الجزء الثامــــ8ـــــــــــــن من تجهيزات عرايس قطر 2006

بنات اشرايكم عادي اخذ سعاد البلوشي لخطوبتي بس اقولها ابي مكياج عادي لان الصراحة واااايد مبالغة باسعارها يعني للخطوبة تاخذ 1500وبدون الشعر؟؟؟؟؟؟

بنت قطر

انا كنت حاجزتها لـ 100 شخص اعتقد يعني 10 طاولات .. وكانت للحين واسعه .. والمسؤول قال لي

انها تكفي لـ 300 شخص .. لكن اذا اكثر بتصير زحمة وايد وايد .. يعني اقصد ضيقه بتصير

200 شخص اوكي اذا كان في كوشه

بنات طبعا ما الحق اجاوب عالكل الحين
مشالله بيوم واحد يمكن زادوا 4 صفحات؟
برد بعدين وبقولكم عن عرس امس وعرس اليوم

بالعكس للامانه انوار طقها وتعاملها حلو بس العيب الي فيها ان تجيب المسترجله معاها بس بالعكس تجي على حسب الطلب والغلط مو على الطقاقات علينا احنا لان احنا مانقول لهم الوقت الي نبيهم يجوب بس نحجز والسلام انوار تقولين لها الساعه كم والاغاني الي تبينها عادي تغني لج نفسيتها اوكيه احين من غاليه ام نفس خايسه لو تطلبين منها اغنيه اطالعج من فوق لين تحت حمدلله والشكر

سديم
لو اتصل حق 180 شقول اتصل اقول ابي يوسف مال الله ويعطوني الرقم؟؟

نور الدووحة ..
وااااو .. أهم شي صورتي كل حاجة ؟
الحمد لله إن خطوبتج اطلعت مثل ما تبين و الله يتمم عليج و ننتظر العرس بفاااارغ الصبر .. ^_^
و إذا حددتوا العرس لازم تعطيني خبر عشان أفصل فستان جديد لوول

::

هبة ..
بخصوص الريفيرا على كلام اللي هناك تشيل 250 شخص بس أتوقع إن بتكون الطاولات جنب بعض ..
قاعة ريجنسي أكبر منها .. الكحلية فيها طول أكثر .. أما الحمرا لا حجمها حلو وايد و تشيل في حدود الـ500 ..

::

شموخ عنادي ..
بتنطقين .. لا تضيعين فلوسج على الفاضي ..
متى عرسج ؟
و حاولي ترتبين نفسج و تشوفين أنتي شنو محتاجة و شو اللي تفكرين تاخذينه و اللي بتحجزينه ..

::

الليازي ..
بخصوص أنوار انا من زمان ما احبها أحس قرقعة ..
و هذا اللي سمعته عنها و اللي سوته في الناس من اسبوعين تقريباً ..
احجزي خيرية وايد أحسن ..

::

::

بنات عطوني رقم سعاد البلوشي لو سمحتوا...

ورقم امينة الملا بعد مكياجها يصلح لخطوبة؟؟وكم تاخذ؟؟؟

نسيت ارد على الحلم الهادي ..
سمعت ناس وايد امدحوها .. و جربتها بنت عمي .. مكياجها مرتب و وايد حلوو .. و إن شاء الله تطلع على مزاااجي ..

لا تخوفوني من انوار حاجزينها ودافعين فلوسها كامله

ناديت امي وخليتها تقرى ردودكم

بس قالت لي امي لا بالعكس كل اهلنا يجبونها وما عمرنا سمعنا حد قال عنها شي


للا يمكن هالمسترجله صج انا سمعت عنها ومره دورتها وماجات حظي :)

ان شاء الله في عرسي ما تجي


دوحانيه فديتج انا عشان جذي ما اطلع عشان ما صرف فلوسي اخاف اشتري والقى في الكويت او الخبر احلى وبعدين اتحسف واذا بروح السوق اودي معاي الف او الفين عشان ما اصرف اكثر

تسلمين فديتج :)

إن شاء الله ما تسوي لها سوالف جديدة مع الناس اللي حاجزينها ..
اممم شوفي الأسبوع اللي طاف رحت البحرين و الخبر .. تبين الصج حق الملابس ( السبورات - الجواتي الله يعزج ) أحلى هناك من هني .. أولاً بتلقين اختيارات واااايد ثانياً الأسعار ممكن تكون مثل هني و ممكن تكون أعلى أو أرخص ..

في قائمة كتبتها في الجزء اللي طاف عن المجمعات اللي في الخبر و شو بتلقين فيها للتجهيزات ..

شغلة مهمة : إذا فلوسج عندج .. وديها البنك أحسن لج .. و عشان تضمنين إنج ما تصرفينها هني ..

حجزتي مكياج و شعر و كوشة و طاولات و تصوير و فصلتي فستانج <<-- أهم شي ممكن تسوينها هني و الحين ..

::

آخر إنجازاتي ::
طبعاً كنت مودية معاي مبلغ جامد للسفر و ما صرفته كله .. بعد ما جيت هني خذت الباقي و قسمته على الأشيا اللي حجزتها و كل مبلغ في ظرف ..
أتمنى إنكم تتبعون هالطريقة وايد عملية و بتعرفين اشلون تستغلون افلوسكم ..

: )

اي خزنت اسامي المحلات اللي كتبتيها


و حجزتمكياج و شعر و كوشة و طاولات و تصوير و فصلت فستاني

افكر قبل لا اسافر افصل فلوس الباقي من العربون

والباقي اوديه معاي
بالعكس عندي احس لاني اذا حطيتها في البنك بقعد ادفع بالبطاقه ومب محاسبه

بس لو عندي وانا رايحه السوق ما اودي معاي الا مبلغ بسيط


تعرفين احنا البنات بسرعه نقتنع ونشتري اي شي :(:(

نصيحه للعرايس لا تشترون ميك اب وااااااااااااااجد اشتري الي بيكفيج لشهرين ..ولا تكثرون في العطووووور لان يمكن تملين منها بسرعه ..

اي والله صح عطر الشرق


بس انا العطور كلها جاتني هدايا يوم الملجه

وعندي كميات كبيره ما راح اشتري خلاص

والمكياج المفروض ناخذ الضروري

:)

ممكن تساعدوني ياحلوات
بصراحه انه ابي اجرب سميره حق النفاس ومستعده اعطيها الللي تبيه بس اخاف ان شي عادي او شي مو مضمون ممكن تكلموني عنها شوي او تطمنوني
وبعد عندي شي
انه ابي اسوي نيو لوك يعني ابي ارجع عروسمن جد وجديد ابي اقص واصبغ وابيكم تنصحوني عند من اقص وعند من اصبغ
بس انه مابي قصه قصه لان شعري طويل وريلي مايرضى اقصه فبس ابي حركه من جدام....... والله يوفق كل عروووووووووس قولو آآآآآآآآآآمييين ههههههههه

شموخ
معليه لاتخافين احجزي انوار وتوكلي على الله ترا نفسيتها وايد وايد وايد حلوه ووقبل العرس اتصلي لها وقولي لها انها تجي من وهل ولا تتأخر وان ما تجي المسترجله وبس


الجوري
روحي جاك ديسانج ترا شغلهم وايد حلو

خواطر غلا
خلاص اوكيه بطرش لك الرقم على الخاص

شموخ عنااادي ..
تصدقين انا فلوسي في البنك و أقدر ادفع بالبطاقة بس بعد ما أسوي هالحركة إلا نااادر ..
عفية علييييج استمري جذي و إن شاء الله الفلوس بتكفيج ..
أهم شي و من رايي .. إنج إذا خلصتي من بند أو من حاجة معينة خلاص لا تزيدينها .. مثل قمصان النوم أو العبايات عشان تقدرين قبل العرس تشطبين بسرعة ..
و الله يوفقج حبيبتي ..

::

سحر الشرق
صدقتي والله بخصوص العطورات ..
كولكشن عطر يوم العرس + كولكشن ثاني + عطرين واحد خفيف و الثاني مركز + كم مخلطين كفاية ..

::

الجوري
لا تحاتين بخصوص سميرة و على ضمانتي .. توكلي على الله ..
و مثل ما قالت بنت قطر عندج جاك ديسانغ صبغاتهم و قصاتهم حلوة وايد ..

مشكوريين حبايبي على الردود الحلوه بس مافي وحده معينه اروح لها بها الصالون واللا كلهم اوكي ............

انا شفت قصات وحدة اسمها زينة و جربت استشوارها من قبل .. روووعة والله ..
و في وحدة ثانية بس نسيت اسمها .. و السموحة ..

هاااااااااااااااااي بنات هذا رد على الطاير ...
لي رجعه...

الحلم الهادي يسلمووووووووووووو يا دلبي على الترحيب وخاصه الي على الماشي عجبتني
خخخخخخخخخخخخخخخخخخخخخخخخخخ...ترى سالفة العلج بقولج قبل لاتصفقيني ماكان واايد يبين مب لدرجه ان المعازيم لاحظوا لان اختي احذاي كل شوي تقولي لاتعلجين صكري حلجج :) للتنبيه حاطينها احذاي.....

ساء الخير
شكرا خواتي كثير واشكر اختي بنت الغالي
الله يجزاهل كل خير
ومبروك لكل عروس وعقبال بنات المنتدى كلهم
ىمين يارب العالمين


حبيت اسأل عن خان الصابون ماهي المنتجات التي عجبتكم
واستفدتوا منها
انا شريت صابون الشبة والارز ماعجبني وشريت زيت الورد الطائفي وعجبني كثير


في امان الله اتركم