الجزء الثامــــ8ـــــــــــــن من تجهيزات عرايس قطر 2006

بنات الي عندها رقم المصوره مريم الفلبنيه ترسله لي ضروري ..

سحر الشرق
اي والله كان حلووو العرس مع اني ماحضرته خخخخخ بس كلهم قالوا حلو مرتب
ورااااقي .... عن المكياج والله انا كنت خايفه من عقب ماقريب كلام البنات بس والله العظيم طلع رووووووووووووووووووووووووووعه ناعم وحلو مب دفش ولا ثقيل وثابت ومرتب حتى ريلي استخف هذاك اليوم :) ..

عروووس فرش ..
هلا الغالية .. يا الله انك تحييها ..
لج وحشة يالدبة .. اشتقنا لسوالفج ..
و الحمد لله إن عرسج طلع مثل ما تبين .. الله يهنيج دوم و يسعدج و يطمن قليبج ..


و انا موجودة .. و أخباري يا طويلة العمر لاهيين مع التجهيز و الحوسة و مثلج عااارف هالأيام اشلون تكون ..
باركي لي .. عرسي على آخر سبعة بإذن الله ^_^
امممم بيكون عرس إسلامي صغنون ..
دعواتج يا غالية ..

..

نوررر الدوووحه ..
موفقة حبيبتي .. و دونت ووري ..
إن شاء الله كل شي يطلع مثل ما تبين .. أنا واثقة من ذوقج و كل شي ما شاء الله عليج ..
إن احتجتي أي شي جست كول مي .. نحن في خدمتكم .. و لا تنسين تعطينا التفاصيل ..
الله و ملايكته معاج ..

..

قطر ..
ما شاء الله عليج .. و الله يجزاج خير على اللي تقدمينه للبنات ..
بخصوص إن كل شي علي .. أصلاً ذي السنع .. المفروض آتكفل بشي لأهلي خاصة أمي الله يحفظها ..

..

بنت قطر ..
ذكرتيني بنفسي خخخخخ
آخر مرة جاني فيها .. لبست صندل الفستان و قلت له يالله البس نعالك إذا ما عليك أمر خلني اشوف شطول باطلع عندك بالصندل .. بس اشوى يطلع هو أطول مني بشي بسيط .. لوول

نصيحتي .. لا تلبسين رفيع و حطي في بالج الطرحة و التسريحة ممكن يعطونج طول .. عشان جذي راعي إنج تاخذين كعب متوسط .. أو مثل ما قالت لج الحلم الهادي .. و لاتهتمين له وايد .. تحت الفستان و ما يبين ^_^

..

سحر الشرق ..
باقول لج ترى العرايس هم اللي يخربون على روحهم .. يعني كل وحدة تتشرط على الماكييرة و إذا طلع مكياجها مب شي تكونت سمعة عند الغير إن مكياجها اخترب و ماعادت مثل أول ..
يعين عبير انا شفت مكياجها على بنت خالتي الصراحة روووعة و ناعم .. دينا نفس الشي .. آمنة شاهين نفس الشي ..

..

الحلم الهادي ..
مكانج مبين .. لا تقطعين ..

..

السلام عليكم ورحمة الله وبركاته

شلونكم يا عرايس؟؟
ان شاء الله اموركم كلها ماشيه تمام

س سؤال:
*ارجوكم بنات طمنوني هل مكياج سعاد القطريه حلو للعرايس والله اني خايفه
ولبنى اخترتها للشعر ..حلو ولا لا؟
والحنا زبيده

*بنات تقول امي في الصباحية اييهم العصر
تقولي لا تشتطين من الصبح وتين تعبانه
انتو شراييكم؟؟

*ممكن اعرف كل وحده من وين خذت كوشتها

*ومن وين شريتو ملحف لاول ليله..عيزت وانا ادور

هلا والله اسفرت وانورت دوحانيه...
الله يحيج ويبقيج....

والله حتى انا تولهت عليكم...
مبـــــــــــــــــــــــــــروك الف مبروك:clap: حبيبتي والله تستاهلين وانشالله
تطلعين روعه ويطلع كل شي تمام وتمم عليج على خير ويسعدج يااارب..:shy:

بنت الغالي :) ردينا؟؟ خخخخخخخخخ


دوحانية :) تسلمين حبيبتي دايما معاكم بس مشاغل الحياه تاخذنا احيانا

س سؤال:
*ارجوكم بنات طمنوني هل مكياج سعاد القطريه حلو للعرايس والله اني خايفه
ولبنى اخترتها للشعر ..حلو ولا لا؟
والحنا زبيده
ماشفت مكياجها ولبنى حلوه تسريحاتها لاتخافين وزبيده واايد بنات يمدحونها
*بنات تقول امي في الصباحية اييهم العصر
تقولي لا تشتطين من الصبح وتين تعبانه
انتو شراييكم؟؟
شوفي احس حلاتها الصبح انا صراحه يتهم على الساعه11ونص او 12 اصلا ماظن راح تقدرين ترقدين عشان ترتاحين بس شوفي انتي شو يريحج

*ممكن اعرف كل وحده من وين خذت كوشتها
صراحه كوشتي هديه من اخوي مش متاكده من وين خذها بساله

*ومن وين شريتو ملحف لاول ليله..عيزت وانا ادور
انا شريته من الامارات بس شوفي بي اش اس عندهم ملاحف حلووه وانشاله البنات يفيدونج اكثر لاني شريت كل ملاحفي من الامارات

الله يوفقج عيوووووني

السلام عليكم ورحمة الله وبركاته

اووووه سامحيني عروس فرش
نسيت ارحب بج
يا هلا ويا مرحبا بعروسنا
نورتي موضوعنا
يالله يا عروس عطينا من نصايحج الحلوه ليوم العرس

السلام عليكم ورحمة الله وبركاته

مشكوره حبيبتي على الرد
جزاج الله خير

البنفسج ..
بخصوص سعاد هني البنات ما شاء الله امدحوها وايد .. توكلي على الله ..
بخصوص لبنى .. كوني واثقة من إختيارج لها .. ما عليها كلام ..
أما زبيدة انا ما جربت حناها بس بعد البنات هني ما قصروا و امدحوها

شور أمج و هداية الله ..
بس شوفي جدولج لثاني يوم .. و على أساسه قرري ..

كوشتي خذتها من اكسوتيكا ..

و المفرش ما شريته .. و شكلي مب شاريته لوول ..

..

عروس فرش ..
تسلمين يا قلبي .. و الله يبارك فيج يا حلوة ..
جزاج الله خير على دعواتج الطيبة .. و كثري منها الشيخة ^_^

..

الحلم الهادي ..
الله يعنيج و يساعدج .. طمنينا عليج بين الفترة و الثانية ..

..



تدرون بنات ..
إني ما حجزت مكياج لثاني يوم ؟؟
اشرايكم في ميرا ؟ و عندكم إقتراحات ثانية غير السعادتين ؟

عرايس كل وحده تقول لنا اي فرقه بتجيب في عرسها ..؟

والله يوفق الجميع ..

bntqatar و تايم اوووووووت..............انا حطيت الي عطوني تواريخهم والي طلبوا مني احط اساميهم مع علامات استفهام نور والحلم الهادي .........افا عليكم بس تامرون امر

البنفسج فديتج تسلمين الغاليه على الترحيب
ومسموحه فديتج...والله تبين الصراحه يوم العرس تصدقين ماتذكر شسويت الصبح
بس احس استوعبت الوظع يوم وصلت القاعه هههههههههههه كاااان فيني تبلد مشاعر مب طبيييييعي لا بعد متصله لاخوي اقوله يب لي وجبه من ماكدونالز.....
حتى يوم نزلت تحت خف اول شي قبل مايفتحون الباب بس عقب عااادي هههههههههههههه قاعده اتعلج وامشي تقولين امشي في حوش بيتنا احلى شي انج ماتشوفيه العالم لانه ظلام ....

دوحانيه والله ادعي لج دايما لاتوصين مادري ليش احبج هههههههههههههههمن الله..
اما عن المكياج انا صراحه تمكيجت بروحي فالصباحيه لاني ماظمنت احد مواعيده مظبوطه اييني فالفندق ... وطلع شكلي حلو وناعم... :)

السلام عليكم ورحمة الله وبركاته

دوحانيه
فديتج والله..ماتقصرين
دايما ردودج سريعه واطمن
جزاج الله خير

سحر الشرق
بالنسبه للفرقه
..هي على اهل المعرس
بييبون بدريه البحرينيه..بس شارطين عليها يكون عرس اسلامي
منزوع الدسم ..يعني ما فيه طبول ولا موسيقى

انا عرسي في 20\11

بنات اش رايكم في تصميم ريبلا حق فساتن العرس

عروس فرش ..
و أنا أحبج في الله .. فديتج والله من طيبج : )
اي أنا باتمكيج بروحي الصبح .. لكن حق بعد المغرب أبي وحدة تمكيج عدل .. تجيني بيتي ولا بيت هلي .. لأني مفكرة أصور ..

..

البنفسج ..
حاضرين لج و لووو الله يطمن قليبج على طووول ..

..

صج تذكرت ::

البنات اللي حاجزين أنوار ... انتبهوا منها تراها نكبة ..
من أسبوعين تقريباً كانت تطق في عرس .. ما جات 11 إلا و هي موفقة الطق .. يا تعطوني نقوط المعرس و لا رحت عنكم .. !!!! تخيلواااا و هذا بعد متفقين معاها أهل المعرس و قايلين لها لا تتوقعين بتحصلين نقوط وايد لأن إحنا ما راح نحط نقوط للمعرس ولا للعروس و لا بكاتين على روس حد .. و ما قالت شي .. يوم العرس انكبتهم .. و اقعدوا يترجونها تخيلوا تقول : لا ما في على قد فلوسهم !!!!!!!!!!!!!!!
فانتبهووااا منها ..

السلام عليكم ورحمة الله وبركاته

عروس فرش
هههههه ضحكتيني ..وجبة ماكدونالز عاد..في هالوقت
الله يرزقني برودة اعصاب نفسج في هاليوم

بنات الي يبي يشوووف مكياج ميرا على وجهها تشتري مجلة ليالينا اخر عدد ..

انا وخواتي جربنا مكياجها مب حلوووو ورسمة العين مب حلوه ..

وبودرتها خفيييييييييييفه وتطير قبل لا تحضرون العرس..

لا تقولين !!

عاد أنا أهم شي عندي رسمة العين ..

سحر الشرق
غريييييييييييييييييييييييييبه
انا كللللللل مره اتمكيج عندها تطلعني بشكل وبودرتها عجيبه وحلوووووه وميكبها نعوم ولبناني
وحسب الطلب لو تبين ثقيل تثقل لج


بنات
انواروه انا حذرت منها جم مره قبل
مره قطعت زفة المعرس من النص وتمت تصارخ بالميكرفون تقول خل اليهال يطلعون الفلوس اللي في مخابيهم؟؟؟

هاي سنع؟
لا وبعد خلت ربعها يتصيدون لليهال ويطقونهم ويطلعون الفلوس منهم بالغصب

وشكثر احضر لها اعراس تسوي هالحركه تصارخ فالمكرفون ميته على الفلوس

واللي يقهر ان تصوير الفيديو يلقط كللللل شي الصوت والمنقبات اللي جنهم طالعين من عصابه ويلقطون الفلوس

غير ان معاها وحده بويه(مسترجله) وماعندها الا تقوم تترقص باخر العرس وشكلها ينرفز الصراحه

ووحده من البنات كتبت موضوع تقول انها شايفه البويه تروح المطبج بالقاعه تدخن وترد

هاي حاله يعني؟