الجزء الثامــــ8ـــــــــــــن من تجهيزات عرايس قطر 2006

بنااااااااااااااااات

انا ماقصد ابتسام زري :(

ماعرف شسمها الكامل بس مرة جات عرس وحده من اهلنا وكانت روووووووعه وهي طيوبة

وطقها رهيب ماتم حد مارقص

اللي اعرفه بس انها ابتسام

:(

شموخ عنادي

حبيبتي بخصوص كانيل

انتي شفتي نماذج من شغلهم قبل او تعرفين احد سوى عندهم من قبل؟

مساء الخير اخواتي
من فضلكم من منكم تعرف ( دي جي ) يعمل زفة باسم العروس والمعرس
او اشعار .؟؟
بالنسبة لحفلة الخطوبة هل يفضل وضع مساحيق خفيفة عند سعاد البحرينية
او عبير او دينا بشكل ثقيل ؟؟
وهل يفضل وضع شاشات عرض او يؤجل للزواج ؟؟
بالنسبة ل just gold بودرة الاضاءةاللي تنباع ب ( فت ول ) هل تستخدم للوجه
ام للجسم ؟؟

اسئلتي كثيرة تحملوني
جزاكم الله خير

هبه

انا من رايي ان الوحده لازم تكون نعووومة في خطوبتها
يعني لا تثقلين المكياج وااااااااااااااايد وخليه ناعم جدا

وماشوف ضروري تحطين شاشات في الخطوبة خليها للعرس احسن
لان اكيد حفلة العرس اكبر بكثير من الخطوبة
وهي تنحط عشان شي واحد (( ان القاعه كبيرة ويمكن ناس مايقدرون يشوفونج عشان جذي يحطون شاشات تقريب))

وبخصوص اللمعه تقدرين تستخدمينها للوجه والجسم
بس انا انصحج ببودرة الاضاءة من ماك اسمها silver dusk
رهيييييييييييبة وحلوة للمناسبات

مساء الخير
اختي نور الدوحة
شكرا على الرد
وبالنسبة لبودرة الاضاءة من ماك انا شريت منذ فترة
ستروب كريم تقول لي البائعة انه يعطي اضاءه لكن
عندما استخدمتة كانت النتيجة عادية جدا وانه مايعطي لون
او حتى اضاءه

انا معاك ان مكياج الخطوبة يفضل ان يكون ناعم لكن وين اللي
تتقن هذا الفن على اصوله ؟؟
سعاد البحرينية
او الهام او عبير او او او ؟؟؟
وجزاكم الله خير

hba مانصحج بالهام...شفت مكياجها مش مرتب....عندج سعاد البلوشي او سعاد فكري "قطرية" او نجلاء عبيد وطلبي منهم ناعم

وخلي عبير للعرس لان مكياجها ثقيل شوي

هبه

اللي اقصده من ماك بودرة حرة مش كريم
جربي في المحل وشوفيها ^_^

مرحبا بنوتات ..

انا متابعتكم اول باول .. شلونكم كلكم عساكم بخير :)

اليوم حضرت عرس واذا ماخاب ظني اعتقد هو عرس فتفوته الله يوفقها ويهنيها ..

العرس كان حلو ومرتب والفرقه كانت لهبه عبدالله .. كان اسلامي بدون موسيقى وكان حلو ..

بنات بخصوص اللي سألو عن الحمام المغربي .. انا اتعامل مع وحده مغربيه اسمها ليلى في صالون لورين ممتازة بصراحه غير جذي مسلمه وحبوبه فوق ماتتصورون ودينه وكبيره في السن يعني ثقه ثقه .. وتسوي مساج وحمام مغربي وتنظيف بشره .. يعني اتكلم انا عن تجربه :)

ومادري اذا في حد منكم جرب صالون مولاي يعقوب اللي بالهلال اشوفه جديد فاتحينه وشكله راقي ومكتوب عليه خاص للحمام المغربي ..

واللي سألت عن ابتسام الزري هي نفسها ابتسام بس اللحين الكل يقول ابتسام زري ..

نفسيتها اختبربت ومواعيدها كلش مب مضبوطه ..

حبيبتي دوحانيه التصوير لاتعطينه لأاي حد لان هو اللي بيتم على طول شوف الدانه او كانيل اذا ماتبين كريستال ..

كلاسيك حبوبه انا اختي يوم تزوجت كرمج الله الجواتي والصنادل حطيتهم بعلبهم في كرتون كبير يوم بغت تنقلهم لبيتها لان حرام كله شي فخم وبعضه في اكسسوار مايصلح بدون علبه فانتي جمعيهم وحطيهم بكرتون وهم في علبهم وبيكون مرتب وماياخذ مكان ..

لي عوده ان شاءالله

ساعدوني ياحلواااااااااات ....
ابي اعرف بالضبط وبالتفصيل الممل سميره شتسوي لاني جاجزتها حق النفاس واشوف ان سعرها واايد ثلاث جلسات
بس ب900 واخاف ادفع على الفاضي من غير نتايج

نور الدوحه:
شموخ عنادي

حبيبتي بخصوص كانيل

انتي شفتي نماذج من شغلهم قبل او تعرفين احد سوى عندهم من قبل؟

بالنسبه لكانيل هو اصلا يسوي كوش وتجهيز طاولات

لكنه يتعامل مع باقي المحلات بحكم علاقته

وهو اصلا محل جارنا

ويقول ان المصورات اصلا يكونون مجموعة بنات مب تابعين لمحل معين ساعات تلقونهم عند كريستال وساعات اي محل ثاني

فقال لو رحتي اي عرس بتلقينها نفسها اللي في كريستال هي اللي بتجيج

سديم...فديتج هي تجي البيت؟ والا بس بالصالون؟؟ وكم تاخذ اذا بالبيت؟؟

هاااااااااااااااااااااااااي قايزااات صباااح الخير..

شخبار العرايس اليووووم....
يحليلها فتفوته الله يوفقها انشالله ياررب..

يالله من دوره عقبها؟؟؟؟

الي اسالت عن سميره نسيت اسمها سوي عندها وانتي مغممممممممممضه
والله شغلها رهيييب لاتحاتين..

انا جربتها مره وحده للاسف لانها سافرت بس صدق كانت النتايج روعه
انا افضل انج تسوين حمام مغربي قبلها لانها تحط ماسكات ماتفرك
وافضل عشان تستفيدين من الماركات....والبنات الي جربوها بيردون عليج..

مممممم استغرب من البنات اللي يقولون ان سميره تحط ماسكات من غير تفرك ؟؟؟

يعني معقوله انا الوحيده اللي فركت جسمي .

اذا هي اغلب ماسكاتها تكون سنفرررره مخلوطه مع بذووور الفواكه ( المطحونه ) لما تحطها عالجسم لاااااااااااااااااازم بتفرك عشان تطلع فايدة السنفره ولا انتوا شرايكم ؟؟

وبين كل ماسك والثاني تقول لج قومي غسلي جسمج وتعالي عشان نحط الماسك اللي بعده .

اللهم الماسك الاخير اللي يكون بالزبده هذا مثل اللوشن تحطه عالجسم وتباتييين فيه .

الجوري :
اذا انتي حاجزتها ب900 ومتخوفه ، فأنا ناويه احجزها حق تنظيف عروس مو نفاااااس اللي ب1200 هاي اذا مارفعت اسعارها ، ابي اصير نفس قبل يوم كنت عرووس لأن شغلها روووعه ومايتفوت بس على الله تكون فاضيه .

لكن بسألج شقالت لج عن تجهيز النفاس شبتسوي فال3 جلسات ؟؟؟

والبنات اللي يسون حمام مغربي فالصالون شلون يكون نضامهم شتلبسون بالضبط ؟؟
خاطري اسوي بس متخوفه من سالفة التصوير والكاميراااااات ، واذا بجيب وحده البيت احس مراح تتقن شغلها مثل المحل ، لأن المحل اكيد فيه غرفه وحمام مجهزين للحمام المغربي .

اي والله صح كلامج ياقطر

شلون ماتفرك ؟؟ انا بالعكس فركت لي جسمي وكان شغلها روعه .. وجبتها بعد عقب النفاس

وبصراحه تستاهل المبلغ اللي تاخذه

والجوري انا بعد بقولج شي .. 900 شوي على شغلها اللي تسوي لج ياه .. :) توكلي على

الله وابدا ماراح تندمين

قطر على فكرة يمدحون مولاي مغربي للحمام المغربي .. صاحبة الصالون هي اللي كانت تشتغل عند دانيال .. بس انا ماجربته ناس مدحوه

تسلميييين روز قطر تهقين أجرب ؟؟

والله اخاف ، شكككككككلي مراح اجرب كلش ملش ههههههههه

لو بجرب مغربي جان غامرت ورحت ايام العرس بس اخاف وماتضمنيين هالصالونات .

(w) (w) (w) مشكوووووووووووووووووورين بنات قطر

(w) (w) (w)

قطر

الصراحه بيني وبينج انا ماحب كلش اني اسوي حمام مغربي ماسويت لاايام عرسي ولا شكلي بسوي

بعدين تعالي .. انتي مابتجيبين سميرة ؟؟؟؟ شتبين في الحمام الغربي هاا

نسيتي يوم تسويج كريستاله هههههههه

شموخ عنادي ..
فعلا النادي الدبلوماسي بعيد .. انا كان موعدي الساعة 9 قمت 7 ونص لا ووصلت متاخر
وعادي انا امي دايما تهاوشني على هل السالفة ..
على فكرة انا خذت عند سميرة 6 جلسات شعر وشعري تحسن عليها بس صاجة في اليوم اللي تجي فيه اتعطل ما اطلع عشانها

الحلم الهادئ ..
ان شاء الله تحصلين عند نعيمة ..
شوفي اذا توهقت اسويه بروحي عند هاي الساونا اللي عند نزيه بس المشكلة الكسل .. وعادي فيه ليفة مغربية حق الظهر بعد تنفع :)

هبه ..
امس شفت الاشقر يسوي زفات ..
كلميهم وشوفي وفي بنات قالوا الزعيم
والمكياج احس شي خفيف :)
والبودرة هذي ما جربتها بس اعتقد اي بودرة بتكون عادي للوجه والجسم :)

سديم ..
الله يوفق فتفوتة يا رب
انزين ممكن رقم الصالون او رقمها وشلون اسعارها ووين مكان هل الصالون ؟

بالنسبة لمولاي يعقوب .. تكلمنا عنه من قبل بس ما اعتقد حد جربه .. اسعاره وايد غالية

فكرتج حلوة لان عندي جواتي فخمة شكلي باسوي جذيه ..
مشكورة لانج عبرتيني :)

قطر :)
تدرين يمكن هي فركتج لانج عروس .. احنا اغلبية الجلسات اللي سوها البنات كانت جلسة عادية ..
شوفي اللي اذكره حطت اول شي تشقير مع نيل ..
وبعدين خلطة بطحين النخي والثالثة ما اذكرها ونفس الشي بين كل مرة ومرة تخليني اغسل جسمي
وفي الصالون للحمام المغربي .. البسي شورت والbra ولا تقص عليج وتخليج تشيلينه
بس عندي لج حل احسن .. ليش ما تاخذين من النزيه حمام الساونا الصغير .. وتخلينهم يجونج بالبيت .. جذيه بترتاحين اكثر من الصالون

مراحب بنوتات ..

داشه بالبوق من الشغل على السريع :)

حبيبتي الحلم الهادي .. مادري اذا هي تجي البيت ولا لا .. اسم الصالون لورين اخذيه من ال 180 واطلبيها بالاسم ليلى وساليها وعن تجربه صج ممتازة .. ومثل ماقالت اختي كلاسيك اللبسي شورت يعني بالعربي لاتفصخين الملابس الداخليه .. قولي لها مابي ..يكفيني اللي تقدرين توصلين له

وبالنسبه لمولاي يعقوب انا اشوف حريم داشين طالعين منه .. بسوي صولاتي وجولاتي وبسأل عنه بالضبط وبقولكم عن شغلهم ..

اما بالنسبة لمكان صالون لورين في الهلال .. على طول مقابل صالون القمر في المنطقه اللي ورا مستشفى العمادي :)

كلاسيك حبوبه افا عليج حاضرين نفيد ونستفيد ..

هلوو بناااااااات

معت عن تجربتكم عند سميره وجان اروح اتصلها بس عندها زحمه بس قالت لي بتسوي لي جلستين يعني اتهقون تكفي واتخلي جسمي يلق ؟

لوول يعطيج العافيه قطر كلامج خلاني اقتنع فيها لوول