الجزء الثامــــ8ـــــــــــــن من تجهيزات عرايس قطر 2006

هلا اختي هدي...
انا شريت من عندهم زيت الجوووري والمسك وااايد حلوو المسك احلى اتم ريحته باليومين والثلاث ايام..
واختي شرت صابونت الشوفان وااايد تمدحها كل ماخلصت تروح تشتريها..بس انا ماجربتها..:)

هلا بنات .. ماشاء الله عليكم ..

خرعتوني بخصوص انوار .. وكلمت ريلي وقلت له .. بس على كلامه ان اهله دايما يجيبونها وما راح تسوي جي في عرسنا .. الله يستر ..

والنقوط ... آه من النقوط .. احس حرام اقط على طقاقات لو ريال بس للاسف هنيه تعلموا على الفلوس
مدري شاسوي ..

اما عن تجهيزاتي .. امممممممم تقريبا خلصت باقي القط اغراضي من الخيايط
خذت فستان العرس .. طلع وايد كيوت ^_^
سويت لي تنظيف بشرة اليوم .. فله ماشاء الله .. مشكورة حلا قطر هي اللي دلتني عليه ..
حجزت المسكة عند جورج بس شكلي باغير فيها شوي
وبيجيبها لي غرفتي
خلصت توزيعات ليلة الحناء قعدت الخدامات وخواتي وخليتهم يشتغلون فيها ..
ان شاء الله عقب العرس لي فضيت بارويكم شلون شكلها

اغراضي لين اللحين يبيلها ترتيب بس ابي اشتري مجموعة شنط ثانية لان شنطي انترست !!
شنطة السفر والفندق باجهزها هل الاسبوع ..
اممممممممممم بس ..
باخذ لي موعد مع سميرة هل الاسبوع .. عشان اجهز نفسي ..
غير جي قاعدة اهتم ببشرتي وجسمي نوعا ما هل الايام :)

اي تذكرت في برنامج حلو في الكمبيوتر ينظم لج مواعيدج اللي سويته اني حطيت برنامج حق كل شي وقاعدة امشي عليه بالضبط .. حتى يوم العرس رتبت كل شي بالتفصيل الممل
احس جي احس لاني وحدة احب يكون عندي برنامج مرتب مب امشي على البركة
جربوه اعتقد بيساعد وايد :)

هاي عرايس

شلونكم ؟؟ وشخباركم؟؟

ماعندي شي اضيفه لكلامكم بس حبيت اسلم:salam:

كلاسيك ..
وين سويتي تنظيف البشرة ؟ سويتي بالكريمات ..
وشو البرنامج ذي ؟
ما شاء الله ما بقى لج شي .. الله يوفقج ..

::

أحلى أم
هلا و الله اشلونج ؟

عروس فرش ... على طاري العلج اذكر يوم خطوبتي اختي يات وكان معاها علج وتوزعه

على خواتي ، وزعت عليهم كلللللللللللللهم الا أنا .. عاد قلت بقلبي المسكينه

يمكن نست تعطيني قلت مومشكله اقولها .. الا قلت لها واناااااا !!! من قلت لها انا ابي

طااااااااااااااااااااااااااااحووو فيني زززززززززززف عرووووس وبحلجها علج !!


عاد من قالوا لي هالشكل ، قلت خلااااااااااااااص هونت مااابي خخخخخخخ ..






أقوووول بنات بغيت أسألكم (( سميره)) جم تاااخذ تنظيف كاااامل ؟!!

مساكم الله بالخير والسرور
هلا اختي عروس فرش كيف حالك ؟
سوف اجرب صابونة الشوفان ان شاء الله وبشوف النتيجة .
وفعلا انا رائحة الورد الطائفي علقت فيني يومان وبقت اثارها
علي ، يعني المنتج يستاهل .


كلاسيك الله يتمم لك على خير .

احلى ام سلمت عليك العافية .

دوحانية والجازي حياكم الله .

سؤال وأتمنى الاجابة منكم
ماهي الاكسسوارات الدارجة حاليا للعروس ليلة الخطوبة
( الحفلة ) يعني ممكن تضع طوق او ورد طبيعي ؟؟
ممكن تمدونا بالتفاصيل حتى نستفيد
وشاكرة لكم تعاونكم مسبقا
استودعكم الله .

دوحانية ..
سويته عند اني في النادي الدبلوماسي ..
هندية بس فنانة بصراحة .. على كلامها دارسة في بريطانيا ..
وتاخذ 250 ريال والكريمات اللي تستخدمها من ماركة لا بيري ..
شوي عرضت ويهي للبخار بس انا شبه رقدت واي تشتغل فما ادري شاللي سوته بالضبط ..
بس يوم رجعت البيت كان في لمعة كريستال بويهي

حاجزة عندها موعد ثاني قبل العرس ان شاء الله ب 5 ايام

اممم اعتقد اسمه microsoft work
بس مو متاكدة لاني استخدمه في الجهاز الثاني
فيه رزنامة وينظم لج مواعيدج وشي ثالث بعد لين اللحين ما استخدمته
الله يوفقنا جميع :)


اليازي ..
اعتقد انها تسوي لج البرنامج مال العروس ب 1200 شامل الحف
انا حاجزتها حق برنامج العرس بس راح اسوي حمام مغربي قبل عشان هي ما تفرك الجسم وانا ابي احس ان جسمي نظيف :)

شخباركم بناااااااااااااااات

بناااااااااات ماعندي وقت ارد عليكم
بس طلبتكم ادعو لي الله يتمم عرسي على خير واااااااايد خايفه الله يستر
توني سامعه خبر مو زين

لاتنسوني بنااااااااااااااات من دعاكم في ظهر الغيب

الله يوفقكم ان شاء الله

مضايقه حدي مالي خلق ارتب اغراضي وفستاني للحين ماوصل ان شاء الله يطلع اوكي

أحلام صغيــره ..

فديتج لاتحاااتين إن شاء اللهـ خير واللهـ ييسر لج كلــ امورج يارب وبالتوفيق حبيبتي

واللي اللهـ كاتبه بيصيــر تفائلي بالخير ( :




كلاسيك ...


تسلمين حبيبتي ماقصــرتي وعساج عالقوهـ ..

هلا حبيباتي

الله يوفق كل العرايس اللي بالموضوع

اختي هبه الدارج الحين هوالتاج اللي مثل تاج الملكة بس يكون فيه كريستال وشغلات انا شفت في ورد العرايس تيجان حلوة

الليازي مشكوره حبيبتي
الله يوفقج ان شاء الله ويسر اموورج

classic2004:



اليازي ..
اعتقد انها تسوي لج البرنامج مال العروس ب 1200 شامل الحف
انا حاجزتها حق برنامج العرس بس راح اسوي حمام مغربي قبل عشان هي ما تفرك الجسم وانا ابي احس ان جسمي نظيف :)

سميره تفرك الجسم بييييدها وتفرك من قلب ، وغير ان اغلب ماسكاتها تكون سنفره يعني بتهلكون من التفرك ، وبتلاحطون الفرق تحط السنفره على جسمج لونها ابيض ، وبعدين بتشوفون من قوة الفرررررك السنفره تستوي سوووووووود :sad:

والله من الفشيله كنت اقول لها انا دايما استخدم الليفه حق جسمي بس مادري ليش طلعت الوصاخه هالشكل (n) قامت تضحك وقالت عادي هذي جملة كل العرايس اذا يشوفون السنفره يتغير لونها ، وبتلاحطون هالشي بين جسمكم وويهكم .

هي فالاخير اتبلش فالفيس .

ان شاء الله تكون فاضيه بعد ماخلص النفاس

هلا الياااااااازيه...

تصدقين انا ماستانس الا لما اتعلج حتى علمت ريلي عليه ههههههههههههههه صار كله يتعلج
بس مب دايما مثلي ادمان...........

هدى تمام الغاليه ..جربيه وشوووفي النتيجه ...

احلام صغييره
لاتسوين فعمرج جيه روقي عمرج والله السالفه ماتستاهل وانشالله كل شي بيكون تمام
لاتحاتين تصدقين انا كنت مكتأبه لين يوم العرس من الاسياء الي كانت تصير وقلت خلاص
اكيد بيصير شي فالعرس او يوم بنزل تحت من كثر ماافكر واحاتي..والله طلع العرس احلى بووووايد من ماكنت اتمنااااااه......هدي يبه ماشي يستاهل..ترى انا الحين لما اقرى الي كنت
اكتبه للبنات وكيف كنت يوووووووووووووووووووووووه اندم اني ضيعت الدقايق في هالتفكير...
انتي ب كثري من الادعيه فالصلاه وقرايت القران وانشالله انج بترتاحين نفسيا...............

الله يوفقج انشالله ويتمم لج على خير يااااااااااااااااااارب :)

قطر ::
هل جلسة سميرة الأخيرة اللي تكون قبل الحنا تغني عن الحمام المغربي ؟

دوحانيه فدييييتج

انا وحده ماسويت حمام مغربي كللللللللللللللللش ، ولا اهتميت فبشرتي كلش كلش كلش ولا جسمي ، اللهم وقفت حف قبل العرس بشهريييييين ، وقعدت اربي فالشعر :(

وبس كنت اكل حبوب روكتنان عشان حب الشباب وقطعتهم قبل العرس بفتتتتتتتتتره .


وجاتني سميره وسويت بلاوي فيني ، كان شغلها على خمس مراااااحل وبعدها تبلش بالفيس تنظيف وماسك طين لين يوم العرس .

وحسييييييييت بنظافه ، واول واحد لاحظ الوالد :) احم

يعني بالنسبه لي شغلها لايعليى عللللللللليه ، يمكن لاني ماجربت الحمام المغربي وماعرف شيسوي ، ولاافكر اجربه ، لانه الفكره مو داخله بالي حمام مغربي وصالون ، الا اذا بغيت اسوي بتعلم بروحي ن واكيد مراح اتقنه نفسهم .

وصح هي ماسوت حمام مغربي على كلامها انها كانت تشتغل في صالون وكانت تسوي بس ماكانت تشوف فايده تقول اغلب السواد اللي ينزل هو لووون الصاببببون .

فتقول انا ماسويه عشان هالسبب وافضل استعمل السنفررره .

انا وايد اقتنعت فيها وبشغلها ، حتى مرت خالي اللي مستنكره من اسعارها جربتها بعد النفاس والحين صايره تمدحها للكل تقول صج تستاااااهل .

اي ونسيت اقول لج انا جبتها مره وحده بس في يوم واحد قعدت علي من 8 ونص تقريبا لين 12 فالليل .

هاي كان يوم الاثنيين ن والثلاثا كانت ليلة الحنا وتحنيييت .

يعني كل هذا قبل العرس ب3 أيام .

بنات قول لي وين مفصلين فساتين عرسكم
وين احسن مصمم
وش رايكم في ربيلا
قول لي لاني وايد محتارحة

بالنسبه لي اختي فوفو فصلت عند كلود

وعندج موداليدي

وجميل

وزينه

هذولي احسن مصممين بقطر

hba
انا استعملت جميع الصابونات عن خان الصابون ويقون علينا لاريحه عدله ولا نتيجه تبين
اقولج خذيت زيت الشعر حق التدليك ولا في فايده بالغكس يخلي الشعر مدهن
وخذيت الصابونه بالارز ريحتها ماعجبتني وتنشف الجسم اقولج يوم تسبحت ونشفت صرت ملحه وشهبه من قلب ههههههههههههههههههههههه قاعده اطالع المنظره على بالي منها
وشنو بعد مممممممم واستعملت الصابونه المعطره الي يجيج لونها اسود والله ان اتم دقيقه وطير ريحتها واستعملت صابونه شعر يابلفيت انه مغذي اقولج حتى رغوه ماطلع و و و و
واشياء وايد والله استعملتها ولا فيه فايده
كلاسك
معليه توكلي على الله واخذيها ترا صدقيني اهم شي في الطقاقه نفسيتها على الاقل تعرفين شلون تتفاهمين معاها وانوار نفسيتها زينه مع العالم

احلى ام
شخبارج فديتج؟؟

فوفو
عندج جميل بثينه
ممممممممم ايلي ابو راشد
الفراشه