الجزء التاســـ9ـــع من تجهيزات عرايس قطــ2006ــر

السلام عليكم ورحمة الله وبركاته

شلونكم ياعرايس؟؟
وشلونكم بنوتات؟؟

عيون المها
حبيبتي انت بتسوين جلابيات عاديه بتطريز يعني ولا بتشكلين؟؟
شوفي انا عندي تنوعين الحين الموضة التور والدانتيل والشيفونات
في دانيلات حلوة ملونه ومشجره في محل بالديرة نسيت اسمه
لين رجعت امي بسألها بس شنو حلووو
وحتي الالتور الملون وتحته بطانه وايد حلو
وسوي بعد جلابيه بموديل الفراشه بشيفون حرير بيطلع روعه

شموخ عنادي
انا عندي لج طريقه
اذا خطيبج من النوع اللي يحب التحدي
اتحديه ان ما يشوفج لي يوم العرس
يعني قلبيها لعبه بس بطريقه رومانسيه


دوحانيه ومملكة النحل
أشكركم على النصايح
وان شاء الله باخذ بها

قطر
الله يقومج بالسلامة حبيبتي

بنت الغالي
هلا بهالطله
حبيبتي ما عطيتيني رايج بالطرحه
ولا انت زعلانه مني

السلام عليكم ورحمة الله وبركاته

الجوري
انا عندي تلبس فستان الحرير احسه ارقى
ما ادري هذا رايي

انزين وين تسوي يعني ابي مكان راقي وسعره معقول
وبالنسبه للبدلات تبي بدلات حق الكشخه واول ماترجع من شهر العسل بيصادف العيد عشان جذي هي تبي بدله حلوه واصلا هي استقرت على الحرير بس ادور مكان رخيص وحلو يضبط
ساااااعدوني والله مافي وقت

اليازي..

فديتج ..مشكورة على السؤال..انا اخباري عال العال...ويــن كنا..وشلون صرنا!!..علوم!!.:ok:


مملكة ..النحل..


صباح الورد والفل.. واسفه على التاخير...

للبنات الي طلبوا اغنيه اليلـــوة.. هذي اغنيه لفطونة..وان شاء الله تعجبكم!

[rams]http://www.6rb.com/song5/samryat/a3rs-mnw3/fa6oumah_aly-wh.ram[/rams]


وامممم...حبيت اشارك بموضوع السكن..

انا بالنسبه لي..خطيبي كان يبي في بيت بروحنا.. بس تبون الصج انا قلت له مافي مانع من اني

اسكن مع اهله..خاصه اني لحين ادرس بالجامعه.. وبتكون المسؤوليه علي اكبر... وانا بالطباخ!!..

الله بالخير!!.... فقلت..اسكن سنه معاهم.لين ما اتخرج ان شاء الله..ونستقر في بيت بروحنا..

لنا جناح.. بغرفتين وحمام الله يكرمكم..ومطبخ وصاله...حلو..يعني كانا ساكنين بشقه!..

حلوه الاغنيه من اي موقع نزلتيها اختي مس انجر ؟؟

خخخخخ تسوون سيناريو حق رياييلكم ..
سووا مثل ما قالت قطر .. و الله يوفقكم ..

::

الليازي ..
النفسية عال العال و الحمد لله .. بس مادري اشفيني اخترب ارقادي .. ارقد متأخر و قبلها بساعتين أكون في الفراش بس النودة مناحستني ما تجيني .. و لا نفسيتي الحمد لله : )

::

شموخ عنادي ..
و ما أدراك ما الإيجارات في قطر << وحدة تتابع حركة الإيجارات خخخ بس صاجة والله ما تلقين شي بأقل من 10 !!!! الله المستعان .. بس عندي الملحق أحسن و أريح من إنج تكونين مع هله داخل البيت ..

::

الجوري ..
اممم خلها تلبس فستان حرير بموديل ناعم .. و يكون لونه فاتح عشان تكون عروس حالمة لووول
خلها تشوف الفولك الحديث تفصيله حلوو لكن ما أدل وين مكانه .. و بالنسبة للقياسات تروح حق خياط بنت الجزيرة في مجمع الغرافة عندهم وحدة تاخذ القياسات بـ20 ريال ..
الله يوفقها ..

::

باسألكم ..

الحين نجلا عبيد مكياجها حلووو حلووو و خصوصاً رسمة العين تضبطها ؟ و بودرتها اشلون ؟
إذا أوكي باشوفها تمكيجني للعرس ..

بس ضروري لا تهملون ترى ما عاد به وقت ..

دوحانيه ياليت لو اطرشين لي رقم سميره ..

وبنات اذا وحده تعرف رقم تريز اللي تسوي الشعر .. وسعاد البلوشي اطرشه لي ومشكورين

يحليلها نجلا درستني


الصراحه انا شفت مكياجها على البنات من سنه وشوي تقريبا


بس بودرتها تتقطع


حتى على ويهها يوم كانت تحط حق المدرسه كانت تتقطع



بس والله ما ادري اذا للحين والا تحسنت

من موقع طرب.. قسم الجلسات الخاصه..

اغاني الاعراس... لفطومة..والله كان ودي احط لكم رابط التحميل..بس ما اعرف شلون!!


شجون..حبيبتي شيكي الخاص..دزيت لج رقم سعاد البلوشي..

تدرون بنات ..

انا للخطوبة ماراح اتحنى..لاني مثل ما قلت عندي حساسيه..:sad: جلدي مايستحمل الحنه..وثاني شي..قلت ان ستايل فستاني ما يصلح اتحنى...


اليوم كنت اسولف مع اخوي...ومادري شنو جاب طاري الحنه..جان اقوله اني ماراح اتحنى للخطوبة والعرس..ما اتصورون شنو نظرة الحسرة اللي شفتها في عينه!..:pain:

ما توقعته الصراحه!..قالي لالااااا... ليش!... عروس حلاتج اتحنين.. انكسر خاطري على روحي..وامي بعد اول ما ملجت وهي تقول خاطرها تسوي لي حنا...

وهذا اخوي لما درى سوى جي..عيل خطيبي لو درى شي يسوي؟!:cry: .. هو لحد الحين ما يعرف.. ودي افاتحه اليوم بالموضوع!.. مادري شنو ردة فعله!..

ادعوا لي الله يشافيني..من هالحساسيه..عشان اقدر اتحنى نفس كل العرايس...

مس انجر حبيبتي انا بنت عمتي بعد كان فيها حساسيه من الحنه


بس سألت دكتورة الجلد مالتها وعطتها مرهم تحطه قبل الحنه ويخفف الحساسيه


اذا عرفت اسمه برد عليج


اذا تتعاملين مع دكتوره سأليها واكيد تعرفه

الجوري4_8 :

شوفي اوركيد اللي بشارع الخليج ، يسوي بدلات ، ومره اتصلت له وقال ب600 بس ماذكر الجاكيت بروحه ولا بدله كامله .

انا بنت عمتي يوم صباحيتها لبست بدله بس هب مفصلتها ومصممتها وكانت حلوه والله .

كل البنات اللي دعوا لي اقوم بالسلامه ، الله يسمع منكم إن شاء الله يااااااااااارب
والفال لكم جميعاً .


miss_engr :

شوفي بو الشباب يمكن يطلع مايحب الحنه وتفتكين هههههههههههههه
لا تبين الصج ماعتقد ، انا زوجي مايحب الحنه ولايدانيها وياويلها اللي تقرب منه وهي متحنيه ، بس يوم الخطوبه والعرس جداً عادي هههههههههه غصب عنه عادي مايقدر يقول قومي ريحتج مب حلوه ، بالعكس كان يقول ريحة الحنه في يدج حلوه هههههههههههه يجامل شكله .

زين شوفي الحساسيه وين تطلع لج بالضبط عالكف من فوق ، ولا من عند معصم الساعه لين الكوع ؟؟؟

إذا جذي تقدرين تتحنين من داخل بس وعلى الأصابع شي ناعم .

ويوم العرس سوي موديل يده طويله ، لاتقولين مب حلووو ، ترى صج تطلع العرووووس قمممممممممه إذا كانت مسويه يد طويله والله شي فخم فخم فخم .

وشوفي الدوا اللي قالت عنه مس دانه = مس جامعيه

مس دانه..

واللي يعافيج..قوليلي اسم الدكتورة اللي راحت لها!..


قطر..

بو الشباب..طلع يحبها!!........ والحساسيه تطلع عندي..من ظهر اليد ..لين الكوع!..

وعلى فستان العرس.. تبين الصج ..هو صح اليد الطويله يطلع استايل راقي.. بس انا حاطه في بالي

الموديل اللي يجي على الكتف...وتبين الصج...احب التشخلغ!!..<<<< قوية عين!

مس انجر ...المقطع رووووعه :) ثانكس

دوحانية :) رفيجتي مسويه عند نجلاء عبيد حق خطوبتها وكان مكايجها ورسمة العين اروع من الروعه وخذيت رقمها لاني حاطتها ببالي للعرس اذا ماحصلت حجزعن سعاد البلوشي او عبير ..يعني كاحد الاختيارات :) صج روعه لاتفوتينها

بنااااااااااااااااااااااااات

بليز بليز اللي يعرف رقم سعاد البحرينية يطرشه لي ضروري

لانها كانت عن طريق صالون يونيك بس الحين اتصلت قالو لي انه خلاص مايحجزون لها
مادري شسالفة :(

بليز هيييلب مي

نور :) انتي اكيد ملخبطة...اللي كانت في يونيك هذي سعاد فكري القطرية

سعاد البحرينية بروحها تشتغل !

بطرش لج الرقم اللي عندي

الحلم الهادي..

العفو حبيبتي... اهم شي جا على ذوقج.. والله يهنيج..

دوحانيه :

نجلاء عبيد مكياجها حلوووووو شفته مره على عرووس وكان حلووو وايد .

مس أنجر :
هههههههههههههههههه

مالج الا تحنين اليد من داخل فالخطوبه ، وتسوين نقشه ناعمه عالأصابع عشان وقت الدبله والتصوير تطلع اليد حلوه .
ولين العرس يحلها ألف حلال .

السلام عليكم ورحمة الله وبركاته

شلونكم يا أحلى عرايس؟؟

مس انجر
مشكورة حبيبتي على اليلوه
ان شاءالله ربي يشفيج من الحساسية
وترا اذا ما حطيتي حنا عادي مب مشكله
تراج عروس ولا تكدرين عمرج ولا تحاتين
احلى شي في العروس ابتسامتها
صح؟؟

انزين بنوتات شرايكم في أمينة الجاسم للعروس