والله الصراحه صعبه شلون الوحده ماتجوف خطيبها الا يووووم العرس !!!!

يفضل انه البنيه تتعود على خطيبها وتعرف طبايعه وشنو اللي يحب واللي مايحب وحتى
الخوف والقلق بيخفون عند البنيه يوم العرس ..



واللهـ يوفق الجميع ياااربـ ..

السلام عليكم
شلونكم بنات
ان شاء الله بعد اسبوع رايحة البحرين بس بنات لوسمحتوا ممكن تقولون وين احلى محلات تفصيل العبايات

وابي بعد محلات جلابيات كشخة

ياعرايس من يعرف محلات تفصيل بدلات كشخة
سمعتوا عن خياط صادق
ومناور
وسانيوا
شلون تفصيلهم حلو.

اي والله بنات نبي محلات تفصيل بدلات لانه السوق مافي شي عدل

هلا حبيبتي
انزين انا حنطيه او تقدرين تقولين بيضه
بتضبط المكياج علي
وهل هو حلو وناعم يعني اطلعني بنوتيه حلوة

هلا يا عمري
الصراحة آنا شفت مكياجها وايد حلو ونظيف و الصراحة آنا ما شفته الا على السمر وكل ربعي قالو لي مكياجها احلى عالسمر , آنا بغيت اجرب مكياجها واتصلت فيها عشان احجز عندها بس ما كان عندها مجال تاخذني
هذا كل اللي اقدر اقوله لج يا الغلا وان شاء الله اكون افدتج

فوفو الحلوة:
ياعرايس من يعرف محلات تفصيل بدلات كشخة
سمعتوا عن خياط صادق
ومناور
وسانيوا
شلون تفصيلهم حلو.

هلا بفوفو الحلوة

حبيبتي صادق وسانيورا خياطهم حلو و مرتب لا تحاتينهم وايد و حتى اسعارهم اوكي بس سانيورا لج عليه شوي من ناحية الاسعار

ومناور الصراحة ما خيطت عنده و لا سمعت عنه>>>>غريبة فيه خياط في الدوحة ما قط سمعت عنه:qaq: كخخخخخخخخخخخخ

وسلام يا احلى عرايس

تصدقون ..بنات..


امس رحت سوق الديره..<<<<< ماراحته من نص قرن!!..

تفاجأت لما لقيت عندهم قطع حلو..تصلح تسوينها بدلات ..كشخه.. يجي الحرير الثقيل.. ومعاه الحرير الشيفون.. وااايد راقي..مع اني مو من النوع الي يخيط كلللللللللش.. بس اعجبوني..قلت ممكن افكر اسويهم تنانير مكسي..مع قميص سمبل..وادخل معاه سوارفوسكي.. يطلعون راقيين...

بس والله ما خذت منهم امي قالت لي تو الناس..باقي لج 8 شهور..بتنزل اشيا جديده.. بس.. تصدقون خايفه من الخياط.. اخاف ما يضبط الخياط..!!


بس حبيت اقولكم ..اذا حد وده يخيط..ولا شي!..