الجزء التاســـ9ـــع من تجهيزات عرايس قطــ2006ــر

زبيدة والا نسرين شكثر ياخذون على العروس للحنا؟؟

واقول لهم عروس والا لا؟ هل يفرقب السعر وايد والشغل والا لا...ِشرايكم؟

خاصة ان فيه ناس بيعروسن قريب وحاجزين حنا عندهم اكيد :)

عيون المها ..


تبين الصراحهـ انا وحده دووووم أخيط عند المصممه التونسيه خياط آلاء بس أماكن ثانيه

ماقد جربت ..



مسـ انجر ..

سوق الديره من يومه عنده شغلات تهببببببببل مو أول مرهـ أنا لي أدخل استخف على القطع

ودي أشتر السوق كله خخخخخخخخ ..


الحلم الهادي ..

تصدقين أنا حاجزه عند زبيده بس ولا مره سألت على جم تسوي هههههه ان شاء الله غيري

يفيدونج .. وبخصوص انج تقولين لهم عروس او لا ترى لو قلتي لهم عروس ولا مب عروس كله

واحد نفس النقش يحطونه لج .. انا حق يوم خطوبتي ماقلت لهم انا العروس ، هي سألتني على

جم تبين وقلت لها ابي 500 وحطت لي على قد السعر ولا درت اني عروس كان في رحاب مو

زبيده ..





بناااات بسألكم تكفووون لاتردوني ...

واااااااااااااااايد محتارهـ بين خيريه و أنوار .. منو تأيدون الصــراحه ؟!!


وبخصوص الفراشه بنات اللي عندها رقم الفراشه تكفون دزولي أياه عالخاص محتاجته ضروري ..

السلام عليكم
طحت عليييييييكم ....شتسوووون خخخخخخخخخ
ياحليلاااااااااااااااتكم ياعراااااااااااااااااااايس قطر صج سوالفكم ماتنمل <<<لقااااااافه عزاااااابيه

يالله انشالله عقبالى واعور راسكم بالاسئله

مبروووووووووووك لكل عرايسنا الله يتمم لكم بخير وانشالله كل وحده تطلع بعرسها مثل ماتبى واحسن

فوفو الحلوة:
ياعرايس من يعرف محلات تفصيل بدلات كشخة
سمعتوا عن خياط صادق
ومناور
وسانيوا
شلون تفصيلهم حلو.

انا سمعت عن صااااااااادق روعه قصاته يعنى لو بتسوين تنانير عنده عطيه قياس تمام بيضبطه لج ويبرز لج جسمج بطريقه حلووووه ويفصلج البدلاااات بعد اذا عندج موديل معييييين

الليازى خيريه اوكى وانوار بعد لكن ماادرى ليييييه ساعات احس خيريه مزاجيه يعنى يوم بترقد العرس ويوم يتقومه امااااا انوار روووعه مع انى حضرت عرس مره وحده كانوا فيه لكن خيريه وااايد يطلبونها فى الاعراااااااس

هلا

فوفو الحلوة انا بصراحة ما اعرف الا ناريمان والسلطان
بس اكثر شي جربتهم في التنانير



الحلم الهادئ ...
اطلبي حناء بس لا تقولين انج عروس بيضربون ضربتهم بالسعر..
عني استقريت على نسرين


الليازي ..
احس خيرية ذا لها مزاج تقوم العرس
وانوار انا شفت اعراس لها واحسها وايد اوكي بس لها حركات

واي طقاقة كل ما زاد النقوط كل ما تشتط زيادة باطرش لج الرقم اللحين


اليوم رحت الور اللي بالسد وخذت لي فستان حق الصباحية لان اللي عندي مب مقتنعة فيه
وفكيت عمري .. الاكسوارات اللي عنده حلوة بس غالية وايد

اللي ابي اعرفه اللحين شاجيب توزيعات اكل بعد عندي 12 صنية مرت خالي خذت لي صنيتين حلو ومعجنات من وحدة تسويهم في البيت
وخذت صنيتين حلويات من سوان اللي بالنصر
ورحت اليوم هلا اللي برويال وحجزت كافي
وحاطة في بالي اخذ بيتفور من الذواقة هاي صنيتين
ابي موالح احس اني بامحر الناس في العرس خخخخخخخ عطوني اقتراحات ابي افتك من هل السالفة

بنات وين خياط صادق

مدري والله اول مره اسمع فيه

الحلم الهادي ..
تحنيت عند نسرين يوم خطوبتي .. في اليد لين المرفق و الريل الله يعزج بس القدم .. بـ 400 ريال و ما قلت لهم عروس ..

و سألتهم عن حنا العروس بكم قالت بـ 600 - 800 ريال .. و الشغل هو نفسه ..

::

الليازي ..

خيرية ..

::

خياط صادق في السد صوب محلات الموبايلات و دار لارا .. لوحته صفرا كبيرة ..

.
.

احم احم .. أسئلة ما لقيت لها أجوبة ,,, يا ليت تفيدوني :

الحين العروس لا جات بتصلي مع ريلها شتلبس ؟

و اللي فيها الدورة .. ما تصلي .. زين ريلها شيسوي ؟

..

و أنا بعد أبي مثل كلاسيك .. من وين آخذ موالح حلوة ..

..

سؤال مهم جداً : الحين متى أجهز أغراضي عشان أنقلهم بيتي ,,, و متى أنقلهم ؟ أحس إن الأسبوع الجاي بانضغط حدي ما عندي وقت ..
..

اقترحوا عليّ ألوان للمكياج أو للمسكة << نسيتها والله .. محتارة في الألوان .. شنو الألوان الدارجة للمكياج ..
.
.

دوحانية

بالنسبة للصلاه لبسي عباتج :) وشيلتج وصلي

واللي فيها الدورة تصلي مع زوجها اول ماتخلص الدورة يعني قبل مايدخل عليها ..



وبالنسبة للنقل للبيت انا اقترح عليج تنقلين من الحين اذا عرسج قرب .. نقلي اغراضج

بس كويها ونقليها بعلاليق مثل العبايات والفساتين والقمصان اما الاشياء الثانية خليها في شنطه

ولارحتي البيت عدليها :)

مشكورة يا روز ..

بالنسبة للأغراض .. بابتدي فيهم الحين .. بس متى أبخرهم ؟ ولا بس أكويهم و قبل العرس بكم يوم أدخنهم أقصد الثياب اللي يبي لها تبخرينها .. اسمحي لي على سؤالي بس صج أحس مخي متخربط .. و عندي البيت باقية له تشطيبات بسيطة و يخلص .. و العرس باقي عليه أسبوع ..

الله يعين ..

حبيبتي دوحانية مساء الخير
حبيبتي ابتدي من الحين وحطي الاغراض ترى والله عقب مابتحصلين وقت صدقيني لاتاجلين شي الاشياء المهمة خليها عقب والاشياء البسيطة واللي تاخذوقت طويل ابتدي فيها من الحين وبعدين اذا بترتبين الاغراض في الكبيت وبتسوين والله بتاخذين وقت طويل وابتدي من الحين والبخور خليه عقب قبل العرس بكم يوم بخريهم علشان تبقى الريحة وتكون حديثة ........بس حبيت اسالج انتي بتبخرين ملابس باي نوع من البخور .............
والله يوفقج يالغالية ...........

مشكورة حبيبتي ما قصرتي ..

والله عندي أنواع وايد ..

بس اللي باستعمله بإذن الله .. بخور من الإمارات مرت أخوي جايبته لي ..

دوحانية

حبيبتي بخري قمصان النوم وعطريهم وطويهم وحطيهم بالكبت .. ماتتغير ريحتهم ..

لكن العبايات والملابس المعلقه والفساتين بخريهم لارحتي بيتج هناك يعني لارحتي تعلقينهم بخريهم

هناك لان مابقى شي على العرس الا اسبوع وبعدين ماعندج وقت كلش ملش :)

لكن المشكلة في نوع البخور اللي بتحطينه .. لان في بعض الانواع لابخرتي فيها الثياب وحطيتيها

بالكبت من غير ماتلبسينها تصير ريحتها مب حلوة كلش لاجيتي بتلبسينها وطلعتيها من الكبت ..

فانتي جربي البخور الي عندج اليوم مثلا بخري عباتج وحطيها بالكبت وطلعيها بكره شوفي

شلون الريحه ؟

مثلا عندج العود بعد منه انواع لاعودتي المالبس وحطيتيها بالكبت مب شي تصير عقب فتره

دوحانية ..
انا خذت اجلال من عند ام حمد .. وحطيته في الشنطة ..
احس مخي مفتر وايد اشياء لازم اسويها .. وامس جيت بارتب شنطة الفندق لقيت وايد اشياء ناقصة ..

اغراضي لحد اللحين مدري باوديها احتمال قبل يوم الحناء .. بيودونها خواتي وخالتي .. طبعا امي ما تقدر تروح ..
الاشياء قلت قبل بيومين بابخرها ..
على فكرة لقيت كيس الثياب اللي تسالين عنه في سام اللي عند سوق فالح ..

.
.

احم احم .. أسئلة ما لقيت لها أجوبة ,,, يا ليت تفيدوني :

الحين العروس لا جات بتصلي مع ريلها شتلبس ؟
شوفى انا خالتى يوم عرسها البست قميص النوم وعليه الروب ساترها يعنى وفوقه جلال الصلاه
و اللي فيها الدورة .. ما تصلي .. زين ريلها شيسوي ؟
بكل بساطه قولى له مااصلى واتوقع فى هالحاله هويصلى بدونج اسئلى شيخ بهالخصوص
..

و أنا بعد أبي مثل كلاسيك .. من وين آخذ موالح حلوة ..

..فوشون وماسيس وفى محل نسيت اسمه اتوقع ليالى نسيت اسمه بتاكد منه وارد عليج

سؤال مهم جداً : الحين متى أجهز أغراضي عشان أنقلهم بيتي ,,, و متى أنقلهم ؟ أحس إن الأسبوع الجاي بانضغط حدي ما عندي وقت ..
..
شوفى من الحيييين انتى حطى رتبى اغراضج وحطيهم بالشناط وقبل عرسج باسبوع خل ينقلونهم لج ونصيحه خلى حد تثقين فيه يرتب لج اغراضج بالاماكن اللى تبينها وتكون قريبه منج عشان ماتحتاسين
اقترحوا عليّ ألوان للمكياج أو للمسكة << نسيتها والله .. محتارة في الألوان .. شنو الألوان الدارجة للمكياج ..
.
.[/QUOTE]
خلى لون المسكه نفس لون الكوشه والذهبى الحين من الالوان الدارجه اذا ممكن تدخل لج هاللون فى اكسسوارت مع المسكه تطلع حلوه

الله يتمم لج بخير

دوحانيه دام باقي لج اسبوع استغلي هاليومين ورتبي كل اغراضج لانج بهالخمس الايام الاخيره بتنشغلين مع الحف والحمام المغربي وتنظيف البشره والاتصالات علشان تاكدين الحجوز فهمتي علي لا تأجلين اي شي اللي تقدرين تسوينه سويه والله يوفقج ان شاء الله

اللهـ يوفقج يادوحانيه وييسر لج كلـ امورج إن شاء اللهـ .. واللهـ يهنيج ويجعلـ كلـ أيامج

سعااادهـ ياااااربـ ...

بنات شخباركم انا اليوم رحت حق رومو الي تشتغل مصممه لبنانيه وعجبني موديييييييل خلاص باسوي عندها وزين سعرها بكره باروح ادفع عربون وتاخذ قياسات