الجزء الثامــــ8ـــــــــــــن من تجهيزات عرايس قطر 2006

بنات يا أمهات المستقبل


اذا تبغون مكياج الصباحية أعرف وحدة اسمها مريم مكياجها روعة تجي البيوت او الفنادق

وللسهولة وبعد هي فنانة في الشعر واستشوراهااا يجنن

اي وحدة تبغي رقمها تراسلني على الخاص

وعندي لسته كل البنات اللي يمكيجون

رقمها بليززز ..

السلام عليكم ورحمة الله وبركاته

حبيبتي ليالي
ممكن الرقم

دلوعه قطريه:
سحر الشرق

بنات
انواروه انا حذرت منها جم مره قبل
مره قطعت زفة المعرس من النص وتمت تصارخ بالميكرفون تقول خل اليهال يطلعون الفلوس اللي في مخابيهم؟؟؟

هاي سنع؟
لا وبعد خلت ربعها يتصيدون لليهال ويطقونهم ويطلعون الفلوس منهم بالغصب

وشكثر احضر لها اعراس تسوي هالحركه تصارخ فالمكرفون ميته على الفلوس

واللي يقهر ان تصوير الفيديو يلقط كللللل شي الصوت والمنقبات اللي جنهم طالعين من عصابه ويلقطون الفلوس

غير ان معاها وحده بويه(مسترجله) وماعندها الا تقوم تترقص باخر العرس وشكلها ينرفز الصراحه

ووحده من البنات كتبت موضوع تقول انها شايفه البويه تروح المطبج بالقاعه تدخن وترد

هاي حاله يعني؟

صااااااااااااااااااااااجه دلوعه

والله ييتوا على الجرح
عرس خالي يابوا هذي الانوار نحن ماكنا نبي بس هل العروس طالبينها

وشرطنا عليها يكون بدون موسيقى وبدون رقصتهم الخطيرة
واشوة افتكينا من هالشيئين وعلى سالفة النقوط حدث ولا حرج

ما يطقون الا بالعافية وبين الاغنية والثانية فاصل

هذا ونحن مادفعنا باقي الفوس الا عقب العرس عسب نظمن انها تطق عدل وجي سوت

ومرة غنت ومحد قام رقص زعلت وقالت بالمايك يالله ليش نايمين
وغير لازم قط الفلوس واخر شي قمنا ننقط عليها الريالات عسب تطق وماتحرجنا

على قولة المثل يامن شراله من حلاله عله

وغير البويه اللي قالت عنها دلوعة صج تروعنا منها

حتى خالي شافها واستغرب صج تروع قال هذي حرمة ولا شنو ....؟

بس اشوة العرس عدى على خير

أنواااااااااااااااااااااااااااااااار وما ادراك ماانواااااااااااااااااار :(

شفتها في كذا عرس وماعجبتني واخر عرس شفتها هي والبويات اللي معاها ، مع الرقصه البايخه .

جد حركه مالها داااااااااااااااااااااااااااااعي كلش ، فيكم رقصه رقصوا عدل ولا قروا مكانكم ، والله قلت قي قلبي لو انه عرس اخوي بقول لها قعدي اللي معاج احسن ولا بقطع عليها وبقول وقفي المعرس بيدخل ، وبعدين بقول لا مب داخل الا بعدين ولو سمحتي الرقصه هذي لاتعيدوونها .

عموماً أي عرس مايكو نفيه طق ونقوط اعرفوا انه بيكون فاااااشل ، احنا الشعب القطري عودنا الطقاقات عالنقوط وخلاص صارو ايموتون عالفلوس اللي اطير فالجوووو .

فاللي ماتبي نقوط تعطي الفرقه فلوسها من قبل واااااااايد احسن .

بس بعد بعد بعد عرس بلا رقققققققققص ميت ويخلص بسرعه .

وفي عرسي جبنا حليمه والغاليه ، وفعلاً كل عرس يكونون فيه يطلع روعه ، اللهم عرس بنت عتي ماكان فيه رقص وايد لدرجة وقفوا الساعه 12 وبعد ماكان فيه نقوط وايد .

بعكس عرسي من 9 لين 3 ونص وهم يطقوووون .

يعني لاتقطون البلا عالطقاقه ، صج احنا نتملل اذا نروح عرس مافيه رقص فمابالكم هم اللي يغنون ولا حد معبرهم .

وخذوها قاعده مثل الطقاقات السعوديات مااااااااااااافي

دوحانية...انتي حجزتي مكياج عند من للعرس؟؟ اذا مب سعاد البلوشي..جربيها للصباحيه ترى مكياجها راقي وناعم ووايد احسها فنانه في ابراز مواطن جمال الوجه وتعطي كل شىء حقه
وعندج للصباحيه بعد...تقدرين تجربين "فاطمة العازمي" انا جربتها بنفسي اهي بحرينيه بس كله هنيه بالدوحه تمكيج واهي ستايلها لبناني ناعم يعني يناسب الصباحيه وبودرتها حلوه يعني ماتحسين انج حاطه جص في ويهج خخخخ لالا شىء مرتب وخفيف وناعم

عموما اذا حجزتي لصباحيه اختاري وحده تكون يدها خفيفه وبودرتها خفيفه لان مب حلو الصبح ويكون مكياجج ثقيل او اوفررر وخبرج اغلب الماكيرات تقولين لهم ناعم ويطلع اوفر حبتين

عروس فرش  هلا والله مرحبتين كبار ووحده صغيره على الماشي....وحشتينا...تدرين حبيت سوالفج عن عرسج بس قهرتيني بسالفة العلج خخخخخخخخ ماتخيل عروس وتتعلج احس لو اني من المعازمين بقوم باسطرج وبرد مكاني خخخخخخ العروس حلاتها راكزة وكوووول وحتى ابتسامتها ناعمه

وحده من هلي جذيه كانت داشه وتتعلج وتم الكل ينقد عليها ولما شافت الفيديو صج تحسفت وتمت تسب عمرها خخخخ تقول بدون ماحس كنت اتعلج !! تحسفت وايد

البنفسج *

ليش ماتقولين حق اهل زوجج مابي بدريه ؟؟؟

خل يجيبون فرقه ثانيه بس من غير موسيقى .

ترى بدريه أحسها :( ؟؟؟؟؟

هي بطق وموسيقى مو ذاك الزود فمال بالج هم طالبينها بصوووت فقط :(

مدري عن نفسي اشوفها مو ذاك الزود ، يمكن انتي تعجبج وشوفي آاراء البنات .

السلام عليكم ورحمة الله وبركاته

حلا قطر
الله يوفقج حبيبتي وييسر امورج
وان شاء الله تطلعين احلى من القمر في عرسك

لا بدريه لاااا عيزت وقامت تنسى كلمات الاغاني


وانوار خرعتوني منها رفيجتي مسكينه حاجزتها بشوفها اذا تغير..

انا في عرسي جبت خيريه وكانت وااااو مزاجها عال العال

انا معاك يا قطر

العرس اللي ما فيه دق ولا رقص بصراااحة يملل


وهالشيء صاار معرووف عن الطقاقات اذا ما في العرس قط
شي اكيد انه ماراح يشلوون العرس

الكل من ( خيرية - عواطف - أنوار - فرقة 2000 - فرقة ابستام زري )

وانوار بصرااحة ماعليهاا كلام دق يرقص الواحد ومن حقها اذا هاوشت
عشان كل وااحد يمسك عياله
ولا هي شبتستفيد اذا اليهال لقطوا الفلوس

السلام عليكم ورحمة الله وبركاته

اختي قطر
خرعتيني..ليش مب زينه بدريه؟؟؟
انا وحده ما اروح اعراس وما قط شفتها ولا سمعت صوتها
بس من كلام امي تقول انها تشيل العرس شيل
هي بتستخدم طيران بس موسيقى لا

انزين بسالج شرايج في سعاد القطريه حلوه حق عروس ولا لا

طمنيني وطمنوني يا بنات
:sad:
:sad:
:sad:

السلام عليكم ورحمة الله وبركاته

انزين يا بنات دلوني على طقاقه زينه
وطق بدون موسيقى ونقوط

البنفسج *

اشوفج ساكته ماقلتي شي

بدرييييييييه عيوووووووز ومن اللي يلبسون الثياب اللي ماعرف اسمها وتنحط عالراس ، والله مره كبيره مابالغ في كلامي وصوتها حاد ، يعني تصلح لخماري بس .

تحسين انج قاعده في جلسة عجايز :(

سوري عالصراحه بس تلاحقي عمرج اذا تقدرين ، ويمكن في عرسج يكوووون حظج حلوووو ماتدرين كل شي بالحظ .

ليالي :
صج انوار طقها حلوووو بس في اللي احلى منها بواااااااايد ، وبعدين مب عدله تصارخ ، تنادي حد وتقول له عن اليهال وهم بيتصرفون .

بس نصيحه كل وحده بتعرس تخلي 2 او 3 مشرفات عالمسرح والكوشه من اهلها من يشوفون ياهل يهاوشونه ويصرحون عليه .

انا سويت هالشكل ، صج مافي يهال وايد بس الاهل وكلهم كباااار بس في 4 او 5 تناتيييف ، لكن اهلم كانوا ماسكيينهم وياويله اللي يطلع عالمسرح ولا الكوشه :)

البنفسج.......سعاد القطرية انا ماقط شفت مكياجها على عروس....ليش ماتحجزين عند وحده معروفه للعرايس مثل سعاد البحرينية او دينا او عبير ؟ او شريفه المهندي او نجلاء عبيد...هذيلا مكياجهم للعرايس روعه روعه روعه وانتي مطمئنه :)

بالنسبة للطق...احس خيرية احسن شىء ...!

ممممم حبيبتي كل الطقاقات اذا طلبتي منهم من غير موسيقى عادي يجون .

وخيريه صايره محمد عبده رقم 2 ، والكل يقول عنها هالشكل كله اغاني محمد عبده وصراااااااااااااااااااااااااااااااخ .

كلمي واحد اسمه يوسف مال الله أو حسن مال الله ، هو نفسه اللي يطبخ حق العزايم .

وجيبي الفرقة عن طريقه واتفقي معاه على كل شي .

السلام عليكم ورحمة الله وبركاته

انا اصلا حاجزة سعاد البحرينيه من شهرين
بس هي توها مكلمتني من اسبوعين وكنسل الحجز ..تقول بتسافر
وبعدين اتصلت في دينا وبعد قالت بتسافر
وعبير ما احبها
وشريفه المهندي اتصلت فيها ما ردت علي وبعد طرشت لها مسج وما ردت
بليز بنات ساعدوني
شريفه المهندي تشبهون مكياجها بمن؟؟مكياجها ناعم وحلو ولا اوفر

البنفسج *

شوفي مكياج اخت شريفه المهندي اسمها نجلاء .

حلو مكياجها شفته على عروس واختها وكان حلو والله .

وبعد اشوف وايد يمدحونها الحيييييين .

وشريفه المهندي شفتها حاطه حق وحده سموكي نفس طريقة سعاد البلوشي .

يعني لو تبين قولي لها مابي قصاااات وايد في رسمة العين ، قولي ابي شي في محييط العين .

السلام عليكم

اهل المعرس ما يبون ريال يطق..شسوي
والله بصيح كل شي مسكر في ويهي

وتوني متذكره ..نسيت لسوي فستان للهديه

لا فديتج حسن مال الله مدري شسمه مايطق بس هو عنده خبره فالطقاقات وتحجزين عن طريقه يعني وسيط بين الفرقه واهل العرس .

البنفسج هدي فدييتج والفستان شوفي شلون لو الهديه بتكون على كبيييير وناس وايد يبيلج فستان حتى لو ناعم وجاهز .

واذا المعازيم محدوديين سوي بدله راقيه ، حتى لو تسوينها عند مصصمم .

عندج أوركيد في شارع الخليج يسوي البدله على 600 أو الجاكيت ب600 اعتقد هالشكل قال لي .
وشوفي البرنسيية .