الجزء الثامــــ8ـــــــــــــن من تجهيزات عرايس قطر 2006

عرايـــس

استغلي فترة التخفيضات على قمصان النوم :)

http://www.3roos.com/forums/showthread.php?t=182278

راسليني عالخاص .. ومايصير خاطرج الا طيب :)

دوحانية

فديييييتج والله ^_^
مشكورة حبيبتي على المساعده
وان شاء الله من الحين باحجز المكياج والشعر
والاشياء الثانية باخليها بعدين

ممممممم حد منكم يعرف الطقاقة ابتسام؟؟
تعرفون كم تاخذ؟
واللي عنده رقمها يدز لي اياه ضرورري ^_^


بخصوص الدانة بنات انا شفتهم من زماااان وشفت طريقة تصويرهم وايد حلوة
تصوير ديجيتال
ويسوون لج الالبوم جلد نفس لون عرسج ويكتبون اسمج واسم زوجج على الالبوم

والفيديو بعد يسوون لج فيه حركات

تقدرون تاخذون منهم موعد ويروونكم السامبلز

ورقمهم باطرشه لكم الحين ان شاء الله

^_^

هلا بنات

بس حبيت امسي عليكم بالخير وماعندي شي اضيفه

حلا قطر الله يوفقج انشالله ويسهل امورج

مشكوووووووووووووووووووووووووووووووووووووووورة

بنات محد رد علي بخصوص ابتسام؟؟؟؟؟؟

:(

بنات ..

عندي خبر لكن مب متأكدة منه و لا أحط في ذمتي بصراحة ..

توه واصلني خبر مفاده .. إن ((( رافي ))) <<-- صاحب ماسيس .. شااااارد بفلوس الناس !!

فاللي حاجزة عند ماسيس تتصل و تتأكد ..

** أمس أنا مارة صوب ماسيس على الساعة 8 و كان مسكر ..!!!!

@@ أنا قلت الخبر وصلني .. و ما أحط في ذمتي .. لحد يدعي علي !!!

نور الدوحة ..
امم كأني قريت هني إن إبتسام زري مب شي ..!
شوفي غيرها إذا تبينها ..

و مشكورة على الرقم ..

مرحـبـــــــــــــــا



بناااااااااااااااااااااااات الساعه 1 طيارتي وخلاص ماراح اشارك اليوم قولوا انشاااااااااااااااالله نصيد واير ليس شقة الجيران هناك هههههههه وانشالهل بتواصل معاكم ادعوا يكون عندي نت ........ يقولون دعاء المسافر مستجاب وانا بدعيلكم كلكم وحده وحده ان الله يوفقكم وييسر اموووووركم...... اتوقع اليوم حنا حلا قطر الله يحفظها وتطلع احلى عروس وكلكم انشالله بكون متواجده وقت اعراسكم ................ احبكم وايد

الله يحفظج يا بنت الغالي ..
لا تنسين الأذكار و دعاء السفر ..
و طمنينا عليج ..

::

بناااات عيزت من كثر ما أكرر نفس الطلب : (

رشحوا لي حد حق تصوير الفيديو

دوحانية...ليش ماتبغين كرستال؟؟ مدري بس احس الناس يمدحونه وايد والا انتي مب مرتاحه له

خبرج الناس هنيه يا كرستال او الوان الخليج هذولا اكثر المحلات رواجا

هاي بنات بخصوص انوار تراها وايد زينه واذا عن اليهال اصلا غلط اهلهم ييبونهم احنا اعراسنا ما فيها يهال اصغرهم في الاعداديه وانتو خلوكم مشاءالله في الرقص عشان يستانسون

دوحانيه انتي من صجج ؟
يعني 45 الف طارت اويلاه على اختي

نور الدوحه

ان شاء الله > > > الله يكتب النصيب

واجهز معااااك

بخصوص ابتسام بسأل صديقتي عن رقمها وبرسلك اياه

الحلم الهاادي ::
بخصوص كريستال .. رفيجتي قالت لي عنهم بعد و هي مجربة الفيديو عندهم تقول أوكي .. بس ناس وايد و عرايس ما يمدحون تصويرهم يقولون دايماً التصوير يكون مشوش مب عدل ..
إلا التصوير مابي أحط فلوسي على شغل كريه : (
بس باشوفهم إذا ما لقيت غيرهم باحجز عندهم و أمري لله .. (( كلها كاميرا وحدة و مطلعة روحي !! ))

::

نورة قطر ..
الله أعلم بالصج .. بس أكثر من وحدة قالت إن محلهم مسكر و أنا شفت محلهم مسكر أمس .. و بخصوص شردته بالفلوس ما أحط في ذمتي لكن هذا كلام وحدة ..
خلها تقطع الشك باليقين و تتصل له أو تتصل على المحل و تتأكد ..

دوحانيه حبيبتي اذا مو مرتاحه لكريستال خذي من الوان الخليج احسن لج وانتي براحتج

وبخصوص موضوع محلات ماسيس الله يستر لايطلع كلامج صح انشالله تكون مجرد اشاعه

حلا قطر الله يوفقج حبيبتي ويرزقج الذريه الصالحه انشالله ويسهل كل امورج

بنت الغالي حبيبتي تروحين وترجعين بالسلامه وانشالله يكون عندج نت عشان تتواصلين معانا اول بأول

الله الله بالدعاوي والاذكار حبيبتي وانشالله رحله سعيده

السلام عليكم ورحمة الله وبركاته

بالنسبه لماسيس اتصلت الحين وقال بيفتح عقب يومين لان البلديه مسكرته


الظاهر مطبخهم وصخ


خرعتوني انا مسويه كوشتي عندهم :)



شلونكم بنااااااااااااااااااااااات؟

بنت الغالي تروحين وترجعين بالسلامه


ادعي لنا كلنا والله ييسر علينا والله صج التجهيز صعبببببببببببببببب

دوحانيه انا كنسلت كريستال مع اني دافعه عربون 2000 ريال لانهم صج يستغلون من قلب

روحي محل جنب غاية الاحلام اسمه كانيل صاحب المحل وايد محترم واسعاره حلوه

وكل شي عند\ه تدرين اللي كلفني 25الف ريال في كريستال هو عنده ب8300 بس ولا بعد اغراض اكثر في اشياء ماقدرت احجزها عند كريستال وطلع 25 الف هو كل شي كل شي ب 8300


روحي وشوفي

وبالنسبه لاحلام وذكريات قال لي الالبوم ب15 الف :(

السلام عليكم ورحمة الله وبركاته ..

شخباركم يا بنوتات ..


احلام صغيرة ..
لا تحاتين .. وان شاء الله كل شي بيكون اوكي ..
انتي بس لا تخلين الادعية والقران .. والمعوذات وكل شي بيكون تمام :)

وفستانج ان شاء الله انه بيطلع حلو .. وشناطج خلصيهم من اللحين عشان ما تتوترين عقب


قطر ..
انا جربتها مرة قبل وكانت تفرك بس مب نفس الحمام المغربي عشان جي قلت باسوي عشان اضمن ان جسمي يكون نظيف
انزين انا باحف ويهي في اليوم اللي بتجيني فيه سميرة الصبح
شرايج يعني ااجل لانها ما بتسوي لي شي بويهي اذا كنت حافته ..
عموما انا عندي معاها جلسة اخر الاسبوع وباشوفها :)
وحفها شلون .. وحدة من البنات قالت ان شغلها مب نظيف ..

شموخ عنادي ..
اتصلي بكيوتل وعادي بيعطونج الرقم _ ما خزنت الرقم عندي _
تينن هل الاغنية .. خخخخ كله اتخيل ريلي يركض عشان يوصل الكوشة عليها .. خخخ مدري ليش كل الريايل يمشون بسرعة

العنود ..
لا تحاتين وخلج كووول وكل شي بيصير اوكي ان شاء الله :)

بنت الغالي ..
تروحين وتردين بالسلامة ..
ههههه وترى انا اللي باعرس 29\7

اممممممم سؤال اذا ما لقيتي انترنت من اللي بيفتح الجزء الجاي ؟؟

عروسة فتفوتة ..
اليوم عرسج :) الله يوفقج يا رب ويطلع كل شي نفس ما تبينه

ام شيوخ ..
هلا بالغالية .. تصدقين اليوم قمت من الصبح وانتي في بالي :)
من زمان ما كلمتج بس مشغولة حدي هل الايام

حلا قطر ..
لا توصين حريص ان شاء الله الكل بيدعيلج :)
وبالتوفيق ان شاء الله :)

خواطر غلا ..
عادي اللي تحبينه بس انا اكثر شي اشوفه اغنية

نور الدوحة :)
انا من زمان اسمع عن الدانة بس اعتقد ان المحل مسكر
اذا ممكن تطرشين لي رقمهم ؟

ودوحانية ما قصرت في الاشياء اللي تحجزينها



دوحانية ..
عندج اون لاين للتصوير كذا مرة اشوف شغلة فيديو وكان حلو ..
حتى استغربت انهم جايبينه في عرس شيوخ

والوان الخليج بعد
بس كريستال انا شفته وما عجبني


الخبر الللي عن ماسيس صدمة بصراحة انا ما تعاملت وياه بس شكله كان طيب مب مال هل السوالف !!!

ان شاء الله تكون اشاعة


انزين سؤالي لكم
انا خلصت تجهيز الشنط خلاص بس متوهقة بالجواتي _ عزكم الله _ والشنط شلون ارتبهم .. اشيلهم من كراتينهم ولا احطهم نفس ما هم .؟؟ اللي عندها طريقة حلوة ومرتبه لترتيبهم يا ريت ترد علي :)

دوحانية:
بنات ..

عندي خبر لكن مب متأكدة منه و لا أحط في ذمتي بصراحة ..

توه واصلني خبر مفاده .. إن ((( رافي ))) <<-- صاحب ماسيس .. شااااارد بفلوس الناس !!

فاللي حاجزة عند ماسيس تتصل و تتأكد ..

** أمس أنا مارة صوب ماسيس على الساعة 8 و كان مسكر ..!!!!

@@ أنا قلت الخبر وصلني .. و ما أحط في ذمتي .. لحد يدعي علي !!!

دوحانية
ان شاء الله هالكلام اشاعه

لان ماسييس تصكر 21/6 وعرسنا كان 22/6 وسوو شغلهم في العرس و كان اوكي

بس شكله تسكر بسبة اكله ......... الله ستر على معازيمنا ماصار فيهم شي بسبة اكله:dd:

شموخ عنادي ..
شالاشياء اللي خذتيها من كانيل ..

دوحانيه :

على ايام عرسي من سنتين ونص ، كنت ماخذه الفيديو من الكريستال واللي خلاني اخذ منهم أن اولان الخليج قالوا لي اذا تبين مونتاج وحركات وصور فراشات وشلالات تطلع فالفيدو لازم نخلي الشريط اسبوع فالمحل ونشتغل عليه ، بس كريستال قالوا لي نسلمه لج في نفس اليوم ونعطيه للعروس باليد وفيه كل شي .

عشان جذي توكلت على الله وخذت عندهم

وذاك الوقت كانت الكاميرا الوحده ب1800 والكيمرتين بعد ب1800 فقلت دام نفس السعر خذت ثنتيين وبعدين احسن وحده ثابته تكون موجود على اول القاعه تستقبلج وقت الدخله ووحده متحركه .

انا اشوف ثنتيين احسن عشان مايبين الاهتزاز وحركة المصوره ومشيها وهي تصور .

بس كنت أشوف التصوير حلووو مقارنه مع تصوير وحده كانت معرسه قبلي ومسويه عندهم .

وشوفي الدانه اللي قالوا عنه البنات .

كلاسيك :
والله مادري شوفي كلميهم وشوفي شلون ن وعن حف الوجه ماجربته لاني ماكنت ناويه احف بس هي فرت راسي وقالت بما ان مافي وقت لازم اشقره لانه بيصير مب حلوو مع التصوير والميك اب .